Ayeyawady United FC Vs Yangon United FC ပွဲကစားပုံများနှင်. နည်းပြတို.၏ အမြင်

Red Waves နှင်. ပရိသတ်များ၏ အားပေးမှု

 ယမန်နေ. ညနေက အောင်ဆန်းကွင်းတွင် ကျင်းပသွားခဲ့သော Ayeyawady United နှင်. Yangon United တို.ပွဲကတော. မထင်မှတ်ထားသော ဂိုးပြတ်ရလဒ်ဖြင်. ဧရာဝတီ တို. အောင်နိုင်ခဲ့ကြသည်

ပွဲကြိုသုံးသပ်ချက်...ပကတိ အခြေအနေ တို.က တစ်ဖတ်သတ်ညွှန်ပြနေသော်လည်း စိတ်ဓါတ်နှင်. ညီညွတ်မှုတို.က ထိုရလဒ်ကို ရရှိစေခဲ့သည်

ပြောရလျှင် ရန်ကုန်နည်းပြချုပ် စိုးရိမ်ခဲ့သကဲ့သို. ဖြစ်ခဲ့ခြင်းပင်...

အုပ်ချုပ်သူအဖွဲ.သစ်....ကစားသမား..ပရိသတ်တို.၏ စုစည်းဖေါက်ခွဲမှုက ထိုရလဒ်ကို ရရှိစေခဲ့ကြခြင်းပင်

ထိုပွဲစဉ်ကို Soccer Myanmar က ဧရာဝတီကို ရှုံးနိမ့်ကာ ဇယားထိပ်မှ ဆင်းပေးခဲ့ရသည့် ရန်ကုန် ဟူသောခေါင်းစဉ်ဖြင်.ဤ သို.ရေးသားခဲ့သည်

 အမှတ်ပေးဇယား ဦးဆောင်သူ ရန်ကုန် ယူနိုက်တက်သည် ယနေ့ညနေက ကစားခဲ့သည့် မြန်မာနေရှင်နယ်လိဂ် ပွဲစဉ်(၆)တွင် ရလဒ်များ ဆိုးရွားနေသည့် ဧရာဝတီ အသင်းကို ဂိုးပြတ်ရှုံးနိမ့်ခဲ့ရသောကြောင့် အမှတ်ပေးဇယား ထိပ်ဆုံးနေရာကို ဒုတိယနေရာမှ ဇေယျာရွှေမြေ အသင်းကို လွှဲပေးလိုက်ရပြီ ဖြစ်သည်။ ရန်ကုန်သည် ယခုပွဲတွင် ပွဲချိန် ပထမပိုင်း၌ ကစားပုံပျက်ယွင်းနေခဲ့ သောကြောင့် ဧရာဝတီ၏ ဦးဆောင်မှုကို ခံခဲ့ရပြီး ဒုတိယပိုင်းတွင် ပြန်လည် ဖိအားပေးနိုင်ခဲ့သော်လည်း ဧရာဝတီ ကစားသမားများ၏ နည်းဗျူဟာကျကျ တုံပြန်မှုများကြောင့် ပွဲအပြီးတွင် ရှုံးနိမ့်ခဲ့ရခြင်း ဖြစ်သည်။

