ခြေထောက်နဲ့ဆွဲတဲ့ စေတီပုံ ပန်းချီကားတစ်ချပ်အကြောင်း

လွန်ခဲ့သည့် ၂၀၁၂ ခု၊ ဒီဇင်ဘာလ၊ဒုတိယပတ်လောက်က ကျွန်တော်"ရန်ကုန်"သို့တစ်ခေါက်ရောက်ဖြစ်ခဲ့ပါသည်။
("ကမ္ဘာ့ဝိပဿနာတရားပြဆရာကြီးဦးဂိုအင်ကာ"၏"ဓမ္မနိုင်ငံမှာ(၁၃၅)နှစ်ကြာ(135 Years in Dhamma Land)"အထိမ်း
အမှတ်အဖြစ်"မြန်မာနိုင်ငံ"သို့ပြန်လာစဉ် က"ဆရာကြီး" ကို ကြိုဆို ဂါရ၀ပြုရန် သွားရစဉ်တုန်းက ဖြစ်ပါသည်။)

"ရန်ကုန်"ရောက်လျှင် မဖြစ်မနေလုပ်လေ့ရှိသည်မှာ ပါသမျှပိုက်ဆံအား"ဓမ္မစာအုပ်၊စာပေ"များဝယ်ယူခြင်းဖြစ်ပါသည်။
ကျွန်တော့်၏ငယ်သူငယ်ချင်းအရင်းခေါက်ခေါက်ဖြစ်သည့်"ကောင်းသန့်စာပေ(၃၈လမ်း)၊ရှိThe Best English Magazine
တာဝန်ခံအယ်ဒီတာ"တစ်ဦးဖြစ်သူစာရေးဆရာ"ကျော်မြင့်"နှင့်အတူ"ပန်းဆိုးတန်းလမ်း"အတိုင်းစကားတစ်ပြောပြောနှင့်စုန်ဆင်းလာခဲ့သည်။

တစ်နေရာတွင် ထူးဆန်းသော လူငယ်တစ်ဦးကိုတွေ့ရှိရပါ၏။"လက်နှစ်ဖက်စလုံးပြတ်တောက်နေသည့်လူငယ်ကလေး"။
အဘယ်ဝဋ်ကြောင့်ကြွေးဆပ်လိုက်ရသည် မသိ။ လက်မောင်းရင်းနှစ်ဖက်စလုံး ငုံးတိတိဖြစ်၍နေပါသည်။
ထို လက်မရှိသောလူငယ်ကလေးသည်"ပန်းချီ"ဆွဲနေပါသည်။ထို လက်ပြတ်ပန်းချီဆရာလေးသည်"ညာဖက်ခြေထောက်"
ဖြင့်စုတ်တံကို ညှပ်ကာ"စေတီတော်ပုံ"ကိုရေးဆွဲနေခြင်း ဖြစ်ပါသည်။

အထူးအဆန်းဆိုလျှင် ၀ိုင်းအုံတတ်ရာ ကျွန်တော်နှင့် ကျွန်တော့်သူငယ်ချင်းသည်လည်းလူအုပ်ထဲသို့ရောက်ရှိသွားတော့၏။
ထို ပန်းချီဆရာကလေး၏အပြုအမူကို ထောက်ခံသူများ၊ဆန့်ကျင်ကန့်ကွက်သူများ၏စကားသံများကလည်းဆူညံနေ၏။

"ဟေ့ကောင်- ဘုရား ကို မင်း အဲသလို မရိုမသေ မလုပ်နဲ့ကွ"

"ဘာသာရေးသမား ဟု ယူဆရသောပုဂ္ဂိုလ်တစ်ဦး"သည်"ပန်းချီဆရာလေး"၏ရေးဆွဲလက်စ"စေတီပုံပန်းချီကားချပ်"
(စက္ကူ)လေးကို ဖျပ်ကနဲ ဆွဲယူကာ"တဗျင်းဗျင်း"ဆုတ်ဖြဲပစ်လိုက်ပါတော့၏။

"ပုံ တစ်ပုံ မင်းဘယ်လောက်ယူသလဲ"

