၂၀၁၃ တစ်နှစ်စာ ရာသီခွင် ဟောကိန်းများ (၁)

# 2013 ခုနှစ် (၁၂)ရာသီခွင် ဟောကိန်းများ

.

2013 ခုနှစ်အတွက် (၁၂)ရာသီခွင် ဟောကိန်းများကို စတင် တင်ဆက်ပေးလိုက်ပါတယ်။ ဒါပေမယ့် ယနေ့မှ စပြီး ရေးရတာ ဖြစ်လို့ (၁၂)ရာသီ ဖွား အားလုံးအတွက် တပြိုင်တည်း မရေးရသေးပါဘူး။ အလုပ်အားရင် အားသလို   ရာသီတစ်ခုပြီး တစ်ခု ဆက် တင်ပေးသွားပါမယ်။ သည်းခံပြီး စောင့်ဖတ်ပေးပါ။ နောက်ဆုံးကျ တဲ့ ရာသီခွင်တွေဖြစ်တဲ့ “ကုံရာသီ” ၊ “မိန်ရာသီ” များ နောက်ဆုံးမှ ဖတ်ရတာမျိုး မဖြစ်အောင် Randomize စနစ်နဲ့ တင်ပေးသွားပါတယ်။ ကိုယ့်အလှည့် မကျသေးရင် နည်းနည်း သည်းခံဖတ်ပေးဖို့ တောင်းပန်ပါတယ်။  ကျန်းမာကြပါစေ။
—————————————————————————————————————————-

မိဿ ရာသီဖွားများ

Preview ။                      ။ ယခုနှစ်မှာ မိဿရာသီခွင်အတွင်း မွေးဖွားလာကြသူများအတွက် ကံဇာတာ အကောင်း/အညံ့တွေ ရောထွေးနေပါတယ်။ ဒီနှစ်ဟာ မိဿရာသီဖွားများအတွက် Any Changes တစ်ခုခုဖြစ်နိုင်ပြီး ဘ၀အပြောင်းအလဲ ပုံစံတစ်ခု ဖြစ်ဖို့များပါတယ်။ ဘ၀တက်လမ်းအတွက် ခြေလှမ်းတိုင်းကို သတိထားပြီး လှမ်းလျှောက်ရမယ့် အနေအထားရှိပါတယ်။ ရုပ်ပိုင်းဆိုင်ရာ အခက်အခဲတွေ ဖြစ်နိုင်တယ်။ (ရုပ်ပိုင်းဆိုတော့ ငွေရေး ကြေးရေး ၊ ပိုင်ဆိုင်မှု နဲ့ ကျန်းမာရေးတွေပါ ပါပြီပေါ့)။ ဒီနှစ်ဟာ မိဿရာသီဖွားများအတွက် အခက်အခဲများနိုင်တယ်။ မမျှော်လင့်နိုင်တဲ့ ဘေးဥပဒ်တွေ ၀င်ရောက်နိုင်တယ်။ တစ်ဖက်ကလည်း ရုတ်တရက် ဘ၀အခြေအနေ တိုးတက်မြင့်မားသွားခြင်းမျိုးလည်း ရှိတယ်။ အကောင်းတွေရော အညံ့တွေရော စုပြုံဝင်ရောက်နိုင်တဲ့ နှစ်တနှစ်လို့ ဆိုရမယ်။
စိတ်ပိုင်းဆိုင်ရာ ။                            ။ ဒီနှစ်ဟာ မိဿရာသီဖွားတွေအတွက် စိတ်ပိုင်းဆိုင်ရာ ထိခိုက်မှုတွေ အထူးဝင်ရောက်နိုင်တယ်။ Stress အလွန်များမယ့် နှစ်မျိုး ဖြစ်နိုင်တယ်။ ဒါကြောင့် စိတ်ဓာတ်ရေးရာ အထူး ပျက်ပြားဖွယ် ရှိတယ်။ အထီးကျန်ဆန်မှုကို ခံစားရမယ်။ မိမိကိုယ်ကို ယုံကြည်မှုတွေ ကျဆင်းမယ်။ လူတစ်ဖက်သား အပေါ်လည်း မယုံမကြည်ဖြစ်မယ်။ စိတ်ကျရောဂါ ဖြစ်ပွားဖို့ရှိတယ်။ ကြုံလာသမျှ ကိစ္စတိုင်းဟာ စိတ်ညစ်စရာတွေချည်းလို့သာ ထင်လာမယ်။ ဒီနှစ်အတွက် မိဿရာသီဖွားတွေ စိတ်ဓာတ်ခွန်အားကို အထူးမြှင့်တင်ဖို့ လိုအပ်တယ်။

စီးပွားရေး နှင့် အလုပ်အကိုင်။                        ။ မိဿရာသီဖွားများအတွက် ဒီနှစ်ဟာ စီးပွားရေးတွေ အများကြီး အပြောင်းအလဲ ဖြစ်နိုင်တယ်။ ရုတ်တရက် အလုပ်အကိုင် ပုံစံပြောင်းလဲမှု ၊ ဟောင်းနွမ်းနေတဲ့ လုပ်ငန်းများ ဖျက်သိမ်းခြင်း (သို့) ပျက်စီးခြင်းများ ဖြစ်နိုင်တယ်။ အလုပ်အများကြီး လုပ်ကိုင်နေသူများအဖို့ လုပ်ငန်းအတော်များများ ရပ်စဲလိမ့်မယ်။ သို့သော် ကောင်းသော ပုံစံသို့ ပြန်လည် ပြင်ဆင်ဖွဲ့စည်းနိုင်လိမ့်မယ်။ အပြောင်းအလဲအချိန်မှာ ပဋိပက္ခတွေ ရှိမယ်။ မိသားစု /အဖွဲ့အစည်း အတွင်းမှာ အပြောင်းအလဲကို ဆန့်ကျင်မှုတွေ ကြုံရမယ်။ အခက်အခဲ အလွန်များမယ်။ အချို့သော မိဿရာသီဖွားတွေမှာဆိုရင် တစ်သက်လုံး လုပ်လာခဲ့တဲ့ လုပ်ငန်းမျိုးသော်မှ အကြောင်းတစ်ခုခုကြောင့် ရပ်စဲသွားပြီး လုပ်ငန်းသစ် ဘ၀သစ်ကို အခက်အခဲများစွာနဲ့ ပြန်စ, ရကိန်း ရှိတယ်။ သို့သော် လုပ်ငန်းသစ်ကို အောင်မြင်အောင် ပြန်လည် တည်ဆောက်နိုင်ပါလိမ့်မယ်။ ယခုမှ အလုပ်သစ် အကိုင်သစ်တစ်ခု စပြီ ရှာဖွေနေကြသူများလည်း ဒီနှစ်ထဲမှာ လ,ပေါင်း အတော်ကြာအောင် အလုပ်ရှာနေရမယ်။ နောက်ဆုံးတော့ ရည်မှန်းထားတဲ့ အလုပ်တစ်ခု ရပါလိမ့်မယ်။
ငွေရေး ကြေးရေး။                        ။ ငွေကြေး အ၀င်များသလို အထွက်လည်း များမယ်။ ဒီနှစ်မှာ ငွေအဖတ်တင်အောင် စုမိဖို့ အလွန်ခဲယဉ်းမယ်။ ဒီကြားထဲမှာ လူလိမ်လူကောက်ဖြစ်ဖြစ် ၊ ကတိမတည်သူကိုဖြစ်ဖြစ် ငွေပေးမှား /ငွေချေးမှားလို့ ဆုံးရှုံးတာမျိုးလည်း ရှိမယ်။ လာဘ်လာဘ အလွန်ရွှင်တဲ့ သူမျိုးတောင်မှ “အိတ်ပေါက်နဲ့ဖားကောက်ရတဲံ” ကိန်းမျိုး ဖြစ်မယ့် နှစ်မျိုးဖြစ်တယ်။ မိမိကိုယ်တိုင်ကလည်း ဒီနှစ်ထဲမှာ အသုံးအဖြုန်း အလွန်ကြီးနေမယ်။ စီမံကိန်းတွေ ၊ လုပ်ငန်းတွေမှာ မလိုအပ်ဘဲ ဇာချဲ့မှုတွေကြောင့် ငွေကြေး မလုံမလောက်ဖြစ်မယ်။ ဒီနှစ်မှာ မိဿရာသီဖွားများအတွက် ငွေဟာ “သုခ” ကို မပေးနိုင်ဘဲ “ဒုက္ခ” ကိုသာ ပေးမယ့် အရာတစ်ခု ဖြစ်နိုင်တယ်။
ပညာရေး။                 ။ ပညာရေးကံ ဧပြီ (၂၀)နောက်ပိုင်းမှ ပြန်ပြီးကောင်းမယ်။ ဒီမတိုင်ခင်တော့ ပညာရေးကံ အလွန်အားနည်း နေမယ်။ နိုင်ငံရပ်ခြားသို့ ပညာသွားရောက် သင်ကြားလိုသူများ ဧပြီ(၂၀)မတိုင်မှီအတွင်း ငွေကြေးပိုင်းဆိုင်ရာ အခက်အခဲကြုံတွေ့နိုင်တယ်။ အဲဒီနောက်ပိုင်း ပြန်လည် အဆင်ပြေနိုင်တယ်။
အချစ်ရေး ။                   ။ ဒီနှစ် 2013 အတွင်း မိဿရာသီဖွားများ အချစ်ရေးကံ မကောင်းသေးပါ။ နှောင့်နှေးကြန့်ကြာမှု များနေမယ်။ အကြပ်အတည်းပေါင်းစုံ ကြုံရမယ်။ သို့သော် နှစ်ကုန်ပိုင်းလောက်မှ ပြန်ပြီး အဆင်ပြေမယ်။