ပွဲအစ (၃)မိနစ်မှာပင် ရန်ကုန်၏ ဘယ်နောက်ခံလူ ပြည့်ဖြိုးအောင် ဒဏ်ရာရသွားခဲ့သောကြောင့် လူငယ်ကစားသမား ဇာနည်ထက်နှင့် လူစားလဲခဲ့ရသည်။ ယခုပွဲတွင် ရန်ကုန်၏ နောက်ခံအစွန်လူများသည် တိုက်စစ်လိုက်ပါရာတွင် အားနည်းချက်များ ရှိခဲ့ပြီး တိုက်စစ်ကို ထိရောက်စွာ ပံ့ပိုးနိုင်ခြင်း မရှိခဲ့ပေ။ ဧရာဝတီကမူ ယခုပွဲတွင် အခြားပွဲများနှင့် ကွဲပြားစွာ ခြေစွမ်းပြ ကစားနိုင်ခဲ့ပြီး ရန်ကုန်၏ ဟာကွက်များကို စနစ်တကျ အခွင့်ကောင်း ယူနိုင်ခဲ့သည်။ အစောပိုင်း ပွဲချိန်များတွင် (၂)သင်းစလုံး အပြန်အလှန် ထိန်းချုပ်ရန် ကြိုးပမ်းနေကြသောကြောင့် ထိထိရောက်ရောက် ဂိုးပေါက်ခြိမ်းခြောက် နိုင်ခြင်း မရှိခဲ့ပေ။ ဂိုးရရန် ကြိုးပမ်းနေခဲ့သည့် ရန်ကုန်သည် ပွဲချိန် (၃၂)မိနစ်တွင် အမှတ်မထင် ဂိုးပေးလိုက်ရသည်။ ကောင်တာမှ နန္ဒလင်းကျော်ချစ် လွတ်ထွက်သွားပြီး ရှေ့ထွက်နေသည့် ဂိုးသမား နိုင်ဇေယျာထွန်းကို ကျော်ကာ လှလှပပ ကန်သွင်းခဲ့ခြင်း ဖြစ်သည်။ ထိုဂိုးမှ လွဲ၍ ပထမပိုင်းအတွင်း ထိရောက်သည့် ထိုးဖောက်မှုများကို နှစ်သင်းစလုံး ထပ်မံပြုလုပ်နိုင်ခြင်း မရှိတော့ပေ။

ဒုတိယပိုင်း ပြန်စချိန်တွင် ရန်ကုန်က ကျော်ကိုကို ကို လူစားလဲကာ တိုက်စစ်မြှင့်ခဲ့သည်။ သို့သော်လည်း ဂိုးရခဲ့သည်မှာ ဧရာဝတီသာ ဖြစ်ခဲ့သည်။ ဧရာဝတီသည် ဒုတိယဂိုးကို တန်ပြန်တိုက်စစ်မှပင် ရရှိခဲ့သည်။ ထိုဂိုးကို ယခုပွဲတွင် ခြေစွမ်းပြနေသည့် နန္ဒလင်းကျော်ချစ်ကပင် ဖန်တီးပေးခဲ့ခြင်း ဖြစ်ပြီး ရန်ကုန် ကစားသမားဟောင်း နေလင်းထွန်းက ရန်ကုန်နောက်ခံလူများနှင့် အပြိုင်ပြေးကာ ပိတ်သွင်းယူခဲ့ခြင်း ဖြစ်သည်။ ဒုတိယဂိုး ပေးလိုက်ရသည့် ရန်ကုန်သည် ချေပဂိုး ပြန်သွင်းနိုင်ရေးအတွက် အပြင်းအထန် ဖိအားပေးလာခဲ့သည်။ မိနစ် (၆၀)တွင် ရန်အောင်ကျော် ဧရိယာ အစပ်မှ အပိုင်ကန်ခွင့် ရသော်လည်း ဂိုးသမား တည့်တည့် ရောက်သွားခဲ့သည်။ ပွဲချိန် (၇၄)မိနစ်တွင်လည်း ကိုနေး ဂိုးသမားနှင့် တစ်ဦးခြင်း အပိုင်ကန်ရသော်လည်း ဂိုးဘေးကပ်ထွက် သွားခဲ့သောကြောင့် ရန်ကုန်တို့ နစ်နာခဲ့ပြန်သည်။ ပွဲချိန် (၇၇)မိနစ်တွင်မူ ရန်ကုန်တို့ ချေပဂိုး ရခဲ့သည်။ ထိုဂိုးကို ဧရိယာ အစပ်မှ ရရှိသည့် ပြစ်ဒဏ်ဘောကို ဆီဇာက တိုက်ရိုက်ကန်သွင်းခဲ့ခြင်း ဖြစ်သည်။ ချေပဂိုး ရခဲ့သည့် အတွက် ရန်ကုန်တို့ စိတ်ဓါတ်တက်ကာ အပြင်းအထန် တိုက်စစ်ဆင်ခဲ့သောကြောင့် ဧရာဝတီ တစ်သင်းလုံး အသည်းအသန် ခုခံနေခဲ့ရသည်။ သို့သော်လည်း တစ်ကယ်တမ်းတွင် ဧရာဝတီသာ တန်ပြန်တိုက်စစ်မှ အနိုင်သေချာစေမည့် တတိယဂိုးကို ရရှိခဲ့သည်။ ထိုဂိုးကို ကောင်တာမှပင် ရရှိခဲ့ခြင်း ဖြစ်ပြီး လီအန်ဒရို လွတ်လွတ်ကျွတ်ကျွတ် ဆွဲပြေးလာပြီး အပိုင်ကန်သွင်းခဲ့ရာ နိုင်ဇေယျာထွန်း ပုတ်ထုတ်ခဲ့သော်လည်း အဆင်သင့်ရှိနေသည့် နန္ဒလင်းကျော်ချစ်က အပိုင်ပိတ်သွင်း ခဲ့ခြင်း ဖြစ်သည်။

