သခင်သိန်းဖေ ( ဝါးခယ်မ )၏ ဘဝဖြစ်စဉ်အကျဉ်းချုပ်

၁။ သခင်သိန်းဖေကို ခရစ်နှစ် ၁၉၁၆ ခုနှစ်၊ ဇွန်လ (၉) ရက်နေ့၊ မြန်မာသက္ကရာဇ် ၁၂၇၈ ခုနှစ်၊ နယုန် လဆန်း (၉) ရက်နေ့တွင် ဧရာဝတီတိုင်း၊ မြောင်းမြခရိုင်၊ ဝါးခယ်မမြို့၊ မင်းပိုင်းရပ်ကွက်၊ မြို့မလမ်း၊ ယခု အိမ်အမှတ် (၃၉)၌ မြေပိုင်လယ်ပိုင်ရှင်များဖြစ်သော ဦးပန်းဘူး + ဒေါ်သုန်တို့မှ မွေးဖွားခဲ့ပါသည်၊ မွေးချင်းနှစ်ဦးရှိ၍ အမဖြစ်သူ၏ အမည်မှာ ဒေါ်ခင်သန်းဖြစ်ပါသည်။

၂။ ငယ်စဉ်က ဝါးခယ်မမြို့ အစိုးရအလယ်တန်းကျောင်း၌လည်းကောင်း၊ ရန်ကုန်မြို့ မြို့မအထက်တန်းကျောင်းနှင့် ရန်ကုန်အစိုးရအထက်တန်းကျောင်းတို့တွင် တက္ကသိုလ်ဝင်တန်း(ဆယ်တန်း)အထိ ပညာသင်ကြားခဲ့သည်။ ၁၉၃၄ ခုနှစ်တွင် အထက်တန်းကျောင်း၌ သပိတ်မှောက်မှုဖြစ်ပွားရာ ကျောင်းသားခေါင်းဆောင်အဖြစ် ပါဝင်လှုပ်ရှားခဲ့သဖြင့် ကျောင်းထုတ်ခံရသည်၊ ကျာင်းသားဘဝကပင် နိုင်ငံရေးစိတ်ဓါတ်၊ မျိုးချစ်စိတ်ဓါတ် ပြင်းပြခဲ့သူဖြစ်ခဲ့သည်။

၃။ အစိုးရအထက်တန်းကျောင်းသားဘဝတွင် နယ်ချဲ့အစိုးရလက်အောက်၌ ၈-စတုံတန်း လက်ဝှေ့ချန်ပီယံ ဖြစ်ခဲ့သည်၊ အင်္ဂလိပ်လူမျိုးလက်ဝှေ့သမားများ၊ မြန်မာလက်ဝှေ့သမားများကို အလဲထိုးပွဲများဖြင့် အနိုင်ရခဲ့သူဖြစ်သည်။

၎။ ၁၉၃၅ ခုနှစ်တွင် ဝါးခယ်မမြို့ တို့ဗမာအစည်းအရုံး အတွင်းရေးမှူး၊ ထို့နောက် မြောင်းမြခရိုင် တို့ဗမာအစည်းအရုံး အတွင်းရေးမှုး၊ ထိုမှတစ်ဖန် ဗမာနိုင်ငံလုံးဆိုင်ရာ တို့ဗမာအစည်းအရုံး အလုပ်အမှုဆောင်အဖြစ် ရွေးချယ်ခံရသည်။ နယ်ချဲ့ဆန့်ကျင်ရေး အမျိုးသားလွတ်လပ်ရေးတိုက်ပွဲများတွင် ရှေ့တန်းကတက်ကြွစွာပါဝင်သော သခင်သိန်းဖေ ဖြစ်လာခဲ့သည်။

၅။ ၁၉၃၆ ခုနှစ် ကုလား-ဗမာ အဓိကရုဏ်းတွင်သခင်အဖြစ် ခေါင်းဆောင်ပါဝင်လှုပ်ရှားခဲ့၍ မြောင်းမြထောင်၌ (၉)လကျော်နေရသည်၊ ၁၉၃၇ ခုနှစ်တွင် ကျောင်းသားများအတွက် တော်လှန်ရေးပြဇာတ်ရေးသားပေးမှုအတွက် ထောင်ဒဏ်တစ်နှစ် အပြစ်ပေးခံရသည်၊ ထိုနှစ်မှာပင် မြောင်းမြတစ်ခရိုင်လုံးရှိ တို့ဗမာအစည်းအရုံး ဥက္ကဋ္ဌနှင့် အတွင်းရေးမှူးအပါအဝင် (၁၇) ဦးကို အစိုးရအပေါ်အကြည်ညိုပျက်စေမှုကြောင့်ဆိုကာ ထောင် (၆) လ ထပ်အပြစ်ပေးခံရသည်၊ ၁၉၃၈ ခုနှစ်တွင် လယ်သီးစားများကို လက်ငုတ်လယ်ယာမြေပေါ်မှ မြေပိုင်ရှင်ချစ်တီးများကနှင်သောကြောင့် လယ်သမားများကိုခေါင်းဆောင်ကာတိုက်ပွဲဝင်ခဲ့သဖြင့် (၁) နှစ်အတွင်းကောင်းမွန်စွာနေထိုင်ရန်အာမခံဖြင့် အပြစ်ပေးခံရသည်။။ ထိုနှစ်၌ပင် (၁၃၀၀) ပြည့် ရေနံမြေသပိတ်စောင့်ရှောက်ရေးကော်မတီဝင်အဖြစ် ဆောင်ရွက်သည်။

