လွမ်းဆွတ်မိသည် မြို. ကလေးက ငယ်ဘ၀များဆီ

 ( 1980 မှ 1995ခုနှစ်ကြားထဲမှာမွေးတဲ့ သူငယ်ချင်းတွေများရှိရင် ခဏလောက် အချိန်ပေးပြီး ဖတ်ကြည့်ပါလား... ခဏလောက်လွမ်းရတာပေါ့ )

2000 ခုနှစ်ပတ်ဝန်းကျင်ဟာ ကျွန်တော်တို့ လို 1990 နှစ်ကာလအနီးတစ်ဝိုက်မှာ မွေးခဲ့တဲ့သူတွေအတွက်တော့အရာရာထက်ပိုလွမ်းရတဲ့နှစ်ကာလတွေပါပဲ။
အထူးသဖြင့် မြို့ ကြီးပြကြီးတွေထက် နယ်မြို့ သေးသေးလေးဆီမှာ ကြီးပြင်းခဲ့ရသူတွေအတွက်လွမ်းရတဲ့ရနံ့ က ပိုပေါနိုင်ပါတယ်။
အဲ့ဒီတုန်းက နွေဟာနေလိုမပူသေးပဲ ဆောင်းဟာနှင်းတွေနဲ့ လင်းပွင့်နေတုန်းပါပဲ။

ညနေကျောင်းဆင်းတဲ့အခါ ဘောလုံးကန်ကြတဲ့လူငယ်တွေလိုတာထက်ပိုများနေကြပြီး ကျူရှင်ချိန်တွေကလည်းအခုလောက်မပိသေးတဲ့နှစ်ကာလတွေပါပဲ။
ကျွန်တော်တို့ဟာ ခေတ်ပေါင်းများစွာကို ငြင်းခုန်ရင်းသတ်ပုတ်ရင်း စည်းလုံးရင်း ဟိုဘက်ရက်ကွက် ဒီဘက်ရက်ကွက်တွေ အားကစားတစ်ခုခုချိန်းကန်ရင်း ဖြတ်သန်းခဲ့ ကြတယ်။

လိပ်ပြာတွေပုစဉ်းရင်ကွဲတွေတအားဖြတ်ပျံနေတဲ့ကာလဆိုကုတင်အောက်ကဖုန်တက်နေတဲ့ရစ်လုံးတွေထုတ်

ကြမယ်။ဆီစိမ်စက္ကူနဲ့ လုပ်ထားတဲ့ခုတ်စွန်တွေ ကျန်ကျောင်းပုံပါတဲ့အမြီးဖွါးဖွါးနဲ့ ကလေးတွေလွှတ်တဲ့အပျော်တမ်းစွန်တွေ
မှန်စာတွေသူ့ ထက်ငါအပြိုင်တိုက်ရင်း စွန်ခေတ်ဆိုတာကိုဖြတ်သန်းကြမယ်။

သားရေပင်တွေကို သားရေပင်ဂိုင်ကြီး
တွေနဲ့ ပစ်တာဖြစ်ဖြစ် ဒိုးပြားတွေနဲ့ ပစ်တာပဲဖြစ်ဖြစ်
ထုတ်သတ်ကစားရင်း သားရေပင်ခေတ်ကိုဖြတ်ကြမယ်။

အရုပ်တွေမျိုးစုံထောင်ထားရင်း ခေါင်မှန်ကုန်ပစ်တာပဲဖြစ်ဖြစ် နှစ်ဘက်ကမ်းပစ်တာပဲဖြစ်ဖြစ်

 ဂေါ်လီလုံးတွေနဲ့ ပစ်ရတဲ့ အရုပ်ခေတ်ကိုဖြတ်သန်းကြမယ်။

ဒီလိုပါပဲ။
ပုံခေတ်။ကော်သေနတ်နဲ့ စစ်တိုက်တမ်းကစားရတဲ့ခေတ်။
မိုးရေထဲခုန်ဆင်းရင်း ကမ္ဘာကြီးကို ဘောလုံးနဲ့ စစ်မျက်နှာဖွင့်ရတဲ့ခေတ်။

