Tuesday, February 17, 2015

လောက်ကိုင် ဒေသ တိုက်ပွဲဖြစ်စဉ်များ




 ပြီးခဲ့တဲ့ ၉.၂.၂၀၁၅ ရက်နေ့ မှာ …ဖုန်ကြားရှင်ဦးစီးတဲ့  တပ်ဖွဲ့ တွေဟာ …လောက်ကိုင်ဒေသကို ၀င်ရောက်တိုက်ခိုက်ပြီး …ဒေသတွင်း စစ်ပွဲငယ် တစ်ခုကို စတင်ခဲ့ပါတယ်…စစ်ပွဲဟာ့ ၁၆.၂.၂၀၁၅ ရက်နေ့ ဆိုရင် ….၈ ရက်တိတိ ရှိနေပါပြီ …စစ်အရှိန်လျော့ကျစ ပြုလာပေမယ့် …အဆုံးတော့ မသတ်နိူင်သေးပါဘူး…
ဒီစစ်ပွဲ နဲ့  ပတ်သက်လို့  …ပထမဆုံး စထုတ်ဖြစ်ကြမယ့် မေးခွန်းတွေက …ဖုန်ကြားရှင်ဆိုတာ ဘယ်သူလဲ ?သူက ဒီစစ်ပွဲကို ....ဘာကြောင့် ဆင်နွဲခဲ့ရတာပါလဲ ?ဆိုတဲ့  မေးခွန်းတွေဖြစ်မယ်လို့  ...
ယုံကြည်ရ ပါတယ် …


နောက်ခံသမိုင်းကြောင်း

ဖုန်ကြားရှင် အကြောင်း မပြောခင် …လောက်ကိုင်ဒေသ အကြောင်းကို …ကျွန်တော်တို့  အရင်ပြောရပါလိမ့်မယ်…လောက်ကိုင်ဒေသကို ကိုးကန့် ဒေသလို့ …လူသိများကြပါတယ်
တရုတ်ပြည် ယူနန်နယ်နဲ့  ...နယ်ချင်းထိစပ်နေပါတယ် …


ကိုးကန့် ဒေသကို …၁၇ ရာစုမှာ စပြီး အခြေချလာတာကတော့ …နန်ကင်းဇာတိ ဖြစ်တဲ့  ...
ယန်း မိသားစု အနွယ်ဝင်တွေ ဖြစ်ပါတယ် …သူတို့ ဟာ ဒေသခံတွေကို …ဓားပြတွေရဲ့ ရန်က ကာကွယ်ပေးခြင်း …မျိုးနွယ် ပဋိပက္ခများကို စေ့စပ်ပေးခြင်းတို့ နဲ့  …
တဖြည်းဖြည်း သြဇာကြီးမားလာပါတယ်


မြန်မာပြည်ကို အင်္ဂလိပ်က သိမ်းပိုက်လိုက်ချိန်မှာ …တရုတ်နဲ့  နယ်နိမိတ် သတ်မှတ်ခဲ့ပြီး …
ကိုးကန့် ဒေသကို …သိန်းနီစော်ဘွားရဲ့  လက်အောက်ခံ ဒေသ အဖြစ် …သတ်မှတ်ပေးလိုက်ပါတယ် …မြန်မာပြည်ကို လွတ်လပ်ရေး မပေးမီ …တစ်ရက်အလိုမှာတော့ …ကိုးကန့် ဒေသကို …
သီးခြားစော်ဘွားအုပ်ချုပ်တဲ့ နယ်အဖြစ် …သတ်မှတ်ပေးခဲ့ပါတယ် …

၁၉၄၉ခုနှစ် ကိုးကန့် ဒေသရဲ့  စော်ဘွားဟာ…Yang Kyein Tsai (စောယန်းကျိန်စိုင်း) ဖြစ်ပြီး …
အက်ဒွပ်ယန်း လို့  လူသိများပါတယ် …အက်ဒွပ်ယန်း ရဲ့  ညီနဲ့ ညီမကတော့ …
ဂျင်မီယန်း နဲ့  အောလစ်ယန်းတို့ ဖြစ်ကြပါတယ် …



 ဖုန်ကြားရှင်ကိုတော့ …ကိုးကန့်နယ်အတွင်းရှိ (တရုတ်)စီချွမ်မျိုးနွယ်ဝင်….
(Sichuanese descent)မိသားစုကနေ …၁၉၃၁ခုနှစ်မှာ မွေးဖွား ခဲ့ပါတယ် …
အက်ဒွပ်ယန်း ရဲ့ ကိုးကန့် ကာကွယ်ရေးတပ်မှာ …အသက် ၁၈ နှစ်ကတည်းက ….
စပြီး တာဝန်ထမ်းဆောင်ပါတယ် …


အက်ဒွပ်ယန်း နဲ့ အဖွဲ့ ဟာ …၁၉၅၁ ကူမင်တန် ကျူးကျော်မှုမှာ …ကူမင်တန်တွေကို ထောက်ခံအားပေးခဲ့ပြီး …၁၉၅၉ ခုနှစ် …ရှမ်းစော်ဘွားတွေ အာဏာစွန့် ရတဲ့  ကိစ္စနဲ့ ပတ်သက်ပြီး ....
၁၉၆၃ မှာ ဂျင်မီယန်း ဦးဆောင်ပြီး တောခိုပါတယ် …အဲဒီ တောခိုတပ်မှာ …ဖုန်ကြားရှင် နဲ့ လော်စစ်ဟန်တို့ ဟာ ...ဗိုလ်ကြီး အဆင့်ဖြစ်ပါတယ် ….၁၉၆၇ မှာ ဂျင်မီယန်းတို့  အဖွဲ့  အလင်းဝင်ပါတယ် …လော်စစ်ဟန်လဲ ပြန်ပါသွားပါတယ် …ဖုန်ကြားရှင် နဲ့  သူ့ ညီ ဖုန်ကြာဖူးတို့ အုပ်စုကတော့ …ကိုးကန့် ပြည်သူ့တော်လှန်ရေးတပ် (Kokang People Revolutionary Army ) ဆိုပြီး …တောထဲမှာ ကျန်နေခဲ့ပါတယ် …


