စောင်.ကြည်.ရမည်. မေမြတ်နိုး နှင်. ကိုရီးယား Miss Aisa Pacific World 2014 သရဖူ ပြသာနာ ( ၁ )

angharaya.wordpress.com

အရင်ကတော.ပြည်တွင်း လှယဉ်ကျေးမယ်ပြိုင်ပွဲ တွေ လောက်ကနေ နောက်တော. ကာယအလှမယ် ပြိုင်ပွဲ ၊ အဲ့ဒီကနေ ပြည်ပ ပြိုင်ပွဲတွေဆီ အချိန်တိုအတွင်း ခြေလှမ်းကျဲခဲ့ကြသလို ထိုက်သင်.သလိုလည်း အောင်မြင်မှုတွေ ရနေကြတာမို. ကျေနပ်နေကြချိန်မှာပဲ ခုကြားလာရတာကတော. ပထမဆုံးရင်ဆိုင်လာရသော ပြသာနာ လို.ပဲ ဆိုရမယ်ထင်ပါတယ် ။

ဖြစ်တာကတော. Miss Aisa Pacific World 2014 သရဖူပိုင်ရှင် မေမြတ်နိုး ကို သရဖူပြန်အပ်ပါ ဆိုတာကနေ ပြင်ပက လူတွေမသိနိုင်တဲ့ တစ်ဖက် နဲ.တစ်ဖက် အတွင်းကျကျဖော်ထုတ်မှုတွေ ၊ စွပ်စွဲမှုတွေ ၊ ဖြေရှင်းချက်တွေ နဲ. စောင်.ကြည်.ရမယ်.အခြေအနေဖြစ်လာပါတယ် ။ ဖြစ်စဉ်အစမှာ

အဲ့ဒီ ကိုရီးယား အခြေစိုက် အဖွဲ.အစည်း ရဲ.မြန်မာပြည်ဒါရိုက်တာ နဲ. သရဖူပိုင်ရှင်ကြား အခြေအတင်တွေကနေ နောက်တော. ကိုရီးယားအဖွဲ.အစည်း နောက်တော. နိုင်ငံတကာ မီဒီယာ အထိပါ တက်လာတဲ့ ကိစ္စဖြစ်လာရပါတော.တယ် ။

သရဖူ အသိမ်းခံရတဲ့ ကိစ္စမှာ မြန်မာနိုင်ငံဆိုင်ရာ ဒါရိုက်တာ လှနုထွန်းက  မူလ သရဖူ ပေးတဲ့အဖွဲ့အစည်း ကို အသေးစိပ် သတင်းပို့လို့ဆိုတဲ့ စွပ်စွဲချက်တွေလည်း ပေါ်ထွက်လာခဲ့ပါတယ် ။ နေရှင်နယ် ဒါရိုက်တာ မလှနုထွန်းကတော့ မေမြတ်နိုးဟာ အသက် ၁၆ နှစ်ပဲ ရှိသေးတဲ့အတွက် မိခင်ဖြစ်သူက ကိုရီးယား အဖွဲ့အစည်းနဲ့ တိုက်ရိုက် စကားပြောပြီး တိုက်ရိုက်အုပ်ချုပ်ခွင့် တောင်းလိုက်တာကြောင့် ဇွန်လ ၁၅ ရက်နေ့ ကတည်းက အဆက်အသွယ် မရှိတော့ပါဘူးလို့ ဧရာဝတီကို ပြောခဲ့ပါတယ်။

