Thursday, December 27, 2012

မြတ်သောဆရာ...သူလိုဆရာ @ ဒေါ်မာဂရက်

ဝါးခယ်မ အနောက်ပိုင်း ကျောင်းကြီးဆရာကန်တော.ပွဲ ကျင်းပရန် ၃ ရက်ခန်.သာ လိုတော.သည်မို. ကျောင်းနှင်.ပတ်သက်သော ..ဆရာ/ဆရာမများနှင်.ပတ်သက်သော Post များရှာဖွေရွေးတင်ပေးခြင်းဖြစ်ပါသည် 


ဆရာမဒေါ်မာဂရက် ဆိုရင်ကျမတို့မြို့လေးက လူတိုင်းသိကြပါတယ်။အလွန်ရိုးသားတဲ့ Baptist ဘာသာဝင် ကရင်လူမျိုး အပျိုကြီးပါ။အရပ်မြင့်မြင့် ၊တစ်ခေါင်းလုံးဖြူနေတဲ့ဆံပင်တွေကို သပ်သပ်ရပ်ရပ် ထုံးဖွဲ့၊အမြဲတမ်း အ၀တ်အစားလည်း သန့်သန့်ပြန့်ပြန့်နဲ့ ရုပ်ချောတဲ့ ဆရာမဖြစ်ပါတယ်။
(ဒီလောက်ရုပ်ချော သဘောကောင်းတဲ့ ဆရာမ ဘာလို့ အပျိုကြီး ဖြစ်နေလဲဆိုတာ ငယ်ငယ်တုံးက သဘောမပေါက်ခဲ့ပါဘူး။)
စာသင်တာလည်း အလွန်ကောင်း၊စိတ်လည်းရှည်၊ကျောင်းသားတွေကိုလည်းချစ် ၊ကျောင်းသားတိုင်းကလည်း ချစ်တဲ့ ဆရာမပါ။
ဆရာမသက်တမ်းအလွန်ရှည်တော့ တစ်မြို့လုံး ဆရာမတပည့်တွေချည်းပါပဲ။အားလုံးကိုလည်း နာမည်နဲ့ တကွမှတ်မိသူဖြစ်ပါတယ်။
သတ္တမတန်း “A” ခန်းရဲ့ အတန်းပိုင်ဆရာမအဖြစ်နဲ့ အင်္ဂလိပ်စာ သင်ကြားခြင်းမှာ တစ်သက်တာလုံး မြှုပ်နှံသွားသူပါ။
ကျမတို့ခေတ်က ၅တန်းရောက်မှ အင်္ဂလိပ်စာ စသင်ရပါတယ်။ ကျူရှင်တွေလည်း မတက်ချင်တဲ့ ကျမ ၅ တန်းအတက်မှာ အင်္ဂလိပ်စာ အခက်အခဲနဲ့ စတွေ့တော့တာပါဘဲ။
၎ တန်းအောင်ပြီး နွေရာသီ ကျောင်းပိတ်တုံးမှာ ကျူရှင်ယူထားကြတဲ့ သူငယ်ချင်းတွေက “This is a book” တို့ “Please sit down” တို့ ဆိုတာတွေကို
၅ တန်း အင်္ဂလိပ်စာ ဆရာမ ဒေါ်မူမူ သင်သလို သွက်သွက်လက်လက် ဆိုနိုင်နေကြပေမယ့် ကျမမှာ ခွေးအကြီး လှည်းနင်းတာမှ ဂိန်ဂိန်အသံထွက်သေး။
ခုတော့ လှည်းကျိုးကြီးကို ခွေးအနင်းသလို အသံတောင် မထွက်တတ်တော့ပါဘူး။
အဲဒီ ၅ တန်းနဲ့ ၆ တန်း ၂နှစ်မှာ အင်္ဂလိပ်စာကို ရေးနိုင် နားလည်နိုင် ဖတ်နိုင်ပေမယ့် ပြောထွက်ဖို့ဆိုတာတော့ တော်တော်ဝန်လေးခဲ့ရပါတယ်။
ကျမတော်တော်လည်း ကြိုးစားခဲ့ရပြီး အခြားဘာသာတွေမှာ အမှတ်ကောင်းလို့သာ ၆ တန်းမှာ တတိယလောက် ချိတ်နိုင်ခဲ့ပါတယ်။