၆။ ၁၉၃၉ ခုနှစ်၊ ဇန်နဝါရီလ (၉)ရက်နေ့တွင် ရွှေတိဂုံစေတီ အလယ်ပစ္စယံကွက်လပ်ကြီး၌ ပထမဦးဆုံးသော ဗမာနိုင်ငံလုံးဆိုင်ရာတောင်သူလယ်သမားအစည်းအဝေးကြီးကို ကျင်းပ၍ ယင်းအစည်းအဝေးကဖွဲ့စည်းလိုက်သည့် ပထမဆုံးသော တောင်သူလယ်သမားအစည်းအရုံးကြီးတွင် ဥက္ကဋ္ဌ သခင်မြ၊ အတွင်းရေးမှူး သခင်ခင်အောင်၊ သခင်သန်းထွန်း၊ သခင်အောင်ဆန်း၊ သခင်လှဘော်၊ သခင်တင်(သုံးဆယ်)၊ သခင်စိုးမင်း(ကြို့ပင်ကောက်)၊ သခင်ဗသော်(ကညွှတ်ကွင်း)၊ သခင်ကျော်သူကလေး(သံလျင်)၊ သခင်လှထွန်း၊ သခင်ငြိမ်း(မအူပင်)စသည်တို့နှင့် ဗဟိုအလုပ်အမှုဆောင်အဖြစ် ပါဝင်တာဝန်ထမ်းဆောင်ခဲ့သည်။

၇။ တို့ဗမာအစည်းအရုံးညီလာခံကို မော်လမြိုင်မြို့၌ကျင်းပစဉ် နိုင်ငံရေးသင်တန်းများတက်ခဲ့သည်၊ သာယာဝတီညီလာခံ၌ သခင်နုတင်သွင်းသော နယ်ချဲ့ဆန့်ကျင်ရေးအဆိုကို သခင်သန်းထွန်းက အဆိုတင်သွင်း၍ သခင်သိန်းဖေက ထောက်ခံသူဖြစ်သဖြင့် အင်းစိန်ထောင်တွင် (၁) နှစ်ကျခံရသည်။ ၁၉၄၁ ခုနှစ်တွင် မြေအောက်တော်လှန်ရေးတာဝန်ခံ သခင်မြက သခင်သိန်းဖေကို မြစ်ဝကျွန်းပေါ် မြေအောက်တော်လှန်ရေးတာဝန်ခံအဖြစ်ခန့်အပ်တာဝန်ပေးခဲ့သည်။

၈။ ဗိုလ်ချုပ်အောင်ဆန်းဦးဆောင်သော ဗမာ့လွတ်လပ်ရေးတပ်မတော်ကြီး မြန်မာနိုင်ငံသို့မချီတက်မီ သူပုန်အဖွဲ့ဖြစ်သည့် ဗိုလ်နေဝင်း(ရဲဘော်သုံးကျိပ်)၊ ဗိုလ်မိုးညိုတို့ထံတွင် လက်နက်ကိုင်တိုက်ပွဲဝင်နည်းစနစ်များကို ပဲခူးမြို့အနီး စည်တီးကျေးရွာ၌ လျှို့ဝှက်သင်ယူခဲ့သည်။

၉။ ၁၉၄၂ ခုနှစ်တွင် ဗမာ့လွတ်လပ်ရေးတပ်မတော်ကြီး မြန်မာနိုင်ငံသို့ချီတက်လာစဉ် ဗိုလ်သိန်းဖေအဖြစ်ခံယူပြီး ဗမာ့လွတ်လပ်ရေးတပ်မတော်နှင့်အတူ မြောင်းမြ၊ ဝါးခယ်မနှင့် ကျုံမငေးမြို့များကို သိမ်းယူနိုင်ခဲ့သည်။

၁၀။ ၁၉၄၂ ခုနှစ် မတ်လတွင် ရွှေတောင်ကြားလမ်း၌ ဗိုလ်ချုပ်အောင်ဆန်းနှင့်တွေ့ပြီး ဗိုလ်ချုပ်က ဂျပန်ကိုလက်နက်နှင့်တော်လှန်ရန် ဆွေးနွေးခဲ့သဖြင့် လက်နက်ကိုင်တော်လှန်ရေးကို ပြင်ဆင်ခဲ့သည်၊ ၁၉၄၂ ခုနှစ်၊ ဧပြီလ(၂၈)ရက်နေ့တွင် မြောင်းမြစီရင်စုတာဝန်ခံ ဗိုလ်မြင့်၊ မြစ်ဝကျွန်းပေါ် ငြိမ်ဝပ်ပိ ပြားရေးတာဝန်ခံ ဗိုလ်ကြင်၊ မြစ်ဝကျွန်းပေါ်နယ်များအုပ်ချုပ်ရေးမှူး သခင်သိန်းဖေတို့သည် မြောင်းမြအုပ်ချုပ်ရေးအဖွဲ့သစ်ကို အဖွဲ့ဝင်(၁၃)ဦးဖြင့် ပြန်လည်ဖွဲ့စည်းခဲ့ကြပြီး သခင်သိန်းဖေကို မြောင်းမြစီရင်စုအုပ်ချုပ်ရေးမှူးအဖြစ် ခန့်အပ်တာဝန်ပေးခဲ့သည်။ 

