အလံတစ်ရာ က အရည်းကြီး လက်သစ် ( သို. ) ခွန်တန် သတင်းများ စုစည်းမှု - ၁

အလံတစ်ရာ ဆရာတော် ၀င်စားသည်ဆိုကာ ဤသို. ကိုးကွယ်ကြသည်

မှားယွင်း ကိုးကွယ်မှုများသည် ဒိဋ္ဌိများ ဖြစ်စေ၍ သရဏဂုဏ် ပျက်ကာ ဗုဒ္ဓဘာသာဝင်အဖြစ်မှ ပျက်ပြယ်လျှက် သေသည်၏ အခြားမဲ့ ၌ ငရဲသို.သာလားကြရကုန်၏
ထိုသို.မသေမှီစပ်ကြား ကာလတွင်လည်း အကျိုးယုတ်လျော.ခြင်း များ အမျိုးမျိုး တွေ.ကြုံ ကြရ၏
ထို.ထက် ပိုဆိုးသည်က ယုံကြည်မှု လွန်ကဲသူများ ၊ မသိနားမလည်သူများ ၊ ရိုးသားသူများကို ခုတုံးလုပ် ၊ အခွင့်အရေးယူ ၊ လိမ်လည်လှည့်ဖျားသူများ ဖြစ်သည် ။ ထိုသူယုတ်မာများသည် တမလွန်တွင် ပြုသမျှ အကုသိုလ်တို.ကို ခံယူရမည်ဖြစ်သော်လည်း  အခြားအပြစ်မဲ့သူတို. ကိုကယ်တင်ရာလည်းရောက်   ထိုမကောင်းမှုပြုသူတို.ကို ဟန်.တားရာလည်းရောက်စေရန် ပြတ်သားပြင်းထန်စွာ အရေးယူခြင်းကသာ အကောင်းဆုံးဖြစ်ပေသည် ။

မွန်ပြည်နယ် သထုံမြို့နယ် အလံတစ်ရာ နယ်မြေတွင် ပန်းဦးလွှတ်သည်ဟုဆိုကာ ဖြစ်ပွားနေသည့် ကိစ္စနှင့်ပတ်သက်၍ ကာယကံရှင် အမျိုးသမီးငယ်၏ အုပ်ထိန်းသူကိုယ်တိုင်အပါအဝင် ၇ ဦးလာရောက်တိုင်ကြားခဲ့ကြောင်း သိရသည်။

ဘာသာရေးကို အကြောင်းပြ၍ ပန်းဦးလွှတ်ပြုလုပ်နေမှုကို မွန်ပြည်နယ်အစိုးရအဖွဲ့ ကက်ဘိနက်အစည်းအဝေးဆုံးဖြတ်ချက်ရယူပြီး အရေးယူဆောင်ရွက်သွားမည်ဖြစ်ကြောင်း မွန်ပြည်နယ်အစိုးရဖွဲ့ဝင်ပအိုဝ်းတိုင်းရင်းသားရေးရာဝန်ကြီး နန်းစံဝင့်ခိုင်က ပြောကြားသည်။
“အရင်ကဆိုရင် သိသိကြီးနဲ့ တိုင်တဲ့သူမရှိလို့ အရေးယူဆောင်ရွက်လို့မရဘူး။ အခုတိုင်ကြားတဲ့သူရှိလာပြီးဆိုတော့ အရေးယူဆောင်ရွက်သွားမှာပါ။ အရေးယူဆောင်ရွက်တဲ့နေရာမှာလည်း ကျွန်မတို့အစိုးရအဖွဲ့ပဲ မပြီးဘူး။ အားလုံးပူးပေါင်းဆောင်ရွက်ဖို့လိုတယ်”ဟု ပအို့ဝ်တိုင်းရင်းသားရေးရာဝန်ကြီးက ပြောသည်။