 “သူ့အမေကလည်း သူ့သမီးလေးက ၁၆ နှစ်ပဲ ရှိသေးတဲ့အတွက် တိုက်ရိုက် အုပ်ချုပ်ခွင့် တောင်းတယ်။ အဲဒီနောက်ပိုင်း မေမြတ်နိုးနဲ့ အဆက်အသွယ် မရှိတော့ပါဘူး။ သူ ကိုရီးယား သွားတာ ကြားတယ်။ အခုအချိန်ထိ ကျမနဲ့ သူတို့အဆက်အသွယ် မရှိပါဘူး။ အခု သရဖူ သိမ်းတဲ့ ကိစ္စမှာလည်း ဘယ်သူမှားတယ်၊ ဘယ်သူမှန်တယ်ဆိုတာ ကျမ မသိဘူး။ ကျမက အလယ်လူလေ။ သူ့အုပ်ထိန်းသူ သူ့မေမေနဲ့ အတူ ကိုရီးယားကို သွားခဲ့ကြတယ်။ ဟိုဘက်အဖွဲ့အစည်း ကနေ ၂၇
ရက်နေ့မှာ စာထုတ်လိုက်ပြီး မြန်မာပြည်မှာ ကျမကိုပဲ သူတို့က သိတာကြောင့် သရဖူကို ကျမကို အပ်လိုက်ပါဆိုပြီး ပြောတာပါ” လို့ နေရှင်နယ် ဒါရိုက်တာ မလှနုထွန်းက ပြောခဲ့တယ်လို.သိရပါတယ် ။
ဒါပေမယ်. မလှနုထွန်းအနေနဲ. အောက်ပါစာတစ်စောင်ကိုတော. ထုတ်ပြန်ခဲ့ပါတယ် ။
ကမ္ဘာတ၀ှမ်းမှာ နေထိုင်ကြပါသော မြန်မာနိုင်ငံသားဟောင်းများနှင့် ၄င်းတို့မှ မွေးဖွားလာပါသော မျိုးဆက်သစ်များ၊ မျိုးချစ်မြန်မာနိုင်ငံသားမိဘပြည်သူများ၊ရှင့်။ 

 လတ်တလောဖြစ်ပျက်နေသော သရဖူနှင့် စလွယ်ပြန်မအပ်သော သားအမိနှစ်ဦးကြောင် မြန်မာတို့ အား သဘောရိုးဖြင့်မေးမြန်းခြင်း၊ ငါးခုံးမတစ်ကောင်ကြောင့် တစ်လှေလုံးပုတ်ဆိုသည့် စကားအတိုင်း လှောင်ပြောင် ပြော ဆိုခြင်းကို ခံရနိုင်ပါသည်။ 

ဒါကြောင့် အလုပ်လည်းမပျက် ကျောင်းလည်းမပျက် မျက်နှာလည်းမပျက်ပဲ ပုံမှန်အတိုင်းလေးသာ နေပြီး မေးမြန်းသူများ၊ လှောင်ပြောင်သူများကို သည်းခံခွင့်လွတ်ပေးရန် အနူးအညွတ်တောင်းပန်အပ်ပါတယ်ရှင့်။မြန်မာတွေဟာ ဒီလို မဟုတ်ပါဘူးဆိုတာကို ယဉ်ကျေးခြင်း ရိုးသားခြင်း ကြိုးစာခြင်း အလုပ်ဖြင့်သာ သက်သေပြပေးစေလိုပါသည်။ 

ကိုရီးယားဘက်ကို အမှန်တရားတွေ အတင်းဖေါ်ထုတ်ရန်ဖိအားပေးခဲ့ရင် မြန်မာ တို့ ယခုထက်ပို အရှက်ရစေနိုင်ပါသည်။...သူတို့ ဘက်က အသေးစိတ်ဖြစ်စဉ်ကို မပြောဘဲ တော်တော်လေးကာထားပေးတာကို နားလည်ပေးစေချင်ပါတယ်ရှင့်....