၁၁။ ၁၉၄၃ ခုနှစ်တွင် ဂျပန်ကိုတော်လှန်ရန် စာရွက်စာတမ်းရိုက်နှိပ်ဖြန့်ဝေသဖြင့် ပုလိပ်ရုံးကြီး၌ (၁၂) ရက်မျှ ဂျပန်တို့၏ နှိပ်စက်ညှဉ်းပန်းခြင်းကို ခံခဲ့ရသည်၊ ၁၉၄၃-၄၄ ခုနှစ်များတွင် ဂျပန်စစ်တပ်သို့ အုန်းဆံကြိုးနှင့် အုန်းဆံပိုက်ကွန်များသွင်း၍ ဂျပန်ကိုတော်လှန်ရန် နည်းလမ်းရှာခဲ့သည်။ 

၁၂။ ၁၉၄၅ ခုနှစ်၊ မတ်လ (၂၇)ရက်နေ့ ဖက်ဆစ်တော်လှန်ရေးကြီးတွင် မြစ်ဝကျွန်းပေါ်တိုင်း တော်လှန်ရေးတပ်နှင့်အတူ ပါဝင်လက်တွဲတော်လှန်ခဲ့သည်။ ထိုနှစ် နှစ်ဆန်းတစ်ရက်နေ့တွင် ဗိုလ်ချုပ်အောင်ဆန်းက တာဝန်ပေးသဖြင့် မအူပင်ခရိုင်၊ မြောင်းမြခရိုင်နှင့် ပုသိမ်ခရိုင်တို့၏ နိုင်ငံရေးတာဝန်ခံအဖြစ်ထမ်းဆောင်ရသည်။ ၁၉၄၆ ခုနှစ်တွင် နယ်ချဲ့အင်္ဂလိပ်ကို ပြန်တိုက်ရန် လက်နက်စုဆောင်းစဉ် အိမ်ပေါ်၌ လက်နက်အချို့တွေ့၍ ဖမ်းဆီးခံရသည်။

၁၃။ ဗမာနိုင်ငံ လွတ်လပ်ရေးရပြီးနောက်တွင် တိုင်းပြည်အတွင်း ဆိုရှယ်လစ်၊ ကွန်မြူနစ်နှင့် အခြားနိုင်ငံရေးအကွဲအပြဲများပေါ်ပေါက်လာမှုကြောင့် နိုင်ငံရေးမှအနားယူကာ " ပျော်ဘွယ်လေးကြိုးစက် "ကိုတည်ထောင်၍ စီးပွားရေးဇောက်ချလုပ်ဆောင်ခဲ့ပြီး နိုင်ငံရေးလုပ်ဖေါ်ကိုင်ဖက်များ တော်လှန်ရေးရဲဘော်ဟောင်းများအား
 ငွေကြေးထောက်ပံ့ကူညီခဲ့သည်။ ၁၉၅၈ ခုနှစ်တွင် ဖက်စပ်ကော်ပိုရေးရှင်းအမှတ် (၇) ၏ ဒါရိုက်တာအဖြစ်လည်းကောင်း၊ ဗမာ့စက်မှုလက်မှုကောင်စီ၏ အတွင်းရေးမှူးအဖြစ်လည်းကောင်း ဆောင်ရွက်ခဲ့ပါသည်။

၁၄။ ၁၉၆၂ ခုနှစ်၊ ဝန်ကြီးချုပ်ဦးနုလက်ထက်တွင် " နိုင်ငံခြားသား စီးပွားရေးလွှမ်းမိုးမှု ကာကွယ်ရေးအဖွဲ့ " ကို ဂိုးလ်ဖလိပ် ဦးဝင်းရှိန်၊ မောင်ဗမာ စွပ်ကြယ်စက်ပိုင်ရှင် ဦးဘရှိန်တို့နှင့်အတူ ဦး
ဆောင်ဖွဲ့စည်းကာ နိုင်ငံခြားသားစီးပွားရေးလုပ်ငန်းရှင်များထက် လွတ်လပ်ရေးကြိုးပန်းရာတွင်ပါဝင်ခဲ့သည့် မြန်မာ့စီးပွားရေးလုပ်ငန်းရှင်များအနေဖြင့် စီးပွားရေးအခွင့်အလမ်းများနှင့် လုပ်ကိုင်ခွင့်များ ပိုရရှိရေး တောင်းဆိုခဲ့ကြသည်။

၁၅။ ၁၉၆၄ ခုနှစ် သြဂုတ်လ (၉) ရက်နေ့တွင် တို့ဗမာအစည်းအရုံး သမိုင်းပြုစုရေးအတွက် ဆော်သြသူအဖြစ် တာဝန်ပေးသဖြင့် ပထမတွဲ၊ ဒုတိယတွဲထုတ်ဝေပြီးသည်အထိ တာဝန်ယူခဲ့သည်။ တော်လှန်ရေးကောင်စီလက်ထက်တွင် ( ၃ နှစ် ၄ လ ) မျှ အထိန်းသိမ်းခံရသည်။