အလံတစ်ရာဆရာတော်ကြီး ဝင်စားသည်ဟု ဆိုသော ခွန်တန် (ခ) ခွန်အောင် (ခ) ဇာတ်လိုက် ဆိုသူက အမျိုးသမီးငယ်များအား ကျူးလွန်နေကြောင်း သိရသည်။
၂၀၁၄ ခုနှစ်မှ စတင်ကာ ၂၀၁၆ ခုနှစ်အထိအထိ မိန်းကလေးငယ် ၆ ဦးကို လက်ထပ်ကာ ၎င်းနောက် ကွာရှင်းခြင်းမပြုဘဲ မိဘထံပြန်နေစေခြင်း၊ ငွေကြေးထောက်ပံ့မှုများ ပြုလုပ်ခဲ့ကြောင်း သိရသည်။
အလံတစ်ရာနယ်မြေတွင် ဘာသာရေးကို အခြေခံအကြောင်းပြု၍ ယခင်အစိုးရလက်ကတည်းက အသက် ၁၄-၁၅ နှစ် အမျိုးသမီးလေးများကို ပန်းဦးလွှတ်နေမှုများ ဖြစ်ပေါ်နေသော်လည်း မည်သူ့တစ်ယောက်မှ တိုင်ကြားခြင်းမရှိခြင်းကြောင့် အရေးယူဆောင်ရွက်နိုင်ရန် အခက်အခဲများဖြစ်ပေါ်ခဲ့ရကြောင်း သထုံမြို့နယ်၊ အမှတ်-၁ မဲဆန္ဒနယ်၊ ပြည်နယ် လွှတ်တော်ကိုယ်စားလှယ် ဒေါ်ခိုင်ခိုင်လဲ့က ပြောဆိုသည်။
“ဒီနေရာမှ ဒီလိုကိစ္စဖြစ်နေတယ်။ တိုင်တဲ့သူမရှိဘူးလားဆိုတော့ မရှိဘူး။ တိုင်ကြားဖို့ ကိုယ်တိုင် အဲဒီရွာဆင်းပြီး ပြောတဲ့သူကိုတောင် ရန်သူလို သတ်မှတ်တဲ့ အနေအထားမျိုးရှိနေတယ်။ မိန်းကလေးငယ်တွေရဲ့ မိဘတွေကိုယ်တိုင်က အသိဥာဏ်မရှိဘဲ ကိုယ့်သားသမီးတွေကို သိဒ္ဓိတင်တယ်လို့ အတွေးဝင်နေတယ်”ဟု ၎င်းက ထပ်လောင်းပြောသည်။

အလံတစ်ရာဆရာတော်ကြီး ဝင်စားသည်ဟု ဆိုသော ခွန်တန် (ခ) ခွန်အောင် (ခ) ဇာတ်လိုက် ဆိုသူမှာ လက်ရှိအချိန်တွင် ယင်းနေရာ၌ ရောက်ရှိနေမှုမရှိဘဲ ထွက်ပြေးတိမ်းရှောင်နေကြောင်း ၎င်းကျေးရွာဒေသခံများထံက စုံစမ်းသိရသည်။
အလံတစ်ရာကျေးရွာမှ အမျိုးသမီးငယ်များကို ပန်းဦးလွှတ်သည့် ကိစ္စနှင့်ပတ်သက်၍ မွန်ပြည်နယ်အစိုးရအဖွဲ့နှင့် ပြည်နယ်လွှတ်တော်ရေးရာကော်မတီဥက္ကဋ္ဌထံ တိုင်ကြားစာနှစ်စောင်ရောက်ရှိ ထားပြီးဖြစ်ကြောင်း သိရသည်။
အဆိုပါကိစ္စအား လာမည့် နိုဝင်ဘာလ ၆ ရက်နေ့တွင် ပြည်နယ်လွှတ်တော်၌ ကြားနာမည်ဖြစ်သည်။
" အစိုးရရဲ့ လုပ်ဆောင်ချက်တွေကို လက်ခံတယ်" ဟု မွန်ပြည်နယ် ပအိုဝ်းစာပေ ယဉ်ကျေးမှု အဖွဲ့ အတွင်းရေးမှူး ခွန်သန်းဝေ က ပြောကြောင်း Mizzima ကရေးသားထားခဲ့သည် ။

ကိုရင်လေး  ခေါ် ခွန်တန်  ခေါ် ဇာတ်လိုက်

ထိုကဲ့သို. ကျုးလွန်ခဲ့သော ခွန်တန် နှင့် ပတ်သက်၍ မွန်ပြည်နယ်၊ သထုံမြို့နယ်၊ စရစ်ချောင်းကျေးရွာအုပ်စု၊ အလံတရာနယ်မြေတွင် အလံတရာဆရာတော်ဝင်စားသည်ဟု ဆိုသော ခွန်တန်(ခေါ်)ဇာတ်လိုက်သည် ရှမ်းပြည်နယ်၊ ဟိုပုန်းဘက်သို့ ထွက်ပြေးသွားပြီဖြစ်ကြောင်း မွန်ပြည်နယ်ဝန်ကြီးချုပ် ဒေါက်တာအေးဇံက ပြောကြားသည်။