အိမ်ထောင်ရေး ။                ။ အိမ်ထောင်ပြုမည့်သူများအတွက်တော့ အခက်အခဲနှင့် နှောင့်နှေးကြန့်ကြမှုများ ရှိနိုင်ပေမယ့် အိမ်ထောင်ကျ နိုင်မယ့် နှစ်ဖြစ်တယ်။ သင်္ကြန်ကျပြီး မေလနောက်ပိုင်းမှာ အိမ်ထောင်ပြုသူများ တင့်တယ်ကောင်းမြတ်သော မင်္ဂလာ အခမ်းအနား နှင့် ဆောင်နှင်းရဖွယ် ရှိတယ်။ အိမ်ထောင်ပြုဖို့ တစ်နှစ်ပြီး တစ်နှစ် ရက်ရွှေ့လာကြသူများ ယခုနှစ်အတွင်း အိမ်ထောင်ပြုဖြစ်ကြ လိမ့်မယ်။
မိသားစု နှင့် အိမ်တွင်းရေး ။                ။ အိမ်တွင်းရေး မိသားစုအရေးကတော့ မကြာခဏ ကတောက်ကဆဖြစ်မယ်။ အိမ်တွင်းရေး ပူညံပူညံဖြစ်မယ်။ မိမိသဘောထား နှင့် ကျန်သူများ မတိုင်ဆိုင်မှု များမယ်။ တစ်ခါတစ်ရံ အလွန်ပေါက်ကွဲပြီး ဒေါသဖြစ်စရာတွေကြုံမယ်။ ဒါပေမယ့် ပျော်စရာကောင်းတဲ့ လ, ပိုင်းတွေလည်း ရှိမယ်။ ဆူဆူညံညံ ဖြစ်တတ်ပေမယ့် ပြောပလောက်တဲ့ ကံမကောင်းမှုမျိုးတော့ မရှိနိုင်လို့ ယူဆပါတယ်။
ကျန်းမာရေး ။            ။ မိ်ဿရာသီဖွားတွေအတွက် ဒီနှစ် ကျန်းမာရေး အားနည်း နိုင်ပါတယ်။ ရုတ်တရက် ကောက်ခါငင်ကာ ထ,ပြီး ရောဂါဖြစ်တာမျိုး ကြုံရနိုင်တယ်။ အစားမှားနိုင်လို့ ကိုယ်နဲ့ သိပ်မတည့်တဲ့ အစားအစာများ ဒီနှစ်မှာ အထူးရှောင်ပါ။ ဦးခေါင်း ၊ မျက်နှာ ၊ သွားခံတွင်း ၊ လည်ပင်း တစ်ဝိုက်မှာ ခွဲစိတ်ကုသခံရမှုမျိုး ရှိနိုင်တယ်။ ဦးခေါင်း နဲ့ ခြေထောက်ပိုင်းများမှာ ထိခိုက်ဒဏ်ရာရတတ်ပြီး သွေးထွက်သံယို ဖြစ်တတ်တယ်။ မီး ၊ လျှပ်စစ်များကို သတိထား ကိုင်တွယ်ပါ။ အပူလောင် လျှပ်စစ်ဓာတ်လိုက်ခြင်း များ ကြုံရနိုင်တယ်။ ရုပ်ပိုင်းဆိုင်ရာ အားနည်းတဲ့ နှစ်ဖြစ်လို့ ချူခြာလွယ်ပြီး ကူးစက်ရောဂါများ ၊ ရာသီအပြောင်း ဖြစ်တဲ့ ရောဂါများ သတိပြုပါ။
ပြည်တွင်းခရီး နှင့် နိုင်ငံခြားခရီး ။                   ။ ပြည်တွင်းခရီး သွားလာမှုများ နှောင့်နှေးကြန့်ကြာမယ်။ သို့သော် ပြည်ပ ခရီးများ သွားလာ ရဖို့ ရှိပါတယ်။ မိသားစုနှင့်အတူ ပျော်ရွှင်ဖွယ်ကောင်းသော ပြည်ပခရီးစဉ်များ ဖြစ်ပေါ်လာနိုင်တယ်။ သို့မဟုတ် မိသားစု နှင့် ပြည်တွင်း ဘုရားဖူးခရီး၊ အပန်းဖြေခရီးများ သွားလာရဖို့ ရှိတယ်။  နိုင်ငံရပ်ခြား သို့ အလုပ်သွားရောက် လုပ်ကိုင်မည့်သူများ မေလလောက်က စ,ပြီး ကံကြမ္မာအခွင့်အလမ်းကောင်းများ ပေါ်လာနိုင်တယ်။
လူမှုဆက်ဆံရေး ။                         ။ မိဿရာသီဖွားများအဖို့ ယခုနှစ်မှာ လူမှုဆက်ဆံရေးပိုင်းမှာ မပြေလည်မှု ၊ ကတောက်ကဆ ဖြစ်မှုတွေ များနိုင်ပါတယ်။ ဒီနှစ်မှာ စိတ်ဓာတ်ပိုင်းဆိုင်ရာ မကြည်မလင်ဖြစ်မှု များနေတာကြောင့် ဖြစ်နိုင်ပါတယ်။
နှစ်ချုပ် ကံကြမ္မာ ။                              ။ ဒီနှစ်ဟာ မိဿရာသီဖွားတွေအတွက် ကံကောင်းလှတဲ့ နှစ်လို့တော့ မဆိုနိုင်သလို ကံ အရမ်း ဆိုးမယ့် နှစ်လည်း မဆိုနိုင်ပါဘူး။ တကယ်တန်း ဖြစ်ပျက်တဲ့ ကိစ္စထက် ကိုယ်က ပုံကြီးချဲ့ပြီး တွေးနေ ၊ စိတ်ဓာတ်ကျနေတတ်လို့ ကံမကောင်းလှတဲ့ နှစ်လို့ ခံစားရနိုင်တယ်။ သို့သော်လည်း ဧပြီလ (၂၀)ရက် မတိုင်မှီအထိတော့ မိဿရာသီဖွားအားလုံးလိုလို ကံအထူးညံ့နေတတ်လို့ သတိထားရမယ့် ကာလဖြစ်ပါတယ်။ ထိုကာလ ကျော်လွန်လာလျှင် ကံဇာတာ သိပ်အညံ့ကြီး မရှိနိုင်တော့ပါ။ အရေးကြီးတာ ဒီနှစ်ထဲမှာ အခက်အခဲအကြပ်အတည်းကြုံလာရင် ဆုံးဖြတ်ချက် မမှားဖို့လိုတယ်။ ဒီနှစ်ထဲမှာ မိဿရာသီ အများစုဟာ စိတ်အလျှင်စလို ၊ စိတ်လိုက်မာန်ပါ ဆုံးဖြတ်ချက်ချမိတတ်ကြပြီး ဒီအမှားကို ကိုယ်ဘဲ ရင်ဆိုင်ဖြေရှင်းရဖို့ ရှိတယ်။ စိတ်အလိုမလိုက်ဘဲ လက်တွေ့ကျတဲ့ ဆုံးဖြတ်ချက်တွေ ချမှတ် နိုင်ဖို့လိုလိမ့်မယ်။ ဒီနှစ်အတွက် မိဿရာသီဖွားတွေမှာ မိမိဆုံးဖြတ်ချက် မှန်မှု/မမှန်မှုအပေါ်မူတည်ပြီး ကံကောင်းမှု အနိမ့်အမြင့် ကွာခြားသွားကြလိမ့်မယ်။ ဒီနှစ်အတွက် အထူးအကြံပေးစကားက – သတိရှိပါ။ ခေါင်းအေးအေးထားပြီး ဆုံးဖြတ်ပါ။ စိတ်လိုက်မာန်ပါ မလုပ်ပါနဲ့။
နေ့သားသမီး အလိုက်ကံကြမ္မာ။                      ။ ဒီနှစ်အတွင်း မိဿရာသီဖွားများအနက် “အင်္ဂါနေ့” နှင့် “သောကြာနေ့” မွေးဖွားသူများသာ ကံအမြင့်မားဆုံးဖြစ်တတ်ပြီး ကျန်နေ့သားသမီးများ အနည်းနှင့် အများ ပြဿနာ တစ်ခုမဟုတ် တစ်ခု ရင်ဆိုင်ရနိုင်တယ်။ စနေသားသမီးများ နှင့် ရာဟုသားသမီးများ ကံဇာတာ အညံ့ကို ခက်ခဲစွာကျော်ဖြတ်ကျော်ရမယ်။
ယတြာပြုလုပ်လိုက ။             ။ အခမဲ့ဆေးပေးခန်း ၊ ဆေးရုံ ၊ နာရေးကူညီမှု ၊ ဌာနများမှာ မိမိတတ်နိုင်သလောက် ငွေလှူဒါန်းပေးပါ။ အနည်းဆုံး (၃)လ တစ်ကြိမ်လောက် တစ်နှစ်လုံး လှူဒါန်းပေးပါ။
————————————————————————————————————————-

မိန် ရာသီဖွားများ

Randomize ဂဏန်းအရ ဒုတိယ အလှည့်ကျသည့် ရာသီမှာ “မိန်” ရာသီဖြစ်ပါသည်။
