ကောင်းခါးရွာ လူသတ်မှု မှ စိတ်ဝင်စားစရာများ ( ၁ )

Photo from 7 Day Daily

 ရှမ်းပြည်နယ်မြောက်ပိုင်း၊ ပန်ဆိုင်းမြို့နယ် ကောင်းခါးကျေးရွာရှိ ကလေးငယ်များကို ကချင်နှစ်ခြင်း ခရစ်ယာန်အသင်းတော် KBC ၏ အစီအ စဉ်ဖြင့်   ၂၀၁၄ ခုနှစ် နှစ်ဆန်းပိုင်းမှစ၍ စေတ နာ့ဝန် ထမ်းစာသင်ပေးနေသည့် ကျောင်းဆရာမလေးစာသင်ပေးနေသည့် စေတနာ့ဝန်ထမ်း ကချင်ကျောင်းဆရာမနှစ်ဦး ဖြစ်သောဆရာမ မရန်လုရာနှင့် ဆရာမ ခေါန်နန်စင် တို. ကို ၄င်းတို့တည်း ခိုသည့် ဘုရားကျောင်းဝင်းအတွင်းရှိအိမ်တွင် ၂၀၁၅ ခုနှစ် ဇန်နဝါရီလ ၁၉ ရက် နေ့က အဓမ္မပြုကျင့်ပြီး အသတ်ခံထားရသည့် သတင်းအတွက် လူမျိုးမရွေး ၊ ဘာသာမရွေး အမှန်တရားမြတ်နိုးသူတိုင်းအတွက်  စိတ်မကောင်းဖွယ်ရာဖြစ်ရပ် စောင်.ကြည်.ဖွယ်ရာ သတင်းတစ်ရပ်ဖြစ်ခဲ့သည် ။ သို.သော် ဤဖြစ်ရပ်က သာမာန်မှုခင်းတစ်ရပ်ထက် နယ်ပယ်ပိုကျယ်ပြန်.ခဲ့သည် ။ မှုခင်းတစ်ရပ်ဖြစ်လျှင် အမှုမှန်ပေါ်ပေါက်စေရန် အားပေး ၊ အဖြေမှားသည်ထင်လျှင် စနစ်တကျ ခိုင်မာစွာထောက်ပြ ၊ ယခုမူ ထိုသို.မဟုတ်ပဲ ကိုယ်ဖြစ်စေချင်သူကို တရားခံအဖြစ် ရုပ်လုံးဖော်နေကြသည် ။ ထိုသူတို.မှ မဟုတ်လျှင် တရားခံမဖြစ်နိုင်ဟု ကြိုတင်ကောက်ချက်စွဲနေကြသည် ။ ထိုကိစ္စကိုအကြောင်းပြု၍ အဖွဲ.အစည်းတစ်ရပ်ကို သိက္ခာချနေကြသည် ။ လူမျိုးရေး မုန်းတီးရန် လမ်းဖော်နေကြသည် ။

အဆိုပါ ကျောင်းဆရာမနှစ်ဦး အဓမ္မပြုကျင့် သတ်ဖြတ်ခံရမှုကို ကချင်နှစ်ခြင်း ခရစ်ယာန်သာသနာအဖွဲ့ (KBC) က အမှုမှန် ဖော်ထုတ်ပေးနိုင်ရန် သမ္မတထံ စာတင်ခဲ့ပြီး ယင်းအဓမ္မပြုကျင့် သတ်ဖြတ်မှုကို မြန်မာနိုင်ငံ အမျိုးသမီး များကွန်ရက်၊ နိုင်ငံရေးပါတီများနှင့် နိုင်ငံရေး လှုပ်ရှားသူများက အမှု မှန် ဖော်ထုတ်ပေးရန် ဒေသအနှံ့ ဆန္ဒထုတ်ဖော်မှု ပြုခဲ့ပြီး ကမ္ဘာ့နိုင်ငံပေါင်း စုံကလည်း ယင်းအမှု အမှန်ဖော်ထုတ်ပေး ရန် တောင်း ဆို ထားကြောင်း မြစ်ကြီး နားမြို့နယ်ရှိ ကချင်နှစ်ခြင်း ခရစ်ယာန်သာသနာ ရုံးချုပ်ထံမှ သတင်းရသည်ဟုဆိုကြသည် ။