 သာမာန် ပွဲကစားချိန် မိနစ်(၉၀) ပြည့်ပြီးနောက် နာကျင်အချိန်ပို (၆)မိနစ်  သတ်မှတ်ပေးခဲ့သော်လည်း နှစ်သင်းလုံး ဂိုးထပ်မသွင်း နိုင်တော့ သောကြောင့် (၃-၁)နှင့်ပင် ပွဲပြီးဆုံးခဲ့သည်။ ရန်ကုန်သည် ယခုပွဲ ရှုံးနိမ့်ခဲ့သောကြောင့် တစ်ပြိုင်တည်း ကစားသည့် ပွဲတွင် ရခိုင်ကို ဂိုးပြတ် အနိုင်ရခဲ့သည့် ရမှတ်တူ ပြိုင်ဘက် ဇေယျာရွှေမြေ၏ ကျော်တက်ခြင်းကို ခံခဲ့ရပြီ ဖြစ်သည်။

Ayeyawady United FC ၏ တရားဝင် Website တွင်မူ 

 ရန်ကုန်ယူနိုက်တက်အား ဂိုးပြတ်အနိုင်ယူခဲ့သည့် ကစားသမားများအား နည်းပြချုပ် ဂုဏ်ပြုစကားဆို ဟူသော ခေါင်းစဉ်တပ်ကာ

ဧရာဝတီယူနိုက်တက်သည် မြန်မာနေရှင်နယ်လိဂ် ၂၀၁၃ ၏ (၆) ပွဲမြောက် ပွဲစဉ်အဖြစ် အမှတ်ပေး ဇယားအား ဦးဆောင်နေသည့် ရန်ကုန်ယူနိုက်တက်နှင့် အောင်ဆန်းကွင်းတွင် (၂၃.၃.၂၀၁၃)နေ့ ညနေ (၄း၀၀) နာရီ အချိန်တွင် ယှဉ်ပြိုင်ကစားခဲ့ရာ ၃ - ၁ ဂိုးဖြင့် ဂိုးပြတ်အနိုင်ရရှိခဲ့သည်။

ဤနိုင်ပွဲနှင့် ပတ်သက်၍ နည်းပြချုပ် မစ္စတာမာယန်းက မိမိအသင်းအနေဖြင့် ဒဏ်ရာရ၊ ပွဲပယ် ပြဿနာများကြောင့် အသင်းခေါင်းဆောင် ဇော်ဇော်ဦး၊ နေလင်းအောင်၊ စိုးကျော်ကျော် စသည့် အဓိက ကစားသမား အတော်များများ မပါဝင်နိုင်သော်လည်း ယနေ့ပါဝင်ကစားကြသည့် ကစားသမားများအား မိမိတို့၏ အကောင်းဆုံးပုံစံကို ထုတ်ဖော်ပြသနိုင်သည့်အတွက် ဂုဏ်ပြုစကားဆိုခဲ့သည်။ လေ့ကျင့်ရေး အစီအစဉ်များ တွင် မိမိမှာကြားခဲ့သည်များကိုလည်း လိုက်နာကြသည့်အတွက် မိမိအနေဖြင့် ၀မ်းမြောက်ဝမ်းသာ ဖြစ်မိ ကြောင်းဆိုသည်။

ရှေ့တွင် ကစားခဲ့သော ပြည်တွင်းပွဲစဉ်များ အပါအ၀င်၊ AFC ပွဲစဉ်များတွင် ရလာဒ်များ မကောင်းခဲ့သော်လည်း ယုံကြည်မှု ပျောက်ဆုံးသွားခြင်းမရှိဘဲ မိမိတို့လုပ်ရမည့်အလုပ်ကို အာရုံစူးစိုက် ထားနိုင်သည့်အတွက် ယခု ရလာဒ်မျိုး ရရှိခဲ့ခြင်းဖြစ်ကြောင်းဆိုခဲ့သည်။