၁၉၆၇ တရုတ်-ဗမာအရေးအခင်းပြီးတဲ့နောက် …တရုတ်ကွန်မြူနစ်ပါတီက ရေးဆွဲပေးတဲ့ ..
ဗကပ စစ်ရေးစီမံချက်မှာ …"၄၀၄တပ်ဖွဲ့ ။ သံလွင်အရှေ့ခြမ်း တရုတ်နယ်စပ် ကိုးကန့်နယ်မြေ….
ဖုန်ကြားရှင် တပ်ဖွဲ့များကို အခြေခံကာ ….သံလွင်အရှေ့ခြမ်းတစ်ခုလုံးကို ..
တိုးချဲ့ သိမ်းပိုက်ရန်"လို့ ပါရှိပါတယ်


အဲဒီ စီမံချက်အတိုင်း …၁၉၆၈ ဇန်န၀ါရီလ ၁ရက်နေ့ မှာ …ဗကပ နဲ့  တရုတ်တပ်နီတော်ဟာ …
အရှေ့ မြောက်ဒေသက မုန်းကိုးစခန်းကို စတိုက်ပါတယ် …ကိုးကန့် ဒေသကို ထိန်းချုပ်လိုက်ပြီး …
ဖုန်ကြားရှင် အပါအ၀င် ...ကိုးကန့် ကာကွယ်ရေးတပ်တွေကို …ဗကပထဲကို ဆွဲသွင်းလိုက်ပါတယ် …
ဖုန်ကြားရှင်ကတော့ …ကိုးကန့် ခရိုင် ကာကွယ်ရေးခေါင်းဆောင်ရာထူး …
ခန့် အပ်ခြင်း ခံရပါတယ် …


ဗကပဟာ ၂ နှစ်အတွင်း ….ရှမ်းမြောက်ရဲ့  ...ဧရိယာအတော်များများကို ထိန်းချုပ်လိုက်ပြီး…
၁၉၇၁ နိူဝင်ဘာ ၁၉ မှာ ….ရက် ၄၀ ကွမ်းလုံတိုက်ပွဲ ကို စတိုက်ပါတယ် …ဒီ ကွမ်းလုံစစ်ပွဲမှာ …
ဖုန်ကြားရှင်ဟာ တပ်မဟာမှူးအဖြစ် ပါဝင်ခဲ့ပါတယ် …

မိုင်းယန်း တိုက်ပွဲ ပြီးသွားတဲ့ နောက် ...၁၉၈၉ မှာ ....ဖုန်ကြားရှင် နဲ့ အဖွဲ့ ဟာ …ဗကပကနေ ခွဲထွက်ပြီး အစိုးရနဲ့  ငြိမ်းချမ်းရေးယူပါတယ် …ကိုးကန့် အထူးဒေသ ၁ အဖြစ်သတ်မှတ်ပေးခံရပြီး …
MyanmarNationalDemocraticAllianceArmy(MNDAA)မြန်မာအမျိုးသားဒီမိုကရက်တစ်မဟာမိတ်

စစ်တပ်ကို …ဖွဲ့စည်းတည်ထောင်ပါတယ် …

၁၉၉၆ ၀န်းကျင်မှာ ...ဖုန်ကြားရှင် နဲ့  ရန်မျိုးလျံတို့  ပြသနာဖြစ်ကြပြီး ...နှစ်ဘက်လက်နက်ကိုင် တိုက်ကြလို့  ...တပ်မတော်က ၀င်ထိန်းသိမ်းခဲ့ရပါတယ် ...
၂၀၀၀ ပြည့်နှစ် ၀န်းကျင်မှာလဲ ...မုန်းကိုး အရေးအခင်း ဆက်ဖြစ်ပွားလို့  ...တပ်မတော်ကပဲ ၀င်ဖြေရှင်းခဲ့ရပါတယ် ...



 ၂၀၀၉ ခုနှစ်မှာတော့ …မူးယစ်ဆေးဝါး နဲ့ လက်နက်စက်ရုံကိစ္စများကြောင့် …အစိုးရ နဲ့ ပဋိပက္ခ ဖြစ်ပွားပါတယ် ….ရဲတပ်ဖွဲ့ ဝင် ၁၁ ဦးကို ပစ်သတ်လိုက်တဲ့ အတွက် …
တပ်မတော်ရဲ့  ...လိုက်လံတိုက်ခိုက်ချေမှုန်းခြင်းကို ခံရပါတယ် …
ဖုန်ကြားရှင်ဟာ ....တရုတ်ပြည်ထဲကို ၀င်ပြေးခဲ့ပြီး …ငါး နှစ်အကြာမှာ ….အခုလို ပြန်ပြီး စစ်ပွဲကို စတင်ခဲ့တာ ဖြစ်ပါတယ် … ။ ။