သူတို့ လည်းဒီလောက်ငွေ၊ လူ၊ အချိန်အကုန်ခံပြီး ရွေးထားတဲ့မယ် တစ်ယောက်ကို ဘယ်စွန့် လွတ်ချင်ပါ့ မလဲရှင်....ထိုသားအမိကို မြှောက်ပင့်ပေးမှုများကိုလည်း နိုင်ငံကို တကယ်ချစ်တယ်ဆိုရင် ရပ်တန့် ပေးစေချင်ပါတယ်ရှင့်....လှနု ကနေ ကိုရီးယားနိုင်ငံကိုလှမ်းပြီး သရဖူသိမ်းဖို့ ပြောရလောက်အောင် လှနု တစ်ယောက် ကိုရီးယား အပေါ်မှာ ပါဝါအာဏာပေါက်ရောက်လွမ်းမိုးမှုမရှိပါဘူးရှင်....သရဖူနှင့်ပတ်သက်ပြီး လှနုကို အထင် အရမ်းကြီးတဲ့အတွက်ကျေးဇူးအများကြီးတင်ပါတယ်ရှင့်....

သူတိုသားအမိကိုသွေးနားထင်ရောက်အောင်ကြောင်တောင်တောင်အတွေးအခေါ်တွေထဲ့ပေးခဲ့သူများ
ကြောင့် ဒီလို ဖြစ်ခဲ့ရတာကို လှနုတို့ ကနေ ထိုသားအမိနှစ်ယောက်ကိုယ်စား အားပေးကူညီခဲ့သူ မိဘပြည်သူများအားလုံးကို အစစအရာရာအတွက် တောင်းပန်ပါသည်ရှင့်...

 လေးစားစွာဖြင့် 

 လှနုထွန်း 

ဒီဖြစ်စဉ် နဲ.ပတ်သက်လို.မေမြတ်နိုးက စက်တင်ဘာ ၂ ရက်နေ့ မနက် ၁၀ နာရီခွဲက ရန်ကုန်မြို့ ဦးဝိစာရလမ်းပေါ်က House of Memory စားသောက်ဆိုင်မှာ တသင်းစာရှင်းလင်းပွဲ တစ်ခုလုပ်ခဲ့ပါတယ် ။
မေမြတ်နိုးက သတင်းစာ ရှင်းလင်းပွဲမှာ “ မြန်မာအမျိုးသမီး တယောက်ရဲ့ ဂုဏ်သိက္ခာကို ရိုက်ချိုးပြီး မြန်မာနိုင်ငံကို စော်ကားတဲ့ Organization က ပေးတဲ့ သရဖူကို မလိုလားပါဘူး၊ တန်ဖိုးလည်း မထားပါဘူး။ ကျမ အရှေ့မှာ ရှိနေတဲ့ ဒီသရဖူကို ဖြစ်နိုင်ရင် အခုချက်ချင်းတောင် ပြန်သွားပေးလိုက်ချင်ပါတယ်။ ဒါပေမယ့် သူတို့ပေးတဲ့ စာထဲမှာ နေရှင်နယ် ဒါရိုက်တာကို သွားပေးလိုက်ပါဆိုပြီး ရေးထားပါတယ်။ ဒါကို ကျမ လုံးဝ လက်မခံပါဘူး။ ဘာဖြစ်လို့လဲ ဆိုတော့ မြန်မာနိုင်ငံကလူ ဖြစ်ပြီး မြန်မာနိုင်ငံ မကောင်းဘူးဆိုတာ နိုင်ငံတကာကို လိုက်ပြောတယ်။ ကိုရီးယားနိုင်ငံက အဖွဲ့အစည်းကိုလည်း မြန်မာနိုင်ငံက မကောင်းဘူး ပြောတယ်၊ ကျမရဲ့ မကောင်းကြောင်းကို တချိန်လုံး လိုက်ပြောနေတဲ့ နေရှင်နယ် ဒါရိုက်တာ၊ ပြီးတော့ မြန်မာနိုင်ငံမှာရှိတဲ့ မယ်တွေကို တယောက်မက၊ နှစ်ယောက်မက သရဖူ လိုက်သိမ်းနေတဲ့ စိတ်ဓာတ်မျိုးကိုလည်း မကြိုက်တဲ့အတွက် သူတို့ကို ဘယ်လိုနည်းနဲ့မှ ကျမက သရဖူ ပြန်မအပ်ချင်ပါဘူး” လို့  ပြောပါတယ်။
ကိုရီးယားနိုင်ငံက မူလအဖွဲ့အစည်းဟာ အလှသရဖူဆုရှင် မေမြတ်နိုးကို အဖွဲ့ဝင် ၄ ဦးပါတဲ့ MAPI ဆိုတဲ့ Girl Band ထောင်ပေးဖို့ ကိုရီးယားနိုင်ငံကို ခေါ်ယူခဲ့ကြောင်း၊ ဒါပေမယ့် ကိုရီးယားနိုင်ငံ ရောက်တဲ့ အခါမှာ အဲဒီ Band မထောင်ပေးတော့ဘဲ အစီအစဉ် ပြောင်းသွားပြီး အလှမယ်တဦး အနေနဲ့ အနုပညာ အလုပ်တွေလုပ်ဖို့ ခေါင်းအစ ခြေအဆုံး အလှပြုပြင်ပေးဖို့ ကိုရီးယားနိုင်ငံရဲ့ ဘူဆန်မြို့ကို ခေါ်သွားခဲ့ကြောင်း၊ ဘူဆန်မြို့မှာ ပလတ်စတစ် ဆာဂျရီ လုပ်ပေးပြီးရင် ကိုရီးယားစီးပွားရေး လုပ်ငန်းရှင်တွေနဲ့ အတူနေပြီး စပွန်ဆာ ရှာရမှာ ဖြစ်ကြောင်း၊ အဲဒါမှ အဆင်မပြေရင် ဂျပန်ကိုပို့ပြီး စပွန်ဆာ ရှာခိုင်းမှာဖြစ်ကြောင်း အဖွဲ့အစည်းက ပြောလာတဲ့အတွက် မေမြတ်နိုးက မြန်မာနိုင်ငံရဲ့ ဂုဏ်သိက္ခာကို ထိခိုက်အောင် လုပ်တယ်လို့ ယူဆပြီး သူတို့ပြောတာ လက်မခံဘဲ မြန်မာပြည်ကို ပြန်လာတာ ဖြစ်ကြောင်း သတင်းစာ ရှင်းလင်းပွဲမှာ မေမြတ်နိုးက ပြောခဲ့ပါတယ်။