အို လွန်ခဲ့သောနှစ်ကာလတွေမှာ ကျွန်တော်
တို့ အနေနဲ့ ပြန်ပြောပြစရာတွေဟာ ဘာလို့ များစိမ့်စိမ့်ဝင်ဝင်များနေခဲ့ရတာပါလိမ့်။

အဲ့ဒီတုန်းက တူတူပုန်းတမ်းဆိုတာခေတ်စားတယ်။
အဲ့ဒီတုန်းက ကျောင်းမုန့် ဖိုးငါးဆယ်လောက်ရတဲ့ကောင်ဆိုတာအကောင်ပဲ။(ကျွန်တော်က ဆယ်တန်းရောက်မှတနေ့ လုံးစာ မုန့် ဖိုးတစ်ရာပဲရပါတယ်)။ သားရေပင်တွေအများကြီးကို ကြိုးလိုဆက်ပြီး ခါးမှာရှည်ရှည်ပတ်ထားနိုင်တဲ့ကောင်က အကောင်ပဲ။
အဲ့ဒီတုန်းက ကြီးနိုင်ငယ်ညှဉ်းဆိုတာ တစ်ချို့ ကစားပွဲတွေမှာ ကလေးတွေကိုထည့်မသွင်းတာပဲ။
အဲ့ဒီတုန်းက မိုးရွာရင်ဇိမ်ကျဖို့ ထက် မိုးရေထဲပြေးဆင်းလိုက်ဖို့ ကို ပိုအာရုံကျကြတယ်။

အဲ့ဒီတုန်းက အသာစီးရတယ်ဆိုတာ အိမ်ပြန်လက်ဆောင်ဆိုပြီး ကျောကိုဦးအောင်
ရိုက်ပြီး အမြန်ပြန်ပြေးရတဲ့ ဖီလင်ပဲ။
အဲ့ဒီတုန်းကမီးခဏခဏပျက်တယ်။ဒါပေမယ့်အစိုးရကိုဆဲရကောင်းမှန်းမသိသေးဘူး။

ဖယောင်းတိုင်အတုတ်ကြီးတွေနဲ့  လမ်းမီးတိုင်တွေဟာ ကျွန်တော့တို့ ရဲ့ ဆွတ်ပျံ့ ဖွယ်ရာလက်နက်ပဲ။

အဲ့ဒီတုန်းက အရသာရှိခြင်းဆိုတာ သရက်သီးကိုငရုပ်သီး စပ်စပ်နဲ့ သုတ်ထားပြီး အားလုံးဝိုင်းလုစားရတဲ့ အခိုက်အတန့် ပဲ။

အဲ့ဒီတုန်းက ပျော်ရွှင်မှုဆိုတာ
ကျောက်ရုပ် ကျောက်ပျက်ကစားတာဖြစ်ပြီးညစ်ပတ်တယ်ဆိုတာ တစ်ယောက်ထဲကိုကွက်ပြီးငြိုးဖမ်းရတာပဲ။

ကျယ်ပြောတဲ့လမ်းဆုံရဲ့ လမ်းမီးတိုက်အောက်မှာထုပ်စည်းတိုးနေကြတဲ့မိန်းကလေးတွေရှိပြီး အဲ့ဒီနားမှာပဲ လက်သီးထိုးတမ်းကစားနေတဲ့လူငယ်တွေရှိကြပါတယ်။
အဲ့ဒီတုန်းက ထူးဆန်းတဲ့သတင်းဆိုတာ အိမ်ချင်းကပ်ရက်နှစ်အိမ် အကြီးအကျယ်ရန်ဖြစ်တာဖြစ်ပြီး ကြောက်စရာကောင်းတဲ့ကောလဟာလဆိုတာ ကလေးတွေကိုလိုက်
ဖမ်းနေတဲ့ ခေါင်းဖြတ်ဂိုဏ်းဆိုတာပဲ။

အဲ့ဒီတုန်းက ကမ္ဘာကြီးကို ဘာနဲ့ မှချောင်းကြည့်လို့ မရသေးဘူး။တရုတ်သိုင်းကားထဲခြေစုံပစ်ဝင်ရင်း TV ထဲမှာလည်းအခုထက်ပိုပြီး အစိမ်းတွေတောက်ပနေတဲ့ကာလတွေပါပဲ။