စဦးအခြေအနေ

ပြသနာ၏ အစမှာ …တရုတ်နိူင်ငံထုတ် Globle Time သတင်းစာတွင် …ဖော်ပြပါရှိသော …
ဖုန်ကြားရှင် ပြန်လာတော့မည်ဟူသော ဆောင်းပါးဖြစ်သည် …

ထိုဆောင်းပါးကို စတင်ဖော်ပြသည့်ရက်စွဲမှာ …၃၀.၁၂.၂၀၁၄ရက်နေ့ ရက်စွဲဖြင့် ဖြစ်ပြီး …
ထိုနောက်ပိုင်းမှ စ၍ …ကိုးကန့် ဒေသ ထိစပ်နယ်မြေအတွင်းရှိ တပ်များအား …မြန်မာ့ တပ်မတော်မှ စတင်တပ်လှန့် ထားခဲ့သည် …


ဇန်န၀ါရီလအတွင်း…အမျိုးအစား ခွဲခြားမရသော …ရန်သူ လှုပ်ရှားမှု အနည်းအကျဉ်းသာရှိခဲ့သည်…
သို့ သော်…ဖေဖော်ဝါရီ ၉ရက်နေ့  နံနက်၅နာရီခွဲခန့် …နှင်းမကွဲသေးမီ …
ကွမ်းလုံ၏ မြောက်ဘက် တောက်ရွှေကျေးရွှာသို့  …ဖိုးဝှီးကား အစီး ၂၀ ခန့်  ရောက်ရှိလာ၏ …
ကျေးရွာပြည်သူ့ စစ် လက်နက်များအားလုံး သိမ်းခံရသည် …ရန်သူ့ လှုပ်ရှားမှု သတင်းအစပင် ဖြစ်သည် …တောက်ရွှေ ပြည်သူ့ စစ်များ၏ ကနဦး သတင်းပို့ ချက်သည် …
ဒကစ လောက်ကိုင်သို့  …နံနက် ၇ နာရီအချိန်ခန့် တွင် စတင်ရောက်ရှိလာလေသည် …

ဒကစ လောက်ကိုင်သည် …ရန်သူ ဆုတ်ခွာမည်ထင်သော လမ်းကြောင်းများအား …
လိုက်လံ ပိတ်ဆို့  ရှင်းလင်းရန် ….တပ်ရင်း သုံးခုမှ စစ်ကြောင်း ၃ခုအား ..
စတင် အမိန့် ပေးလိုက်သည် … 



 ဒေသကွပ်ကဲမှု စစ်ဋ္ဌာနချုပ် လောက်ကိုင်သည် …၁၉၉၉ ခုနှစ် ၀န်းကျင်ကစတင်တည်ဆောက်ခဲ့သော ..အခြေချ တပ်မဖြစ်ပြီး …ခြေလျင် ခြေမြန် ၅ ရင်းနှင့် …လက်ရုံးတပ်ရင်း ၅ ရင်း ပါဝင်သည် …
ဒကစ ၏ အဓိက တာဝန်မှာ …နယ်မြေစိုးမိုးရေး နှင့် လုံခြုံရေး ဖြစ်သည် ….
တပ်ဖြန့် ခွဲမှုမှာ …ဒကစတွင် ခြေမြန်တပ်ရင်း ၁ရင်း …အမြောက်တပ် ၊ ဆက်သွယ်ရေးတပ်နှင့်…
ဆေးတပ် တစ်ခုတို့  တွဲဖက်ထားရှိပြီး …ကျန် ခြေလျင်ခြေမြန် တပ်များမှာ ….လောက်ကိုင်ဒေသ တစ်ခုလုံးတွင် ဖြန့် ခွဲ နေရာချထားသည် …အစွန်ဆုံးတပ်မှာ ကုန်းကြမ်းရှိ ခလရ ၁၂၅ ဖြစ်ပြီး ….
နွေနှင့် ဆောင်းဥတုတွင် …လောက်ကိုင်နှင့် တစ်ရက်ခရီးခန့် ရှိသည် ….


တိုက်ပွဲစတင်ခြင်း

ခလရ ၁၂၅ မှ တပ်ရင်းမှူး ဦးစီး စစ်ကြောင်းသည် …ဒကစ ၏ အမိန့် အတိုင်း …
နယ်မြေတွင်းလိုက်လံ ရှင်းလင်းစဉ် ..၁၀၀၀ ချိန်ခန့် တွင် …ရန်သူ အင်အား ၂၀၀ ခန့် မှ …
ကြိုတင်နေရာယူ ပိတ်ဆို့ တိုက်ခိုက်ခြင်းအား …စတင် ခံရပါတော့သည် …

မနှေးမနှောင်း အချိန်ခန့် မှာပင် …တောင်ဘက်မှ ရန်သူအား ရှင်းလင်းလာသော …ခလရ ၁၂၉ စစ်ကြောင်း တစ်ကြောင်းအား …ရန်သူ အင်အား ၂၀၀ ခန့် မှ လည်းကောင်း …မော်ထိုက်စခန်းအား …
ရန်သူ အင်အား ၁၀၀ ခန့် မှ လည်းကောင်း ….ခလရ ၁၂၅ ရင်းဋ္ဌာနချုပ်အား …အင်အား ၂၀၀ခန့် မှ လည်းကောင်း…ခလရ ၁၂၉ ဋ္ဌာနချုပ်အား ...အင်အား ၂၀၀ ခန့် မှ လည်းကောင်း ....
စတင် ၀ိုင်းဝန်းတိုက်ခိုက်ပါတော့သည် ….


