တရားချင်းပြိုင်မလား ဓါးချင်းဆိုင်မလား (ကားမောင်းနေသူများ ဖတ်ထားသင်.သော စာတစ်ပုဒ်)

 ရုံးပိတ်ရက် နေ့တစ်နေ့ပေါ့။ မနက် ၈နာရီကျော်အချိန် အထက်ပန်းဆိုးတန်းလမ်းကနေ မြို့တွင်းကို မှန်မှန်မောင်းလာခိုက်မှာ အနောက်က ကားတစ်စီးက မီးထိုးပြ ဟွန်းတီးပြီး လမ်းဖယ်ခိုင်းသလို မောင်းလာပါတယ်။ လမ်းဖယ်စရာမလိုတဲ့ ယာဉ်ကြော ၂လမ်းမို့ ကိုယ့်လမ်းကြောအတိုင်းမောင်းရာမှာ ကိုယ့် ညာဘက်ကနေ ကျော်တက်ပြီး ကိုယ့်ယာဉ်ကြောထဲကို သူ့ကားဖင်နဲ့ တိုက်မိအောင် တိုးဝင်မောင်းလာပါတယ်။ အရှိန်သတ် ရှောင်လိုက်ချိန် ပန်းဆိုးတန်း ကုန်းတံတားအဆင်းမှာတော့ အဲဒီကားဟာ အရှိန်လျှော့ပြီး စောင့်မောင်းနေပြန်ပါတယ်။ “လိုက်လာခဲ့ … ကျော်တက်ရင် ဖင်နဲ့ရိုက်ဦးမယ်” ဆိုတဲ့ သူ့အတွေးကို သိလို့ သတိထား မောင်းပါတယ်။ ရမ်းကားစွာ မောင်းပြီးတဲ့အပြင် အလွန် မိုက်ရိုင်းတဲ့ စိန်ခေါ်မှုပါပဲ.။ ဒီလိုနဲ့ ပန်းဆိုးတန်း-မဟာဗန္ဓုလလမ်း မီးပွိုင့်မှ မီးနီနေတာမို့ ကိုယ်က ဘယ်အစွန်ဆုံး- သူက အလယ်ယာဉ်ကြောမှာ ရပ်မိကြတယ်။ ညာဘက်အစွန်ဆုံးယာဉ်ကြောမှာလဲ မီးနီမိလို့ ရပ်နေတဲ့ယာဉ်တွေ လမ်းဘေးလက်ဖက်ရည်ဆိုင်က ချထားတဲ့ ထိုင်ခုံတွေနဲ့ သိပ်တော့မရှင်းလှဘူးပေါ့။
ဒီလို ရမ်းကားမှုနဲ့ မိုက်ရိုင်းမှုကို ကားမောင်းနေစဉ် မကြာခဏ ကြုံဖူးကြမှာပါ။
ကိုင်း.. တရားချင်းပြိုင်မလား ဓါးချင်းဆိုင်မလား..

ဒီလိုအဖြစ်မျိုး မကြာမကြာ ကြုံတဲ့အခါ ဒေါသသင့်ရတာမို့ ယာဉ်ထိန်းဌာနက မိတ်ဆွေများကို ပြောပြမိပါတယ်။ ကိုယ့်ထက်အသက်ငယ်တဲ့ တပ်ကြပ်အဆင့် မိတ်ဆွေပြောသွားတာက အတော်လေး ပညာရပါတယ်။
“ဒီလိုရမ်းကားတဲ့အခါ ကားဖင်နဲ့ရိုက်သူက အမှားပါ။ ဆရာက ရှောင်လိုက်တော့ မတိုက်မိဘူး။ ဒါပေမယ့် စိတ်မထိန်းနိုင်လို့ ပြန်ကျော်တက်ပြီး သူ့ကားကို ဖင်နဲ့ ပြန်ရိုက်တာ လုပ်ချင်နေတယ်မဟုတ်လား။ အဲဒီအခါ သူက မရှောင်လို့ ယာဉ်တိုက်မှု ဖြစ်ရင် ဆရာ့အမှားဖြစ်တာမို့ အမှုဖြစ်ရင် ဆရာရှုံးမယ်. လျှော်ရမယ်။ ရုံးရောက်တဲ့အခါ သိက္ခာကို ချပြီး တောင်းပန်ရဦးမယ်။ သွားမလုပ်နဲ့ဆရာ။ သူက ရွံ့ပေနေတဲ့လူ ဆရာက ဝတ်ကောင်းစားလှ ဝတ်ထားသူ။ အမိုက်ခံပြီး ဖက်မလုံးသင့်ဘူး။ သူက အလုပ်တစ်ရက်ပျက်ရင် အလွန်ဆုံး ဝင်ငွေထိခိုက်လှ တစ်သောင်းပေါ့။ ဆရာတစ်ရက်အလုပ်ပျက်ရင် ဝင်ငွေ ဘယ်လောက်ထိခိုက်တယ်ဆိုတာ ဆရာအသိဆုံးပါ။သိပ်ပြီး စိတ်ဆိုးရင်တော့ ကားနံပါတ်မှတ်ပြီး တိုင်စာဌာနကို စာရေးတိုင်လိုက်ပါ။ အရေးယူပေးပါတယ်..”…တဲ့။
မှတ်သားလောက်တဲ့ လက်တွေ့ကျတဲ့ ကျေးဇူးတင်စရာ တန်ဖိုးရှိတဲ့ စကားပါ။