"လက်ပြတ်ပန်းချီဆရာကလေး"သည်ထို လူကြီးအား ပြန်လှန်ပြောဆိုခြင်းမပြုဘဲ စက္ကူအသစ်တစ်ချပ်ကိုယူကာ"ရှုခင်းပုံ"
တစ်ပုံကိုပြောင်းလဲရေးဆွဲ၍နေလိုက်ပါသည်။"ခြေထောက်"ဖြင့်"စေတီပုံ"ရေးဆွဲခြင်းကိုမကြာခဏကန့်ကွက်ဆန္ဒပြမှုများခံခဲ့ရဖူးပုံရ၏။ထို အဖြစ်ကို သည်းခံ နိုင်ပုံလည်းရ၏။

"ရော့ - ငွေ တစ်ထောင်၊ မင်းမှတ်ထားဖို့က မင်း ခြေထောက်ကြီးနဲ့ စေတီပုံတို့၊ဘုရားပုံ တို့ တစ်သက်လုံးမဆွဲပါနဲ့"

ဘာသာရေးသမားဟုယူဆရသော ထို "သူတော်ကောင်းကြီး" က-"ငွေတစ်ထောင်တန်"ကိုလုံးချေကာထိုပန်းချီဆရာ
ကလေး၏မျက်နှာကိုပစ်ပေါက်၍ ရုတ်ခြည်း(ဒေါသတကြီး)ထွက်ခွာသွားပါသည်။
"ကလေး က လက်နဲ့ဆွဲရအောင် လက်နှစ်ဖက်စလုံးမှ မရှိတာဗျာ"..(ပန်းချီဆရာကလေး ဘက်မှထောက်ခံသံများ)

ကျွန်တော် "အရှင်အာနန္ဒာ"၏ ဖြစ်ရပ်ကို သွား၍သတိရလိုက်မိပါ၏။
ထို ကိစ္စနှင့် ပတ်သက်၍ "ရှေးဆရာတော်ကြီးများ"က-

"ခုဒ်"ကို မရှင်း၊"နုပ်"ကိုနင်း၊"ရှိ"ခြင်း "ရိပ်" မမြင်။
"မာ"ရဟန်းပြု၊တောင်းပန်မှု၊ထေရ်စု ပြစ်တော်တင်။
ရိုသေသောအား၊ဒုက္ကုဋ်ငါး၊ကြား၏ အာနန်ရှင်။
(မူကွဲ- ရိုသေသောအား၊ဒုက္ကဋ်ကြား၊ငါးပါးအာနန်ရှင်)

ဆိုသည့် ဆိုရိုးလင်္ကာလေးရေးခဲ့ဖူးပါသည်။

"နုပ်-ကို နင်း"ဆိုသည်မှာ ဗုဒ္ဓမြတ်စွာဘုရားရှင်၏"ရေသနုပ်တော်"ကိုချုပ်ပေးရစဉ်က ကိုင်ပေးမည့်သူ မရှိသည့်အတွက်
တစ်ဘက်စ ကို ခြေနှင့်နင်း၍ ချုပ် ခဲ့သည့်ကိစ္စဖြစ်ပါသည်။
(အရှင်အာနန္ဒာ၏ အဖြူရောင်အပြစ်ငါးချက်- ဟူ၍လည်းဖတ်ဖူးကြပါလိမ့်မည်)။ထိုသို့ချုပ်ခဲ့သဖြင့်အဝေဖန်ခံခဲ့ရရှာပါသည်။

ကျွန်တော်တို့သည် သူတစ်ပါး၏"ကိုယ်နှင့်ဟန်ပန်"ကိုမြင်နိုင်စွမ်းရှိသော်လည်း"နှလုံးသား"ကိုကား မြင်နိုင်စွမ်းမရှိပါ။