မိမိအသင်း၏ ကစားသမားများအနေဖြင့် အဖျက်ကြမ်းလွန်းခြင်း၊ ရန်လိုခြင်းအမူအရာများ မပြုလုပ်ခဲ့ဘဲ ဘောလုံးကိုသာ ကောင်းစွာကစားသွားသည်ကို အားလုံးမြင်တွေ့ခဲ့ကြရမှာ ဖြစ်တဲ့အတွက် ကစားသမားများအား ဂုဏ်ပြုစကားဆိုချင်သလို ရလာဒ်အတွက် ၀မ်းသာပီတိဖြစ်မိကြောင်း ဖွင့်ဟ ပြောဆိုခဲ့သည်။

ဟု ရေးသားထားခဲ့သည်

Yangon United ၏ တရားဝင် Website တွင်မူ  
ရန်ကုန် ယူနိုက်တက် အသင်း မမျှော်လင့်ဘဲ ဧရာဝတီ ယူနိုက်တက်ကို ရှုံးနိမ့် ဟုဆိုကာ ယခုလိုရေးသားထားခဲ့ပါသည်

Yangon United Football Club's Photos

 မတ်လ ၂၃ ရက်နေ့ ညနေပိုင်းက အောင်ဆန်းကွင်း တွင် ယှဉ်ပြိုင် ခဲ့သော ဧရာဝတီ ယူနိုက်တက် နှင့် ရန်ကုန် ယူနိုက်တက်တို့ ပွဲစဉ်တွင် ရန်ကုန် အသင်း မမျှော်လင့်ဘဲ ၃-၁ ဖြင့် ရှုံးနိမ့် ခဲ့သည်။ ရန်ကုန် အတွက် တစ်လုံး တည်းသော ချေပဂိုးကို ဆီဇာက အလွတ် တည်ကန်ဘောမှ တစ်ဆင့် သွင်းယူခဲ့ ခြင်းဖြစ်ပြီး ဧရာဝတီ အတွက် ဂိုးများကို နန္ဒလင်းကျော်ချစ် နှင့် နေလင်းထွန်း တို့က သွင်းယူခဲ့သည်။

ရန်ကုန် အသင်းသည် ခြေကျင်းဝတ် ဒဏ်ရာ ရနေသော ခင်မောင်လွင် မှအပ အဓိက ကစားသမား အစုံအလင် ပါဝင်ခဲ့ပြီး ဧရာဝတီ အသင်းတွင်လည်း ထူးကျော်၊ နန္ဒလင်းကျော်ချစ်၊ နိုင်လင်းဦး၊ ဖြိုးကိုကိုသိန်း တို့ဖြင့် လူစုံခဲ့ သည်။ ယနေ့ ပွဲတွင် ရန်ကုန် အသင်းမှာ ဘောလုံး ပိုင်ဆိုင်မှု အသာဖြင့် ဖိကစား နိုင်သော်လည်း တိုက်စစ်မှူး များ၏ နေရာယူ အားနည်းမှုနှင့် ဂိုးကံခေ မှုများကြောင့် ယခုလို ဂိုးပြတ် ရှုံးနိမ့် ခဲ့ရခြင်း ဖြစ်သည်။

ပထမပိုင်း ပွဲအစ ၃ မိနစ်တွင် ရန်ကုန် ဘယ်နောက်ခံလူ ပြည့်ဖြိုးအောင် ဒဏ်ရာ ရခဲ့ပြီး ဇာနည်ထက် နှင့် လူစား လဲခဲ့ရသည်။ ဒဏ်ရာ ရခဲ့သည့် ပြည့်ဖြိုးအောင် မှာ ဘယ်ဘက် ခြေသလုံး ရိုးတွင် ဒဏ်ရာ ရခဲ့ပြီး (၃)ပတ်ခန့် အနားယူရမည် ဖြစ်သည်။ ပထမပိုင်း ၇ မိနစ်တွင် ဧရာဝတီ ဂိုးသမား ပြည့်ဖြိုးဦး နှင့်အပြိုင် ဆီဇာ ခေါင်းတိုက်ခဲ့ ရာ ဂိုးတိုင်ထိ ထွက်ခဲ့သဖြင့် ရန်ကုန် အသင်း နစ်နာခဲ့သည်။ ရန်ကုန် အသင်းသည် ယနေ့ပွဲ တွင် နောက်ခံ အစွန် ကစားသမားများ ကစားပုံ အားနည်းချက် ရှိခဲ့ပြီး ပထမပိုင်း ၃၂ မိနစ်တွင် ဧရာဝတီ တောင်ပံ ကစားသ မား နန္ဒလင်းကျော်ချစ်က ဂိုးဧရိယာ အစပ်မှ နေပြီး အနည်းငယ် ရှေ့ထွက် နေသည့် ရန်ကုန် ဂိုးသမား နိုင်ဇေယျာထွန်း ကို ကျော်ကာ ဂိုး သွင်းနိုင်ခဲ့ပြီး ပထမပိုင်းတွင် ဧရာဝတီ တို့ ၁-၀ ဖြင့် ဦးဆောင် နိုင်ခဲ့သည်။