Preview ။                          ။ 2013 ခုနှစ်ကို (၄)လစီ (၃)ပိုင်းခွဲလိုက်မည်ဆိုက ပထမ (၄)လပိုင်းအတွက် မိန်ရာသီဖွားများရဲ့ ကံဟာ ကသောင်း ကနင်းဖြစ်နေတတ်ပါတယ်။ ပြဿနာမျိုးစုံ ကြုံနိုင်တဲ့ လပိုင်းတွေ ဖြစ်ပါတယ်။ အိမ်တွင်းရေး အဆင်မပြေလှသလို ပြင်ပဆက်ဆံရေးပိုင်းမှာလည်း မိမိကို တိုက်ခိုက်သူတွေ များနေတတ်ပါတယ်။ အဆိုးဆုံးကတော့ ငွေကြေးကိစ္စတွေမှာ ကသောင်းကနင်း ဖြစ်နေခြင်းပါဘဲ။ ရသမျှငွေ ၊ ၀င်သမျှ ငွေ ကိုယ့်ဆီမှာ ဖင်ပူအောင် မနေတတ်ပါဘူး။ ဟောကနဲ ဟောကနဲ ထွက်နေတတ်ပါတယ်။ ဒါပေမယ့်လည်း ဒီနှစ်ဟာ မိန်ရာသီဖွားတွေ အတွက် လုပ်ငန်းကြီးတွေ စတင်တည်ထောင်ဖို့ စိုင်းပြင်းနေတဲ့ နှစ်လည်း ဖြစ်ပါတယ်။ ဒီနှစ်ဟာ မိန်ရာသီဖွားတွေအတွက် “ပင်ပန်းသလောက် အကျိုးကျေးဇူးခံစားရမယ့် နှစ်” လို့ ပြောရမှာဘဲ ဖြစ်ပါတယ်။ ရုပ်ပိုင်းဆိုင်ရာ ပင်ပန်းနွမ်းနယ်မှု ၊ စိတ်ပိုင်းဆိုင်ရာ ဖိစီးမှုတွေကတော့ ဒီနှစ်မှာ ပြောလောက်အောင် များနိုင်တယ်။ ဒီတော့ ဆက်ပြီး ကဏ္ဍခွဲကြည့်ကြရအောင်လား။
စိတ်ပိုင်းဆိုင်ရာ ။                      ။ ဒီနှစ် မိမိစိတ်ပိုင်းဆိုင်ရာမှာ မျှော်လင့်ချက်တွေ ပြည့်နေမယ်။ စိတ်ကူးအိပ်မက်တွေ ကြီးကြီးကျယ်ကျယ် မက်နေမယ်။ ဒါပေမယ့် ကိုယ့်အဖြစ်က မှောင်ထဲမှာ လမ်းပျောက်နေတဲ့ လူလို ဖြစ်နေမယ်။ မျှော်လင့်ချက်သာ ကြီးနေရတာ ဘာမှ ရေရေရာရာ မရှိသေးတဲ့ အခြေအနေမျိုးကိုလည်း ရင်ဆိုင်ရမယ်။ ဒါပေမယ့် စိတ်ဓာတ်ကတော့ ခိုင်မာနေမယ်။ အချိန်တန်ရင်လည်း မျှော်လင့်ချက် လမ်းစက ဘွားကနဲ့ ပေါ်လာမှာ မဟုတ်လား။ အဲဒီ အချိန်မှာ အခွင့်အရေးကို မိမိရရ ဆုပ်ကိုင်နိုင်ဖို့အရေးကြီးပါတယ်။
စီးပွားရေး နှင့် အလုပ်အကိုင် ။                         ။ ဒီနှစ်ထဲမှာ ပထမ (၄)လပိုင်းမှ မျှော်လင့်ချက်နဲ့ စမ်းတ၀ါးဝါး ရှိနေရာက ဒုတိယ (၄)လပိုင်းမှာ ကိုယ့်ရဲ့ အိပ်မက်နဲ့ မျှော်လင့်ချက်တွေ အကောင်အထည် ပေါ်လာမယ်။ အခွင့်အရေးက ကိုယ့်ဆီကို တန်းတန်းမတ်မတ် ရောက်လာမယ်။ ကိုယ်လုပ်ရမယ့် လုပ်ငန်းတွေကတော့ လွယ်ကူလှတဲ့ လုပ်ငန်းတွေ မဟုတ်ဘူး။ ကြိုးစားရလိမ့်မယ်။ ကိုယ်နှစ်စိတ်နှစ် အလုပ်လုပ်ရလိမ့်မယ်။ အငြိမ်မနေရဘဲ အမြဲ သွားလာလှုပ်ရှားနေရမယ်။ ဒီအထဲမှာ ဆုံးရှုံးမှု အချို့လည်း ရှိနိုင်တယ်။ ကိစ္စမရှိဘူး။ ဆုံးရှုံးမှုကို ရင်းနှီးမြုတ်နှံမှုလို့ သဘောထားလိုက်ပါ။ အချိန်တန်ရင် ဒီ ဆုံးရှုံးမှုထက် မကတဲ့ အကျိုးအမြတ်များ ရှိလာမှာ ဖြစ်တယ်။ ဒီနှစ် (2013) ခုနှစ်ဟာ ဘယ် မိန်ရာသီဖွား မဆို လုပ်ငန်းကြီးတွေ တည်ထောင်မိတတ်တဲ့နှစ်မျိုးဖြစ်ပြီး သာမန် ဇာတာရှင်များတောင်မှ အလုပ်ကြီးအကိုင်ကြီးတွေ တည်ထောင်တဲ့ နေရာမှာ ပါဝင် ဆောင်ရွက်ခွင့် ရတတ်တယ်။ ဟော်တယ် ခရီးသွားလုပ်ငန်း ၊ ယာဉ်ကား လုပ်ငန်း ၊ စာနယ်ဇင်း နှင့် သတင်းဆက်သွယ်ရေး လုပ်ငန်း ၊ အီလက်ထရောနစ် ၊ ကွန်ပျူတာ နှင့် အဆင့်မြင့် ဖုန်းဆက်သွယ်ရေး နှင့် Smart Phone လုပ်ငန်း ၊ ဖက်ရှင်ဒီဇိုင်း လုပ်ငန်းများနှင့် ပတ်သက်ပြီး မိန်ရာသီဖွားများ အကျိုးကျေးဇူး အလွန်ဖြစ်ထွန်းကြဖို့ ရှိပါတယ်။ အခွင့်ကောင်း အခါကောင်းတွေကတော့ တောက်လျှောက်ရောက်လာမှာဘဲ ၊ မိမိရရ ဆုပ်ကိုင်နိုင်ဖို့က ကိုယ့်ဘက်က တာဝန်ဖြစ်တယ်။
ငွေရေး ကြေးရေး ။                    ။ ငွေကြေးကံကတော့ အထက်က ပြောသလို “ညာဖက်က၀င် ၊ ဘယ်ဖက်က ထွက်” ဖြစ်နေမယ်။ ဒီနှစ်ထဲမှာ  ငွေစုလို့ ရဦးမည် မဟုတ်ပါ။ ငွေကြေးအများအပြား ၀င်ရောက်ကိန်း ရှိသလို ပြန်လည် ရင်းနှီးဖို့ကို မလောက်မငဖြစ်နေမယ်။ သို့သော် နောက်ပိုင်းမှာတော့ အကျိုးအမြတ် ကြီးစွာ ရရှိဖို့ ဖြစ်တယ်။ ဒီနှစ်ဟာ “မိန်” ရာသီဖွားများအတွက် အတိတ်ကံရဲ့ အကျိုးပေးမှုကို အများဆုံးရမယ့် နှစ်ဖြစ်တယ်။  နိုင်ငံရပ်ခြားများနှင့် ဆက်သွယ်လုပ်ကိုင်သော လုပ်ငန်းများမှ အကျိုးအမြတ် သိသာထင်ရှားစွာ ရရှိမယ်။ ပိုင်ဆိုင်မှုတွေ မြင့်မားတိုးတက်လာသော်လည်း ငွေကတော့ သိသာစွာ ပေါ်ဦးမည် မဟုတ်ပါ။
ပညာရေး။                      ။ ပညာသင်ကြားနေသူ ငယ်ရွယ်သူများအတွက် ယခုနှစ်မှာ ကြိုးစားလျှင် ကြိုးစားသလောက် အောင်ပန်းဆွတ်ခူးနိုင်မည့် နှစ်ဖြစ်တယ်။ ၀ီရိယအားနည်းသူတို့အတွက် မဟုတ်ပါ။ စနေဂြိုဟ် ကောင်းစွာ အလုပ်လုပ်နေလို့ တကယ်ကြိုးစားသူများသာ ထိုက်ထိုက်တန်တန် ပညာရေး သရဖူကို ဆွတ်ခူးနိုင်မယ်။ ခြေချော်လက်ချော် ဖြစ်စရာ မရှိ။
အချစ်ရေး ။                     ။ ချစ်သူနဲ့ မကြာခဏ ကတောက်ကဆ ဖြစ်မယ်။ ခိုက်ရန်ဖြစ်ပွားမယ်။ မခေါ်ကြ မပြောကြသည်အထိ ဖြစ်မယ်။ တနှစ်လုံး တစောင်းစေး နဲ့ မျက်ချေး ဆိုတာလို ဖြစ်နေမယ်။ အချစ်ရေး ကိစ္စ သာယာချမ်းမြေ့မှု မရှိဖို့ များလှပါတယ်။