အလှမယ် မေမြတ်နိုး ရရှိခဲ့တဲ့ သရဖူကို ပြန်သိမ်းလိုက်ပြီ ဖြစ်ကြောင်း သြဂုတ် ၂၇ ရက်နေ့ ညပိုင်းမှာ ကိုရီးယားနိုင်ငံရဲ့ မူလ အဖွဲ့အစည်းဖြစ်တဲ့ Miss Asia Pacific World Organization က တရားဝင် စာထုတ်ပြန်ခဲ့ခြင်း ဖြစ်ပါတယ်။ အဲဒီနောက်မှာ မေမြတ်နိုးဟာ အမေရိကန် ဒေါ်လာ ၁ သိန်းတန်တဲ့ သရဖူကို ယူပြီး တိမ်းရှောင်နေပါတယ်လို့ အဆိုပါ အဖွဲ့အစည်းက ဆက်လက် သတင်းထုတ်ပြန်ခဲ့ပါတယ်။
မေမြတ်နိုးဟာ ကိုရီးယားအဖွဲ့အစည်းနဲ့ ချုပ်ဆိုထားတဲ့ စာချုပ်ပါ စည်းကမ်းတွေကို လိုက်နာမှု မရှိခြင်း၊ စည်းကမ်းများ ဖောက်ဖျက်ခြင်း၊ သတင်း မီဒီယာများအပေါ် လိမ်လည်ခြင်း အစရှိတာတွေအပြင် မေမြတ်နိုးရဲ့ အမေဖြစ်သူက ကိုရီးယားကို တရားမဝင် ဗီဇာအတု လုပ်ကိုင် ဝင်ရောက်မှုတွေ ရှိတာကြောင့် သရဖူ ပြန်သိမ်းရခြင်း ဖြစ်တယ်လို့ ကိုရီးယားအဖွဲ့အစည်းရဲ့ ထုတ်ပြန်ချက်ထဲမှာ ရေးသားထားခဲ့တာပါ ။ Asia Pacific 2014 ပြိုင်ပွဲမှာ သရဖူရရှိခဲ့တဲ့ အလှမယ် မေမြတ်နိုးဟာ အမေရိကန်ဒေါ်လာ ၁ သိန်း တန်ဖိုး ရှိတဲ့ သရဖူကို ယူပြီး တိမ်းရှောင်နေပါတယ်ဆိုပြီး   Miss Asia Pacific World Organization က သတင်းတွေ ဆက်တိုက် ထုတ်ပြန်ခဲ့တာပါ ။