၇ တန်းနှစ်စမှာတော့ အတန်းပိုင်ဆရာမ ဒေါ်မာဂရက် နဲ့ ဆုံစည်းခွင့်ရခဲ့ပါတယ်။ ဆရာမရဲ့ အသံ ချိုချိုအေးအေးလေးရယ်။ စေတနာပါတဲ့ စကားချိုချိုတွေရယ် ၊
ကျောင်းသင်ခန်းစာ သာမက ပြင်ပက အင်္ဂလိပ် စာ ဗဟုသုတလေးတွေရယ်ပါ ညှပ်ပြီးသင်ပေးတဲ့အတွက် အင်္ဂလိပ်စာကို မကြောက်တော့ဘဲ ချစ်လာပါတယ်။
စာကိုလဲချစ် ၊ ဆရာမကိုလည်း ချစ်ပေါ့။ ဆရာမကို ချစ်လို့လည်း သူ့စာကိုပိုကြိုးစားချင်လာတာပါပါတယ်။
ဆရာမက ကျမတို့ကို အင်္ဂလိပ်ကဗျာလေးတွေ ရွတ်ပြတယ်။ ပုံပြင်လေးတွေ ဖတ်ပြပါတယ်။
အင်္ဂလိပ်လို ပုံပြင်လေးတွေပြောပြတဲ့အခါ ဆရာမကို ငေးကြည့်ပြီး သူ့လို သိပ်ပြောတတ်ချင်တာပါပဲ။
ကျမမှတ်မိသလောက် ဆရာမဟာ ရှေးခေတ် ၇ တန်းပဲ အောင်ပါတယ်။ ဒါပေမယ့် သူ့အင်္ဂလိပ်အသံထွက် Pronuncication အလွန်ကောင်းပါတယ်။
သူသင်ပေးခဲ့တဲ့အတွက်လည်း ကျမတို့တောမှာ ကြီးပြင်းရလို့ ငါးပိသံပါပေမယ့် အသံထွက် ဆိုးဆိုးဝါးဝါးတွေ (Purpose ကို ပါးပို့စ် ဆိုတာမျိုးပေါ့) မထွက်မိတော့ပါဘူး။
ကြုံတုံးစာသင်နည်းစနစ်အကြောင်း ပြောရရင် ဆရာမဒေါ်မာဂရက်ရဲ့ သင်နည်းအပြင် ၈ တန်း အင်္ဂလိပ်စာသင်တဲ့ ဆရာမဒေါ်တင့်တင့်ဆိုရင်လည်း
အတန်းထဲမှာ ယောကျာ်းလေး ၊ မိန်းကလေးခွဲပြီး Vocabulary Competition ခေါ်တဲ့ ဝေါဟာရ ဘယ်လောက်ကြွယ်တယ်ဆိုတာ ပြိုင်ခိုင်းပါတယ်။
ဥပမာ Timetable ဆိုတဲ့ စာလုံးရေးပြပြီးရင် ဒီထဲက Word ဘယ် ၂ လုံးပြန်ထွက်မလဲ ဆိုတာမျိုးပေါ့။
Time, Table, Eat, Ate, Mat, Able…..etc များများစဉ်းစားနိုင်တဲ့ အဖွဲ့ကနိုင်ပါတယ်။
အဲဒီလို စာသင်လို့လဲ ကျမတို့ သူငယ်ချင်းတွေ အားလုံး အင်္ဂလိပ်စာသိပ်မညံ့တဲ့ စာရင်းဝင်ကြပါတယ်။
ဆရာမဒေါ်မာဂရက်ကို ဘယ်လောက် ချစ်ခင်ရင်းနှီးကြသလဲဆိုရင် နောက်အတန်းတွေ တက်သွား တာတောင်မှ နွေရာသီစာမေးပွဲနောက်ဆုံးနေ့ ဖြေပြီးရင် 
ဆရာမတို့အိမ်မှာ ပေါက်တဲ့အရွက်တစ်မျိုး (ချေလိုက်ပြီး သူရဲ့အရည် ကို ခွက်ကလေးထဲထည့်ရင် ကျောက်ကျောလို ခဲသွားလို့ ကျောက်ကျောရွက်လို့ ကျမတို့က ခေါ်ပါတယ်။)