ဆရာမလေးနှစ်ဦး၏ ရုပ်အလောင်းကို မူဆယ်မြို့မှ မြစ်ကြီးနားမြို့သို့ သယ်ယူသွားစဉ် အမှုမှန်ဖေါ်ထုတ်ပေးရန် လမ်းတစ် လျှောက် ဒေသခံထောင်ချီ၍ ဆန္ဒပြခဲ့ကြကြောင်း သိရသည်။ ကချင်တိုင်းရင်းသားများကလည်းကောင်း၊ ၈၈ မျိုးဆက် ကျောင်းသား များအဖွဲ့အပါအဝင် အရပ်ဖက်လူမှုအဖွဲ့အစည်း များနှင့် နိုင်ငံရေးပါတီအချို့က လည်းကောင်း သတင်းစာရှင်းလင်းပွဲများ ကျင်းပပြီး ကြေညာချက်များ အသီးသီး ထုတ်ပြန်၍ အမှုမှန် အမြန်ဆုံးဖေါ်ထုတ်ပေးရန် တောင်းဆိုခဲ့ကြသည်။ အမေရိကန် အစိုးရကလည်း မြန်မာအစိုးရကို တိုက်တွန်းလာခဲ့သည် ။

အခင်းဖြစ်နေရာတွင် ဓါတ်ပုံ မှတ်တမ်း ရယူနေကြသူများ

 ဒေသခံများ၏ အဆိုအရ ငယ်ရွယ်သော်လည်း သဘောထားပြည့်ဝပြီး ဒေသခံများနှင့် လိုက်လျောညီထွေနေနိုင်ကြသည့် ဆရာမနှစ်ဦးသည် အသတ်မခံရမီ နာရီပိုင်းအလိုတွင် ၄င်းတို့နေထိုင်ရာ အဆောက်အအုံမှ ငါးမိနစ်ခန့်လမ်းလျှောက်သွားရသည့် ရွာဆယ်အိမ်မှူး၏သားဖြစ်သူ မွေးနေ့ပွဲသို့ တက်ရောက်ခဲ့ကြောင်း မျက်မြင်များကပြောသည်။

‘‘သူတို့ပြောတာတော့ ပင်ပန်းလို့အိပ်ချင်နေပြီ။ လာခေါ်လို့လိုက်လာရတာလို့ ပြောတယ်’’ဟု မွေးနေ့ပွဲတွင် ဆရာမများနှင့်အတူရှိခဲ့သည့် မဒွဲကပြောခဲ့သည်။

ဒေါ်ခေါန်မိုင်၏အိမ်မှ ခြေလှမ်း ၁၀၀ ခန့်သွားပါက ကောင်းခါးရွာသူတစ်ဦးဖြစ်သည့် ဒေါ်နန့်ဆိုင်း၏အိမ်တည်ရှိသည်။ ဒေါ်ခေါန်မိုင်၊

 ဒေါ်နန့်ဆိုင်းနှင့် ဆရာမများနေထိုင်သည့် အိမ်တို့မှာ ဖိုခုံလောက်ဆိုင်ပုံ တည်ရှိခြင်းဖြစ်သည်။ဆရာမများသည် နေ့စဉ်ကျောင်းသွားတိုင်း ၎င်း၏နေအိမ်ရှေ့ မှ ဖြတ်သန်းသွားကြခြင်းဖြစ်ကြောင်း ဒေါ်နန့်ဆိုင်းကပြောသည်။နောက်

ထပ်အမှတ်သင်္ကေတတစ်ခုမှ ဆရာမများ နံနက်တိုင်း ထမင်းဟင်းချက်သည့် မီးခိုးများကို မြင်နေရခြင်းဖြစ်ကြောင်း ဒေါ်နန့်ဆိုင်းကပြောသည်။

ယခင်မြင်နေကျ မီးခိုးများနှင့် ကျောင်းသွားသည့် ဆရာမများကို ထိုနေ့(ဇန်န၀ါရီ၂၀)တွင် မမြင်ရခြင်းနှင့် ကျောင်းတွင် လူစုံနေပြီဖြစ်သော်လည်း ဆရာမနှစ်ဦး မရောက်လာသေးခြင်းမှာ ၎င်းအတွက် ထူးဆန်းမှုတစ်ခုဖြစ်ကြောင်း ဒေါ်နန့်ဆိုင်းကပြောသည်။