“သူ့ကို အာဏာစက်နဲ့ဖမ်းဆီးဖို့ လုပ်တော့ ရှမ်းပြည်နယ်၊ ဟိုပုန်းဘက်ကို ထွက်ပြေးသွားတယ်။ မွန်ပြည်နယ်ကို ပြန်လာဖို့လည်း လမ်းမရှိဘူး။ ထွက်ပြေးနေတယ်။ ဒီမှာ အစည်းအဝေးဆုံးဖြတ်ချက် ချပြီး ဖမ်းမိန့်ထုတ်လိုက်တာနဲ့ ကြည့်ရတာ သတင်းပေါက်ကြားလို့ ထွက်ပြေးသွားတယ်”ဟု ဒေါက်တာအေးဇံက ပြောသည်။

ယင်းကိစ္စနှင့် ပတ်သက်ပြီး လွန်ခဲ့သည့် နှစ်လခန့်က မွန်ပြည်နယ်ဥပဒေချုပ်နှင့် ကက်ဘိနက်အစည်းအဝေးတွင် တိုင်ပင်ခဲ့ပြီး အစည်းအဝေးဆုံးဖြတ်ချက်အရ သာသနာညှိုးနွမ်းစေမှုဖြင့် ၂၅၉ (က)နှင့် ဖမ်းခိုင်းခဲ့သော်လည်း ခွန်တန်(ခေါ်)ဇာတ်လိုက်က ထွက်ပြေးသွားသည့်အတွက်ကြောင့် ကျန်အဖွဲ့ဝင် ၅ ဦးကို သထုံအချုပ်ထဲတွင် ရှိနေကြောင်း ဝန်ကြီးချုပ်က ဆိုသည်။
အဆိုပါ အလံတရာနယ်မြေတွင် ဆေးပြားသုံးစွဲခြင်း၊ ဆေးပြားရောင်းဝယ်ဖောက်ကားခြင်းများရှိနေသည်ကို သတင်းအချက်အလက်များစွာ ရရှိထားသည့်အပြင် အလံတရာနယ်မြေတွင် ခွန်တန်(ခေါ်)ဇာတ်လိုက်ဆိုသူနှင့် ၎င်း၏အဖွဲ့များက လုပ်ကိုင်ဆောင်ရွက်နေသည်ကိုလည်း သိရှိထားကြောင်း ၎င်းက ရှင်းပြသည်။

“နောက်ပြီးတော့ အုပ်စုဖွဲ့ အရက်သောက်ပြီးတော့ ညဘက်တွင် အရက်မူးပြီး အိမ်ရှေ့ဆဲဆိုတာတွေ သတင်းရရှိထားတာရှိတယ်။ အစသိကတည်းက အစိုးရအဖွဲ့အနေနဲ့ လုပ်ကိုင်ဆောင်ရွက်ရမယ့်ကိစ္စရပ်တွေ လုပ်ကိုင်ဆောင်ရွက်နေတယ်။ အထူးသဖြင့်တော့ အဲဒီနယ်မြေက ပအို့ဝ်တိုင်းရင်းသားရေးရာဝန်ကြီး ဒေါ်စံဝင့်ခိုင်က ဆောင်ရွက်နေပါတယ်”ဟု ဝန်ကြီးချုပ်က ထပ်လောင်းပြောကြားသည်။

အလံတရာနယ်မြေတွင် ဖြစ်ပွားနေသည့် ပြဿနာနှင့် ပတ်သက်၍ အမျိုးသမီးနှင့် ကလေးသူငယ်အခွင့်အရေး ဆိုင်ရာကော်မတီထံ တိုင်ကြားစာနှစ်စောင် ရောက်ရှိထားကြောင်း အဆိုပါကော်မတီ ဥက္ကဋ္ဌ သထုံမြို့နယ် မဲဆန္ဒနယ်မြေ အမှတ်(၂) ဒေါ်ခိုင်ခိုင်လဲ့က ဆိုသည်။
အဆိုပါတိုင်ကြားစာတွင် ခွန်တန်(ခ)ဇာတ်လိုက်နှင့် အဖွဲ့ကို ဘာသာတရားအပေါ်အခွင့်ကောင်းယူပြီး ဘာသာရေးမှိုင်းတိုက်၍ ရိုးသားသော ပအို့ဝ်တိုင်းရင်းသူမိန်းကလေး များအား ဖျက်ဆီးနေမှုအပေါ် ဖော်ထုတ်အရေးယူပေးရန်နှင့် အလိုမတူဘဲ သားမယာအဖြစ် ပြုကျင့်မှုအား ငွေကြေးဖြင့် ညှိနှိုင်းဖြေရှင်းမည်ဆို၍ ယနေ့ထိ ပြီးပြတ်အောင် ဖြေရှင်းမပေးဘဲ တာဝန်ပျက်ကွက်မှုအား အရေးယူပေးရန် တိုင်ကြားထားခြင်းဖြစ်ကြောင်း ၎င်းက ဆိုသည်။