အိမ်ထောင်ရေး။                 ။ ဒီနှစ်ဟာ မိန်ရာသီဖွားများအတွက် အိမ်ထောင်ရေးကံ “ထ” သော နှစ်ဖြစ်မယ်။ အပျိုကြီး လူပျိုကြီးမျာ စွံကြမယ်။ နှစ်ရှည်လများ Living together ဘ၀နဲ့စခန်းသွားနေရတဲ့ ချစ်သူရည်းစားများ ဒီနှစ်မှာတော့ လက်ထပ်ဖြစ်ကြမယ်။ တိတ်တိတ်ပုန်း ဘ၀မှာ အနေကြာလှသူများလည်း ထင်ထင်ပေါ်ပေါ်ဘ၀ကို ရောက်လာမယ်။
မိသားစု နှင့် အိမ်တွင်းရေး ။                      ။ အိမ်ထောင်ကျပြီးသူများအတွက်တော့ မိမိ လုပ်ငန်းများကို အာရုံစူးစိုက်ရခြင်း ၊ အလုပ်အလွန်များ ခြင်းတို့ကြောင့် အိမ်တွင်းရေးကို လှည့်လည်း မကြည့်နိုင်၊ အိမ်ထောင်ဘက်ကိုလည်း ဂရုမစိုက်နိုင်ခြင်းတို့ကြောင့် အိမ်ထောင်ရေးဘ၀ဟာ အေးစက်စက်ဖြစ်လာတတ်တယ်။ အိမ်ထောင်ဘက်ရဲ့ အထင်အမြင်လွဲမှုကို မကြာခဏ ခံရမယ်။ အိမ်တွင်းရေး မသာယာပါ။ အကောင်းဆုံးက မိမိဘက်မှ အိမ်ထောင်ဘက်အပေါ် ပြန်လည် ကြင်နာမှုပေးလိုက်ပါ။ အလုပ်ကို နည်းနည်းလျှော့လုပ်လိုက်ပါ။ သို့မဟုတ်ပါက အပျက်ပျက်ဖြင့် နှာခေါင်းသွေးထွက်ကိန်း ရှိသည်ကို သတိပြုရမယ်။
ကျန်းမာရေး ။                              ။ ပထမ (၄)လပိုင်းမှာ ကျန်းမာရေး မကောင်းပါ။ ချူခြာနေမယ်။ တစ်ခုပြီး တစ်ခု ဖြစ်နေမယ်။ နေကောင်းတဲ့ အခါရယ်လို့ မရှိပါ။ အလုပ်အကိုင်ကလည်း အဆင်မပြေလှသေးခြင်းကြောင့် စိတ်ပိုင်းဆိုင်ရာ ဖိစီးမှုလည်း များနိုင်ပါတယ်။ တနင်္လာ သားသမီး နဲ့ စနေ သားသမီးများမှာ အသေးစား ခွဲစိတ်ကုသမှုမျိုး ရှိနိုင်တယ်။ အိမ်ထောင်ဘက် ဖြစ်သူကလည်း ကျန်းမာရေး မကောင်းတတ်ပါ။ ပထမ (၄)လပိုင်းမှာ မိသားစုအတွင်း ကျန်းမာရေး အသေးစား ချူခြာမှုများ ကြောင့် စိတ်ညစ်ငြူးရတတ်ပါတယ်။
ပြည်တွင်းခရီး နှင့် နိုင်ငံခြားခရီး ။                          ။ ပြည်တွင်းခရီး မကြာခဏ ထွက်ရတတ်ပါတယ်။ ခရီးသွားလာခြင်းမှ မိမိလုပ်ငန်း တိုးတက်ရာ တိုးတက်ကြောင်းများ တွေ့လာနိုင်ပါတယ်။ နိုင်ငံရပ်ခြားသို့ အပြီးပြောင်းရွှေ့ဖို့ ကြန့်ကြာနေသူများ ယခုနှစ်အတွင်း အထမြောက် အောင်မြင်ဖို့ ရှိပါတယ်။ နိုင်ငံရပ်ခြား ခရီးများမှ မိမိဘ၀တိုးတက်ရေးအတွက် အကူအညီပေးနိုင်မည့် သူများနှင့် တွေ့ကြုံရတတ်ပါတယ်။ ယခုနှစ်အတွင်း မိန်ရာသီဖွားများ နိုင်ငံရပ်ခြားများသို ခရီးမကြာခဏ ထွက်ခြင်းကို “ဘ၀တိုးတက်ရေး ယတြာ” တစ်ခုသဖွယ် ပြုလုပ်ပေးသင့်ပါတယ်။
လူမှုဆက်ဆံရေး ။                        ။ လူမှုဆက်ဆံရေး နယ်ပယ်မှာ ကိုယ့်ကို တိုက်ခိုက်မယ့် ရန်သူပေါ်နိုင်သလို ကိုယ့်ကို အကျိုးပြုမယ့် မ,စ မယ့် ပုဂ္ဂိုလ်လည်း ပေါ်တတ်ပါတယ်။ သတိထားရမှာက ဒီနှစ်မှာ မိန်ရာသီဖွား အများအပြားရှိတဲ့ အနက် “လူမှုဆက်ဆံရေး အလွန်ကောင်းသူ ၊ လူချစ်လူခင် အလွန်များသူ ၊ နိမ့်ကျသော လူအများကို အမြဲကူညီစောင့်ရှောက်လေ့ရှိသူ” များဟာ ဒီနှစ်မှာ အခြားသော မိန်ရာသီဖွားများထက် အပြတ်အသတ် တိုးတက်အောင်မြင်သွားကြမှာဖြစ်လို့ ဒီနှစ်မှာ လူမှုဆက်ဆံရေးနယ်ပယ်မှာ ပြဿနာ မရှိအောင် ရှောင်ပါ။ ပြိုင်လာလျှင် အရှုံးပေးလိုက်ပါ။ နှလုံးအေးရုံမက အကျိုးအမြတ်ပါ ထွက်လာလိမ့်မယ်။
နှစ်ချုပ် ကံကြမ္မာ ။                          ။ ယခုနှစ်အတွက် မိန်ရာသီဖွားတို့၏ ကံကြမ္မာကို လေ့လာရလျှင် (၁၀)နှစ်တစ်ခါ မပေါ်နိုင်သော အခွင့်အလမ်း ကောင်းများ ပေါ်ထွန်းတတ်သော နှစ်မျိုးဖြစ်တယ်။ လူမျိုးခြား ၊ နိုင်ငံခြားသား (သို့) နိုင်ငံခြားတွင် နေထိုင်သူ မြန်မာလူမျိုး ၊ ငယ်သူငယ်ချင်း ၊ ဆွေမျိုး . . စသည်များမှ မ,စ မည့် ကံမျိုး ပေါ်ပေါက်တတ်တယ်။ “စိုင်ကော်လို့ ခြံပေါ်ရောက်” ကိန်းရှိတယ်။ ထိုသို့သော ကံကြမ္မာကောင်းများ ၀င်ရောက်လာရန်အတွက် “လှေကြီးလှေငယ် ဆိုက်ကပ်ရန် လွယ်ကူသော ဆိပ်ကမ်းသာ” တစ်ခုနှယ်သို့ မိမိကိုယ်ကို ပြုပြင်ထားသင့်တယ်။ အခွင့်အရေးကောင်းတွေအတွက် အသင့်ကြိုဆိုနိုင်အောင် လုပ်ထားသင့်တယ်။ သင့်ရဲ့ လူမှုဆက်ဆံရေး စွမ်းရည် ၊ ယုံကြည်စိတ်ချရမှု စွမ်းရည်များက သင့်ဘ၀ကို မြှင့်တင်ပေးလိမ့်မယ်။ ဒီနှစ်ဟာ အကျဉ်းချုပ်ပြောရရင် “ကံကောင်းအောင် အသင့် ပြင်ဆင် ထားမယ် ဆိုရင် ကံကောင်းခြင်းတွေ ဆိုက်ရောက်လာမည့်နှစ်” ဖြစ်တယ်လို့ ဆိုရမယ်။ သဘောပေါက်တယ် ဟုတ်။
နေ့သားသမီးအလိုက် ကံကြမ္မာ။                          ။ ဒီနှစ်ထဲမှာ မိန်ရာသီဖွားများအနက် တနင်္ဂနွေ ၊ ဗုဒ္ဓဟူး ၊ ရာဟု ၊ သောကြာ နဲ့ စနေ သားသမီးများဟာ ကံကောင်းမှုကို ပိုမိုသိသာစွာ ရရှိကြမှာဖြစ်တယ်။ တနင်္လာ သားသမီးတွေကတော့ ရန် အတိုက်အခံ ၊ အိမ်တွင်းရေး ပြဿနာတွေကို ဖြေရှင်းပြီးမှ ကံကောင်းမှုကို ရရှိနိုင်မယ်။ ကြာသပတေး သားသမီးတွေကတော့ ဒုတိယ(၄)လ နဲ့ တတိယ(၄)လ ပိုင်း တစ်ခုခုမှာမှ အကောင်းကို ခံစားရမယ်။ အင်္ဂါ သားသမီးများ မိန်ရာသီရဲ့ အကျိုးကျေးဇူးတွေကို အလျော့နည်းဆုံး ခံစားရမယ်။
ယတြာပြုလုပ်လိုက ။                          ။ မိမိမွေးနေ့မှာ ဆင်းရဲသားရပ်ကွက်တစ်ခုကို သွားပြီး “ဘဲသား” ဆန်ပြုတ်တိုက်ပြီး ဒါနလုပ်ပေးပါ။ တစ်နှစ်လုံး (၃)ကြိမ်မှ (၅)ကြိမ်အထိ ပြုလုပ်ပေးပါ။