အဲဒီ အရွက်တွေသွားခူးပြီး ဆရာမအိမ်မှာဆော့တတ်ကြပါတယ်။
ကျမတို့ တက္ကသိုလ်တက်ချိန်မှာ ဆရာမ သက်ပြည့်ပင်စင်ယူလိုက်ပါတယ်။ ကျမကျောင်းပြီးလို့ မြို့ကိုပြန်ရောက်ချိန်မှာတော့ ဆရာမဟာ သူ့အိမ်မှာ ကလေးငယ်လေးတွေ ကျူရှင်သင်ပေးနေတာ တွေ့ရ ပါတယ်။
ဒါပေမယ့် ယိုယွင်းလာတဲ့ ပညာရေးစနစ်အောက်မှာ အတန်းပိုင်ဆရာမဆီမှာတက်မှ အမှတ်ရတဲ့ ခေတ်ကြီးကို မလွန်ဆန်နိုင်တော့ ဆရာမ ကျူရှင်မှာ ကျောင်းသားတဖြည်းဖြည်း လျော့လာပါတယ်။
ဆရာမဟာ အပျိုကြီးဆိုပေမယ့် သူ့မှာညီမဖြစ်သူ ဆရာမဒေါ်မူမူရဲ့ သားသမီးတွေအတွက် ကူညီတာဝန်ထမ်းရရှာပါတယ်။
အဲဒီတော့ ရတဲ့ပင်စင်လစာလေးနဲ့ မလောက်ငတော့ပါဘူး။ ဖြစ်ချင်တော့ ၀န်ထမ်းတွေလစာတိုးချိန်မှာလည်း သူတို့ပင်စင်လစာတွေက မတိုးတော့ ပိုခက်ခဲနေပါတယ်။
ဆရာမရဲ့ တပည့်ဟောင်းတစ်ချို့က သူတို့သားသမီးတွေ အင်္ဂလိပ်စာ ပိုတော်အောင် အပိုခေါ်သင် ရင်း ဆရာမတို့ကို ထောက်ပံ့ကြပါတယ်။
တစ်ရက်တော့ ဆရာမ ကျမဆီရောက်လာပါတယ်။ လက်ထဲမှာ ပါလာတဲ့ အထုပ်ကလေးကို ဖြည်ပြတော့ ကျောက်နီလက်စွပ်လေးတစ်ကွင်းပါ။ အဲဒါလေးယူပြီး ဆရာမကို ပိုက်ဆံချေးပါတ၊ဲ့ အတိုးလဲ ယူပါတဲ့။
ကျမ တော်တော်စိတ်မကောင်း ဖြစ်သွားပါတယ်။ ဒါပေမယ့် အဲဒီအချိန် အလုပ်မှာ ကျမက ဦးစီးသူ မဟုတ်တော့ ဆရာမကို ရော့ယူသွားလို့ မပေးလိုက်နိုင်ပါဘူး။
ဆရာမရဲ့ လက်စွပ်လေးကိုယူထားပြီး သူလိုသလောက် ပိုက်ဆံချေးပေးလိုက် ရပါတယ်။ လမကြာခင် ဆရာမအဆင်ပြေ ငွေပေါ်သွားလို့ ပြန်လာရွေးတော့မှ အတိုးမယူ ပြန်ပေးလိုက် ရပါတယ်။
ဆရာမကိုလည်း ပွဲရုံကရောင်းတဲ့ ဆီ ၊ ပဲ ၊ ငရုတ် စတဲ့ ဆရာမစားလို့ ရတာတွေကို လာတိုင်း ကန်တော့တဲ့အနေနဲ့ ပေးလိုက်ပါတယ်။
ဆရာမလည်း သိပ်အဆင်မပြေတဲ့အခါတွေမှာသာ ဘုရာ်းကျောင်းက အပြန်လာလာတွေ့ရှာပါတယ်။ ဆရာမကို မြင်ရင် ဆရာမစားလို့ရမှာလေးတွေ ကြုံတိုင်းပေးရုံလောက်ဘဲ ကူညီခဲ့ရပါတယ်။
ကျမ ရန်ကုန်ပြောင်းလာပြီးနောက်ပိုင်း မြို့ကိုပြန်ရင် ဆရာမကို သွားကန်တော့ဖြစ်တဲ့အခါလည်းရှိ သိပ်အလုပ်ကျပ်ရင်တော့ မကန်တော့ဖြစ်ပါဘူး။