အလံတရာနယ်မြေတွင် ဖြစ်ပေါ်နေသော ကိစ္စရပ်များနှင့် ပတ်သက်၍ သထုံမြို့နယ် မဲဆန္ဒနယ်အမှတ်(၂) ဒေါ်ခိုင်ခိုင်လဲ့နှင့် မွန်ပြည်နယ်အစိုးရအဖွဲ့ဝင် ပအို့ဝ်တိုင်းရင်းသားရေးရာဝန်ကြီး ဒေါ်စံဝင့်ခိုင် ကြမ်းတမ်းသောစကားလုံးများနှင့် အသက်အန္တရာယ်ကို ခြိမ်းခြောက်သော စကားလုံးများဖြင့် လူမှုကွန်ယက်စာမျက်နှာမှတစ်ဆင့် ခြိမ်းခြောက်ခံနေရကြောင်း  ဟင်္သာ မီဒီယာကလည်း ဖော် ပြရေးသားခဲ့သည် ။ 

ခွန်တန်

  
ထို ခွန်တံ ခေါ် ကိုရင်လေး နှင့် ပတ်သက်၍ ဒေသခံ တစ်ဦးက ရေးသားရာတွင်
မ​လေးမှာ အ​နေကြာခဲ့ပြီးမြန်​မာပြည်​ကိုကျ​နော်​ပြန်​​ရောက်​လာ​တော့ကျ​နော့အိမ်​ရဲ့ဘုရား​ဆောင်​​ပေါ်မှာ ကျ​နော်​တစ်​ခါမှ မမြင်​ဖူးတဲ့ ကိုရင်​​လေးတစ်​ပါးရဲ့ ဓာတ်​ပုံ​တစ်​ပုံ ​ရောက်​​နေပါတယ်​
အ​မေကို​မေးကြည့်​​တော့ အဲဒါအလံတရာဆရာ​တော်​ ​(​ဒေသအ​ခေါ် ဘဘုရား) ဝင်​စားတဲ့
ကိုရင်​​လေးလို့​ပြောပါတယ်​။ပြီး​တော့ အ​မေက ကျ​နော့ကိုVCD​တစ်​​ခွေဖွင့်​ပြတယ်​
အဲဒီအ​ခွေမှာ ​​စော​စောက ဘုရား​ဆောင်​​ပေါ်ကကိုရင်​​လေးကို ခေါင်းမှာဒက်​​တွေ​အဖွေး​သားနဲ့​တွေ့
ရတယ်​။အ​ခွေမှာ ကိုရင်​​လေးဆွမ်းစား​နေတာ​တွေ။ကိုရင်​​လေး ကား​ပေါ်ကဆင်းလာတာ​တွေ
ရယ်​​မောစကား​ပြောတာ​တွေ။ဖလားခွက်​​ကြီး​မြှောက်​ပြီး လူသူပရိသတ်​ဘက်​ပိုက်​ဆံကြဲတာ​တွေကို ရိုက်​ပြထားပြီး သူ့ ပတ်​ပတ်​လည်​မှာ​တော့ သူ့ကိုယုံကြည်​သူပအိုဝ်းတိုင်းရင်းသားအများအပြားကို အလွန်​ရိုကျိုးကြဟန်​နဲ့လက်​အုပ်​က​လေးချီပြီး ယို့ယို့က​လေးရပ်​​နေကြတာ​တွေ့ရတယ်​