ဒါနဲ.ပတ်သက်လို. မလှနုထွန်းက “မေမြတ်နိုး သရဖူကို ကျမက သိမ်းတာ မဟုတ်ပါဘူး။ ဟိုဘက်က သိမ်းမယ်ဆိုတော့တောင် ကျမက မသိမ်းဖို့ တောင်းပန်ခဲ့ ပါသေးတယ်။ ဂျူးစံသာ (Miss Global Myanmar 2014 သရဖူ ရရှိထားသူ  ) ကိုတော့ ကျမတို့ ချမှတ်ထားတဲ့ စည်းကမ်းတွေကို သူက မလိုက်နာ တာကြောင့် ကျမတို့က
ပြန်သိမ်းလိုက်တာပါ” လို့ ရှင်းပြပါတယ်။

သတင်းစာရှင်းလင်းပွဲမှာ မေမြတ်နိုးက “နိုင်ငံတကာက ဒိုင်တွေ ခေါ်ပြီး သေသေချာချာ စည်းမျဉ်း စည်းကမ်းတွေနဲ့ ရွေးထားပြီး ရခဲ့တဲ့ သရဖူကို ကိုရီးယား Organization ကိုပဲ ပြန်အပ်ဖို့ အစီအစဉ်ရှိပါတယ်။ သို့ပေမယ့်လည်း ကိုရီးယား Organization က ကျမကို ဒီလို အသရေဖျက်မှုတွေ၊ မြန်မာနိုင်ငံ မကောင်းကြောင်းတွေ၊ လိမ်လည်မှုတွေ၊ စွပ်စွဲမှုတွေနဲ့ မေမြတ်နိုးက သရဖူကို ခိုးပြီး ပြန်သွားပါတယ်ဆိုပြီး ရေးထားတယ်။ မေမြတ်နိုးကို ရေးထားတာ မဟုတ်ဘဲ Myanmar Beauty Queen လို့ ရေးထားတဲ့အတွက် ဒါမြန်မာနိုင်ငံကို စော်ကားတာနဲ့ အတူတူပါပဲ။ သူတို့ဘက်ကနေ သူတို့အမှားကို ကျမ အမှားပါလို့ ပုံချပြီးတော့ မြန်မာနိုင်ငံကို ရှုတ်ချတဲ့ စကားတွေနဲ့ နိုင်ငံတကာကို ဖြန့်တဲ့အတွက် သူတို့ဆီက တောင်းပန်စာ လိုချင်ပါတယ်” လို့   ပြောပါတယ်။
ဘီဘီစီနဲ့ မေးမြန်းခန်းမှာ တုန်းကလည်း သရဖူ ဟာ နိုင်ငံကိုယ်စားပြု ရခဲ့တာဖြစ်လို့ ပြည်သူလူထုက ပြန်အပ်စေ ချင်မှသာ သရဖူကို ပြန်အပ်မှာဖြစ်တယ် လို့ မေမြတ်နိုးက ပြောဆိုထားတယ်လို့ သိရပါတယ်။ 