ဒါကြောင့်မို့ မြို့တွင်းမှာ မောင်းတဲ့အခါ တတ်နိုင်သမျှ မိမိယာဉ်ကြောအတွင်းမှာ သတိထားမောင်းပါတယ်။ ထိခိုက်မိလို့ ပေကြိုးတိုင်းတဲ့အခါ ကိုယ်က လမ်းမှန်ထဲမှာ ရှိနေဖို့ လိုတယ်မဟုတ်ပါလား။

ပထမအကြိမ်
အနော်ရထာလမ်းအတိုင်း အလယ်ယာဉ်ကြောက မောင်းလာစဉ် ကုန်ဈေးတန်းအရောက် ကိုယ့်ညာဘက်အနောက်က အငှားယာဉ်တစ်စီးက ကျော်တက်ပါတယ်။ သူ့ယာဉ်ကြောမှာဘတ်စကားပိတ်နေတာမို့ အတင်းဖြတ်ဝင်ပြီး ကိုယ့်ဘယ်ဘက်ယာဉ်ကြောကို ကန့်လန့်ဖြတ် ဝင်ပါတယ်။ ရှောင်ပေးလိုက်လို့ မတိုက်မိပေမယ့် မဆင်မခြင် ရမ်းကားမှုအတွက် မကျေနပ်ပါ။ မီးပွိုင့်မိနေစဉ် လှမ်းပြောတဲ့အခါ မိုက်ရိုင်းတဲ့စကားကို ဆိုပါတယ်။
နေ့စွဲ. အချိန်. နေရာ ယာဉ်အမှတ် ယာဉ်အမျိုးအစားနဲ့ မြေပုံဆွဲပြီး ကိုယ့်အမည် မှတ်ပုံတင် နေရပ်လိပ်စာ အပြည့်အစုံနဲ့ တိုင်စာပို့ပါတယ်။ တစ်ရက်တော့ ယာဉ်ထိန်းဌာနက ဖုန်းဆက်လာပါတယ်။ တိုင်ထားတဲ့ကားကို ဆင့်ခေါ်ထားလို့ ရောက်နေကြောင်းနဲ့ တတ်နိုင်ရင် လာတွေ့ဖို့ပါ။
“ကျွန်တော်တိုင်ကြားတဲ့အတိုင်း ယာဉ်အမျိုးအစားနဲ့ အရောင်ကအစ ကားမှာ ကပ်ထားတဲ့ sticker ဟုတ်မဟုတ် စစ်ဆေးကြည့်ဖို့။ ဆရာဝန်တစ်ယောက်အနေနဲ့ မဟုတ်မမှန် လီဆယ်တိုင်ကြားဖို့ အကြောင်းမရှိကြောင်း ။ လာရောက် ဖြေရှင်းဖို့ မိမိဘက်က အကြောင်းမရှိကြောင်း ” ပြန်ပြောရပါတယ်။ ဒီအခါ အရာရှိက လက်ခံပြီး လာရောက်ဖို့ မလိုကြောင်းနဲ့ အရေးယူပေးပါ့မယ်လို့ ဆိုပါတယ်။
တစ်ရက်တော့ အိမ်ကို ဌာနက စာတစ်စောင်ရောက်လာပါတယ်။
လူကြီးမင်းတိုင်ကြားစာအရ. ယာဉ်မောင်းအမည်. အဘ မှတ်ပုံတင်အမှတ် လိုင်စင်အမှတ်ကို ဖမ်းဆီးပြီး တရားရုံးကို ပြစ်မှုအမှတ် (-- + -- + -- )နဲ့ ချိုးဖောက်ခဲ့တဲ့ ပုဒ်မ၃မှုနဲ့ စွဲဆိုကြောင်း။ တရားသူကြီးက အမှုတစ်မှုချင်းအတွက် ဘယ်လို ပြစ်ဒါဏ်ချမှတ်ကြောင်း။ တရားခံက ဘယ်လို ပြစ်ဒါဏ်ကျခံခဲ့ကြောင်း အကြောင်းပြန်တဲ့စာပါ။ မဆင်မခြင်ရမ်းကားစွာ မောင်းနှင်မှု၊ taxi ဆိုင်းဘုတ် မတတ်ထားမှု (ကိုယ်က ဖြစ်စဉ်အသေးစိတ် ဖော်ပြခဲ့တာမို့) နဲ့ မခြေမငံ ဆက်ဆံမှု လို့ပဲ အကြမ်းဖျင်း မှတ်မိပါတော့တယ်။
တရားချင်းဆိုင်ခဲ့တဲ့ အဖြစ်ပေါ့။