————————————————————————————————————————-

တူ ရာသီ ဖွားများ

Preview ။                          ။ 2013 ခုနှစ်ဟာ တူရာသီဖွားများအတွက် ဘ၀တိုးတက်ရေးအတွက် အနားမနေ အငြိမ်မနေရဘဲ လှုပ်ရှားနေရမယ့် နှစ်ဖြစ်တယ်။ ဒါပေမယ့် မနှစ်ကလိုတော့ မဟုတ်ဘူး။ မနှစ်ကတော့ တူရာသီဖွား အတော်များများ အဆင်မပြေ ခဲ့ကြဘူး။ ဒီနှစ်တော့ ကြိုးစားသလောက် အောင်မြင်ဖို့ အခွင့်အလမ်း များမယ့် နှစ်ဖြစ်တယ်။ အထူးသဖြင့် အလုပ်အကိုင် တိုးတက်ချဲ့ထွင်ရခြင်း ၊ ရာထူးတိုးခြင်း ၊ လုပ်ငန်းနှင့်ပတ်သက်ပြီး မိမိရည်မှန်းချက်ပန်းတိုင် ပြည့်ဝခြင်းများဖြင့် ပြည့်စုံနိုင်မည့်နှစ် ဖြစ်ပါလိမ့်မယ်။ ယဉ်ကား ၊ အိုးအိမ် ၊ ခြံမြေ ၊ မရွေ့ပြောင်းနိုင်သော ပစ္စည်းများနှင့် ပတ်သက်ပြီး အကျိုးကျေးဇူး အထူးရှိနိုင်မည့် နှစ်ဖြစ်တယ်။ ဧပြီလနောက်ပိုင်းမှာ အလှူရေစက် လက်နဲ့မကွာ ဆိုသလို အလှူကြီးအတန်းကြီး ပေးရမယ်။ ဘာသာရေး သာသနာရေး ကိစ္စတွေ အထူးလုပ်ဆောင်ရမယ်။ ဒီနှစ်ကတော့ ယေဘူယျပြောရရင် “တူ” ရာသီဖွားများအတွက် ကံကောင်းမှုတွေ များပြားမယ့် နှစ်လို့ ဆိုနိုင်ပါလိမ့်မယ်။
စိတ်ပိုင်းဆိုင်ရာ ။                      ။ ဒီနှစ် မိမိစိတ်ပိုင်းဆိုင်ရာမှာ စိတ်အားတက်ကြွမှု ၊ မျှော်လင့်ချက် နဲ့ အကောင်းမြင်ဝါဒ ၊ မိမိကိုယ်ကို ယုံကြည်မှုတွေ တိုးပွားနေမယ်။ ဒီနှစ်ဟာ တကယ်လည်း စိတ်ချမ်းသာမှုနဲ့ ပြည့်စုံရမယ့် နှစ်မျိုးဖြစ်ပါတယ်။ တူရာသီဖွား တစ်ဦးနဲ့တစ်ဦး ထပ်တူမကျနိုင်ပေမယ့် ပျော်ရွှင်မှု အတိုင်းအတာကတော့ အနည်းနဲ့ အများဆိုသလို ရရှိကြမှာဖြစ်တယ်။
စီးပွားရေး နှင့် အလုပ်အကိုင် ။                         ။ စီးပွားလုပ်ငန်းများ တိုးတက်ချဲ့ထွင်ရခြင်း၊ ၀န်ထမ်းများ ရာထူးတိုးခြင်း၊ အလုပ်တစ်ခု ရှာဖွေနေကြသူများ အလုပ်ကိုင်ကောင်းများကို ရရှိခြင်းများကို ဧကန်ရရှိနိုင်တဲ့ နှစ်ဖြစ်တယ်။ ဒီနှစ်ဟာ အလုပ်လုပ်ရတာကိုက ပျော်စရာ ကောင်းနေမယ်။ လုပ်သမျှ အလုပ်တိုင်းဟာ “ခွင်တည့်” နေပြီး မှန်းချက်နဲ့ နှမ်းထွက် ကိုက်နေမယ်။ ရေ ၊ အရည် ၊ အဖျော်ယမကာ ၊ ရေ နှင့် ပတ်သက်နေသော လုပ်ငန်းများ၊ ဆား နှင့် ငါးလုပ်ငန်း ၊ အမျိုးသမီး အလှအပဆိုင်ရာ ပစ္စည်းများ ရောင်းဝယ်ထုတ်လုပ်ခြင်း လုပ်ငန်းများ၊ ခရီးသွားလုပ်ငန်း၊ ဟော်တယ်လုပ်ငန်း ၊ ရုပ်ရှင် ဂီတ နှင့် ဖျော်ဖြေရေး ဆိုင်ရာ လုပ်ငန်းများ လုပ်ကိုင်နေသူများ အထူးအကျိုးများကြလိမ့်မယ်။ ဒီနှစ်မှာ ဘာသာရေး ဆိုင်ရာ ကိစ္စရပ်များ လုပ်ကိုင်ဖို့ ပေါ်ပေါက်လာတတ်ပြီး လုပ်ခွင့်ရရင် သဒ္ဓါထက်သန်စွာ လုပ်ကိုင်ခြင်းဖြင့် မိမိဘ၀အခြေအနေပါ တိုးတက်မြင့်မား လာတာကို ချက်ခြင်းလက်ငင်း အကျိုးခံစားကြရလိမ့်မယ်။ အိုးအိမ်ခြံမြေများ ပိုင်ဆိုင်ထားသူများ မိမိတို့ ပိုင်ဆိုင်မှုတန်ဖိုး တိုးတက်မြင့်မားမှုကို ခံစားရမယ်။
ငွေရေး ကြေးရေး ။                    ။ ငွေကြေးကိစ္စတွေမှာ အ၀င်အထွက် ခက်ခဲတဲ့ အခြေအနေတစ်ရပ်ကို ကြုံတွေ့နိုင်ပေမယ့် ကျော်လွှားသွားနိုင်ပါလိမ့်မယ်။ နှစ်အစပိုင်းမှာတော့ အခက်အခဲ အနည်းငယ်ရှိပြီး ဒုတိယ နှစ်ဝက်ကျော်လာရင်တော့ ငွေကြေးကံ ကောင်းလာပါလိမ့်မယ်။ ဒီနှစ်ဟာ လုပ်ငန်းရှင်များအတွက် အမြတ်အစွန်း ကြီးမားတတ်တဲ့ နှစ်မျိုးဖြစ်ပြီး ငွေအလုံးအရင်းနဲ့ ၀င်ရောက်တတ်ပါတယ်။ မိမိရဲ့ ပုံမှန်လုပ်ငန်းအပြင် အခြားသော နည်းလမ်းများနဲ့လည်း ငွေဝင်ရောက်ကိန်း ရှိပါတယ်။ ဒါကြောင့် “ထီဝါသနာပါသူ” များအတွက် ထီမှန်မှန် ထိုးသင့်တဲ့ နှစ်လည်း ဖြစ်ပါတယ်။ တူရာသီဖွားတွေ ဒီနှစ်ငွေဝင်မည့် ပုံစံက လက်လီစိတ် ပြီး ၀င်တာမျိုးထက် တချီတချီကို အလုံးအရင်းနဲ့ ၀င်တာမျိုးက ပိုဖြစ်နိုင်တယ်။ ငွေများများဝင်လာရင် လက်ထဲမှာ “ကျစ်” မထားဘဲ တစ်စိတ်တစ်ပိုင်း ပြန်လည် လှူဒါန်းပေးကမ်းရဖို့ “ဒီနှစ်ရဲ့ လမ်းညွှန်ချက်” ထဲမှာ အထူးကဏ္ဍက ပါဝင်နေတာကိုတော့ သတိပြုပါ။
ပညာရေး။                      ။ ပညာသင်ကြားနေသူ ငယ်ရွယ်သူများအတွက် ပညာရေးအောင်ပန်း အကြီးအကျယ် ဆွတ်ခူးနိုင်တဲ့ နှစ်မျိုးဖြစ်တယ်။ အထူးသဖြင့် တူရာသီဖွား မိန်းကလေးများက ယောင်္ကျားလေးများထက် ပိုပြီးအောင်မြင်နိုင်တယ်။ ပညာရေးနဲ့ ပတ်သက်ပြီး ဂုဏ်ပြုချီးမွမ်းခံရမယ်။ ဒီနှစ်အတွက် ကျောင်းသူကျောင်းသားများကို အထူးသတိပေးလိုတာက စာကျက် လေ့ကျင့်ခဏ်း လုပ်ကြတဲ့အခါ စိတ်တူကိုယ်တူ သူငယ်ချင်း (၃)ယောက်တိတိ အတူတွဲပြီး စာလုပ်ပါ။ ထူးခြားတဲ့ အကျိုးကို ခံစားရမယ်။ ဦးခေါင်း(၃)ခေါင်း ဆိုင်ပြီး အလုပ်လုပ်ခြင်းဖြင့် ဒီနှစ်ရဲ့ ပညာရေးအောင်ပန်းကို ဆွတ်ခူးနိုင်ကြလိမ့်မယ်။
အချစ်ရေး ။                     ။ ငယ်ရွယ်သူများ ဒီနှစ် အချစ်ရေးကံ အလွန်ကောင်းတယ် ဆိုရမယ်။ ချစ်သူနှင့် အဆင်ပြေသော ဆက်ဆံရေးများ ရှိမယ်။ ဒီနှစ်ထဲမှာ ပြဿနာ မများဘဲ စိတ်တူကိုယ်တူ ရှိကြလိမ့်မယ်။ အချစ်သစ် ရှာဖွေနေကြသူများလည်း အဆင်ပြေကြလိမ့်မယ်။