သတင်းစာရှင်းလင်းပွဲမတိုင်ခင်မှာ ကိုရီးယားအဖွဲ.အစည်းကနေ သရဖူရုပ်သိမ်းကြောင်းကို နိုင်ငံတကာ သတင်းဋ္ဌာန တွေမှာ ရေးသားဖော်ပြခဲ့ကြရာမှာ
အလှမယ်ဆု ရုပ်သိမ်းခံရသော မေမြတ်နိုးသည် ဒေါ်လာ ၁ဝဝ,ဝဝဝ တန် အလှမယ်သရဖူကို ခိုးယူထွက်ပြေးနေသည်ဟု စွပ်စွဲခံနေရကြောင်း ဆိုပြီးအေပီက  ဖော်ပြခဲ့ပါတယ် ။ “သရဖူကို ပိုင်ဆိုင်နေမယ်ဆိုရင် အလှမယ်အဖြစ် ဆက်ရှိနေဦးမယ်လို့ သူကထင်ထားပါတယ်။ ဒါပေမဲ့ အဲဒီလို မဟုတ်ပါဘူး” ဟု ကိုရီးယားအခြေစိုက် အလှမယ်ပြိုင်ပွဲ၏ မီဒီယာဒါရိုက်တာ ဒေးဗစ်ကင်က ပြောကြားခဲ့သည်။ မေမြတ်နိုးသည် လိမ်လည်ခဲ့ပြီး ယုံကြည်စိတ်ချ၍ မရကြောင်း ပြိုင်ပွဲစီစဉ်သူများက ပြောကြားခဲ့ပြီး အသေးစိတ်ကို မပြောကြားခဲ့ပေ လို.ဆိုထားပါတယ် ။
မေလက အလှမယ်ဆုရရှိခဲ့သော အသက် ၁၈ နှစ်အရွယ် မေမြတ်နိုးနှင့် သူ၏မိခင်ကို ဆိုးလ်သို့ ၁ဝ ရက် လာရောက်ရန် အဖွဲ့က ထောက်ပံ့ပေးခဲ့ကြောင်း၊ သို့သော်လည်း ၎င်းတို့နှစ်ဦးသည် သုံးလနေထိုင်ရေးအတွက် ဗီဇာရရှိရန် တရားမဝင် ကြိုးပမ်းခဲ့သည်ဟု အာရှပစိဖိတ် အလှမယ်ပြိုင်ပွဲက ဆိုသည်။မေမြတ်နိုးသည် အလှမယ်ဆု ရုပ်သိမ်းခံရပြီးနောက် မည်သည့်နေရာသို့ ရောက်ရှိနေသည်ကို မသိကြောင်း၊ မြန်မာနိုင်ငံသို့ ပြန်လည်ရောက်ရှိ နေဖွယ်ရှိကြောင်း ဘီဘီစီက ဖော်ပြခဲ့ပါတယ် ။

ကေပေါ့ပ်စတား တစ်ယောက်ဖြစ်လာရန် ပြင်ဆင်ရေးအတွက် တောင်ကိုရီးယားသို့ ရောက်ရှိနေသော မေမြတ်နိုးသည် ရိုးသားမှု မရှိသည့်အပြင် ဆိုးရွားသည့် အပြုအမူကြောင့် အလှမယ်သရဖူကို ရုပ်သိမ်းခဲ့ကြောင်း ဒေးဗစ်ကင်က ဆိုးလ်တွင် ပြောကြားခဲ့သည်။“သူက ကျွန်တော်တို့ကို အများကြီး လိမ်ခဲ့ပါတယ်။ သူ့ကြောင့် ဂုဏ်သတင်း ထိခိုက်လိမ့်မယ်လို့ ယခင်အလှမယ် တွေကလည်း တိုင်ကြားခဲ့ပါတယ်” ဟု ကင်က အေအက်ဖ်ပီကို ပြောကြားခဲ့သည်။“ကျွန်တော်တို့သူ့ကို အုပ်ထိန်းလို့ မရပါဘူး။ ကျွန်တော်တို့ အရမ်းစိတ်ဆိုး ဒေါသထွက်ကြပါတယ်။ ဒါပေမဲ့ မြန်မာနဲ့ ကိုရီးယား ပြည်သူတွေကြား ဆက်ဆံရေးထိခိုက်မှာကို ကျွန်တော်တို့ မလိုလားပါဘူး” ဟုလည်း ၎င်းကပြောကြားခဲ့သည်။