တချိန်​က သထုံ အလံတရာနယ်​မှာဘဘုရားလို့သူတို့​ခေါ်ကြတဲ့အလံတရာဆရာ​တော်​ဟာ အလံတရာတစ်​ဝိုက်​မှာသာမက မြန်​မာပြည်​အနှံ့အပြားမှာ ကိုးကွယ်​ဆည်းကပ်​သူအများအပြားနဲ့ အလွန်​ထင်​ရှားခဲ့သူဖြစ်​တယ်​အဲဒီဘဘုရား ပျံလွန်​​တော်​မူကြီး ၉နှစ်​ကြာမှ ဘဘုရားဝင်​စားတယ်​ဆိုသူအနှီကိုရင်​​လေးက ​ပေါ်လာတာဖြစ်​ပါတယ်​။အဲဒီအချိန်​မှာ ကိုရင်​​လေးဆိုသူကလည်း အသက်​၉နှစ်​တိတိရှိ​နေပြီဖြစ်​ပါတယ်​
အရင်​ဘဝ​ဟောင်းကို ပြန်​မှတ်​မိတယ်​။အရင်​​ဆွေမျိုး​တွေကို နာမည်​ကအစ
တစ်​​ယောက်​ချင်း ​ခေါ်နိုင်​တယ်​။ဘဘုရားရဲ့ လူသိနည်းတဲ့ တစ်​ချို့​သောကိစ္စရပ်​​တွေကို​တောင်​ ​ပြောဆိုနိုင်​စွမ်းရှိတယ်​ဆိုပြီး ​ဘဘုရားဝင်​စားသူအဖြစ်​ ​ဒေသခံ​တွေ လက်​ခံယုံကြည်​ကြတာဖြစ်​ပါတယ်​
အ​ခွေကိုကြည့်​ပြီး ကျ​နော်​က"ဒီကိုရင်​က တစ်​ချက်​မှ ငြိမ်​ငြိမ်​သက်​သက်​မရှိပါလားမျက်​နှာကလည်းစပ်​ဖြဲဖြဲနဲ့ ​မျောက်​လိုပဲ သူ့ဘာသူဘယ်​သူပဲဝင်​စားစား ဘုရားနဲ့​တော့တစ်​​နေရာတည်း ရှိမ​နေသင့်​ဘူး"လို့​အ​မေ့ကိုပြောပြီး ဓာတ်​ပုံကိုဘုရား​ဆောင်​​ပေါ်ကဖြုတ်​ချလိုက်​ပါတယ်​။

ကျ​နော်​တို့ဆီမှာအလံတရာဘက်​ သက္ကဘက်​ ဘုရားဖူးထွက်ဖူး​ကြသူ လူတိုင်း​လောက်​နီးနီးဟာ ဘုရားဖူးကပြန်​လာတိုင်း အိမ်​ရဲ့ ဘုရား​ဆောင်​မှာကိုရင်​​လေးပုံကို ယုံယုံကြည်​ကြည်​ ချိတ်​ဆွဲကိုးကွယ်​လာ​နေကြတာဖြစ်​ပြီး ကျ​နော့အိမ်​မှာ​တော့ ကျ​နော်​​ရောက်​လာပြီးမှ အဲဒီကိုရင်​​လေး
ချောင်​တစ်​ခုထဲ ပစ်​ထည့်​ခံလိုက်​ရတာဖြစ်​ပါ​တယ်​

ဒီလိုနဲ့ နှစ်​အနည်းကြာ​တော့ကျ​နော်​ရှမ်းပြည်​​ဘက်​​ရောက်​​သွားတယ်​အဲဒီမှာ သထုံ​ဒေသခံ​တွေနဲ့ အလုပ်​အတူတူလုပ်​ရပြီး သူတို့မကြာခဏ​ပြောတတ်​တာက​တော့ အရွယ်​​ရောက်​လာပြီဖြစ်​တဲ့ ကိုရင်​​လေး​(ခေါ်)ခွန်​တန်​ဟာ သင်္ကန်းဝတ်​လိုက်​​ဘောင်းဘီရှည်​ဝတ်​လိုက်​နဲ့ တဖြည်းဖြည်း အထိန်းအကွပ်​မရှိ ဆိုးသွမ်းလာ​နေ​ကြောင်း​တွေပဲဖြစ်​ပါတယ်​