(2)

အဲ့ဒီတုန်းက ထင်းခြောက်လေးတွေအိမ်တိုင်း အိမ်တိုင်းမှာရှိနေကြပြီး မီးသွေးမီးဖိုဟာ အမေတွေကိုထမ်းပိုးပေးနေတဲ့အထောက်အပံ့ကောင်းတစ်ခုပါပဲ။
ကျွန်တော်တို့ ဟာ နွေနေ့ လည်ရဲ့ အပူဒဏ်ကိုခုခံဖို့ အိမ်အောက်မှာ ရေဖြန်းထားနှင့်မယ်။ြ

မက်ဖျာလေးခင်းဘေးမှာ သဲရေအိုးလေးထားပြီး ကာတွန်းဖြစ်ဖြစ် ဝတ္တူ
စာအုပ်နဲ့ ဖြစ်ဖြစ်ကမ္ဘာကြီးဆီကအပူလှိုင်းကိုကိုယ့်နည်းကိုယ့်ဟန်နဲ့ ရှောင်တိမ်းမယ်။

အပူတွေများတယ်ဆိုရင်တောင် အခုလောက်ထိ တမြေ့မြေ့မပူသေးတဲ့တစ်ချိန်တုန်းက တရေးတမောအိပ်ရတဲ့ နွေနေ့ လည်ခင်းတွေပါပဲ။လွန်ခဲ့တဲ့နှစ်တွေလို့ ပြန်တွေးကြည့်တဲ့အခါ အခုရောက်ရှိနေတဲ့ တိုးတက်မှုယန္တရားခေတ်ကြီးထဲမှာ မပျော်ပဲကျန်နေရတဲ့နောက်ကျလူသားအဖြစ် ကျွန်တော့ကိုယ် ကျွန်တော်ပြန်တွေ့ မိပါတယ်။

  

လိပ်ဥဖွက်တမ်းဟာ သေဆုံးသွားခဲ့ပြီလား။

သြဇာစေ့လေးတွေနဲ့ ဇယ်တောက်ရတဲ့ကစားနည်းတွေကရော။

ပြီးတော့မိန်းကလေးတွေရဲ့ အီစပ်ကြိုးခုန်ရတဲ့ပျော်ရွှင်မှုကရော။

ကလေးတွေကို အရောင်တွေစွန်းပေတာ ဘာလို့ ပိုမြန်လာခဲ့ပါသလဲလို့  လန့် ဖြတ်စွာ ကျွန်တော်စဉ်းစားနေမိပါတယ်။တစ်ခုခုကစားမယ်ဆိုတာနဲ့ တကူးတကလူစုစရာမလိုတဲ့
နှစ်ကာလတွေကို ဘယ်အမှောင်ထဲ ဘယ်သူတွေအကွက်လှမ်းရွှေ့ လိုက်ပါသလဲ။" တူသံ တစ်ချက်ပေး " ဆိုတဲ့အသံတွေကို ကျွန်တော်လှမ်းပြီးလွမ်းနေမိပါတယ်။

"" တစ် နှစ် သုံး တစ် နှစ် သုံး တစ် "" ဆိုတဲ့အသံတွေကို ပြန်ကြားနေမိပါတယ်။" ရုပ်ရှင်ရုံမှာ ဘာကားလဲ " လို့ တစ်စုံတစ်ယောက်က စကားစလိုက်တာနဲ့  ဝေလုကျော် ဆိုပြီး
လုပြေးကြလို့ ပွဲပျက်သွားတဲ့ကစားနည်းတွေကိုလည်းတခုတ်တရလွမ်းဆွတ်နေမိပါတယ်။
ဘယ်ပျော်ရွှင်မှုကိုမှ ပိုက်ဆံနဲ့ ပေးဝယ်စရာမလိုခဲ့ပဲ နာကျင် ဖွယ်ရာဟာသတစ်ခုအနေနဲ့ကတော့ ပျော်ရွှင်မှုတွေ ရိုက်သတ်လို့ မကုန်ဘူးဆိုပြီး ကြွေးကြော်လို့ ရခဲ့တဲ့နှစ်ကာ လတွေပါပဲ။
အဲ့ဒီတုန်းက ကောင်မလေးတွေကလည်း ဘိုကေနဲ့ ဘောင်းဘီတိုနဲ့ ဖြစ်ပြီး ကျွန်တော်တို့ ယောင်္ကျားလေးတွေကလည်းဘိုကေနဲ့ ဘောင်းဘီတိုနဲ့ ပါပဲ။