အိမ်ထောင်ရေး။                 ။ ဒီနှစ်ဟာ တူရာသီဖွားများ အချစ်ရေးကံ အဆင်ပြေသလို အိမ်ထောင်ရေးကံလည်း အဆင်ပြေကြလိမ့်မယ်။ ဒီနှစ်မှာ တင့်တယ်ကောင်းမြတ်သော မင်္ဂလာအခမ်းအနားများနှင့် အိမ်ထောင်ပြုကြရမယ့် ကံမျိုး ရှိကြမယ်။ နှစ်ဦးနှစ်ဘက် ဆွေမျိုးများ အဆင်ပြေပြေနှင့် လက်ထပ်ရတတ်တယ်။
မိသားစု နှင့် အိမ်တွင်းရေး ။                      ။ အိမ်ထောင်ကျပြီးသူများအတွက် ဒီနှစ်ဟာ သိသိသာသာ အိမ်ထောင်ရေးကံ တိုးတက်မြင့်မားမည့် နှစ်ဖြစ်နိုင်တယ်။ အိမ်ထောင်ရေး ၊ အိမ်တွင်းရေး အဆင်ပြေမယ် ၊ သာယာချမ်းမြေ့မယ်။ ပျော်စရာကောင်း တဲ့ အလည်အပတ်ခရီးများ ၊ စားပွဲသောက်ပွဲများကို ကျင်းပရတတ်တယ်။ သားကြီးသမီးကြီး ရှိတဲ့ အိမ်ထောင်များမှာ သားသမီးများ အတွင်း မင်္ဂလာကိစ္စ ပေါ်ပေါက်ကိန်း ရှိတယ်။ သားသမီးများကို မင်္ဂလာပြုပေးရတတ်ပါတယ်။
ကျန်းမာရေး ။                              ။ ကျန်းမာရေးကတော့ အနည်းငယ် အားနည်း ချူခြာမယ်။ သို့သော် ကြီးကြီးမားမား ဖြစ်စရာတော့ မရှိဘူး။ ခရီးများများ သွားတတ်သူများ ခရီးသွားလာရင်း ၊ ပန်ပန်းနွမ်းနယ်မှုကြောင့် ကျန်းမာရေး အနည်းငယ် ထိခိုက်ခြင်းများ ရှိနိုင်တယ်။ သားသမီး ရှိသူများ သားသမီးများရဲ့ ကျန်းမာရေးကို နည်းနည်း ဂရုစိုက်ပေးပါ။
ပြည်တွင်းခရီး နှင့် နိုင်ငံခြားခရီး ။                          ။ ဒီနှစ်ဟာ တူရာသီဖွားများအတွက် “ခရီးနှစ်” လို့တောင် ခေါ်နိုင်ပါတယ်။ မကြာခဏ ခရီးဝေး/နီးများ သွားလာရမယ်။ နိုင်ငံခြားခရီးများ ရှိတယ်။ ဒုတိယ (၆)လပိုင်းမှာ နိုင်ငံရပ်ခြားနဲ့ ပတ်သက်ပြီး အလုပ်ကအကိုင် အခွင့်အလမ်းကောင်းများ တွေ့ကြုံရတတ်ပါတယ်။ နိုင်ငံခြားကို သွားရောက် အလုပ်လုပ်ကိုင်မည့် သူများ ဒုတိယ (၆)လပိုင်းလောက်မှ အဆင်ပြေချောမွေ့နိုင်မယ်။
လူမှုဆက်ဆံရေး ။                        ။ လူမှုဆက်ဆံရေးပိုင်းဆိုင်ရာမှာ ဒီနှစ် ပြဿနာ နည်းမယ်။ သို့သော် ဒီနှစ်မှာ အချို့ ငွေရေးကြေးရေးကို နှမြောတွန့်တိုကြသူများ၊ ပေသီးခေါက်တတ်ကြသူများ အတွက် မလိုလားအပ်သော လူမှုဆက်ဆံရေး အဖုအထစ်များ ရှိနိုင်တယ်။ ပြဿနာတော့ သိပ်အကြီးကြီး မတွေ့ရနိုင်ဘူးလို့ဘဲ ယူဆပါတယ်။ ကိုယ့်အပေါ်မှာ မလိုလားတဲ့ သူများကိုတော့ “မေတ္တာတရား” နဲ့ဘဲ အနိုင်ယူလိုက်ပါ။ မေတ္တာ မကြာခဏ ပို့ပေးပါ။ အဆင်ပြေသွားပါလိမ့်မယ်။
နှစ်ချုပ် ကံကြမ္မာ ။                          ။ ယခုနှစ်အတွက် တူရာသီဖွားတို့၏ ကံကြမ္မာကို သုံးသပ်ရမည်ဆိုလျှင် ယခုနှစ်အတွက် ကံကြမ္မာ တိုးတက်ကောင်းမွန်သည့် ရာသီခွင်များထဲတွင် ပါဝင်ပါတယ်။ ဒီနှစ်အတွက် တူရာသီဖွား အများစုဟာ ကံကောင်းမှုများ ကို အသီးသီး ပုံစံတစ်မျိုးစီနဲ့ ခံစားရဖို့ ရှိပါတယ်။ မနှစ်က ကံဇာတာ ညံ့ခဲ့သည့် တူရာသီဖွားများ ၊ အဆုံးအရှုံးများခဲ့သည့် တူရာသီဖွားများ ဒီနှစ်မှာ ဆုံးရှုံးမှုများကို ပြန်လည် ခံစားခွင့်၊ အစားထိုး ရပိုင်ခွင့်များ ရှိလာကြပါလိမ့်မယ်။ ဒီနှစ်မှာ သိပ်ကို ညံ့စရာ ရယ်လို့ မရှိနိုင်ဘူးလို့ဘဲ ယူဆပါတယ်။ ဒီနှစ်ဟာ ကိုယ့်အလုပ်အကိုင် ၊ ကိုယ့်မိသားစု ၊ ဆွေမျိုးသားခြင်း ၊ အပေါင်းအဖော်များ ၊ စတဲ့ အုပ်စုများအတွင်း ပျော်စရာကောင်းတဲ့ အခြေအနေများကို တွေ့ကြရဖို့ ရှိပါတယ်။ တစ်ခု သတိထားရမှာ ဒီနှစ် အရာရာမှာ အပျော်မကျူးဖို့ဘဲ လိုပါမယ်။ ဒီနှစ်ထဲမှာ “ရက်ရောပေးကမ်းခြင်း” ဟာ “နှမြောတွန့်တိုခြင်း” ထက် ပိုပြီး အောင်မြင်မှုကို ပေးနိုင်တယ် ဆိုတာကို စွဲစွဲမြဲမြဲ သတိထားဖို့ လိုပါလိမ့်မယ်။
နေ့သားသမီးအလိုက် ကံကြမ္မာ။                          ။ ဒီနှစ်ထဲမှာ တူရာသီဖွားများအနက် တနင်္လာ ၊ အင်္ဂါ ၊ ကြာသပတေး ၊ သောကြာ သားသမီးများဟာ ကံကောင်းမှုကို ပိုမိုသိသာစွာ ရရှိကြမှာဖြစ်တယ်။ တနင်္ဂနွေ ၊ ဗုဒ္ဓဟူး ၊ စနေ နဲ့ ရာဟု သားသမီးများကတော့ အစပိုင်းမှာ ကံအနည်းငယ် နှောင့်နှေးတတ်ပြီး အဆင်မပြေသလို ဖြစ်နေရာက နောက်ပိုင်းမှာ ရုတ်တရက် ကံကောင်းလာတတ်တယ်။ ငွေစုငွေပုံကြီးများ ၀င်ရောက်နိုင်တယ်။
ယတြာပြုလုပ်လိုက ။                          ။ မိမိမွေးနေ့မှာ ဘုန်းတော်ကြီးတစ်ကျောင်းကို သွားပြီး “အီလက်ထရောနစ်ပစ္စည်း” တစ်ခုခုကို လှူဒါန်းလိုက်ပါ။ ပြီးရင် တိရိစ္ဆာန်ဥယာဉ်ကို သွားပြီး ဆင်တွေကို ကြံကျွေးလိုက်ပါ။
————————————————————————————————————————-

ကရကဋ် ရာသီဖွားများ