၁၆။ အမျိုးသားနေ့(၁၉၂၀) မပျောက်ကွယ်စေရန်အလို့ငှာ ၁၉၆၅ ခုနှစ်မှအစပြု၍ ဗဟန်းမြို့နယ်၊
တိုင်တစ်ရာကျောင်းတိုက်တွင် နှစ်စဉ်ပါဝင်ကျင်းပခဲ့သည်၊ ၁၉၈၀ ပြည့်နှစ်တွင် အမျိုးသားအောင်ပွဲဝင်နှစ် (၆၀) မြောက် ပုလဲရတု ကျင်းပရေးဗဟိုကော်မတီတွင် ဒုတိယဥက္ကဋ္ဌအဖြစ် ဆောင်ရွက်ခဲ့သည်။ ထို့နောက် ယင်းကိစ္စအတွက် "မဆလ"အစိုးရက တာဝန်ယူခဲ့သဖြင့် အမျိုးသားနေ့သည် နိုင်ငံတော်၏ တရားဝင် ( Gazetted )နေ့တစ်နေ့ဖြစ်လာခဲ့သည်။

၁၇။ ၁၉၇၉-၈၀ ခုနှစ်များတွင် ဂိုးလ်ဖလိပ် ဦးဝင်းရှိန်နှင့် တွဲဖက်ကာ ဇီဝိတဒါနသံဃာဆေးရုံ အလုပ်အမှုဆောင်အဖြစ် တာဝန်ယူလုပ်ကိုင်ခဲ့သည်။

၁၈။ ၁၉၈၀ ခုနှစ်၊ ဇွန်လ (၇)ရက်နေ့တွင် နိုင်ငံ့ဂုဏ်ရည်ဘွဲ့(ပထမဆင့်) ချီးမြှင့်ခံရသည်။ ချီးမြှင့်ခံရငွေ (၃၀,၀၀၀) ကျပ်ကို မိမိဖြည့်စွက်ငွေ(၂၀,၀၀၀)ပေါင်း (၅၀,၀၀၀)ကျပ် ဝါးခယ်မမြို့နယ်အသင်း(ရန်ကုန်)သို့ ပညာရေးမတည်ရန်ပုံငွေအဖြစ် လှူဒါန်းခဲ့ပါသည်။ 

၁၉။ ၁၉၈၈ ခုနှစ် ဒီမိုကရေစီပြည်သူ့အရေးတော်ပုံကြီး၌ သခင်သိန်းဖေသည် (၉-၉-၈၈)နေ့တွင်
ဝန်ကြီးချုပ်ဟောင်းဦးနု ဖွဲ့စည်းသောစင်ပြိုင်အစိုးရ၏ စီးပွားရေးဝန်ကြီးအဖြစ်ပါဝင်ခဲ့သည်။ ထို့နောက် ဦးနုဖွဲ့စည်းသော " ဒီမိုကရေစီနှင့် ငြိမ်းချမ်းရေးအဖွဲ့ချုပ် "တွင် တွဲဖက်အတွင်းရေးမှူးအဖြစ် ပါဝင်ခဲ့ပြီး စစ်အစိုးရ၏ နေအိမ်အကျယ်ချုပ်ဖြင့် ထိမ်းသိမ်းခြင်းကို ခံခဲ့ရပါသည်။

အမျိုးသား ဒီမိုကရေစီ အဖွဲ့ဝင် လူငယ် အဖွဲ့ဝင်များမှ၂၀၁၀ သြဂုတ် ၂၉ ရက် (တနင်္ဂနွေနေ့) တွင် အမျိုးသား ဒီမိုကရေစီ အဖွဲ့ချုပ် ဗဟိုအလုပ်အမှုဆောင် အဖွဲ့ဝင်  သခင်သိန်းဖေ နေအိမ်သို.သွားရောက်ကာ ဂါရ၀ပြု နှုတ်ဆက်စဉ်

၂၀။ သခင်သိန်းဖေသည် ဒီ/ငြိမ်းအဖွဲ့ချုပ် ဖျက်သိမ်းပြီးသည့်နောက် ဗိုလ်မှူးအောင်နှင့် နိုင်ငံရေးလုပ်ဖေါ်ကိုင်ဖက်များဖြစ်သည့် သခင်ခင်အောင်၊ သခင်ချစ်မောင်၊ ဗိုလ်အောင်နိုင်၊ ဗိုလ်ညို၊
ဦးမောင်မောင်ကျော်(ကျောင်းသားသမဂ္ဂ ဥက္ကဋ္ဌဟောင်း)၊ ဦးအောင်မြင့်၊ ဦးမင်းလွင် စသည်တို့နှင့်ပူးပေါင်းကာ နိုင်ငံရေးလှုပ်ရှားမှုများကို ဆက်လက်လုပ်ဆောင်ခဲ့သည်။

၂၁။ ၁၉၉၆ ခုနှစ်တွင် ဂျပန်ခေတ်ကမြောင်းမြမြို့၌ ဖက်ဆစ်တို့၏သတ်ဖြတ်ခြင်းကို ခံခဲ့ရသော တော်လှန်ရေးအာဇာနည်ရဲဘော်များအတွက် အထိမ်းအမှတ်ကျောက်တိုင် စိုက်ထူနိုင်ရေးကို နဝတအစိုးရထံ တင်ပြတောင်းဆိုခဲ့သော်လည်း ပယ်ချခံခဲ့ရသည်။