အရာရာရောထွေးနေတဲ့ ခေတ်ကြီးထဲမှာ ပျော်ရွှင်မှုရဲ့ အရောင်ကတော့ ဘယ်ထောင့်ကကြည့်ကြည့် ထင်းခနဲလင်းနေတဲ့နှစ်ကာလတွေပါပဲ။
အဲ့ဒီတုန်းက ဆိုင်ကယ်တွေဒီလောက်မပေါသေးဘူး။
အဲ့ဒီတုန်းက စကပ်အကွဲတွေမရှိသလောက်နီးပါးအထိ မရှိဘူး။

အဲ့ဒီတုန်းက ခရမ်းလွန်ရောင်ခြည်နဲ့ ကာဗွန်ဒိုင် အောက်ဆိုဒ်ဟာ ဒီလောက်မများသေးဘူး။ အဲ့ဒီတုန်းကအရိပ်ရတဲ့သစ်ပင်တွေဒီလောက်မရှားသေးဘူး။

အဲ့ဒီတုန်းကဘုန်းကြီးတွေကိုလည်းအတုတွေရောသိပ်မခံရသေးဘူး။

အဲ့ဒီတုန်းက K POP လှိုင်းလုံးကလည်း ကျွန်တော်တို့ ဆီ လာရောက်မဖုံးလွှမ်းသေးဘူး။
လက်နဲ့လှည့်ရတဲ့ ကြံရည်ဆိုင်လေးထဲမှာ ရေခဲတုံးပိုထည့်ခိုင်းတာဟာ လောဘဖြစ်ပြီး

 မာလကာသီး ဒါမှမဟုတ်သရက်သီးတွေဆိုရင် ပိုကောင်းပြီး ပိုကြီးတဲ့အသီးကို ရွေး
ယူထားတာဟာ အဲ့ဒီနှစ်ကာလတွေရဲ့ အတ္တပါပဲ။

ကျွန်တော်တို့ က တွတ်ပီထဲကနေ ကမ္ဘာကြီးကိုရပြီး ဘိုဘိုတို့ အီးတီတို့ ထဲကနေတော့ စိတ်ကူးယဉ်မှုရဲ့ အရသာကိုရပါတယ်။

အဲ့ဒီတုန်းကရဲ့ အမြင့်မားဆုံးမကောင်းမှုဆိုတာ လေးခွတစ်လက်နဲ့  ဟိုပစ်ဒီပစ်လုပ်တာဖြစ်ပြီး အမြင့်ဆုံးဒဏ်ကြေးဆိုတာ အိမ်ရှေ့ ထွက်ပြီး ဘောင်းဘီချွတ်ရ်ုက်ခံရတာပါပဲ။
ပြန်တွေးကြည့်တော့ အသားနာလို့ ငိုပြီး ဘောင်းဘီချွတ်
ရိုက်ခံရတာကိုမရှက်ခဲ့တဲ့အဖြူရောင်စက်ဝန်းထဲကအလွမ်းတွေ။
သတိရစိတ်ဟာ ကွက်ပြီးအုံ့ နေတဲ့မိုးသားတွေပဲ။
အဝေးကြီးကနေလာပြီး စိတ်တည့်တည့်မှာ ရွှဲပါတယ်။
အဲ့ဒီတုန်းကကောင်းကင်ကိုပစ်ဖမ်းဖို့ ရော ဘာတွေလိုအပ်ပါသလဲ။

 