တပ်ရင်းဋ္ဌာနချုပ်များသည် …ကြိုတင် တပ်လှန့် အမိန့် ရရှိထားသည့် အတွက် …ကောင်းစွာခံစစ်ပြင်ဆင်ထားပြီး ဖြစ်နေသဖြင့် …တိုက်ပွဲ စလျှင် စချင်း …ရဲမေ များအပါအ၀င် နောက်ချန် စစ်သည်များဖြင့် …တက်ညီလက်ညီ ခုခံကြရာ …ရန်သူများ ရှေ့ မတိုးနိူင်ပဲ ရပ်တန့် သွားရသော်လည်း …လမ်းကြောင်းတွင် ပိတ်မိနေသည့် ...ခလရ ၁၂၅ စစ်ကြောင်းတွင် …အရာရှိ စစ်သည် ၁၁ ဦးကျဆုံးကာ …၁၃ ဦးဒဏ်ရာရရှိထားပြီး …ခလရ ၁၂၉ စစ်ကြောင်းတွင် …စစ်သည် ၅ ဦးကျဆုံးကာ ၂ ဦးဒဏ်ရာရရှိသွားသည် …မော်ထိုက်စခန်းတွင်မူ …စစ်သည် ၄ ဦးဒဏ်ရာရရှိပြီး …ခုခံအားမှာ ပျော့သထက် ပျော့လာလေသည် …


 အချိန်ကား ၁၄၀၀ ချိန်ခန့်  သို့  …
ရောက်ရှိနေပြီ ဖြစ်ပြီး ….
လောက်ကိုင်ဒေသ စစ်ပွဲများ စတင်ပြီ ဖြစ်သည် ….


ဒကစနှင့် တိုင်းစစ်ဌာနချုပ်၏ သတင်းပေးပို့ ချက်အရ …ကက( ကြည်း ) စစ်ဆင်ရေးသည် ….
၁၀၃၀ ချိန်ခန့်  ခလရ ၁၂၅ စစ်ကြောင်းနှင့် …စတင် ထိတွေ့ စဉ်ကပင် …သတင်းပေးပို့ ချက်များအား …တောက်လျောက်ရရှိနေပြီ ဖြစ်သည် …ဆက်တိုက် တက်လာသော …
တိုက်ပွဲကြေးနန်းသတင်းများအရ …စစ်ဆင်ရေး နယ်မြေအနီးရှိ …ရမခ လက်အောက်ခံ အမှတ် ၁၄၃ ခြေလျင်တပ်ရင်းအား…ကုန်းကြမ်းသို့  စစ်ကူစတင်စေလွှတ်ခဲ့သည် …သိန်းနီရှိ အမှတ်၁၆ စစ်ဆင်ရေး ကွပ်ကဲမှု ဋ္ဌာနချုပ်အား…ကြိုတင် သတိပေးအမိန့်  ထုတ်ပြန်လိုက်သည် …



အချိန်ကား ၁၄ ၃၀ ချိန်ခန့်  …
တစ်ဆက်တည်းမှာပင် ….၀ိုင်းပတ် ပိတ်ဆို့ ခံနေရသော စစ်ကြောင်းများအနက် …..
အခြေအနေ ဆိုးရွားသည့် ခလရ ၁၂၅ စစ်ကြောင်းအား …လေကြောင်း ပစ်ကူပေးရန် အမိန့် ပေးခဲ့ရာ …လားရှိုးအခြေစိုက် …MI 35 တိုက်ခိုက်ရေး ရဟတ်ယာဉ်၂စီး ပျံတက်သွားပြီး …
ရော့ကက်များ စက်အမြောက်များဖြင့် …ရန်သူအား ပစ်ခတ်ခဲ့သဖြင့် …ခလရ ၁၂၅ မှာ အတော် အသက်ရူချောင်သွားရလေသည် ….

 


စစ်ကူများရောက်ရှိခြင်း ၊ ပိတ်ဆို.ဖြတ်တောက်ခံရခြင်း


တာမိုးညဲ ၊ မုံးစီးတာပါးလမ်းမှ တက်သွားသော …ခလရ ၁၄၃ သည် ၁၉၀၀ချိန်ခန့် တွင် …
ကုန်းကြမ်းသို့ စတင်ဝင်ရောက်သွားသည် …တိုက်ပွဲ ဖြစ်ပွားပြီး ၉ နာရီအတွင်း ….
ပထမဆုံး ရောက်ရှိလာသော စစ်ကူတပ်ရင်းဖြစ်သော်လည်း. ..၀ိုင်းပတ် ပိတ်ဆို့ ထားခံရသည့် …
ခလရ ၁၂၅ စစ်ကြောင်းသို့ မရောက်ရှိနိူင်ပဲ …ရန်သူ့ ဖြတ်တောက်ရေး အဖွဲ့  အင်အား၂၀၀ ခန့် မှ ..
လမ်းတစ်ဝက်တွင် ...ရင်ဆိုင်ထိန်းချုပ်ထားခြင်း ခံလိုက်ရသည် …



 ၂၁၀၀ ချိန်ခန့် တွင် …စစ်ကူစစ်ကြောင်းမှူးမှ အမြောက်ပစ်ကူတောင်းခံခဲ့ သဖြင့် …
ဒေသတွင်းရှိ တပ်မတော် အမြောက်စခန်းများမှ …၁၀၅ မီလီမီတာ ဟောင်ဝဇ်ဇာ အမြောက်များဖြင့် …
စတင် ပစ်ခတ်ခဲ့ပြီး …ရှေ့ တန်း စစ်ကြောင်းမှူးများမှ ...
အမြောက်အကဲကြည့် အဖြစ် ဆောင်ရွက်ခဲ့ကြသည် ….