၂၂။ ၁၉၉၆ ခုနှစ် ဒီဇင်ဘာလတွင် ကြံတောသင်္ချိုင်းရွှေ့ပြောင်းမည်ဖြစ်သောကြောင့် လွတ်လပ်ရေးကြိုးပန်းစဉ်ကာလက သက်စွန့်ကြိုးပန်းပါဝင်ဆောင်ရွက်ခဲ့ကြသော နိုင်ငံရေးခေါင်းဆောင်များ၏ သင်္ချိုင်းဂူများကို ဂျပန်သင်္ချိုင်း၊ အင်္ဂလိပ်သင်္ချိုင်း၊ တရုပ်သင်္ချိုင်း၊ ကုလားသင်္ချိုင်းများနည်းတူ တစ်စုတစ်ဝေးထည်းထားနိုင်ရန်အတွက် နဝတအစိုးရထံ နှစ်ကြိမ်တိုင်တိုင်တောင်းဆိုခဲ့သော်လည်း ငြင်းပယ်ခြင်းခံခဲ့ရသည်။

၂၃။ ၁၉၉၈ ခုနှစ်တွင် ဝိုင်အမ်ဘီအေ ဒုတိယဥက္ကဋ္ဌ သခင်ချန်ထွန်းကတဆင့် အခြေခံပညာအထက်တန်းစာမေးပွဲတွင် တစ်နိုင်ငံလုံး မြန်မာစာဘာသာ အမှတ်အများဆုံးရခဲ့သည့်ကျောင်းသားအား
နှစ်စဉ်ဂုဏ်ပြုဆုပေးနိုင်ရန်အတွက် သခင်သိန်းဖေ(ဝါးခယ်မ)နာမည်ဖြင့် ငွေပဒေသာပင်စိုက်ထူပေးခဲ့ပါသည်။

၂၄။ သခင်သိန်းဖေသည် လွတ်လပ်ရေးကြိုးပန်းစဉ်ကာလ နယ်ချဲ့လက်အောက်မှစ၍ ဖက်ဆစ်နယ်ချဲ့ဆန့်ကျင်ရေး၊ အာဏာရှင်ဆန့်ကျင်ရေးတိုက်ပွဲအဆက်ဆက်အတွင်း စုစုပေါင်းထောင် ( ၁၁ )ကြိမ် ကျခံခဲ့ရသည်။

၂၅။ လွတ်လပ်ရေးကို လေးစားတန်ဘိုးထားသူဖြစ်သည့်အပြင် လူ့အခွင့်အရေးကိုလည်း တန်ဘိုးထားလေးစားသူဖြစ်သည့်အလျောက် စစ်အာဏာရှင်များအဆက်ဆက်အောက်တွင် တင်းကြပ်သောတားဆီးပိတ်ပင်မှုများကြားမှ နိုင်ငံရေးလှုပ်ရှားမှုများကို အဆက်မပြတ်လုပ်ဆောင်ခဲ့ပြီး ၂၀၀၂ ခုနှစ်တွင် နေအိမ်အကျယ်ချုပ်မှ ပြန်လည်လွတ်မြောက်လာသော ဒေါ်အောင်ဆန်းစုကြည်အားလည်းကောင်း၊ ယုံကြည်ချက်ကြောင့် ဂုဏ်သိက္ခာရှိစွာ အကျဉ်းကျခံခဲ့ကြရသည့် ၈၈ မျိုးဆက်ကျောင်းသားများအားလည်းကောင်း အကျဉ်းထောင်အသီးသီးမှပြန်လည်လွတ်မြောက်လာချိန်တွင်..... ယခင် နယ်ချဲ့တော်လှန်ရေးကာလများတွင်အသုံးပြုခဲ့သော ဝါ စိမ်း နီ ဒေါင်းအလံနှင့် တော်လှန်ရေးအလံတို့ကို လွှဲပြောင်းပေးအပ်နိုင်ခဲ့သည်။ အမျိုးသားဒီမိုကရေစီအဖွဲ့ချုပ်အတွင်းရေးမှူး ဦးဝင်းတင်နှင့် အလုပ်အမှုဆောင် ဦးခင်မောင်ဆွေ၊ ဒေါက်တာသန်းငြိမ်း၊ ဒေါက်တာမေဝင်းမြင့်တို့ အကျဉ်းထောင်မှ ပြန်လည်လွတ်မြောက်လာချိန်တွင်လည်း ငွေကျပ်(၃)သိန်းနှင့် ပါတီဝတ်စုံတစ်စုံစီ ထောက်ပံ့ဂုဏ်ပြုခဲ့ပါသည်။ ထိုစဉ်က အမျိုးသားဒီမိုကရေစီ ဒုတိယဥက္ကဋ္ဌ ဦးတင်ဦး ထောင်မှပြန်လည်လွတ်မြောက်လာချိန်တွင်လည်း UNA တိုင်းရင်းသားအဖွဲ့အစည်းများနှင့်ပူးပေါင်းပြီး ဂုဏ်ပြုထမင်းစားပွဲ တည်ခင်းဧည့်ခံပေးနိုင်ခဲ့သည်။