‘‘ဒီကလေးမနှစ်ယောက် အခုထိအိပ်နေတုန်းလားဆိုပြီး တံခါးကိုဖွင့်လိုက်တော့ အဲဒီအဖြစ်ကိုတွေ့တယ်။ ကျွန်မလည်း အပြင်ကို ဘယ်လိုထွက်ပြေးမိမှန်းကို မသိတော့ဘူး။ အပြင်ရောက်တော့လည်း ရပ်တောင်မရပ်နိုင်တော့ဘူး’’ဟု ဒေါ်နန့်ဆိုင်းက ဇန်န၀ါရီ ၂၀ ရက် နံနက် ၈ နာရီခွဲဝန်းကျင်တွင် မြင်တွေ့ခဲ့ရသော အတွေ့အကြုံအဖြစ်ဆိုးကြီး မြင်တွေ့လိုက်ရသော အခိုက်အတန့်ကို ပြန်လည်ပြောသည်။

ဇန်နဝါရီ ၂၆ ရက်ထုတ် 7 DAY DAILY သတင်းစာပါ ကျောင်း ဆရာမနှစ်ဦး အသတ်ခံရမှုနှင့် ပြည်သူ့အသံကဏ္ဍတွင်မူ  ရှမ်းနီအမျိုးသားဖွံ့ဖြိုးတိုးက်ရေးပါတီဥက္ကဌ ဦးစိုင်းဌေးအောင်က “ဒီကိစ္စက ကချင်တိုင်းရင်းသူဖြစ်လို့သာ ဒီလောက်ထိ ကြီးကျယ် ခဲ့တာပါ။ ရှမ်းနီတိုင်းရင်းသူသာဖြစ်ရင် ဒီလောက်အသံကျယ်မှာမဟုတ်ဘူး။ ရှမ်းနီတွေ မုဒိန်းကျင့်သတ်ခံခဲ့ရလို့၊ ပစ်သတ်ခံရလို့ လူမသိသူမသိ သေခဲ့ရတယ်။ အလောင်း

တောင်မရခဲ့ပါဘူး။ နှစ်ဘက်လက်နက်ကိုင်တပ်ဖွဲ့တွေ ဥပဒေ လေးစားလိုက်နာ ရင် ကောင်းမယ်။ လက်နက်မဲ့ပြည်သူတွေကို အခုလိုမျိုး သတ်ဖြတ်တာ ဘယ်လိုမှ လက်ခံနိုင်စရာမရှိဘူး။ လက်နက်ကိုင် တပ်ဖွဲ့တွေ အတွက် အဓိကထိုးနှက်မှုတစ်ခုဖြစ် သွားတယ်။ နယ်မြေမငြိမ်းချမ်းတဲ့ ကချင်ဒေသတွေမှာ အစိုးရတင်မကဘူး ကေအိုင်အို ကပါ ဒီလိုမျိုးလုပ်နေတယ်ဆိုတာ ပြောချင်တယ်” ဟု ပြောဆိုခဲ့သည်။

ထိုကိစ္စနှင်.ပတ်သက်၍  ကောင်းခါးရွာဒေသခံများက ၎င်းတို့ရွာတွင် ကချင်နှစ်ခြင်း ခရစ်ယာန်အဖွဲ့ချုပ် (KBC) ၏ အစီအစဉ်ဖြင့် စာသင်ကျောင်း ဖွင့်ခဲ့သည်မှာ၆ နှစ်ကျော်ပြီဖြစ်သော်လည်း မည်သည့်ပြဿနာမှ မဖြစ်ခဲ့ဘဲ အစိုးရတပ်မတော်စစ်ကြောင်း ရွာသို့ရောက်သည်နေ့နှင့် တိုက်ဆိုင်စွာ ဖြစ်ပွားခဲ့သည့်အတွက် တပ်မတော်သားများအပေါ် သံသယ၀င်ခဲ့ကြောင်းပြောဆိုခဲ့သော်လည်း တစ်ဘက်ကပြန်တွက်လျှင်  ကိုယ်ရောက်မှ ထိုကိစ္စမျိုးထဖြစ်လျှင် ကိုယ်.ကို စွပ်စွဲခံ၇မည်ကို မည်သူမဆို တွက်ဆနိုင်ပြီး သင်ဆိုလျှင်ကော လုပ်မည်လား ?