ဒုတိယပိုင်း အစတွင် သက်လွင်ဝင်း အစား ကျော်ကိုကို ၀င်ရောက် ကစားခဲ့ပြီး ရန်ကုန် အသင်း ပိုမို ဖိကစားနိုင် သော်လည်း အချိတ်အဆက် လွဲနေဆဲ ဖြစ်သည်။ ၅၁ မိနစ်တွင် တောင်ပံမှ ဖြတ်တင်သော ဘောလုံးကို ဧရာဝ တီ အလယ်တန်းလူ နေလင်းထွန်း ရန်ကုန် နောက်ခံလူ များနှင့် အပြိုင် ပိတ်သွင်းခဲ့ပြီး ဧရာဝတီ အသင်း ဒုတိ ယဂိုး ရခဲ့သည်။ ၅၄ မိနစ်တွင် ရန်ကုန် အသင်းခေါင်းဆောင် ရာဇာဝင်းသိန်း ကို ဧရာဝတီ နောက်ခံလူများက ပင်နယ်တီ ဧရိယာအတွင်း ဥပဒေပ ကစား ခဲ့သော်လည်း ဒိုင်လူကြီး ဦးဝင်းချိုက ပင်နယ်တီ ပေးရန် ငြင်းဆန်ခဲ့ သည်။

ယခုပွဲမှာ ပြိုင်ဆိုင်မှု ပြင်းထန်ခဲ့ပြီး နှစ်ဖက် ဘောလုံး သမားများ အကြား ထိပ်တိုက် တွေ့မှုများ ရှိခဲ့ပြီး ဧရာဝတီ ဂိုးသမား ပြည့်ဖြိုးဦးမှာလည်း မကြာခဏ ဆိုသလို ဆေးကုသမှု ခံယူခဲ့ရသည်။ ဧရာဝတီ ကစားသမားများ သည် ရန်ကုန် အသင်းကို နည်းဗျူဟာ မြောက်စွာ ကစားနိုင်ခဲ့ပြီး ရန်ကုန် အသင်း၏ ပွဲအရှိန်ကို မကြာခဏ ဆိုသလို ရပ်တန့် စေခဲ့သည်။ ၇၄ မိနစ်တွင် ရန်ကုန် တိုက်စစ်မှူး ကိုနေးက ဧရာဝတီ ဂိုးသမားကို ကျော်ပြီး အမြောက်ဘော ကန်သွင်းရာ ဂိုးဘေး ကပ်ထွက်ခဲ့သည်။ ၇၆ မိနစ်တွင် ကြည်လင်းကို ဧရာဝတီ ကစားသမား များ ဥပဒေပ ကစားရာမှ ရသည့် ပြစ်ဒဏ်ဘောမှ တစ်ဆင့် ဆီဇာက တိုက်ရိုက် ကန်သွင်းပြီး ရန်ကုန်တို့ ချေပဂိုး တစ်ဂိုး ရခဲ့သည်။