မေမြတ်နိုးကို ကေပေါ့ပ်စတားဖြစ်လာရန် အထောက်အကူဖြစ်စေမည့် ရင်သားခွဲစိတ် ပြုပြင်ရန်အတွက် အဖွဲ့က ဒေါ်လာ ၁ဝ,ဝဝဝ ပေးခဲ့ကြောင်း ကင်က ပြောကြားခဲ့သည်။ ထို့ပြင် အလှမယ်မေမြတ်နိုးအား ကေပေါ့ပ်စတားဖြစ်လာစေရန် နှစ်ရှည် လေ့ကျင့်မှုအစီအစဉ်နှင့် ရင်းနှီးမြုပ်နှံမှုအဖြစ် ကကွက်စီစဉ်ဖန်တီးသူများ၊ နေထိုင်ရန်နေရာတို့ စီစဉ်ပေးခဲ့ကြောင်း၊ ထို့ပြင် အသံသွင်းရန် အယ်ဘမ်နှစ်ခုကို ပြင်ဆင်ခဲ့ကြောင်း ကင်ကပြောကြားခဲ့သည်   လို.အဲ့ဒီမှာ ဖော်ပြထားခဲ့ပြန်ပါတယ် ။

အခုမေမြတ်နိုးကိစ္စမှာ ပြောစရာတခုက အသက်မပြည့်တာပါ။ မေမြတ်နိုးဟာ ၁၉၉၈ ခုနှစ်မှာ မွေးဖွားခဲ့တာ ဖြစ်ပြီး လက်ရှိအချိန်မှာတော့ အသက် ၁၆ နှစ်သာ ရှိသေးသူ ဖြစ်ပါတယ်။ မယ်တယောက်အနေနဲ့ ဝင်ပြိုင်မယ်ဆိုရင် အသက် ၁၈ နှစ် ပြည့်ရမှာ ဖြစ်ပါတယ်။ သူ့ရဲ့ Passport မှာ အသက်အမှန်ကို ဖော်ပြထားပေမယ့် မယ်ပြိုင်ပွဲဝင်မယ့် လျှောက်လွှာမှာတော့ အသက် ၁၈ နှစ်ပြည့်ပြီး ဖြစ်တယ်လို့ ဖြည့်ခဲ့တာ ဖြစ်ပါတယ်။ ဒီလို ဖြည့်တာကို မြန်မာပြည်က Organization ကော၊ ကိုရီးယားနိုင်ငံက မူလအဖွဲ့အစည်းကပါ သိပြီး လက်ခံခဲ့တာ ဖြစ်ပါတယ်။

အခုလို သရဖူပြန်သိမ်းတယ်ဆိုတဲ့ သတင်း ထုတ်ပြန်ချက်ဟာ မေမြတ်နိုး မြန်မာနိုင်ငံကို ပြန်ဖို့ လေယာဉ်ပေါ် တက်ပြီးမှ ထုတ်ပြန်လိုက်တာ ဖြစ်တဲ့အတွက် သူမြန်မာနိုင်ငံ ပြန်ရောက်မှသာ သူ့သရဖူ ပြန်လည် သိမ်းကြောင်း သိရှိရတာဖြစ်ပါတယ်လို.ဆိုပါတယ် ။



Ref ; Irrawaddy , Eleven Media Group , Democracy Today