ဒုတိယအကြိမ်

အနော်ရထာလမ်းအတိုင်း အလယ်ဆုံးယာဉ်ကြောက မောင်းလာစဉ်မှာပဲ ဗိုလ်မြတ်ထွန်းအလွန်မှာ ညာဘက်ကအတင်း ကျော်တက် ကိုယ့်ယာဉ်ကြောထဲ ဖင်နဲ့ရိုက်ဝင်လာ. ရှောင်ပေးလို့ မထိတော့ “လာခဲ့ ဖင်နဲ့ထပ်ရိုက်ဦးမယ်” ဆိုတဲ့သဘောနဲ့ စောင့်မောင်းနေတဲ့ ယာဉ်တစ်စီး ထပ်ကြုံပါတယ်.။ အနော်ရထာ သိမ်ဖြူမီးပွိုင့်မှာ မီးနီတော့ ရှေ့နောက်ရပ်လိုက်ပါတယ်။ ကားတံခါးဖွင့်ဆင်းပြီး အဲဒီယာဉ်မောင်းကို သူ့တံခါးချက်လှမ်းပိတ်ပြီး ပြူတင်းပေါက်ကနေ လည်ပင်းအင်္ကျီစဆွဲကိုင်ထားလိုက်တဲ့အခါ.အဲဒီယာဉ်မောင်းဟာ မျက်နှာအပျက်ပျက်နဲ့ အတော်လေး လန့်နေပါပြီ။ ကားချင်းတိုက်ရအောင် ရမ်းကားချင်တဲ့သူဟာ တကယ်လက်တွေ့ ဆင်းပြီး ရင်ဆိုင်တော့ အလကားသတ္တိမရှိတဲ့လူကြောက်တစ်ယောက်။ အကျယ်အကျယ် မဖြစ်ချင်လို့ ပက်ပက်စက်စက် အားရအောင် ပြောလိုက်ပါတယ်။
ဓါးချင်းပြိုင်ခဲ့တဲ့ အဖြစ်ပေါ့။

တတိယအကြိမ်
ကိုယ်ပိုင်ကားနဲ့ သက်တောင့်သက်သာ သွားလာချိန်မှာ ခရီးသည်တွေနဲ့ ဘတ်စကားတွေ လမ်းသွယ်ဝင်မယ့် လမ်းသွယ်က ထွက်ရခက်နေတဲ့ကားတွေကို တတ်နိုင်သလောက်ဦးစားပေးပါတယ်။ ကိုယ့်အတွက် အချိန်အနည်းငယ်ကုန်ပေမယ့် အိမ်ပြန်မယ့် ခရီးသည်အများကို စာနာလို့ပါပဲ။ မှတ်တိုင်ပေါင်းများစွာ ခဏခဏ ရပ်ပြီး အိပ်ပြန်ရောက်ချိန် နောက်ကျမှာကို ကိုယ်ချင်းစာလို့ပါ။ ဒါပေမယ့် တစ်ခါမှာတော့
မဟာဗန္ဓုလလမ်းအတိုင်း အလယ်ယာဉ်ကြောက မောင်းလာချိန်မှာ ဗိုလ်အောင်ကျော်လမ်းအလွန် ညာဘက်က ဘတ်စ်ကားတစ်စီး ဘယ်ဘက်ကို အတင်းဝင်လို့ ဘယ်အစွန်ဆုံးကို ဖြတ်ထွက်ပါတယ်။ ကိုယ့်ဘယ်ဘက်က ကားတစ်စီးကိုပါ တွန်းထည့်သွားတယ် ဆိုပါတော့.။ အလွန့်ကို ရမ်းကားစွာ မောင်းတာပါပဲ။ လက်ကလေး တစ်ချက် ထောင်ပြလိုက်ရင်တောင် စိတ်မဆိုးပါဘူး။ ဒီလိုနဲ့ သိမ်ဖြူလမ်းပေါ် ချိုးတက်သွားလိုက်တာ သိမ်ဖြူ ဗိုလ်ချုပ်မီးပွိုင့်ကို ဝင်ပါတော့မယ်။ အရှိန်လျှော့တဲ့အခါ ကိုယ့်ကားကို အဲဒီကားရှေ့ ကန့်လန့်ထိုးပြီး မီးပွိုင့်တာဝန်ကျ ယာဉ်ထိန်းရဲဘော်ကို လှမ်းခေါ်ရပါတယ်။ ရမ်းကားစွာ မောင်းတဲ့အကြောင်း ပြောပြပြီး ဖမ်းခိုင်းလိုက်ပါတယ်။ ရဲဘော်လေးက ဘတ်စကားကို သိမ်ဖြူ ကျန်းမာရေးရုံးရှေ့ ရပ်ခိုင်းပြီး အရေးယူပါတယ်။ ကိုယ့်မျက်ကွယ် လွှတ်မပေးနိုင်အောင် “တကယ်ဖမ်းမဖမ်း ရဲမှူးကို စုံစမ်းမယ်” လို့ ပြောခဲ့ပါတယ်။ တကယ်လည်း အရေးယူခံရပါတယ်။
တရားချင်းဆိုင်တဲ့ နောက်ထပ်အဖြစ်တစ်ခုပေါ့။