မနှစ်ကတော့ သူငယ်ချင်းဆွေဆွေသင်းက ပြောလာပါတယ်။ “ဆရာမဒေါ်မာဂရက်နေမကောင်းဘူး နော် အိပ်ရာထဲ လဲနေပြီတဲ့” ၊
သူတောင် Shine Hope Co ကို လျှောက်လွှာတင်ပေးပြီး ထောက်ပံ့ငွေ တောင်းပေး လိုက်သေးတယ်လို့ သတင်းပေးလာပါတယ်။
အဲဒီနှစ်မြို့ကို အပြန်မှာတော့ ဆရာမဆီသွားဖြစ်အောင် သွားရပါတယ်။ ကျမနဲ့အတူ ဆရာမကို ဆေးအမြဲကုပေးနေတဲ့ အကိုဆရာဝန် ၂ ယောက်သား ဆရာမအိမ်ရောက်သွားတော့
ဆရာမကို အိပ်ရာပေါ်မှာ ပက်လက်လေးတွေ့ရပါတယ်။ အသက် ၉၀ ကျော်ပြီဖြစ်တဲ့ ဆရာမဟာ လူကြီးနာခေါ်တဲ့ တဖြည်းဖြည်း အားအင်ဆုတ်ယုတ် ၊ မှတ်ဉာဏ်ချို့ယွင်းလာတာပါဘဲ။
ဆရာမဒေါ်မူမူက ဒေါက်တာတို့လေ မှတ်မိလားဆိုတော့ ပြုံးပြီးခေါင်းခါပါတယ်။ သူဘယ်သူကိုမှ မမှတ်မိတော့ပါဘူး။ ထမင်းစားပြီးမှန်း မပြီးမှန်းလည်းမသိတော့ပါဘူး။
အိပ်ရာပေါ်လဲနေပေမယ့် ဆရာမမျက်နှာလေးကတော့ ကြည်ကြည်လင်လင်လေးပါဘဲ။ ဆရာမ ပါးစပ်က ပြုံးပြီး လှုပ်လှုပ်လှုပ်လှုပ် ရွတ်နေလို့ ဘာလဲလို့ ကပ်နားထောင်ကြည့်လိုက်တော့ “Always” ပါတဲ့။
အော် မှတ်ဉာဏ်ချို့ယွင်းနေတာတောင် စာသင်နေတုံးပါလား ဆရာမရယ်။
ဆရာမ ၂ ယောက်လုံးကို ပါသွားတဲ့ငွေနဲ့ စားစရာလေးတွေကို အနားချပေးပြီး ကျမတို့ မောင်နှမ ၂ယောက် ကန်တော့ခဲ့တာ ဆရာမဒေါ်မာဂရက်ကို နောက်ဆုံးကန်တော့ခဲ့ခြင်းပါဘဲ။
နောင်ဘယ်တော့မှ ကန်တော့ခွင့်မရနိုင်တော့ပါဘူး။ အခုဆို ဆရာမဆုံးပါးသွားတာ တစ်နှစ်ကျော်ပါပြီ။
ဆရာမသင်ပေးခဲ့တဲ့ အင်္ဂလိပ်စာနဲ့ ကျမ ကမ္ဘာလောကကြီးကို လေ့လာနေရဆဲပါ။
ဆရာမရဲ့ကျေးဇူးကိုလည်း ထိထိရောက်ရောက် မဆပ်နိုင်ခဲ့ပါဘူး။
သက်ရှိထင်ရှားကျန်နေသေးတဲ့ ကျေးဇူးရှင် ဆရာ ဆရာမတွေကိုတော့ မကြာခင်ကျင်းပမယ့် ဆရာကန်တော့ပွဲမှာ ကန်တော့ခွင့်ထပ်ရပါအုံးမယ်။
အားလုံးပဲ ကိုယ်တတ်စွမ်းသ၍ပမာဏနဲ့ ကိုယ့်ကျေးဇူးရှင်ဆရာ ဆရာမများကို သူတို့အသက်ထင်ရှားရှိကြစဉ်မှာ လက်အုပ်ချီကန်တော့ကြပါစို့။

 Written by Padonmar @ http://mandalaygazette.com

No comments:

Post a Comment