ကျွန်တော်မြင်နေရတဲ့ကောင်းကင်နောက်မှာပုန်းနေတဲ့နောက်ထပ်ကောင်းကင်တစ်ခုရှိနေတယ်လို့ 
ကျွန်တော်အကြိမ်ကြိမ်ခံစားရတယ်။သိပ်လွမ်းလာတဲ့အခါအဲ့ဒီကောင်းကင်ကို ကျွန်တော်ပြန်မိပါတယ်။အလွမ်းတွေနဲ့  ဒါမှမဟုတ် အကွက်ရရင်အသံပြန်လာပေးတဲ့ ငယ်တုန်း
က ပုံရိပ်တွေနဲ့ ပေါ့။

(3)

တစ်ကယ်လို့ များအခုနေတစ်ယောက်ယောက်က2000ခုနှစ်တွေရဲ့ အလွမ်းရဆုံးအစိတ်

အပိုင်းကဘာလဲလို့ မေးရင် ရပ်ကွက်ထဲလှည့်ပတ်လာရောင်းတဲ့ ဈေးသည်တွေရဲ့ အသံလို့  ကျွန်တော်ကဖြေမှာပါပဲ။
သားရည်စာကမ္ဘာကြီးကို အိမ်ထဲကနေပြီး အလွယ်တကူထိုင်မျှားလို့ ရနေတဲ့နှစ်ကာလကြီးပေါ့။
အဲ့ဒီတုန်းက ရာသီစာအစားအစာမှန်သမျှဟာ ခေါင်းထိုးဗျပ်ရွက်အသည်တွေဆီကနေတစ်ဆင့် ကျွန်တော်တို့ ကမ္ဘာကိုစီးထားခဲ့ကြတယ်။

အခုအချိန်ထိ ကျွန်တော့ရဲ့ တစ်ချို့ ညတွေမှာ အိပ်မက်အဖြစ်ကိုယ်ထင်လာလာပြတတ်တဲ့ သေဆုံးမသွားသေးတဲ့အသံတွေပါပဲ။
လွမ်းမိလို့ နာကျင်ရတယ်ဆိုပေမယ့်လည်း အဲ့ဒီနာကျင်မှုကိုတော့ ဘယ်တော့မှလှီးထုတ်မရအောင် ကျွန်တော်တပ်မက်မိပါတယ်။ဆောင်းမနက်ခင်းတွေဆို အိမ်ရှေ့ ကသစ်ရွက်ခြောက်တွေကိုလှဲပြီးပုံ မီးရှို့ ၊အဖွါးရဲ့ မာဖလာထဲကနေ နှင်းစက်တွေရဲ့ အအေးဓါတ်ကိုလှမ်း လှမ်းအန်တုရတာ။

ကမ္ဘာကြီးကို နှုတ်ခမ်းထဲကထွက်လာတဲ့အငွေ့ တွေကြားကနေ ပျော်ပျော်ရွှင်ရွှင်နှုတ်ဆက်တာ။
ရှေ့ ကိုသဲသဲကွဲကွဲမမြင်ရတဲ့မြူထုကြီးထဲကနေ အသံနဲ့ လှမ်းပြီးပုတ်နှိုးတဲ့ဈေးသည်တွေရဲ့ နှလုံးသားကို နားစွင့်ရ တာ။
ပျော်ရွှင်ခြင်းရဲ့ အခြားတစ်ဘက်မှာလည်း ပျော်ရွှင်မှုကိုပဲအများဆုံးနှိုက်ထုတ်ယူလို့ ရခဲ့တဲ့နှစ်ကာလတွေပါပဲ။
အဲ့ဒီတုန်းက မုန့် စိမ်းပေါင်းထဲမှာ အုန်းသီးများများပါဖို့ နဲ့  ပဲပြုတ်ပူပူလေးကို မကြော်သေးခင်ဒီအတိုင်းနှိုက်စားဖို့ ဆိုတာငယ်ဘဝရဲ့ သိပ်တောက်ပတဲ့အသံပဲ။အဲ့ဒီတုန်းက ဘောလုံးကွင်း