လတ်တလော အခြေအနေတွင် …ဒကစ ရှိ တပ်များမှာ ...ထိတွေ့ မှု မဖြစ်ပွားသေးသော်လည်း ..
အပေါ်ပိုင်းတွင် ...တိုက်ပွဲများ ပြင်းထန်စွာ ဖြစ်ပွားနေပြီ ဖြစ်သည် …ဒကစတွင် တပ်အသင့်နေရာယူထားပြီး …ရဲမေများပါ ၀င်ရောက်နေရာယူထားသည် ….ဒကစသည် ...
အရန်စစ်ကြောင်းအဖြစ်ချန်ထားသည့် …ခလရ ၁၂၈ စစ်ကြောင်းအား …
တာရွှေထန်ရှိ ထောက်ပို့ နှင့် ….စစ်အင်ဂျင်နီယာ တပ်ရင်းများအား…ကာကွယ်ရန် စေလွှတ်လိုက်သည် ….ထို စစ်ကြောင်းသည် ကံကောင်းထောက်မစွာဖြင့် …
ရန်သူ ဖြတ်တောက်မှု မခံရဘဲ ….တာရွှေထန်သို့  ချောမောစွာ ရောက်ရှိသွားသည် ….



 ၁၆၀၀ ချိန်ခန့် တွင် …
သိန်းနီမှ စကခ ၁၆ စစ်ကူတပ်များ …
စတင်ထွက်ခွာလေသည် …


စကခ ၁၆ တပ်များ၏ တည်ရှိပုံအရ …သိန်းနီ နှင့် လားရှိုးတွင် ဖြန့် ခွဲထားရှိထားရာ …
စကခမှူးသည် လားရှိုးရှိ တပ်များအား …မစောင့်ဆိုင်းတော့ဘဲ …
သိန်းနီရှိ တပ်များဖြင့်ပင် ….မုံးစီး -တာပါးလမ်းမှ တစ်ကြောင်း ….ချင်းရွှေဟော်- လောက်ကိုင် လမ်းမှတစ်ကြောင်း …အသီးသီး စတင်ချီတက် ကြပြီး …လောက်က်ိုင် - ချင်းရွှေဟော် လမ်းကြောင်းမှ …ချီတက်သွားသည့် စစ်ကြောင်းမှာ …ထိုနေ့ ည ၂၂၀၀ ချိန်ခန့် တွင် …
လောက်ကိုင်သို့  ရောက်ရှိလာသည် …..


တာမိုးညဲ - မုံးစီး ဘက်မှ ဖြတ်ဝင်သော စစ်ကြောင်းမှာ …နံနက် လင်းအားကြီးအချိန်တွင် ….
တာပါးကူးတို့ ဆိပ်ကို ဖြတ်ကျော်ကာ…ကုန်းကြမ်း သို့  စတင် ၀င်ရောက်လာလေသည် …တိုက်ပွဲ စတင်ဖြစ်ပွားပြီး ….၁၈ နာရီ အတွင်း တပ်မတော်၏ ခြေမြန်တပ်မတစ်ခု …တိုက်ပွဲဖြစ်ပွားရာ နေရာသို့  …စတင် ချဉ်းနင်း ၀င်ရောက်လာပြီ ဖြစ်သည် ….။ ။


လာက်ကိုင်သို့  ရောက်ရှိလာသည့် …စကခ ၁၆ တပ်များသည် …ညတွင်းချင်းပင် …
တပ်ဖြန့် ခွဲနေရာချမှုများ ပြုလုပ်ကြသည် ….တပ်ရင်း ၁ရင်းမှာ ...ချင်းရွှေဟော်နှင့် လောက်ကိုင်ကြား …ဆက်သွယ်ရေး လမ်းကြောင်း ..အချက်အချာနေရာများတွင် …၀င်ရောက် နေရာယူလိုက်သည် …

ထိုအချိန်တွင်ပင် …လားရှိုးမှ ချီတက်လာသော …စကခ ၁၆ လက်အောက်ခံ တပ်ရင်း ၂ ရင်းလည်း …
လောက်ကိုင်သို့  ရောက်ရှိလာပြီ ဖြစ်သဖြင့် …ပိတ်ဆို့ ခံနေရသော တပ်ရင်းများအား ကယ်ထုတ်ရန် ….တပ်ရင်း ၃ရင်းမှာ ညတွင်းချင်းပင် …တာရွှေထန်သို့  ဆက်လက်ချီတက်ရာ …
၀၄ ၃၀ ချိန် ခန့် တွင် …တာရွှေထန်သို့  ရောက်ရှိသွားသည် …


သံလွင်မြစ်အား …တာပါးမှ ဖြတ်ကျော်ပြီးဝင်ရောက်လာသော …စကခ ၁၆ တစ်ဗျူဟာ သုံးရင်းမှာလည်း …မနက် လင်းအားကြီး အချိန်ခန့် တွင် …ကုန်းကြမ်းရှိ ခလရ ၁၂၅ ဋ္ဌာနချုပ်သို့  ရောက်ရှိလာခဲ့ပြီး …ရမခ ကွပ်ကဲမှုအောက်ရှိ စစ်ကူစစ်ကြောင်း …ခလရ ၁၃၄ အား တိုက်ခိုက်နေသည့် ရန်သူများအား …၀င်ရောက် လုံးထွေးတိုက်ခိုက်ရာ …ရန်သူများ ဆုတ်ခွာသွားပြီး …မိမိ ခလရ ၁၃၄ စစ်ကြောင်းနှင့် ….ပြန်လည်ပူးပေါင်းမိသွားလေသည် ….

