လွန်ခဲ့သည့်နှစ်ပေါင်း ၄၀ ကျော် ၅၀ ကျော်လောက်က မြန်မာပြည်
မြစ်ဝကျွန်းပေါ်ဒေသတွင် အုတ်အော်သောင်းနင်း ပေါ်ပေါက်ခဲ့သည်ကို
သတိရမိပါသေး
သည်။ လယ်သမားကြီးတစ်ဦးဖြစ်သူ ကိုဘမောင်နှင့် မမယ်ရီတို့၏သား အသက်အရွယ်
အားဖြင့် ၄ နှစ်အရွယ်သာရှိသော မောင်ထွန်းကြိုင်ကလေးသည် ဗုဒ္ဓ၏ပိဋကသုံးပုံကို
အာဂုံ ပြန်နိုင်သည်ဟုဆိုကာ ကျိုက်လတ်၊ ဖျာပုံ၊ မအူပင်၊ ညောင်တုံး အစရှိသည့်
မြို့နယ်အသီးသီးတို့တွင်လည်းကောင်း၊ ရန်ကုန်မြို့ရှိ အချို့ရပ်ကွက်တို့တွင်လည်းကောင်း၊
တရားပွဲကြီးများကျင်းပကာ ဟောပြခဲ့ဘူးကြောင်း၊ တိပိဋကဓရယွန်းကျောင်းကြီး
ဆရာတော် ပျံလွန်တော်မူ၍ ၀င်စားသောကလေးဖြစ်သည်ဟု ကောလဟာသတင်း
ဖြစ်ဖူးပါသည်။
မောင်ထွန်းကြိုင်နှင့် အဖွဲ့သည် မန္တလေး၊ ဗန်းမော်နှင့် အခြားအထက်မြန်မာပြည်
အရပ်ရပ်သို့လှည့်လည်၍ ဗုဒ္ဓတရားတော်များကို ဟောကြားခဲ့ပါသည်။ သူဟောသော
တရားများသည် အလွန်စိတ်ဝင်စားစရာကောင်းသဖြင့် လူများထောင်နှင့်ချီပြီး
တက်ရောက်နာကြားကြပါသည်။ တခါတစ်ပါး၌ တရားနာပရိတ်သတ် အလွန့်အလွန်များ
သောကြောင့် တရားပွဲကျင်းပစဉ် ဘုန်းတော်ကြီးကျောင်းဟာ ပြိုကျသွားပါသည်။
ကံကောင်းထောက်မသဖြင့် လူတစ်ဦးတစ်ယောက်မျှ သေကြေပျက်စီးခြင်းမရှိပါ။
တဖြေးဖြေးကျော်ကြားလာသည့် မောင်ထွန်းကြိုင်သတင်းသည် မကြာမီ မြန်မာပြည်
ဘုရင်ခံဟောင်းဖြစ်သူ ဆာဟာကုတ်ဘတ်တလာထံ ရောက်သွားပါတော့သည်။
ဆာဟာကုတ်ဘတ်တလာသည် မိမိကြားရှိသည့်သတင်းအတိုင်း မောင်ထွန်းကြိုင်ကလေး
သည် တကယ်ထူးဆန်းအံ့သြဖွယ် မှန်သည် မမှန်သည်ကို ကိုယ်တိုင်သိရစေခြင်းငှာ
မောင်ထွန်းကြိုင်ကို နွေရာသီ မိမိစံမြန်းသည့် မေမြို့ရှိ ဘုရင်ခံအိမ်တော်သို့ ဖိတ်ခေါ်လိုက်
၏။ မောင်ထွန်းကြိုင်သည် မိမိဂုဏ်ကျက်သရေကို ချီးကျူးလောက်ရုံတွင်မက၊
အလွန်တရာခက်ခဲနက်နဲသော ဗုဒ္ဓဘာသာကျမ်းဂန်များကို ကျွမ်းကျင်နိုင်နင်းစွာ ရှင်းလင်း
ပြတ်သားစွာ ဟောပြောပြသနိုင်ပေသည်။ ဘုရင်ခံမင်းကြီးလည်း အလွန်နှစ်သက်
အားရတော်မူ၍ သကြားလုံးတစ်ဘူးနှင့် ငွေဒင်္ဂါး ၁၀၀တန် ငွေစက်္ကူတစ်ချပ်
မောင်ထွန်းကြိုင်သို့ ဆုချီးမြှင့်ပါသည်။ မောင်ထွန်းကြိုင်က ငွေ ၁၀၀ တန်စက်္ကူ
တစ်ချပ်ကို လက်မခံဘဲ သကြားလုံးကိုသာ ယူပါသည်။ သူ့ကိုယ်သူ အတိတ်ဘ၀မှာကဲ့သို့
ရဟန်းပဲဟု ထင်ကောင်းထင်နေမည်။ မောင်ထွန်းကြိုင်ကလည်း ဘုရင်ခံမင်းကြီးအား
လက်ဆောင်တုံ့ပြန်လိုပါသည်။ ထိုအခါ သူ့မှာ ကိုယ်ပိုင်ပစ္စည်းဟူ၍ ပုတီးတစ်ကုံး
သာရှိသောကြောင့် ၎င်းစိတ်ပုတီးကိုပင် ဘုရင်ခံမင်းကြီးအား ပေးအပ်လိုက်တော့၏။