Preview ။                    ။ 2013 ခုနှစ်ဟာ ကရကဋ် ရာသီဖွားများအတွက် ကံဇာတာ အဆိုး အကောင်း ယှဉ်တွဲ တွေ့ကြုံရဖို့ရှိတယ်။ တစ်ဖက်ကလည်း “တိုးပွား” မှုတွေ ရှိသလို တစ်ဖက်ကလည်း “ဆုတ်ယုတ်” မှုတွေ ရှိနိုင်တယ်။ “အောင်မြင်မှု” တွေ ရှိသလို “ကျရှုံးမှု” တွေ ရှိမယ်။ “စိတ်တက်ကြွ” တဲ့ အခါရှိသလို “စိတ်ဓာတ်ကျ” တဲ့ အချိန်တွေကိုလည်း ဖြတ်သန်းရမယ်။ “ရိုးသားဖြောင့်မတ်မှု” နဲ့ “လိမ်လည်လှည့်ဖျား” မှုတွေ အားပြိုင်နေမယ်။ “လောဘ” နဲ့ “စွန့်လွှတ်ခြင်း” တို့ အားပြိုင်နေမယ်။ ဒီနှစ်ဟာ ကရကဋ်ရာသီဖွားများအတွက် “အစွန်းတရား” နှစ်ဖက်တို့ ပြိုင်ဆိုင် ၀င်ရောက်တတ်တဲ့ နှစ်မျိုးဖြစ်တာ မို့ စိတ်ဓာတ်ကြံ့ခိုင်ဖို့နဲ့ မှားယွင်းသော ဆုံးဖြတ်ချက်များ မချမိစေဖို့ လိုအပ်ပါသည်။ ဒီနှစ်ထဲမှာ ဖြစ်ရပျက်ရတဲ့ ကိစ္စတွေ အတော်တော်များများဟာ “ကံတရား” ကြောင့်ထက် “မိမိရဲ့ အဆုံးအဖြတ်နဲ့ရွေးချယ်မှု” က ပိုပြီး အဓိကကျပေလိမ့်မယ်။ ခြံပြီးပြောရရင်တော့ ဒီနှစ်ဟာ ကရကဋ် ရာသီဖွားများ ကံဇာတာ မသင့်မြတ်လှပေဘူး။
စိတ်ပိုင်းဆိုင်ရာ ။                    ။ ဒီနှစ်မှာ ကရကဋ်ရာသီခွင်မှာ မွေးဖွားလာတဲ့ သူများမှာ မကောင်းတဲ့ ဂြိုဟ်ဆိုးတွေ လွှမ်းမိုးမှု များနေတဲ့နှစ်တနှစ် ဖြစ်တဲ့အတွက် မိမိစိတ်ပိုင်းဆိုင်ရာမှာ ကိုယ်ကျိုးအတ္တ နဲ့ မာန်မာန တို့ ကြီးစိုးနေတတ်တယ်။ ဒါကြောင့် ဒီနှစ်မှာ မရိုးဖြောင့်တဲ့ စကားကို ဆိုမိတတ်တယ်။ မရိုးဖြောင့်တဲ့ အလုပ်ကို လုပ်မိတတ်တယ်။ လျှို့ဝှက်မှုတွေ ၊ လောဘတရားတွေ ၊ မစဉ်းစားမဆင်ခြင်နိုင်ဘဲ ပြောမိလုပ်မိတာတွေ များနေတတ်တယ်။ မကောင်းသော အကြောင်းများဟာ မကောင်းအကျိုးကို ဖြစ်ထွန်းစေတတ်တာမို့ ဒီနှစ်မှာ ကိုယ့်စိတ်ရဲ့ အနေအထားလေးတွေကို သတိနဲ့ အစဉ်စောင့်ကြည့် ထိန်းသိမ်းနေသင့်တယ်။
စီးပွားရေး နှင့် အလုပ်အကိုင် ။                    ။ အလုပ်အကိုင်ဘာဝကို ကြီးစိုးတဲ့ အင်္ဂါဂြိုဟ် (၈)တန့်မှာ ရပ်ပြီး ယူရေးနပ်စ်နဲ့ Square အမြင်ဟာ ကရကဋ်ရာသီဖွားများအတွက် ဒီနှစ်မှာ အလုပ်အကိုင် စီးပွားရေးနဲ့ ပတ်သက်ပြီး အလွန်ဆိုးဝါးတဲ့ အမြင် ဖြစ်နေပါတယ်။ ဒီအမြင်ကြောင့် အကောင်းမြင်ဝါဒ နဲ့ လောဘတရားတွေ အလွန်အမင်း လွှမ်းမိုးလာပြီး ကိုယ်မနိုင်တဲ့ အလုပ်ကြီးအကိုင်ကြီးတွေ လုပ်မိတတ်တယ်။ အဲဒီမှာ အစပိုင်းတော့ ဟန်သလိုလိုနဲ့ နောက်ဆုံးမှာတော့ “ဖင်မနိုင်ဘဲ ပဲကြီးဟင်းသောက်” ဆိုတာလို လုပ်ငန်းကြီးတွေ ဟာ တွက်ရေးက စက်သူဌေး၊ တွက်ကြည့်အမြတ်မရှိ ဖြစ်ရတတ်တယ်။ အမြတ်မရှိယုံမက အရှုံးကြီးရှုံးရတတ်တယ်။ စီးပွားရေး လုပ်ငန်းကြီးများ လုပ်သူများအတွက် ဒီနှစ်မျိုးဟာ လုပ်ငန်းကြီးတွေ အကြီးအကျယ် ပျက်စီးတတ်တဲ့ နှစ်မျိုးဖြစ်တာကို သတိပြုပါ။ သာမန် လခစား လုပ်သားများ ၊ လုပ်ငန်းငယ်ကလေးများကို ခြေနိုင်လက်နိုင်လုပ်နေသူများသော်မှ ယခုနှစ်မှာ အရွှေ့အပြောင်းခံရခြင်း ၊ အလုပ်ရပ်ဆိုင်းခြင်း ၊ အဆုံးအရှုံးများခြင်းများ ကြုံရဖွယ် ရှိတယ်။ ဒီနှစ်အတွက် အကောင်းဆုံးအကြံပေးချင်တာက စိတ်ထားကောင်းပြီး – ကံဇာတာကောင်းမွန်တဲ့ မိတ်ကောင်းဆွေကောင်းများနဲ့ အတူတွဲဖက်ပြီး သူတို့အကြံဉာဏ်ကို လိုက်နာခြင်းပါဘဲ။ ဒီနှစ်ဟာ တစ်ဦးတည်း ချီတက်ရမယ့် နှစ်မဟုတ်။ မိတ်ကောင်းဆွေကောင်းများ အကူအညီယူရမယ်။ အလုပ်ကို ပုံမှန်လောက်ဘဲ လုပ်ပါ။ မနိုင်မနင်းတွေ ၊ မလုပ်ဖူးတာတွေ သွားမလုပ်ပါလေနဲ့။
ငွေရေး ကြေးရေး ။                    ။ ငွေကြေးကိစ္စတွေမှာတော့ အ၀င်လည်း ရှိနိုင်သလို အထွက်လည်း ရှိနေမယ်။ ငွေကြေးကိစ္စ မတည်ငြိမ်တတ်ပါ။ ထူးထူးဆန်းဆန်းနည်းတွေနဲ့ ငွေစုငွေပုံ ၀င်လာတာမျိုးလည်း ရှိတတ်တယ်။ လက်ရှိအလုပ်ရဲ့ ပုံမှန်ဝင်ငွေက တိုးတက်နေပေမယ့် အလုပ်သစ်အကိုင်သစ်တစ်ခုခုကို လုပ်မိတတ်ပြီး အဲဒီ လုပ်ငန်းသစ်က လုပ်ငန်းဟောင်းရဲ့ ပုံမှန်ဝင်ငွေကို ၀ါးမြိုသွားတတ်တယ်။ ထီ စပ်တူ ပေါက်တတ်တဲ့ ကံကြမ္မာမျိုး ရှိတတ်လို့ တနင်္ဂနွေ ၊ တနင်္လာ ၊ စနေ သားသမီးများနဲ့ ထီစပ်တူထိုးပေးပါ။ ဒီနှစ်ဟာ ကိုယ့်အလုပ်အဟောင်းလေးကို တည်တည်ငြိမ်ငြိမ်နဲ့ လုပ်ကိုင်နေသူများအဖို့ ငွေကြေးကိစ္စ ပြဿနာ သိပ် မရှိတတ်ပါ။ အလုပ်သစ် အကိုင်သစ်ကို မနိုင်မနင်း လုပ်မယ့်သူတွေတော့ ငွေကြေးအတွက် ထင်တိုင်းမပေါက်ဖြစ်ရမယ်။ (ဒီလို လုပ်ဖို့လည်း အခွင့်အလမ်းက ပေါ်လာတတ်တယ်) လုပ်သင့် မလုပ်သင့် ဆုံးဖြတ်ရမှာ ခင်ဗျားတာဝန်ဘဲ။
ပညာရေး။                    ။ ပညာသင်ကြားနေသူ ငယ်ရွယ်သူများအတွက် ပညာရေးနဲ့ ပတ်သက်ပြီး အားနည်းသော အချိန်ကာလ ဖြစ်နိုင်စရာ ရှိတယ်။ ဇန်န၀ါရီလ မှ ဧပြီလကုန်အတွင်း စာမေးပွဲဖြေဆိုရမည့် သူများအတွက် ကံဇာတာ နိမ့်ပါးနေတတ်ပြီး ခြေချော် လက်ချော် ဖြစ်တတ်တာကို သတိပြုပါ။ ဧပြီနောက်ပိုင်း မှ နှစ်ကုန်အတွင်း ဖြေဆိုရတဲ့ စာမေးပွဲတွေမှာတော့ ကံကောင်းတိုးတက်နိုင်တယ်။
အချစ်ရေး ။                    ။ ငယ်ရွယ်သူများ ဒီနှစ် အချစ်ရေးကံ အလွန့် အလွန် ညံ့နိုင်တယ်။ နဂိုကတည်းက ပြဿနာ ပေါ်နေတဲ့ အချစ်ရေးတွေမှာ လမ်းခွဲရသည်အထိ ဖြစ်သွားနိုင်တယ်။ သို့မဟုတ် မျက်နှာခြင်း ဆိုင်မရလောက်အောင် တကျက်ကျက် ဖြစ်နေမယ်။ ကြားလူဖျက်လို့ ပျက်ရတဲ့ အဖြစ်မျိုး ရှိနိုင်တယ်။ အိမ်ထောင်ရေး သစ္စာမဲ့မှု ကြုံရနိုင်ဖွယ် ရှိတယ်။