သို့ သော် …ကနဦး စတင် တိုက်ပွဲဖြစ်ပွားခဲ့သော ….ခလရ ၁၂၅ စစ်ကြောင်းမှာ …
လမ်းကြောင်းတွင် ...ပိတ်ဆို့ တိုက်ခိုက်ခံနေရဆဲ ဖြစ်သည် ….တာရွှေထန်သို့  ၀၄ ၃၀ ချိန်တွင် ရောက်ရှိလာသော …တပ်ရင်း ၃ရင်း အနက်မှ …ခမရ ၅၂၂ စစ်ကြောင်းသည် …
ပိတ်ဆို့ ခံ ခလရ ၁၂၅ စစ်ကြောင်းအား ကယ်ထုတ်ရန် …ချက်ချင်းပင် ဆက်လက်ချီတက်လေသည်…

ခလရ ၁၂၅ စစ်ကြောင်း ခုခံတိုက်ခိုက်နေသည်မှာ …၁၈ နာရီ ခန့် ကြာမြင့်နေပြီ ဖြစ်သဖြင့် …
အလျင်အမြန် ချီတက်ကြရာ …၀၆ ၃၀ ချိန့် ခန့် တွင် …၁၈ မိုင် လမ်းဆုံ အနီး၌
ကြိုတင်နေရာယူစောင့်ဆိုင်းနေသော …ရန်သူ အင်အား ၄၀၀ ခန့် ၏ ခြုံခို တိုက်ခိုက်ခြင်းကို …
အငိုက်မိ ခံရလေတော့သည် ….


ခမရ ၅၂၂ စစ်ကြောင်းအား ...တိုက်ခိုက်သော ရန်သူများသည် …လမ်း၏ မျက်နှာမူရာ နှင့် ...
ဘေးဘက်ရှိ တောင်ကုန်းများပေါ်တွင် …ပစ်ကျင်းများတူးကာ ...အသင့်နေရာယူထားခြင်းဖြစ်သည် …ခမရ ၅၂၂ သည် စတင်ပစ်ခတ်ခံရသည်နှင့် …ကားများပေါ်မှ အလျှင်အမြန်ဆင်းကာ…
နေရာယူ ပြန်လည် ပစ်ခတ်လေသည် …


သို့ သော် …ရန်သူ၏ ပစ်ခတ်မှုမှာ ပြင်းထန်လှသဖြင့် …စစ်သည်အချို့  ကားပေါ်တွင် ကျဆုံးပြီး …
တပ်ရင်းမှူး ဦးစီး အဖွဲ့  မှာ လမ်းညာဘက်ရှိ လျိုအတွင်း …ဒု ရင်းမှူး ဦးစီး အဖွဲ့ မှာ …
လမ်းဘယ်ဘက် ရေနူတ်မြောင်းအတွင်းမှ …ရန်သူကို ခုခံနေရတော့လေသည် …ရန်သူကား စက်လတ်နှင့် ဒုံးပစ်လောင်ချာများကို …ဖောဖောသီသီ သုံးကာ …စစ်ကြောင်းတစ်ခုလုံးကို ပစ်ခတ်ထိန်းချုပ်ထားပြီး …တောင်ပေါ်မှ လက်ပစ်ဗုံးများ တောက်လျောက် လှိမ့်ချလေသည် …
မိမိ စစ်ကြောင်းတစ်ခုလုံး ...ရန်သူ့ ပစ်အားအောက်တွင် …ရုန်းထွက်၍ မရနိူင်တော့ပေ …


လမ်းကြောင်းပေါ်တွင် ပိတ်ဆို့ ခံနေရသော …ခလရ ၁၂၅ စစ်ကြောင်းမှာ …
တာပါးဘက်မှ တက်လာသည့် …ခလရ ၁၄၃ နှင့် စကခ ၁၆ စစ်ကူတပ်များ ..ဆက်လက်ချီတက်လာမှုကြောင့် …ရန်သူ များ စတင်ဆုတ်ခွာ သွားသဖြင့် …မိမိ တပ်များ နှင့် ၁၀ ၃၀ ချိန့် တွင် …ပြန်လည် ပူးပေါင်းမိသွားလေသည် …

တာရွှေထန်တွင် ကျန်ခဲ့သည့် …စကခ ၁၆ လက်အောက်ခံ ခလရ ၆၈ သည် …တိုက်ပွဲ ဖြစ်ပွားသံကြားသည်နှင့် …ဆက်သွယ်ရေးစက်ကို ဖွင့်ကာ …တောက်လျောက် နားထောင်နေသည် …
သို့ သော် …မည်သည့် အဆက်အသွယ်မှ မကြားရသဖြင့် …ခမရ ၅၂၂ သို့ ဆက်သွယ်ရာ ..
အဆက်အသွယ် မရရှိခဲ့ပေ …



 သို့ ဖြစ်ရာ ...
ရတ ခလရ ၆၈ ...
ခေတ္တရင်းမှူး ဗိုလ်မှူး ၀င်းထွန်းအောင်သည် …
စကခမှူးထံ အခြေအနေကို တင်ပြပြီး …
ချက်ချင်းပင် စစ်ကူလိုက်လေတော့သည် …


စစ်ကူစစ်ကြောင်းသည် …၀၉ ၀၀ ချိန်ခန့် တွင် ….တိုက်ပွဲ ဖြစ်ပွားရာ ဧရိယာအတွင်းသို့ …
စတင်ဝင်ရောက်လာရာ…ကိုက် ၅၀၀ ခန့် အကွာအရောက်တွင် …ရန်သူ့  စက်သေနတ်ကြီး ၏ စတင်ပစ်ခတ်မှုကို ခံရပြီး …အာပီဂျီများဖြင့် တလစပ်ပစ်ခတ်မှု ကြောင့်….ပွိုင့် တပ်စုမှ အရာရှိမှာ …
ချက်ချင်းဒဏ်ရာရရှိသွားလေသည် ….