ဒီပုတီးကို ဘယ်လိုအသုံးချရမလဲဟု ဘုရင်ခံမင်းကြီးကမေးရာ မောင်ထွန်း
ကြိုင်က အနိစ္စ၊ ဒုက္ခ၊ အနတ္တ၊ လက္ခဏာသုံးပါးတင်ပြီး ကမ္မဋ္ဌာန်းဘာဝနာ
ပွားရပါမည်ဟု အကျယ်တ၀င့် ရှင်းလင်းပြောပြပါသည်။
တတ်ကျွမ်းသူ မည်သူတစ်ဦးတစ်ယောက်မျှ သင်ပေးထားခြင်းမရှိဘဲ၊ ဤမျှ
ငယ်ရွယ်သူ လေးနှစ်သားကလေးနှုတ်မှ အလွန်အဓိပ္ပါယ်လေးနက်သည့် စကားလုံးများ
ကို ဘုရင်ခံမင်းကြီး ကြားရရာ အလွန်ပီတိသောမနဿဖြစ်တော့၏။ အရွယ်နှင့်မလိုက်
အောင် မောင်ထွန်းကြိုင်သည် မိမိ၏ ဖြူစင်သော စိတ်သဘောအတိုင်း ယုံကြည်ချက်
အပြည့်အ၀ဖြင့် ပြောပြရာ ဘုရင်ခံကြီး ဆာဟာကုတ်ဘတ်တလာသည် အတော်နှစ်ခြိုက်
သဘောကျသွားကြောင်း သူ၏ထုတ်ဖေါ်မိန့်ကြားချက်အရ သိရပါသည်။ ဘုရင်ခံမင်း
ကြီးက မောင်ထွန်းကြိုင်အား မြန်မာနိုင်ငံအတွင်းရှိသော အကျဉ်းသမားများအပါအ၀င်
လူထုသို့ အနှံ့အပြားလိုက်လံဟောပြောရန် တောင်းဆိုရာတွင် သင်ကဲ့သို့ မည်သူတစ်ဦး
တစ်ယောက်မျှ လူထု၏ စိတ်နှလုံးကို သိမ်းကျူံးဆွဲငင်နိုင်မည်မဟုတ်ဟု မှတ်ချက်ချ
လိုက်၏။
အောက်ပါကောက်နှုတ်ချက်သည် ၁၉၆၀ ခုနှစ် မေလအတွင်း ထုတ်ဝေသော
ဗုဒ္ဓရောင်ခြည်မဂ္ဂဇင်း အတွဲ ၅ အမှတ် ၅ ခေါင်းကြီးပိုင်းမှ ဖြစ်ပါသည်။
မြန်မာပြည်တွင် ၁၉၂၀ ခုနှစ်လောက်၌ မောင်ထွန်းကြိုင်အမည်ရှိ အံ့သြဖွယ်
ကောင်းသော လူငယ်လေးတစ်ဦး ဖျာပုံခရိုင်အတွင်း ပေါ်ပေါက်ခဲ့ပါ၏။ အသက်ခြောက်နှစ်
အရွယ်၌ နိုင်ငံကျော် ဓမ္မကထိကအဖြစ် အနှံ့အပြား လိုက်လံဟောပြော၏။ အတိတ်ဘ၀၌
ပန်းတနော်မြို့နယ်တွင် ဦးပဏ္ဏိစ္စဆိုသည့် ဘွဲ့အမည်ဖြင့် ရဟန်းဖြစ်ခဲ့သည်ဟု သူကိုယ်
တိုင်ပြောပြ၏။ သူ့ကို အံ့သြဖွယ်ကောင်းသည်မှာ သင်ကြားလေ့ကျင့်ခြင်း
မရှိဘဲ ဝေသန္တရာဇာတ်တော်ကဲ့သို့ အထက်တန်းမြန်မာစာပေကျမ်းဂန်ကို ဘယ်ပြန်
ညာပြန်ဖတ်နိုင်၍ မြန်မာနိုင်ငံ ဘုရင်ခံဟောင်း ဆာဟုကုတ်ဘတ်တလာ၏ အစိုးရအိမ်
တော်တွင် ကမ္မ၀ါ ဗုဒ္ဓကျမ်းစာကို အလွတ်အာဂုံပြန်ပြပါသည်။ ၁၉၇၁၊ ၇၂ နှစ်ပိုင်း
လောက်တွင် အမေရိကန်ပြည် ဗာဂျီးနီးယားတက်္ကသိုလ် စိတ္တဇဗေဒ ပါရဂူ ဒေါက်တာ
စတီဗင်ဆင်၏ မြန်မာနိုင်ငံကိုယ်စားလှယ်တော်ကြီး ဦးဝင်းမောင်က ဆက်လက်၍
မောင်ထွန်းကြိုင်အကြောင်းစုံစမ်းကြည့်ရာ အဆိုပါ လူထူးလူဆန်းကလေးသည် ၎င်း၏
အံ့သြဖွယ်ရာ စွမ်းအင်လက္ခဏာများနှင့်တကွ ကျော်ဇောထင်ရှားသည့် နောက်ပိုင်း
လေးငါးနှစ်အကြာတွင် မှေးမှိန်ပျောက်ကွယ်သွားကြောင်း သိရပါသည်။
satekuupuyar.blogspot.com
No comments:
Post a Comment