အိမ်ထောင်ရေး။                    ။ အချစ်ရေးမှာ ညံ့ပေမယ့် အိမ်ထောင်ရေးကျပြန်တော့ သိပ်မညံ့ပေဘူး။ ချစ်သူဘ၀သို့ ရောက်နေသည်မှာ ကြာနေသူများ လက်ထပ်ဖြစ်လိမ့်မယ်။ သို့သော် အထက်က ပြောခဲ့တဲ့အတိုင်း ပူညံပူညံနဲ့ လက်ထပ်ဖြစ်မယ်။ အခက်အခဲ ပြဿနာတွေ ကြုံမယ်။ လက်ထပ်ဖို့ အရေး နှောင့်နှေးကြန့်ကြာ ရက်တွေမကြာခဏ ရွှေ့ရပြီးမှ လက်ထက်ဖြစ် တတ်တယ်။ နှစ်ဖက်ဆွေမျိုးများကြားမှာလည်း ပြဿနာတွေ ဖြစ်တတ်တယ်။ သို့သော် အောင်မြင်စွာ လက်ထပ်ဖြစ်ပါလိမ့်မယ်။
မိသားစု နှင့် အိမ်တွင်းရေး ။                    ။ အိမ်ထောင်ကျပြီးသူများအတွက် အိမ်ထောင်ရေး သာယာမှု သိပ်မရှိနိုင်ပါ။ ရန်များမယ်။ စကားများမယ်။ မိသားစုအတွင်း ကျန်းမာရေး ပြဿနာ ပေါ်မယ်။ အိမ်ထောင်ဘက်ရဲ့ မရိုးမသားလုပ်တာ ခံရနိုင်တယ်။ ငွေကြေးပြဿနာ ရှင်းရတတ်တယ်။ သားသမီးရှိသူများ ကျန်းမာရေးကြောင့်၎င်း ၊ အခြားသော ကိစ္စများကြောင့်၎င်း အပူသောက တွေ့ရဖွယ် ရှိတယ်။
ကျန်းမာရေး ။                    ။ ကျန်းမာရေးနဲ့ ပတ်သက်ရင်တော့ အသေးစား ထိခိုက်ရှနာခြင်းများ ၊ အသေးစား ခွဲစိတ်ကုသမှု များ ဖြစ်နိုင်ချေ ရှိတယ်။ အစာအိမ် နဲ့ နှလုံး အားနည်းတတ်ဖွယ် ရှိတယ်။ လည်ပင်း ၊ လိင်အင်္ဂါ ၊ မျိုးပွားအင်္ဂါများမှာ အနာ ၊ အဖုအကြိတ်များ ဖြစ်နိုင်ဖွယ်ရှိတယ်။ အသက်အန္တရာယ်တော့ မမြင်ပါ။
ပြည်တွင်းခရီး နှင့် နိုင်ငံခြားခရီး ။                    ။ ဧပြီလကုန်အတွင်း နိုင်ငံခြားခရီးစဉ်များ ပျက်ပြားတတ်တယ်။ ထွက်ဖြစ်ရင် လည်း အခက်အခဲများစွာနဲ့ ထွက်ရတတ်တယ်။ ဧပြီလကျော်သွားရင်တော့ နိုင်ငံခြားခရီးစဉ်များ အတွက် ကံဇာတာ ကောင်းမွန်လာပြီး အပြီးအပိုင်ပြောင်းရွှေ့မည့်သူများအတွက် အထမြောက်အောင်မြင်နိုင်တယ်။ အမေရိကန် ကံစမ်းဗီဇာ ထိုးထားသူများ ဗီဇာ ပေါက်ကိန်း ရှိတယ်။
လူမှုဆက်ဆံရေး ။                    ။ လူမှုဆက်ဆံရေးပိုင်းဆိုင်ရာမှာ ဂုဏ်သိက္ခာ ကျဆင်းစရာ ကိစ္စများ ကြုံနိုင်တယ်။ နာမည်ပျက်ခြင်း၊ အရှက်ကွဲခြင်းများ ဖြစ်နိုင်တယ်။ ဖြစ်ရတဲ့ အဓိက အကြောင်းကတော့ ကိုယ်ကိုယ်တိုင် အနေမမှန် ၊ စကားမမှန် ၊ အလုပ်မမှန်ခြင်းများကြောင့် ဖြစ်နိုင်တယ်။ လိုအပ်သည်ထက် ပိုသော လောဘတရားကြောင့် အရှက်ရတတ်တယ်။ ကိုယ့်ရဲ့ လုပ်ရပ်တွေ သိပ်လွန်ကျူးသွားရင်တော့ “အွန်လိုင်း” နှင့် “သတင်းဂျာနယ်” စတဲ့ “မီဒီယာ” တွေမှာပါ “အဖွခံ” ရသည်အထိ အရှက်ရတတ်တာကို သတိပြုပါ။
နှစ်ချုပ် ကံကြမ္မာ ။                    ။ ယခုနှစ်အတွက် ကရကဋ် ရာသီဖွားတို့၏ ကံကြမ္မာကို သုံးသပ်ရမည်ဆိုလျှင် ယခုနှစ်အတွက် ကံကြမ္မာ အညံ့များတတ်ပါတယ်။ ရိုးရိုးကုပ်ကုပ် နေသူများ ပြဿနာ မများပါ။ ပပလွှားလွှားနေသူများ ၊ မာန နှင့် အကြွားများသူ များ ဒုက္ခကြုံတတ်ပါတယ်။ ဒီနှစ်မှာ စိတ်ထားကောင်းကောင်းထားပါ။ နှုတ်ကို စောင့်စည်းပါ။ ဘာသာတရားကို လေးစားလိုက်နာပါ။ မတရားပြုမူလိုစိတ်နှင့် လောဘစိတ်ကို မမွေးပါနှင့်။ (မိမိ၏ ဟောကိန်းများသည် တက်တက်စင် လွဲရန် ခဲယဉ်းလှပါသည်) ယခုနှစ်တွင် ကရကဋ်ရာသီဖွားများ အနည်းနဲ့အများ ဆိုသလို လောကဓံ ခံကြရဖွယ် ရှိပါတယ်။ ပြင်းအား အနည်းအများသာ ကွာပါမည်။ ပြင်းအား အနည်းအများမှာ စိတ်ထား နှင့် ခံယူချက်အပေါ်တွင် တည်ပါသည်။ လိမ်လည်လှည့်ဖျား လုပ်ကိုင်စားသူများ ယခုနှစ်မှာ တရားဥပဒေ နှင့် ကြုံဆုံရဖို့ ရှိပါသည်။ လူကောင်းများကတော့ ဘာမှ ပူစရာ မရှိပါ။ သူတော်ကောင်း နတ်ကောင်းမ, ပါမည်။ အေးအေးဆေးဆေး ရိုးရိုးသားသား စိတ်ထားကောင်းကောင်းနှင့် လုပ်ကိုင်စားနေသူများ ဘာမှတွေးပူစရာမလိုပါ။ အေးချမ်းစွာ နှစ်တနှစ် ကုန်ဆုံးသွားပါလိမ့်မည်။ ယခုနှစ် ကရကဋ် ရာသီဖွားများအတွက် စကားလက်ဆောင်မှာ မေတ္တာသုတ်လာ “အပ္ပကိစ္စောစ” (နည်းပါးသော အမှုကိစ္စ ရှိပါစေ) ဟူသတည်း။ အမှုကိစ္စနည်းလျှင် ပြဿနာ နည်းမည်။ အမှုကိစ္စများလျှင် ပြဿနာ များမည်။ ဤကား နှစ်ချုပ်တည်း။
နေ့သားသမီးအလိုက် ကံကြမ္မာ။                    ။ ဒီနှစ်ထဲမှာ ကရကဋ် ရာသီဖွားများအနက် အင်္ဂါ ၊ ကြာသပတေး ၊ သောကြာ သားသမီးများ ကံဇာတာ အလွန်ညံ့တတ်တယ်။ တနင်္ဂနွေ၊ တနင်္လာ ၊ ဗုဒ္ဓဟူး(ရာဟု) ၊ စနေသားသမီးများ အဆိုး လျှော့ပါး သက်သာဖွယ် ရှိတယ်။
ယတြာပြုလုပ်လိုက ။                    ။ မိမိအနေနဲ့ တတ်နိုင်လျှင် သီလရှင် စာသင်ကျောင်းတစ်ကျောင်းမှာ ဆွမ်းကျွေးအလှူ လုပ်လိုက်ပါ။ မတတ်နိုင်လျှင် သီလရှင် (၂)ပါးကို ၀တ်စုံတစ်စုံစီ လှူဒါန်းပေးပါ။ ရပ်ဝေးနေသူများ မြန်မာပြည်ထဲမှ မိသားစုများအား လုပ်ခိုင်းနိုင်ပါသည်။ ထို့နောက် ရင်သွေးအမွှာ(၂)ဦးကို ကစားစရာ အရုပ်တစ်ခုခု ၀ယ်ပေးပြီး ဒါနပြုလုပ်ပါ။
————————————————————————————————————————
Writtened by ဒေါက်တာတင်ဗိုလ်ဗိုလ် (ကွန်ပျူဗေဒသုခုမ)@ ကွန်ပြူတာ ဗေဒ သုခုမ
http://compubaydathukhuma.com/?p=6905#more-6905