ဆိုတာကလည်း ဘောလုံးကွင်းသိပ်ဆန်ခဲ့ပါတယ်။

နှစ်ကာလတွေဆိုတာ လူကိုသာမက မှတ်ဥာဏ်ကိုပါ တရိရိဝါးမြိုနေတဲ့လွှစက်တွေပဲ။
အဲ့ဒီတုန်းကလူမျိုးရေးခွဲခြားမှုမရှိဘူး။ဘာသာရေးခွဲခြားမှုမရှိဘူး။ကျွန်တော်တို့ ကစားဖော်ကစားဖက်ထဲက သိပ်ပြီးအသားမည်းတဲ့ကောင်ဟာ ကုလားလေးလို့ အမည်ပေးခံရပြီး အသားသိပ်ဖြူတဲ့ကောင်ဆိုတရုတ်ကြီးလို့ အမည်ပြောင်ရပါတယ်။ပိန်လွန်းတဲ့ကောင်ဆို

ရင်တော့ဗလကြီးလို့ ရွဲ့ ခေါ်ခံရနိုင်ပြီး ဖက်တီးတွေကိုတော့ ဝက်ကြီးလို့ အချိန်မရွေးအမည်ပေးလို့ ရနေတဲ့ နှစ်ကာလထူထူထဲထဲကြီးပါပဲ။ငယ်ဘဝဆိုတာ

 ပြန်တိုက်ယူလို့ မရတော့ပေမယ့်လည်း
ဖြူစင်စွာတိုက်ဖူးခဲ့တဲ့တိုက်ပွဲတွေကို ကြီးပြင်းချိန်မှာတိုက်ခိုက်နေရတဲ့လောကဓံတိုက်ပွဲတွေကြားကနေ တမျှော်တခေါ်ငေးကြည့်ရခြင်းမျိုးပဲ။

ကျွန်တော်တို့ က ငယ်ကတည်းက တိုက်ခိုက်ခဲ့ကြတာပဲမဟုတ်လား။အရုပ်ထောင်ပစ်တဲ့အခါ အနိုင်ရဖို့ ရည်ရွယ်ချက်နဲ့ တိုက်ခိုက်ကြတယ်။စွန်ဖြတ်တဲ့အခါ ကိုယ့်စွန်မပြတ်ရေးအတွက်အကောင်းစားမှန်စာလုပ်ပြီးတိုက်ခိုက်ကြတယ်ဘောလုံးကန်တဲ့အခါ ဟိုဘက်ရပ်ကွက် ဒီဘက်ရပ်ကွက်ချိန်းပြီးစစ်တိုက်တမ်းဆော့ရတဲ့အခါ အဖွဲ့ လိုက်မင်းသား
မင်းသမီးဖွက်တမ်းကစားရတဲ့အခါ။တိုက်ပွဲတွေဆိုပေမယ့်လည်းအဲ့ဒီတုန်းကချွေးစက်တွေရဲ့ ရင်ခုန်သံဟာ သိပ်ဖြူတာပဲလို့ အခါပေါက်မြောက်များစွာကျွန်တော်တွေးတောမိပါတယ်။

အခုတော့ရောအဲ့ဒီအစုအဖွဲ့ ကြီးကိုဘယ်သူတွေကတရိရိလက်စဖျောက်လိုက်တာပါလဲ။ဈေးသည်တွေရဲ

့ ဈေးလာရောင်းသံထက် နှိုးစက်နဲ့ ပွင့်လာရတဲ့မနက်ခင်းတွေများလာတိုင်း ဘာကိုမှန်းမသိ ကျွန်တော်တွေဝေငေးမောနေမိပါတယ်။ဘာကိုမှန်းမသိနာကျင်နေခဲ့ရပါတယ်။
တစ်ကယ်လို့ များ ကမ္ဘာကြီးဆီကတစ်စုံတစ်ခုပြန်တောင်းပါဆိုရင်တော့ အဲ့ဒီဈေးသည်တွေရဲ့ ရပ်ကွက်ထဲလှည့်ပတ်အော်ရောင်းမယ့်အသံကို ကျွန်တော်သေချာပြန်တောင်းမိ
မယ်ပဲထင်ပါတယ်။