နောက်ပိုင်းတွင် ဧရာဝတီ အသင်းက ခံစစ် ဦးစားပေးပြီး တန်ပြန် တိုက်စစ်နှင့် ရင်ဆိုင် ခဲ့သလို ရန်ကုန် အသင်း ကလည်း တစ်သင်းလုံး တိုက်စစ်ဆင် ကစားခဲ့သည်။ ပွဲချိန် ၈၉ မိနစ်တွင် ဧရာဝတီ အသင်းမှ တန်ပြန် တိုက်စစ် ဆင်နိုင်ခဲ့ပြီး နန္ဒလင်းကျော်ချစ် က ဧရာဝတီ၏ အနိုင်ကို သေချာစေမည့် တတိယမြောက် ဂိုးကို သွင်းယူ ခဲ့သည်။ ရန်ကုန် အသင်း ချေပဂိုး ရရန် ကြိုးစားသော်လည်း ဂိုးအဖြစ် ပြောင်းလဲနိုင်မှု အားနည်းခဲ့ပြီး ယခုနှစ် ဘောလုံးရာသီတွင် ဒုတိယမြောက် ရှုံးပွဲနှင့် ရင်ဆိုင်ခဲ့ရသည်။ ရန်ကုန် အသင်း ရှုံးနိမ့်ချိန်တွင် အမှတ်တူ ရရှိ ထားသည့် ဇေယျာရွှေမြေ အသင်းက အနိုင်ရ သွားသောကြောင့် ရန်ကုန် အသင်းမှာ အမှတ်ပေး ဇယားတွင် ဒုတိယ နေရာသို့ ရောက်ရှိသွားသည်။

 ထို.အပြင် 
ကွင်းလယ် ဒိုင်လူကြီးနှင့် ပြိုင်ဘက် အသင်းတို့ ပေါင်းပြီး အနိုင်ယူခဲ့ဟု ရန်ကုန် နည်းပြ ဝေဖန် ဟူသောခေါင်းစဉ်ဖြင်. ဤ သို.ရေးသားထားခဲ့ပါသည်

Photo by ygn utd

 ရန်ကုန် ယူနိုက်တက် အသင်း နည်းပြချုပ် အီဗန်ကိုလက်ဗ်က ယနေ့ပွဲတွင် ဒိုင်လူကြီး ဦးဝင်းချိုနှင့် ဧရာဝတီ ယူနိုက်တက် အသင်းတို့ ပေါင်းပြီး အနိုင်ပွဲ ရယူခဲ့သည်ဟု ပွဲပြီး သတင်းစာ ရှင်းလင်းပွဲတွင် ပြောကြားသည်။ ဧရာဝတီ အသင်းသည် နန္ဒလင်းကျော်ချစ် နှင့် နေလင်းထွန်းတို့၏ သွင်းဂိုးများ ဖြင့် ရန်ကုန် အသင်းကို အနိုင်ယူ ခဲ့ခြင်းဖြစ်ပြီး ရန်ကုန် အသင်းအတွက် ချေပဂိုးကို ဆီဇာက သွင်းယူခဲ့သည်။

ဧရာဝတီ ၃-၁ ရန်ကုန် ပွဲစဉ် အပြီး ပြုလုပ်သည့် သတင်းစာ ရှင်းလင်းပွဲတွင် နည်းပြချုပ် ကိုလက်ဗ်က “ဒီနေ့ပွဲ အဖြေဟာ လက်ခံ နိုင်စရာ လုံးဝ မရှိပါဘူး။ ကွင်းလယ် ဒိုင်လူကြီးနဲ့ ဧရာဝတီ အသင်းတို့ ပေါင်းပြီး နိုင်ပွဲ ရယူခဲ့ တယ်လို့ ဆိုချင်တယ်။ ဒုတိယပိုင်း မှာ ဧရာဝတီ အသင်းရဲ့ ကစားသမားတွေ ဟန်ဆောင် လှဲချတာ အရမ်းများ တယ်လို့လည်း ပြောချင်တယ်။ ဒီအခြေအနေကို ကွင်းလယ် ဒိုင်လူကြီးက ဘာလို့ မထိန်းသိမ်း တာလဲ။ အရမ်း အံ့သြဖို့ ကောင်းပါတယ်။ ကျွန်တော့် အသင်း အမှားများ ခဲ့တယ် ဆိုတာလည်း မှန်ပါတယ်”ဟု ဆိုသည်။

ရန်ကုန် အသင်းသည် ဧရာဝတီ အသင်းကို ဘောလုံး ပိုင်ဆိုင်မှု အသာစီးဖြင့် ဖိကစား နိုင်သော်လည်း ဧရာဝတီ အသင်း၏ မကြာခဏ ဒဏ်ရာရမှု များက ပွဲအရှိန်ကို ကျဆင်း စေခဲ့သည်။ ထိုကိစ္စနှင့် ပတ်သက်ပြီးလည်း ကိုလက်ဗ်က ယခုလို ဆိုသည်။