ဒီလိုပါပဲ. ကားကို ဖင်နဲ့ရိုက်သွားတဲ့ အငှားကားတစ်စီးကို ပိတ်မိတဲ့အခါ “မင်းကို တိုင်ကြားပြီး အရေးယူနိုင်တယ်” လို့ ပြောတော့ “နံမည်လေးပါ မှတ်သွားဦး” ဆိုပြီး သရော်ပါတယ်။ ယာဉ်ထိန်းဌာနကို အကြောင်းကြားတဲ့အခါ “ဆရာ့ကို ဒီလိုပြောသလား သေသေချာချာ ဖမ်းပေးပါမယ်” ဆိုပြီး အရေးယူပေးပါတယ်။ အဲဒီယာဉ်မောင်းဟာ လမ်းပေါ်က ကားအချင်းချင်း တိုင်ကြားလို့ မရနိုင်ဘူး ထင်နေပါတယ်။ ဒီလို တိုင်ကြားလာရင် အရေးယူခံရနိုင်တယ်ဆိုတဲ့ အသိတရားတောင် မရှိရှာဘူး။ ဒီလိုလူတွေ များပါတယ်။

ကိုင်း မူရင်းဇာတ်လမ်း ပြန်ဆက်ရအောင်..
မီးပွိုင့်မှာ မိနေတဲ့အခါ ကားတံခါး ဖွင့်ပြီး ဆင်းပါတယ်။ တံခါးဖွင့်ဆင်းလာတာမြင်တာနဲ့ ညာအစွန် ယာဉ်ကြောကို ထိုးဝင်ပြီး မောင်းပြေးဖို့ ကြိုးစားပါတယ်။ ပိတ်ဆို့နေလို့ မထွက်နိုင်ချိန်မှာ လည်ပင်းအင်္ကျီစ ဆွဲထားတဲ့အခါ ကြောက်နေပါပြီ။ စိတ်ကြိုက် ပြောဆိုကြိမ်းမောင်းပြီးတဲ့အခါ ကားနောက်ပိုင်းကို လက်နဲ့ ထုပစ်လိုက်ပါတယ်။ ဆက်ပြီးလုပ်နေရင် နောက်ထပ် အရေးအခင်းတစ်ခုနဲ့ မီးရှို့တာတွေ ဖြစ်မလားပါပဲ။ အကျယ်အကျယ် မဖြစ်ချင်လို့ ရပ်တန်းက ရပ်လိုက်ပါတယ်။
ဒီလို မဆင်မခြင် ရမ်းကားစွာ မောင်းတာတွေကို အချက်အလက် အပြည့်အစုံနဲ့ တိုင်ကြားပေးခြင်းအားဖြင့် ယာဉ်စည်းကမ်း လမ်းစည်းကမ်းကို ကူပြီး ထိန်းပေးရာ ရောက်လေမလားလို့ တွေးမိတယ်။
မိတ်ဆွေတွေအနေနဲ့ ဒီလို အဖြစ်မျိုးနဲ့ ကြုံရင် “တရားချင်းဆိုင်မလား ဓါးချင်းပြိုင်မလား” သိချင်မိတယ်။
“မိမိယာဉ်ကြောမျဉ်းအတွင်းမှာ သတိထားမောင်းရင်းနဲ့ ရမ်းကားလာရင် တရားချင်းဆိုင်တာ အကောင်းဆုံးပါပဲ” လို့ ဆိုပါရစေ။

Written by Maung Maung Myint @ Facebook