ပဲကြားပြုတ်သည်ကြီးဒေါ်ရဲ့ နောက် အချိန်အနည်းငယ်အခြားမှာ " ကြော်စုံ ပူပူလေးတွေနော် " လို့ စီးစီးပိုင်ပိုင်အော်တတ်တဲ့ အကြော်သည်အန်တီကြီး။
သူ့ နောက်မှာ ကောက်ညှင်းပေါင်းသည်။သူ့နောက်ခပ်လှမ်းလှမ်းမှာ တို့ ဟူးသည်အန်တီ။သူတို့ နောက်မှာ ဘုရားပန်းလာရောင်းတဲ့အန်တီတွေ။နေ့ လည်နေ့ ခင်းဆ်ုလည်း
သာကူကအစ အာပူလျှာပူအထိ အိမ်ထဲကနေအရသာလှမ်းရှိနေလို့ ရသေးတာကိုကျွန်တော်အခုချိန်မှာ ပြန်လည်ငတ်မွတ်နေခဲ့မိတယ်။
ငယ်ဘဝကို ပြန်တပ်ဆင်ကြည့်တဲ့အခါ အရေးပါတဲ့အစိတ်အပိုင်းအဖြစ် အဲ့ဒီအသံတွေကို ကျွန်တော်လွမ်းရပါတယ်။သူတို့ တွေဘယ်ရောက်သွားခဲ့ကြပါပြီလဲ။ကော်ပစ္စည်းအစုတ်တွေ ပုလင်းခွံတွေပေးရင်ပဲကြီးလှော်တလှေကြီးထုတ်ပေးတတ်တဲ့ကုလားအဖိုးကြီးရောဘယ်ရောက်သွားပါပြီလဲ။

ဂျုံမှုန့် လေးတွေကိုလုံးပြီး မျောက်ကလေးငါးမျှားနေပုံစွန်းဝူခုန်းပုံ စသဖြင့်ဂျုံရုပ်ပုံတွေလုပ်ရောင်းတဲ့ဦးလေးကြီးတွေရောဘယ်မှာပါလဲ။ပဲကြီးလှော်ကိုမိုးပေါ်မြှောက်ပြီး
ပြန်အကျကိုပါးစပ်နဲ့ လှမ်းလှမ်းဖမ်းစားနေတဲ့ကလေးလေးတွေရောဘယ်ပျောက်သွားခဲ့ပြီလဲ။
ဘယ်ပျောက်သွားခဲ့ကြပါပြီလဲ။တစ်ယောက်နဲ့ တစ်ယောက်မခေါ်မပြောဘူးဆိုတာ နာရီခြားလောက်ပဲရှိမယ့်နှစ်ကာလအဆွေးတွေ။

ဘယ်နားကြည့်ကြည့်မီးခိုးငွေ့ တွေပဲမြင်ရတော့မယ့်ခေတ်ကြီးထဲနေအသံပေါင်းစုံ

လုံးထွေးနေတဲ့ရပ်ကွက်လေးတွေကို ကျွန်တော်မြင်ယောင် ပုံဖော်နေမိဆဲပါပဲ။မရှိတော့ဘူးဆိုရင်တောင် ဖန်ဂေါ်လီအကြည်လေးတွေကိုကျွန်တော်လှမ်းမြင်နေရတယ်။ငြင်းခုန်တာကအစ ချစ်ဖို့ 
ကောင်းတဲ့ဆူညံသံတွေကို စိတ်နဲ့ လှမ်းကြားနေရတယ်။
အကြွေစေ့နဲ့ ခေါင်းပန်းလှန်သူကလှန် စုံ မ ဖွက်သူကဖွက်နေတဲ့ကလေးတွေကို လှမ်းမြင်နေရတယ်။
အဖေ့ပုဆိုးကိုနင်ဂျာလိုဝတ်ပြီးတုတ်တစ်ချောင်းနဲ့ ရပ်ကွက်ထဲပတ်ဆော့နေရတဲ့

ညတွေကိုလည်းလှမ်းတွေ့ နေရတယ် ။

Written by Ko Phyo @ Facebook