“ဧရာဝတီ ကစားသမားတွေဟာ နည်းဗျူဟာ မြောက်လောက်အောင် ပွဲအရှိန်ကို ထိန်းနိုင်ခဲ့ သူတွေပါ။ သူတို့ တွေရဲ့ မကြာခဏ ပွဲရပ်နားမှုက ကျွန်တော့် ကစားသမား တွေကို အာရုံ ပျံ့လွင့် စေပါတယ်။ ဒီပွဲမှာ ကျွန်တော် တို့အသင်းက ဘောလုံးကို ပုံမှန် အတိုင်း ကစားခဲ့ပြီး ဧရာဝတီ ကတော့ ပုံစံ မျိုးစုံနဲ့ ကစားခဲ့ပါတယ်။ ပင်နယ်တီ ဧရိယာထဲမှာ ရာဇာဝင်းသိန်း နဲ့ ကျော်ကိုကို တို့ကို ဥပဒေပ ကစားခဲ့ပေမယ့် ပင်နယ်တီ အဖြစ် သတ်မှတ်ခဲ့ခြင်း မရှိပါဘူး။ ကျွန်တော့် အတွက်ကတော့ အဲဒီ ပြစ်ဒဏ်ဘောဟာ ၁၀၀ ရာခိုင်နှုန်း သေချာတာ မဟုတ်ပါဘူး။ ၁၀၀၀ (တစ်ထောင် ရာခိုင်နှုန်း) သေချာတာပါ”ဟု ကိုလက်ဗ်က ဝေဖန်လိုက်သည်။ ထူးခြားချက်မှာ ရန်ကုန် အသင်းသည် ယခုနှစ် နေရှင်နယ်လိဂ်တွင် ကွင်းလယ် ဒိုင်လူကြီး ဦးဝင်းချို ကိုင်တွယ် ခဲ့သည့် နှစ်ပွဲစလုံး (ဇေယျာရွှေမြေ ၁-၀ ရန်ကုန် ယူနိုက်တက် ၂၆-၁-၂၀၁၃၊ ဧရာဝတီ ယူနိုက်တက် ၃-၁ ရန်ကုန် ယူနိုက်တက် ၂၃-၃-၂၀၁၃) ရှုံးနိမ့် ခဲ့ခြင်းဖြစ်သည်။

လာမည့် နေရှင်နယ်လိဂ် ပွဲစဉ်အဖြစ် ကမ္ဘောဇ အသင်းနှင့် ရင်ဆိုင်ရမည့် ပွဲကိုလည်း အကောင်းဆုံး ယှဉ်ပြိုင်နိုင် ရန် ပြင်ဆင်မည် ဖြစ်ကြောင်း၊ ပွဲတိုင်းမှာ အရေးကြီးပြီး ပြိုင်ဘက် များက ရန်ကုန် အသင်းကို အမြဲ အနိုင်ယူရန် ကြိုးစားနေ သည်ကို သဘောပေါက်ကြောင်း ပြောကြားသည်။ ယနေ့ပွဲတွင် ဒဏ်ရာ ရသောကြောင့် ပထမပိုင်း (၃)မိနစ်မှာပင် လူစားလဲ ခံခဲ့ရသော ရန်ကုန် ဘယ်နောက်ခံလူ ပြည့်ဖြိုးအောင်သည် ဘယ်ဘက် ခြေသလုံးရိုး တွင် ဒဏ်ရာ ပြင်းထန်စွာ ရခဲ့ပြီး ရက်သတ္တပတ် (၃)ပတ် အနားယူရမည် ဖြစ်သည်။

 မည်သို.ပင် ဆိုစေကာမူ ပွဲပြီးရလဒ် ၃-၁ ဖြင်. ဧရာဝတီ အောင်ပွဲဆီသို. ချီတက် သွားနေပါပြီ
မူရင်း Link များ  
http://www.ygnutd.com/index.php?pid=2&id=882&&news=article&lang=myn
http://www.ygnutd.com/index.php?pid=2&id=883&&news=article&lang=myn
http://ayeyawadyutd.com/?page=single&id=NDI%3D&status=ln  
http://www.soccermyanmar.com/index.php?option=com_content&view=article&id=18116:2013-03-24-02-01-36&catid=54:myanmar-national-league&Itemid=104