ခွန်​တန်​ဟာ ဇာတ်​လိုက်​လို့ ကိုယ့်​ကိုကိုယ်​​ခေါ်တဲ့ အရွယ်​​ရောက်​​နေတဲ့ ​ယောက်ျား​လေး​တွေချည်း စုထားတဲ့အဖွဲ့ဖွဲ့ပြီး ကား​ ဆိုင်​ကယ်​တွေတရကြမ်း​မောင်းတယ်​ အလှူခံတယ်​ ဘုရားတည်​တယ်​
တီးဝိုင်း​ထောင်​ပြီး သီချင်းဆိုတယ်​တက်​တူးထိုးတယ်​။သေနတ်​ကိုင်​တယ်​။စိတ်​မထင်​ရင်​ မထင်​သလို
ကား​တွေဆိုင်​ကယ်​​တွေကို မီးရှို့ဖျက်​ဆီးတတ်​တယ်။သူကားနဲ့တိုက်​လို့ လူ​သေဖူးတယ်​။
ငယ်ငယ်​တုန်းကလည်းဘာစိတ်​ကူး​ပေါက်​တယ်​မသိ။သူ့ထက်​အသက်​​ရော ဝါ​ရော
အများကြီးကြီးတဲ့ ဘုန်းကြီးတစ်​ပါးရဲ့​ခေါင်း​ပေါ် ​ခြေ​ထောက်​နဲ့​တက်​နင်းပြပြီးဓာတ်​ပုံအရိုက်​ခံဖူးပါတယ်​။

ထူးဆန်းတာက​တော့ သူဘယ်​​လောက်​ဆိုးဆိုးသူဘယ်​​လောက်​ပဲ အကျင့်​ပျက်​​ဖောက်​ပြန်​ပြီး လမ်းသရဲလို​နေ​နေသူ့က်ိုယုံကြည်​ကိုးကွယ်​ကြသူ ​ဒေသခံ​တွေက သူ့အ​ပေါ် တစ်​စိုးတစ်​စိမှ အကြည်​ညိုမပျက်​ကြတာပါပဲ။

ပညာ​ရေးအ​ခြေခံနည်းပါးပြီးရိုးအတဲ့ ပအိုဝ်းလူမျိုး​တွေရဲ့ကိုးလွန်းလို့ ကွယ်​ကုန်​ရကြတဲ့ အ​နေအထားလို့ပဲဆိုရပါ​တော့မယ်
အခု​နောက်​ပိုင်းကြားရတဲ့သတင်းက​တော့ ပိုလို့​တောင်​ဆိုး​လာနေပါတယ်​ခွန်​တန်​ဟာ ရိုးအ   ပြီး အရွယ်​မ​ရောက်​​သေးတဲ့ ပအိုဝ်းတိုင်းရင်းသူအများအပြား​ကို ပန်းဦးလွှတ်​တယ်​ဆိုတဲ့သတင်း​တွေကြားလာ​ ရပါတယ်
အဆိုးဆုံးက​တော့ကျူးလွန်​ခံရတဲ့ သမီးပျိုတို့ရဲ့ မိဘ​တွေကိုယ်​တိုင်​ကလည်းအဲလိုပန်းဦးလွှတ်​ခြင်းဟာ သိဒ္ဓိ​မြောက်​တယ်​ဆိုပြီး လိုလိုလားလား လက်​ခံ​ကျေနပ်​လျှက်​ရှိ​နေကြပြီးအဲဒီ​ဒေသအုပ်​ချုပ်​​ရေးမှူးကိုယ်​တိုင်​ကဒီလိုကိစ္စ​တွေကို အလိုတူအလိုပါ ကာဗာ​ပေး​နေခြင်းပဲဖြစ်​ပါတယ်​
အမှုဖြစ်​စဉ်​ ရာနဲ့ချီရှိ​ပေမယ့်​တိုင်​သူကို သူတို့ဘက်​က​နေ ရန်​သူလို့သတ်​မှတ်​တဲ့အတွက်​ တိုင်​ရဲသူမရှိတာ ဟာလည်း အစိုးရကို အ​ရေးယူရန်​ခက်​ခဲ​စေတဲ့ ကိစ္စတစ်​ခုပါပဲ

 ထိုအခြေအနေများနှင့်ပတ်သက်၍  မွန်ပြည်နယ် သထုံမြို့နယ် အလံတစ်ရာ နယ်မြေတွင် ဘာသာရေးကို အကြောင်းပြ၍ ပန်းဦးလွှတ်မှု ပြုလုပ်နေသည်ကို တရားဥပဒေအရ အရေးယူဆောင်ရွက်ရန် ပအိုဝ်းတိုင်းရင်းသားရေးရာဝန်ကြီးနှင့် ညှိနှိုင်းလုပ်ဆောင်ရာ အခက်အခဲများကြုံတွေ့၍ ယင်းကိစ္စ အောင်မြင်စွာဆောင်ရွက်နိုင်ရေးတွက် အဖွဲ့စည်းပေါင်းစုံမှ ၀ိုင်းဝန်းကူညီကြပါရန် ဒေါ်ခိုင်ခိုင်လဲ့ သထုံမြို့နယ်အမှတ်-၁ မဲဆန္ဒနယ်ပြည်နယ် လွှတ်တော်ကိုယ်စားလှယ်က အောက်တိုဘာ ၁၇ ရက်၌ မော်လမြိုင်မြို့ငွေမိုးဟိုတယ်တွင် ကျင်းပသော ကျား/ မ ရေးရာ အခြေပြု အကြမ်းဖက်မှု သတင်းအချက်အလက်ဆိုင်ရာ ပူးပေါင်းညှိနှိုင်းမှုအစည်းအဝေး၌ အမှာစကား ပြောကြားရာတွင် ထည့်သွင်းပြောကြားခဲ့ကြောင်း Eleven Media ကအောက်ပါအတိုင်း ရေးသားဖော်ပြခဲ့ပါသည် ။