"ငါ"ဘက်မှမြင်သူများ၍ "သူတစ်ပါးဘက်"မှမြင်သူနည်းပါး ပါသည်။
"လက်နှစ်ဖက်ပြတ်ပန်းချီဆရာကလေး"သည် လူပုံ၊ရှုခင်းပုံ၊ဘ၀သရုပ်ဖော်ပုံတို့ကိုသာရေးဆွဲခြင်းဖြင့် သူ့ဘ၀ကိုအဆုံး
သတ်သင့် ပါသလား။ကျောင်းပုံ၊စေတီပုံ၊ဘုရားပုံတော်တို့ကို ရေးဆွဲခွင့် မရှိတော့ပြီလား။

ကျွန်တော် "မန္တလေးမြို့"နှင့်"မတ္တရာမြို့"တို့ကိုရောက်ရှိစဉ်က "ရုပ်ပွားဆင်းတုတော်များ"ကို ထုဆစ်နေသည့်ကျောက်ဆစ်
ပန်းပုလုပ်ငန်းခွင်တစ်ခုသို့ရောက်ရှိခဲ့ဖူးပါသည်။ မြင်ရသည့်မြင်ကွင်း က မကောင်းလှပါ။

တစ်ခါတွင်လည်း"မူဆယ်မြို့အ၀င်(လွယ်တိန်ခမ်းတောင်)"တွင် "မြတ်စွာဘုရားဆင်းတုတော်ကြီးတစ်ဆူ"အားတည်
ဆောက်စဉ်ကာလ ကလည်း "မဆလာသယ်သောမိန်းခလေးတစ်ဦး"မြတ်စွာဘုရား၏ပခုံးတော်ပေါ်၌ ရပ်နေသောမြင်ကွင်း
ကို အသည်းယားလောက်အောင် မြင်တွေ့ခဲ့ဖူးပါသည်။

"မလုပ်ရင် မဖြစ်တဲ့ လုပ်ငန်းကြီးပါလား"ဟုတွေးမိသောအခါ စိတ်သက်သာရာ ရခဲ့ပါသည်။"သြော်-ဒါလည်း အနုပညာလုပ်
ငန်း တစ်ခုပါလား" ဟု ဆက်တွေးသောအခါ အဖုအထစ်များ ပြေလျော ခဲ့ပါသည်။

ယခုပန်းချီဆရာကလေး"စေတီတည်"နေပါသည်။"စေတီတည်ခြင်း"ဟူသည်"လက်နှင့်ပင်တည်တည်၊ခြေထောက်နှင့်ပင်
တည်တည်"အဓိက က ထို စေတီ သည် "နှလုံးသား" ထဲရောက်ရှိသွားဖို့ က အဓိက မဟုတ်ပါလား။

"ညီလေး-စက္ကူအသစ် နဲ့ စေတီပုံတစ်ပုံ ဆွဲပေးကွာ"

လက်ပြတ်ပန်းချီဆရာကလေးသည် ရေးဆွဲနေရာမှ မျက်လုံးကိုလှန်၍ကြည့်ရာ"အသားမဲမဲ၊ရုပ်ဆိုးဆိုး"လူကြီးတစ်ယောက်
ဖြစ်နေ၍ ပို၍ ကြောက်ရွံ့သွားပုံရ၏။

"ကျွန်တော် ဦးချ ပြီးမှ ဆွဲ တာပါ ဦးလေး"

"ခုန လူကြီးက ပုံကိုဖြဲရုံဖြဲတာ၊ ဒီ(လူမဲကြီး) က နရင်းပဲ အုပ် မလားမသိ"ဟု တွေးကြောက်နေပုံရ၏။

"အေးပါ မကြောက်ပါနဲ့ကွ၊ ငါ က အနုပညာသမား စစ်စစ်ပါဟ"

ထိုစကားသံကြောင့် ထင့်၊ပန်းချီဆရာလေး၏မျက်နှာလေးသည် ကြည်လင်ဝင်းပသွားသယောင်ဖြစ်သွားသည်။

"တကယ်နော် ဦးလေး"