၂၆။ ၂၄-၁၀-၂၀၁၄ ရက်နေ့တွင် ဒုတိယပင်လုံညီလာခံကျင်းပဖေါ်ဆောင်နိုင်ရေးအား ဒေါ်အောင်ဆန်းစုကြည် ဦးဆောင်ပေးပါရန် သခင်သိန်းဖေ၏ နေအိမ်မှာကျင်းပသော နိုင်ငံရေးသက်ကြီးဝါရင့်များပူဇော်ပွဲတွင် နိုင်ငံရေးသမားကြီးများနှင့် တိုင်းရင်းသားနိုင်ငံရေးခေါင်းဆောင်များက တောင်းဆိုခဲ့ရာ ဒေါ်အောင်ဆန်းစုကြည်က ဒုတိယပင်လုံဟုခေါ်မည့်အစား ၂၁ ရာစုပင်လုံဟုအမည်ပြောင်းလဲခေါ်ဆိုပါရန် ပြောကြားခဲ့ပါသည်။

၂၀၁၂ မတ်လ ၂၇ ရက် သခင်သိန်းဖေ နေအိမ်တွင်ကျင်းပသော ၀ါရင့်နိုင်ငံရေးသမားကြီးများ၏ တော်လှန်ရေးနေ့ မိတ်ဆုံစားပွဲ

၂၇။ နှစ်စဉ်နှစ်တိုင်းလည်း လွတ်လပ်ရေးနေ့၊ တော်လှန်ရေးနေ့နှင့် အမျိုးသားအောင်ပွဲနေ့တို့ကို စစ်အာဏာရှင်အစိုးရများ၏ တားဆီးပိတ်ဆို့မှုများကြားမှပင် နိုင်ငံရေးပွဲဆက် ပြတ်နေခြင်းကို ပြင်ပနိုင်ငံရေးသမားများ၊ အဖွဲ့ချုပ်အဖွဲ့ဝင်များအား အခြေပြုဖိတ်ခေါ်နိုင်ခဲ့ပြီး သတ္တိရှိရှိ ချိတ်ဆက်ပေးနိုင်ခဲ့သည်။ ဘီဘီစီ၊ ဗွီအိုအေ၊ အာရ်အက်ဖ်အေ၊ ဒီဗွီဘီစသည့် နိုင်ငံခြားသတင်းဌာနများနှင့်လည်း အပါတ်စဉ် နိုင်ငံရေးတွေ့ဆုံဆွေးနွေးပွဲများပြုလုပ်၍ အမျိုးသားပြန်လည်သင့်မြတ်ရေး၊ ဒီမိုကရေစီအစိုးရဖေါ်ဆောင်ရေး၊ နိုင်ငံရေ။အကျင်းသားများလွှတ်ပေးရေးစသည့် ကိစ္စရပ်များကို ရဲရင့်ပြောင်မြောက်စွာ စစ်အစိုးရအား တောင်းဆိုခဲ့သည်။

၂၈။ လွတ်လပ်ရေးကြိုးပန်းစဉ်ကာလဖြစ်သော နယ်ချဲ့တော်လှန်ရေး၊ ဖက်စစ်ဆန့်ကျင်ရေးကာလများတွင် ဗိုလ်ချုပ်အောင်ဆန်းနှင့်အတူ တွဲဖက်တိုက်ပွဲဝင်ခဲ့သည့် သခင်သိန်းဖေသည် စစ်အာဏာရှင်ဆန့်ကျင်ရေး တိုက်ပွဲအဆက်ဆက်တွင်လည်း ရှေ့တန်းမှပါဝင်ခဲ့သည်။ ဆက်လက်၍ ၁၉၉၅ ခုနှစ်မှစတင်ကာ ဗိုလ်ချုပ်အောင်ဆန်း၏သမီး၊ လူထုခေါင်းဆောင်၊ ငြိမ်းချမ်းရေးနိုဘယ်လ်ဆုရှင် ဒေါ်အောင်ဆန်းစုကြည်နှင့်အတူ တွေ့ဆုံဆွေးနွေးရေး၊ အမျိုးသားပြန်လည်သင့်မြတ်ရေး၊ ဒီမိုကရေစီအစိုးရပေါ်ပေါက်ရေး၊ နိုင်ငံရေးအကျဉ်းသားများလွတ်မြောက်ရေးတို့ကို အားသွန်ခွန်စိုက်ကြိုးပန်းဆောင်ရွက်ခဲ့သူဖြစ်သည်။

၂၉။ သခင်သိန်းဖေသည် လွတ်လပ်ရေးကြိုးပန်းစဉ်ကာလ နယ်ချဲ့လက်အောက်မှစ၍ ဖက်ဆစ်နယ်ချဲ့ဆန့်ကျင်ရေး၊ အာဏာရှင်ဆန့်ကျင်ရေးတိုက်ပွဲ အဆက်ဆက်အတွင်း စုစုပေါင်း ထောင် ( ၁၁ )ကြိမ် ကျခံ ခဲ့ရသူဖြစ်ပါတယ်၊ တစ်ကယ်တော့ သူဟာ လယ်ပိုင်ရှင်သား၊ ပြောရရင် တောသူဋ္ဌေးသား ဖြစ်ပါတယ်။ ဒါပေမဲ့ နိုင်ငံကိုချစ်တဲ့စိတ်၊ နိုင်ငံရေးအသိအမြင်နဲ့ ဝံသာနုရက္ခိတစိတ်ဓါတ် မြင့်မားလာတာနဲ့အမျှ၊ နယ်ချဲ့ဆန့်ကျင်ရေး အမျိုးသားလွတ်လပ်ရေးတိုက်ပွဲများတွင် ရှေ့တန်းက တက်ကြွစွာပါဝင်လာသူဖြစ်ပါတယ်၊ ငယ်စဉ်က သူပြောခဲ့တာတွေ ယခုတိုင် မှတ်မိနေပါသေးသည်-
" သခင်ပေါက်စ ထောင် ( ၆ ) လ၊ အမေကမွေး ထောင်ကကျွေး " တဲ့၊နောက်ပြီး ငယ်စဉ် မိဘဆီမှာနေတော့၊ ခြေမွှေးမီးမလောင် လက်မွှေးမီးမလောင် ဘဝကနေ နိုင်ငံရေးလုပ်တော့မယ်ဆိုတော့ ထောင်ထဲရောက်ရင်နေတတ်အောင်ဆိုပြီး ကြမ်းပြင်ပေါ်ဒီအတိုင်း အုတ်ခဲခေါင်းအုံးပြီး အအိပ်လေ့ကျင့်ခဲ့တယ် " ပြောဘူးပါသည်။