“ကျွန်မမဲဆန္ဒနယ်မှာဆို မိန်းကလေးတွေ ကျောင်းမနေရပါဘူး။ အမျိုးသမီးတွေ လေးတန်းနဲ့ကျောင်းထွက်တဲ့သူတွေ တစ်ပုံကြီးပါပဲ။ အလွန်ဆုံးနေရရှစ်တန်းပဲ၊ သထုံဆိုတဲ့နေရာက မြို့လို့သာပြောတယ်။ စာသင်ကြားကြတဲ့အခါ အမျိုးသမီးအရမ်း နည်းပါတယ်။ တိုင်းရင်းသားကရင်။ ပအိုဝ်းရွာတွေ များပါတယ်၊ ခုနက ဒေါ်စံဝင့်ခိုင်ပြောတာ ကျွန်မမဲဆန္ဒနယ်မှာ ဖြစ်ခဲ့တာပါ။ ဆရာမကြီးပြောသွားတာ သေးသေးလေးပါ။ ဒါပေမဲ့ တကယ့်ကိုဖြစ်နေတာ big issue အကြီးကြီး ဖြစ်နေတယ်။ အလံတစ်ရာနယ်မြေမှာ ဘာသာရေးကို အခြေခံပြီးတော့ ၁၄-၁၅ နှစ် သမီးလေးတွေကိုပဲ ပန်းဦးလွှတ်တဲ့ကိစ္စ ဖြစ်နေပါတယ်။ ရှင်းရှင်းပြောရလို့ရှိရင် တိုင်တဲ့သူ မရှိဘူးလားဆိုတော့ မရှိဘူး။ တိုင်ဖို့ကိုယ်ကိုယ်တိုင် ဆင်းပြီးပြောတဲ့သူကို သူတို့က ရန်သူလို့ သတ်မှတ်တဲ့ အနေအထားမျိုး ရှိနေတယ်။ မိဘတွေ ကိုယ်၌ကိုယ်က ဘာသာရေးကို အကြောင်းပြပြီး သူတို့သမီးကို သိဒ္ဓိတင်တယ်လို့ အတွေးဝင်နေတာပါ။ အရှင်းဆုံးပြောရရင် မိန်းကလေးက ဆယ်နဲ့ချီ ရာနဲ့ချီဖြစ်နေတဲ့ အနေအထားမျိုး ရှိပါတယ်ဆိုတာ အလံတစ်ရာမှာ ဖြစ်နေတာဆိုတာ ပွင့်ပွင့်လင်းလင်း ပြောတာပါ။ ဒီနားမှာထိုင်နေတဲ့ အရင်ငါးနှစ်က လူမှုရေးဝန်ကြီး ဆရာသိမှာပါ။ ဒီအဖြစ်အပျက်ဟာ ပြီးခဲ့တဲ့ငါးနှစ်သက်တမ်းမှာလည်း ဖြစ်ခဲ့တာပါ။ အစိုးရဌာနဆိုင်ရာတွေက ကိုင်တွယ်ဖို့နည်းမျိုးစုံနဲ့ ကြိုးစားခဲ့ကြပါတယ်။ အခု ကျွန်မနဲ့ဒေါ်စံဝင့်ခိုင် (ပအိုဝ်းတိုင်းရင်းသားရေးရာဝန်ကြီး) ဒီကိစ္စ ကြိုးစားနေပါတယ်။ မိန်းကလေးတွေကိုလည်း စည်းရုံးနေပါတယ်။ ၁၄-၁၅-၁၆ နှစ်ကလေးတွေပါ။ အစ်မကိုယူပြီး ညီမကို ယူပါတယ်။ ဒီရွာမှာပဲ လမ်းလေးခွဆုံမှာ မင်္ဂလာဆောင်ပါတယ်။ ဆက်တိုက်ကို ယူပါတယ်။ သုံးယောက်ရှိရင် သုံးယောက်လုံးယူပါတယ်၊ ဒီဖြစ်စဉ်ဟာ သထုံမြို့မှာ ဖြစ်နေလားလို့ မေးရင် ဖြစ်နေပါတယ်။ ဒါကလူမသိပါဘူး။ လူသိဖို့အင်မတန်မှ အခြေအနေနည်းတဲ့ အနေအထားဖြစ်ပါတယ်။ ကျွန်မတို့က အခုတော့ ပထမဆုံးအနေနဲ့ တရားဥပဒေအရ  အရေးယူဆောင်ရွက်ဖို့ ကြိုးစားနေပါတယ်လို့ ဘာဖြစ်လို့လဲဆိုတော့ အုပ်ချုပ်ရေးမှူး ကိုယ်တိုင်ကိုယ်က ပါနေတယ်။ သူကိုယ်တိုင်က Cover လုပ်နေတဲ့ အနေအထား ရှိနေတယ်။ တချို့သတင်းထောက်တွေ သိပါတယ်။ သတင်းထောက်တွေ သတင်းသွားယူတဲ့သူတွေ ရှိပါတယ်။ ၀င်လို့မရတဲ့အနေအထားမျိုးလည်း ရှိပါတယ်။ သတင်းယူဖို့ အခက်အခဲတွေအများကြီး ရှိပါတယ်။ အဲဒီလူရဲ့ နာမည်ကတော့ သူတို့ကတော့ ခွန်တန်လို့ခေါ်တာပေါ့။ အသက်က ၂၅ နှစ်ပဲ ရှိပါသေးတယ်။ အလံတစ်ရာ ဆရာတော်ဘုရား ၀င်စားတာပါဆိုတာတစ်ခုတည်းနဲ့ အဲဒီမှာ ဆက်တိုက် အမျိုးသမီးလေးတွေကိုဖြစ်တာ မိဘတွေကိုယ်တိုင်က ပန်းဦးလွှတ်တာပေါ့။ အပျိုဖြစ်တာနဲ့ ပန်းဦးလွှတ်တဲ့ အလေ့အကျင့် သထုံမှာ မွန်ပြည်နယ်ထဲမှာ ဖြစ်နေပါတယ်။ ဒီနေရာ ဒါမျိုးတွေရှိနေတယ်ဆိုတာ အသိပေးတာပါ။ ဒါမှလည်း ဒီမှာရှိတဲ့ အဖွဲ့အစည်းပေါင်းစုံကနေ ဘယ်လိုမျိုး ပူးပေါင်းပြီးအဖြေရှာရမလဲ။ ဆောင်ရွက်ရမလဲဆိုတာ သဘောဆိုတာမျိုး ဒီဘက်က နေပြန်ကြားချင်ပါတယ်။ ၀န်ကြီးနဲ့ ကျွန်မလုပ်ရတာ အခက်အခဲပေါင်းများစွာ ရင်ဆိုင်ရပါတယ်။ အခုချိန်ထိ ၀န်ကြီးကို တစ်ချိန်လုံး သတ်မယ်လို့ခြိမ်းခြောက်တဲ့ Message တွေ လာပါတယ်။ ကျွန်မဆီကိုလည်း Message ပေါင်းများစွာ ပို့ပါတယ်။ တစ်ချိန်လုံး သတ်မယ်ဆိုပြီး ခြိမ်းခြောက်ပါတယ်။ အဲဒီဖြစ်စဉ် ကျွန်မတို့နှစ်ယောက် အခုလက်ရှိ ကြုံနေရတာပါ။ ဒီလိုမျိုးကိစ္စကို ဖြေရှင်းဖို့ကြိုးစားတာကို ထပ်မံခြိမ်းခြောက်တာကြောက်လို့ပြောတာ မဟုတ်ပါဘူး။ အမြန်ဆုံးဒီကိစ္စကို အောင်အောင်မြင်မြင်နဲ့ ဖြေရှင်းလိုက်ချင်ပါတယ်။ ဒီနေရာမှာ ၀ိုင်းဝန်းပြီး ကူညီပါလို့ပြောရင်း နိဂုံးချုပ်ပါတယ်” ဟု ဒေါ်ခိုင်ခိုင်လဲ့က ဆိုသည်။

Ref ; Mizzima - News in Burmese ,  Hinthar Media Corporation  , Linn Eain Thit  & Eleven Media Group