(ဦးလေး အခေါ်ခံရတာတော့ သိပ်မကြိုက်လှပါ-သို့သော်)
"တကယ်ပါကွ-
ပန်းချီဆရာဆိုတာ ပုံ ကို လက်နဲ့ဆွဲတာမဟုတ်ပါဘူး၊ဖြေထောက်နဲ့ဆွဲတာလည်းမဟုတ်ပါဘူး၊စိတ်ကူးနဲ့ ဆွဲတာပါ။
စေတီတော်ပုံ ကိုတော့ (ဂုဏ်တော်)တင်ပြီး ဆွဲစမ်းပါကွာ။ ခြေထောက်နဲ့ဆွဲလို့ အပြစ်မရှိနိုင်ပါဘူး။
အပြစ်-ဆိုတာ အကုသိုလ် - ကိုခေါ်တာပါ"

ပန်းချီဆရာကလေးသည်ဝမ်းသာအားရဖြင့်စက္ကူအသစ်တစ်ချပ်ကိုယူကာညာခြေထောက်ဖြင့်စုတ်တံကိုညှပ်၍သူ၏အနု
ပညာကိုစိမ်ပြေ နပြေ ဖန်တီး နေလေတော့၏။

"လက်မရှိရင် ခြေထောက်နဲ့ ဆွဲမယ်" ဟူသော"ပန်းချီဆရာကလေး၏အားမာန်"သည် ကျွန်တော့်ရင်တွင်းသို့ ကူးစက်ပျံ့နှံ့၍
လာပါသည်။

"လက်နှစ်ဖက် မရှိသူက ဒီလောက် သာသနာပြုနိုင်ရင် ငါလို ခြေ၊လက် ပြည့်စုံတဲ့သူက ဘာ့ကြောင့် သာသနာမပြုနိုင်ရမ
လဲ"ဟူသော စိတ်ဓါတ်များလည်း"လက်ပြတ်ပန်းချီဆရာကလေး"က ပေးနေသလို ခံစားရပါသည်။

မကြာပါ။ကျက်သရေမင်္ဂလာအပေါင်း ခညောင်းလျှက် ရှိလှစွာသော"စေတီတော်ပုံတစ်ဆူ"ပြီးစီး၍ ကျွန်တော့် လက်ထဲသို့
ရောက်လာပါ၏။

"တစ်ပုံ ဘယ်လောက် ယူသလဲကွ"

"မပေး ပါနဲ့ ဦးလေး၊ ကျွန်တော် လက်ဆောင် ပေးတာပါ"

"အေး ငါလည်းမင်း ကို လက်ဆောင် ပေးမယ်ကွာ။ ရော့-ငါးထောင်။
လက်နဲ့ဆွဲတဲ့ပန်းချီဆရာတွေရဲ့ ပုံတော်တွေကို ငါ မြင်ခဲ့ဖူးပါတယ်။မင်းရဲ့ ခြေထောက်နဲ့ဆွဲတဲ့ ပုံတော်မှာ
ဂုဏ်တော် တွေ ထင်ဟပ်နေတယ်လို့ ငါ ထင်နေတယ်ကွ။ တကယ်ပါ။
ဒီမှာ ပန်းချီဆရာကလေး-
ကျောင်းပုံတွေ၊စေတီပုံတွေ၊ဘုရားပုံတွေ များများဆွဲပြီး သာသနာပြုလိုက်စမ်းပါကွာ"

ကျွန်တော်နှင့် ကျွန်တော် သူငယ်ချင်းတို့ ပြန်လှည့်ထွက်လာသည့်အချိန် တွင် ထို ပန်းချီဆရာကလေးသည်ငွေ-ငါးထောင်
ကို ခြေ နှင့် ညှပ်ကာ ပြုံး နေလိမ့်မည် ဟု ထင်လိုက်မိပါသည်။

ချမ်းသာပါစေ၊အေးငြိမ်းပါစေ၊
သံသရာဝဋ်ဆင်းရဲမှ..လွတ်မြောက်ကြပါစေ။
ဘ၀တုသဗ္ဗမင်္ဂလံ
သင့်
ကလျာဏ မိတ္တ
(ည.ည.တ)
nyinyitindrums@gmail.com
(09-445108754)
Written by ကိုညီညီတင် @ shwemyotaw.com