ခလရ ၆၈ ခေတ္တရင်းမှူး ဗိုလ်မှူးဝင်းထွန်းအောင်သည် …စစ်ကြောင်း ၂ အား …လမ်း၏ ဗယ်ဘက်တောင်ကုန်းပေါ်သို့  …တက်ရောက်နေရာယူစေခဲ့ပြီး …ရင်းမှူး ဦးစီး စစ်ကြောင်း ၁မှာ ...
ညာဘက်တောင်ကြောပေါ်သို့ …ချက်ချင်း တက်ရောက်နေရာယူခဲ့သည် …ချက်ချင်းဆိုသလိုပင် …
စစ်ကြောင်းရုံး နှစ်ခုမှ ၈၁ မမ စိန်ပြောင်းများက …ရန်သူ နေရာယူထားသော ကုန်းများအား …
တန်ပြန် ပစ်ခတ်ကြရာ …အောက်ဘက်တွင် ပိတ်မိနေသော …ခမရ ၅၂၂ မှာ အတော်အတန် …
သက်သာရာ ရရှိသွားလေသည် ….

 


လေကြောင်းပစ်ကူ


ထိုအချိန်တွင် ခမရ ၅၂၂ ပိတ်မိနေသည်မှာ …၅ နာရီခန့် ကြာမြင့်သွားပြီ ဖြစ်ပြီး …
ရန်သူ့  ကျားထိုးမှုကို သုံးကြိမ်ခန့်  …ခုခံတွန်းလှန်ခဲ့ ပြီး ဖြစ်လေသည်
…ထိုအချိန်တွင်ပင် ….
ဆက်သွယ်ရေးစက်မှ ...စစ်ကြောင်းအားလုံး နေရာယူထားရန် နှင့် ...ပစ်မှတ်ကို ညွှန်ပြပေးရန် စက်သံတစ်ခု ပေါ်လာသည် ….၁၁၃၀ ချိန်ခန့်  ...မြူနှင်းများ ကောင်းစွာကွဲသွားပြီ ဖြစ်သဖြင့် …
လေကြောင်း ပစ်ကူများ ရောက်ရှိလာပြီ ဖြစ်သည် ….


ရန်သူနေရာယူထားသော တောင်စောင်းများတစ်လျောက် ….ရော့ကက်များ ထိမှန်ပေါက်ကွဲပြီးမှ ….
MI 35 ရဟတ်ယာဉ်များကို စတင်မြင်တွေ့ ရသည် …ထို့ နောက် …. စက်အမြောက်များဖြင့် …
နောက်တစ်ခေါက် … နောက်တစ်ခေါက် ….သို့ သော်လည်း …ရန်သူသည် ပစ်ကျင်းများအတွင်း …ကောင်းစွာ နေရာယူထားသဖြင့် …အထိအခိုက် အရှအနာကား …မပြောပလောက်ပေ …

ခလရ ၆၈ ခေတ္တတပ်ရင်းမှူး သည် …အခြေအနေကို သုံးသပ်ပြီး ခွဲရုံး နှစ်စုအား …
ညာဘက်မှ ပတ်ကာ လျိုအတွင်းမှ ချဉ်းကပ်ပြီး …ခမရ ၅၂၂ ဒုရင်းမှူး နှင့် အဖွဲ့ ...
ပိတ်မိနေသော ကားလမ်းအနီးသို့  …အရောက် ထိုးဖောက်ရန် အမိန့် ပေးလိုက်သည် ….ရန်သူမှာ မြေအနေအထားအရ ….အလွန်ကောင်းမွန်နေသဖြင့် …ထိုးဖောက်နေသော တပ်ခွဲမှာ …
အတော် ခက်ခက်ခဲခဲ ချီတက်နေရလေသည် ….


တစ်ကြိမ်တွင်မူ…လမ်းနားထိ ရောက်လာခါနီးမှ …ရန်သူ ဒုံးပစ်လောင်ချာများ စုပြုံပစ်ခတ်သဖြင့် …
နောက်ပြန်လန်ကျလာခဲ့သည် …လေကြောင်း ပစ်ကူ သုံးကြိမ်တိုင် ပစ်ခတ်ခဲ့သော်လည်း …
ရန်သူ မှာ ဆုတ်ခွာမှု မရှိသေး ….အပေါ်စီးမှ ကောင်းစွာပစ်ခတ်နိူင်ဆဲ ဖြစ်သည် …