( ၂၀.၁၁.၂၀၁၀ ) နံနက် ( ၉း၀၀ ) မှာ ၀ါရင့် နိုင်ငံရေး သမားများက ဒေါ်အောင်ဆန်းစုကြည်ကို လွတ်မြောက်ခြင်း အတွက် ဂုဏ်ပြုပွဲတွင် နိုင်ငံရေးသမားကြီးများအား ဂါရ၀ပြုစဉ်

၃၀။ အင်္ဂလိပ်နယ်ချဲ့အစိုးရရဲ့သွေးထိုးလှုံ့ဆော်မှုကြောင့် ကရင်-ဗမာအဓိကရုဏ်းဖြစ်ပွားရာမှာ ဧရာဝတီတိုင်းအတွင်း ကရင်ဗမာ တိုင်းရင်းသားအချင်းချင်း အပြန်အလှန်တိုက်ခိုက်မှုတွေကြောင့် နှစ်ဖက်နစ်နာ သေကြေမှုတွေ ကြီးမားခဲ့ပါတယ်။ ဗိုလ်ချုပ်အောင်ဆန်းရဲ့ ညွှန်ကြားမှုဖြင့် အမြင်ကျယ်တဲ့ ကရင်လူငယ်အချို့ကို စည်းရုံးပြီး ပြဿနာဖြစ်ပွားရာရွာများအထိ ကွင်းဆင်းဖြေရှင်းပေးခဲ့တဲ့အပြင် နိုင်ငံရေးအမြင်ကျယ်သော ကရင်တိုင်းရင်းသား စောစံဖိုးသင်ကို ဗိုလ်ချုပ်နှင့် တွေ့ဆုံပေးနိုင်ခဲ့ပါသည်။

၃၁။ ရန်ကုန်မြို့ ဒဂုန်မြို့နယ် အလံပြဘုရားလမ်း ယခင်နယ်ချဲ့အစိုးရလက်ထက်က ဒိုင်အိုစီဇင် မိန်းကလေးကျောင်း ( နောင် လွတ်လပ်ရေးရပြီးနောက်ပိုင်း စစ်ရုံးချုပ်အဖြစ် အသုံးပြုခဲ့သည် ) အဆောက်အဦကို ဗိုလ်ချုပ်တို့ BIA တပ်ပြန်ဝင်လာပြီး ( ၁၉၄၂ ) ခုနှစ်မှာ ဂျပန်ခေတ်ဆေးရုံကြီးအဖြစ် တည်ထောင်တော့ ဆေးရုံအုပ်ကြီးဒေါက်တာဘသန်းက သူနာပြုဆရာမတွေ လိုတယ် ရှာပေးပါ ဆိုလို့ ဘဘက မြောင်းမြသွားပြီး သူနာပြုဆရာမ ဒေါ်ခင်ကြည်နှင့် ဒေါ်ခင်ကြီးညီအမကို ခေါ်လာပေးပါတယ်၊ နောင်မှာ ဗိုလ်ချုပ်အောင်ဆန်းနဲ့ ဒေါ်ခင်ကြည် ဖူးစာဖက်သွားလို့ ဘဘက " သူဟာ ဗိုလ်ချုပ်တို့ရဲ့ ဖူးစာရေးနတ်လို့ ဆိုနိုင်ကြောင်း " ပြောခဲ့ဖူးပါသည်။ ( " ထိန်ကြည် ( ကိုထိန်လင်း + မခင်ကြည် ) လရောင်ဆန်းတော့ အလွမ်းပိုပါသည် " ဆိုတဲ့ သီချင်းကို ရေးဖွဲ့သီဆိုခြင်းဖြင့် မင်္ဂလာဆောင်မှာလက်ဖွဲ့ခဲ့သူကတော့ Music Production ဘာသာရပ်နဲ့ US မှာ ဘွဲ့ယူခဲ့တဲ့ စောစံဖိုးသင် ပါတဲ့၊
စာရေးဆရာ တက္ကသိုလ်စိန်တင်ရဲ့ ၉/၆/၁၆ နေ့ပြောကြားချက် )

၃၂။ နောက်တစ်ချက်ကတော့ ဒီမိုကရေစီပြုပြင်ပြောင်းလဲရေးကို တွန်းအားပေးနေကြတဲ့ BBC VOA RFA DVB တို့နဲ့ မကြာခဏ နိုင်ငံရေးဆွးနွေးတာတွေ ပြုလုပ်ပြီး အမျိုးသားပြန်လည်သင့်မြတ်ရေး၊ ဒီမိုကရေစီအစိုးရဖေါ်ဆောင်ရေး၊ နိုင်ငံရေ။အကျဉ်းသားများ လွှတ်ပေးရေး စတဲ့ ကိစ္စရပ်များကို ရဲရင့်ပြောင်မြောက်စွာ စစ်အစိုးရကို ရေဒီယိုအသံလှိုင်းများမှတဆင့် တောင်းဆိုခဲ့သည်။ အဆိုပါအချိန်တုံးက သူ့တွင်ထရန်စ္စတာရေဒီယို ( ၃ )လုံးရှိပြီး အသံလွှင့်လိုင်းများကို အသေချိန်ထားလေ့ရှိကာ မပြတ်နားထောင်လေ့ရှိပါတယ်၊ ကက်ဆက်နဲ့လည်း အသံဖမ်းထားခြင်း၊ ဖြစ်ပေါ်နေတဲ့နိုင်ငံရေးအနေအထားနဲ့ နိုင်ငံတကာကဘယ်လိုဖိအားတွေပေးနေပြီ ဆိုတာတွေကို အချိန်နဲ့တစ်ပြေးညီ လုပ်ဖေါ်ကိုင်ဖက်များအား သတင်းပြန် ဖေါက်သည်ချခြင်း ရှေ့ဖြစ်နိုင်ခြေကိုခန့်မှန်းပြခြင်းများကို ( ၁၉၉၀ - ၂၀၀၆ )ခုနှစ်အထိ ဆောင်ရွက်ခဲ့ပါသည်၊ သူ့မှာ အသံဖမ်းပြီးသား ကက်ဆက်ခွေ ၃၀၀ ကျော်ရှိပါတယ်၊ အင်တာဗျူးများလုပ်ခြင်းအတွက် မကြခဏတားဆီးသတိပေးခံရပြီး နောက်ဆုံးလိုင်းဖုန်းအပိတ်ခံရသည်အထိဖြစ်ခဲ့ရပါသည်။

၃၃။ ယခု အသက် ( ၁၀၀ ) ပြည့်ချိန်တွင် ၎င်းမျှော်မှန်းကြိုးပန်းခဲ့သည့် ဒီမိုကရေစီအစိုးရကို ဒေါ်အောင်ဆန်းစုကြည်ဦးဆောင်သည့် အမျိုးသားဒီမိုကရေစီအဖွဲ့ချုပ်က ဖွဲ့စည်းနိုင်ခဲ့ပြီး လုပ်ငန်းများစတင်လည်ပတ်ဆောင်ရွက်နေပြီဖြစ်ခြင်း၊ ပြည်ထောင်စုငြိမ်းချမ်းရေးညီလာခံ (ခေါ်) ၂၁ ရာစု ပင်လုံညီလာခံ ကြီး ကျင်းပရေးအတွက် အကြိုညှိနှိုင်းမှုများဆောင်ရွက်နေသည့်အချိန်နှင့်လည်းတိုက်ဆိုင်နေပေရာ အလွန်ပင် မင်္ဂလာရှိသောအချိန်အခါဖြစ်ပေသည်။

၃၄။ တို့ဗမာအစည်းအရုံးကြီး၏ လေးစားတန်ဘိုးထားအပ်သော " နောင်လာနောက်သားကောင်းစားဖို့ရာ တို့ကိုယ်ကျိုးလုံးလုံးမပါ " ဆိုသည့် မြန်မာ့နိုင်ငံရေးသမားတိုင်း လိုက်နာကျင့်သုံးသင့်သည့် ဆောင်ပုဒ်နှင့် " လွတ်လပ်ရေးသည် ငါတို့၏ မွေးရာပါ အမွေအနှစ်တည်း " Freedom Is Our Birth Right " ဟူသော အခြေခံလူ့အခွင့်အရေး ခံစားခွင့်များကို လူငယ်မျိုးဆက်သစ်များအား ပေးဝေနိုင်ခဲ့သည့်အပြင် လူမှုရေး၊ ကျန်းမာရေးနှင့် အခက်အခဲများကြုံတွေ့နေကြသည့် ဘဝတူနိုင်ငံရေးသမားများကိုလည်း အမြဲတမ်းကူညီထောက်ပံ့ပေးခဲ့သည့် သခင်သိန်းဖေသည် နိုင်ငံရေးသမားတို့၏ဂုဏ်သိက္ခာ၊ မြန်မာလူမျိုးတို့၏ဂုဏ်သိက္ခာ၊ မြန်မာနိုင်ငံ၏ဂုဏ်
သိက္ခာတို့ကို မြှင့်တင်ပေးနိုင်ခဲ့သော ရှားပါးလှသည့် စံပြနိုင်ငံရေးသမားကြီးတစ်ဦးပင်ဖြစ်ပါသည်။ ။


Written by U Than Htay 

ဆက်စပ်လေ.လာရန်များ

သခင်သိန်းဖေ (၀ါးခယ်မ)

ဝါးခယ်မ သခင်သိန်းဖေ ပညာသင်ဆု

ဝါးခယ်မမြို.၊ ဝါးခယ်မမြို့နယ်အသင်းနှင့် သခင်သိန်းဖေ