ဗိုလ်မှူး ၀င်းထွန်းအောင် သည် …စစ်ကြောင်းရုံးမှ စက်လတ်နှင့် ဒုံးပစ်လောင်ချာများအား …
အရှေ့ တွင် ထိုးဖောက်နေသည့် ခွဲရုံးသို့ ပို့ ပေးလိုက်ပြီး …တပ်ခွဲအား ဦးနှိမ်ပစ်ခတ်နေသော ….
ကားလမ်းအထက်ရှိ ရန်သူအား …အနီးကပ် စုပြုံပစ်ခတ်စေသည် …တစ်ချိန်တည်းမှာပင် …
စစ်ကြောင်းရုံး ရှိ မော်တာများကလည်း …အပြင်းအထန် ပစ်ခတ်ရာ …
ည သန်းခေါင် ၃နာရီ အချိန်ခန့် တွင် …စစ်ကူ တပ်ခွဲမှာ ...ကားလမ်းမအနီးသို့  မေးတင်မိသွားလေသည် …


ထိုအချိန်တွင် …ပိတ်ဆို့ ခံနေရသော ခမရ ၅၂၂ မှာ …ဘယ်နှစ်ကြိမ်မြောက်မှန်း မသိတော့သော …
ရန်သူ့  လုံးထွေးမှုကို …ခုခံ တွန်းလှန်နေဆဲ ဖြစ်သည် ….မိမိဘက်မှ ကံကောင်းသည့် အချက်မှာ ...
ခမရ ၅၂၂ အား ရန်သူ ကျားတက်ထိုးတိုင်း ...ခလရ ၆၈ စစ်ကြောင်း ၁ ၊ ၂ ...စစ်ကြောင်းရုံးများမှ ...
ဒုံးပစ်လောင်ချာများဖြင့် ၀ိုင်းဝန်းပစ်ခတ်သဖြင့် ...ရန်သူ့ ထိုးစစ် အရှိန် ...
အားပျော့ပျော့ သွားခြင်း ဖြစ်သည် ...ကားလမ်းမအား မေးတင်မိသွားသော …ခလရ ၆၈ တပ်ခွဲသည် …ကားလမ်းနှင့် အနီးဆုံးကုန်းအား …၀၃ ၃၀ ချိန်တွင် ကျားတက်ထိုးရာ ….ပြန်လည် လန်ကျလာခဲ့သည် …

၀၄၀၀ ချိန်တွင် ခေတ္တတပ်ရင်းမှူး၏ ကွပ်ကဲမှုဖြင့် …စစ်ကြောင်း နှစ်ကြောင်းလုံးမှ …လက်နက်ကြီးများဖြင့် ၀ိုင်းဝန်းပစ်ခတ်ကြပြီး …အသေခံ တက်လုံးရာ …
ကုန်းပေါ်မှ ရန်သူများအားလုံး ဆင်းပြေးရလေတော့သည်
၀၄၃၀ ချိန်ခန့် တွင် …
ခမရ ၅၂၂ မှ ခုခံနေသည့် ဒုရင်းမှူး စစ်ကြောင်းနှင့် ….ထိုးဖောက်ဝင်ရောက်လာသော …
ခလရ ၆၈၏ စစ်ကူတပ်ခွဲတို့  ပူးပေါင်းမိသွားပြီ ဖြစ်သည် …


တစ်ဆက်တည်းမှာပင် …စစ်ကြောင်း ၂ မှ ....လက်နက်ကြီးပစ်ကူပေးထားပြီး .…
ဗိုလ်မှူးဝင်းထွန်းအောင်၏ စစ်ကြောင်း ၁ မှ....ရန်သူ့ တောင်ကုန်းများအား တက်လုံးရာ ....
ရန်သူများ စတင် ဆုတ်ခွာရလေတော့သည် …



 ၀၆၀၀ ချိန်ခန့် တွင် …
စစ်ကူ ခလရ ၆၈ နှင့် ခမရ ၅၂၂ တို့ …
အားလုံး ပူးပေါင်းမိသွားပြီ ဖြစ်သည် ….


ခလရ ၆၈ ခေတ္တရင်းမှူးသည် …စစ်ကြောင်း ၁ အား ...ဘေးပတ်လည်ကုန်းများတွင် …
ယာယီ ခံစစ်ပြင်စေခဲ့ပြီး …စစ်ကြောင်း ၂ အား လူနာများကို ထမ်းပိုးကာ…တာရွှေထန် အနီးရှိ ကားများရှိရာသို့  …ချက်ချင်း သယ်ထုတ်စေခဲ့သည် ….ကျဆုံး စစ်သည်များ၏ အလောင်းနှင့် လက်နက်များအား…ပိုက်စိတ်တိုက် ရှာဖွေသယ်ယူခဲ့ပြီး …၁၁ ၃၀ ချိန်ခန့် တွင် ပြန်လည် ဆုတ်ခွာလာခဲ့ရာ …၁၅၀၀ ချိန်ခန့် တွင် …တာရွှေထန်သို့  ပြန်လည်ရောက်ရှိ အခြေပြုနိူင်ခဲ့သည် …


ထိုတိုက်ပွဲတွင် …
ခမရ ၅၂၂ မှ စစ်သည် ၁+၂၉ ဦးကျဆုံးကာ …
၈ + ၃၉ ဦး ဒဏ်ရာရရှိခဲ့ပါသည် …


ခလရ ၆၈ စစ်ကူ စစ်ကြောင်းမှ …..မိမိ စစ်သည်အားလုံး၏ …
အလောင်း နှင့် လက်နက်များ ..တစ်ခုမကျန် ပြန်လည်သယ်ယူနိူင်ခဲ့ပါသည် ….





( ကိုရဲမိုး ရေးသားသော လောက်ကိုင် ရှင်းတမ်း အား မူရင်းအတိုင်းဖော်ပြထားခြင်း ဖြစ်ပါသည် )






ဆက်စပ်ဖတ်ရှုရန်များ…





No comments:

Post a Comment