ပူးပေါင်းဆောင်ရွက်မှုပိုင်းအရ ကြည်.လျှင်လည်း  တပ်မတော်မှ စစ်ကြောင်းကို အခင်းဖြစ်ခဲ့သည့် ကျေးရွာတွင် ဆက်လက် အခြေပြုစေ ခဲ့ပြီး ပြစ်မှုကျူးလွန်သူ၏ ဆံပင်မှ ရယူထားသော DNA နှင့် နယ်မြေခံ စစ်ကြောင်း မှ တပ်မတော်သားများ၏ ဆံပင်များမှ DNA များကို အစစ်ဆေး ခံခဲ့ကြောင်း သိရှိရသည် ။ တပ်မတော်က သတင်း ထုတ်ပြန်ရာတွင် တပ်မတော်စစ်ကြောင်းအနေဖြင့် ဇန်န၀ါရီ ၁၉ ရက် နံနက်၌ ကောင်းခါးရွာသို့ ရောက်ရှိအခြေပြုခဲ့ပြီး တပ်မတော်စစ်ကြောင်း တည်းခိုသည့် အိမ်နှင့် အခင်းဖြစ်ပွားသည့် အိမ်မှာ မီတာ ၅၀၀ ခန့်ကွာဝေးကြောင်း၊ စစ်ကြောင်းရောက်ရှိချိန်နှင့် ပြဿနာဖြစ်ပွားချိန် တိုက်ဆိုင်ခဲ့၍ ယုံမှားသံသယရှိမှုအပေါ် လိုအပ်သော စုံစမ်းစစ်ဆေးမှုများ ပြုလုပ်ခဲ့ပြီး သက်ဆိုင်ရာစစ်ဆေးရေး အဖွဲ့များကိုလည်း ကူညီမှုများ ပေးခဲ့ကြောင်း ပါရှိသည်။ ကောင်းခါးရွာအနီးရောက်နေသည့် စစ်ကြောင်းကို နယ်မြေလုံခြုံရေးအတွက် သီးခြားတာဝန်ပေးရန်ရှိသော်လည်း မပေးတော့ဘဲ အမှုမှန်ပေါ်ပေါက်စေရေး ကူညီရန် အဆိုပါရွာ၌ပင် အခြေပြုနေထိုင်စေကြောင်း သတင်းထုတ်ပြန်သည်။

အခင်းဖြစ် အဆောက်အဦး ( Photo by Kyaw Swar )

တစ်ဘက်တွင်မူ “သေဆုံးခဲ့တဲ့ ဆရာမလေးရဲ့ လက်ထဲမှာ ခြောက်လက်မကျော်ကျော် ရှည်တဲ့ ဆံပင်တွေ ဆုပ်ကိုင်ထားတာကို တွေ့ခဲ့ရတယ်။ ဒီဆံပင်တွေကို DNA ယူပြီး စစ်တပ်နဲ့ အရပ်သားတွေကို စစ်ဆေးခဲ့ပေမယ့် မတူညီတာကို သိရှိရတယ်။ ပြီးတော့ ဆရာမလေးတွေ လက်ကိုင်ဖုန်းမှာ မသေဆုံးခင် နှစ်ရက်က တရုတ်နိုင်ငံ ဆက်သွယ်ရေး ကုတ်နံပါတ်နဲ့ ဖုန်းအဆက်သွယ် လုပ်ခဲ့သူကို သိခဲ့တာကြောင့် စုံစမ်းကြည့်တော့ ဖော်ယူဂွမ်ဆိုတဲ့ အမျိုးသား ဖြစ်နေတယ်။ ဒါပေမဲ့ လက်ရှိ သူက ပျောက်နေတာကြောင့် ဘယ်အဖွဲ့ကလဲ ဘယ်သူတွေနဲ့ ပတ်သက်ဆက်နွှယ်မှု ရှိလဲဆိုတာ အတိအကျ မပြောနိုင်သေးဘူး” ဟု ရှမ်းပြည်နယ် ရဲတပ်ဖွဲ့မှူးရုံးထံမှ အကြီးတန်း ရဲအရာရှိတစ်ဦးက ပြောကြားခဲ့ပြီးနောက်  ဖေ့စ်ဘွတ်ခ်စာမျက်နှာများတွင် ပြစ်မှုကျူးလွန်သူများမှာKIAတပ်ဖွဲ့မှဒုတပ်ကြပ်

 ဖော်ယူဂွမ်တို့အဖွဲ့ ဖြစ်ကြောင်း

အဖွဲ့ ဖြစ်ကြောင်း ရေးသားဖော်ပြမှုများကြောင့် KIA မှ ဗိုလ်မှူးကြီးရာထူး အဆင့်ရှိသူက ကျောင်းဆရာမနှစ်ဦး၏ အမှုနှင့် ပတ်သက်၍ KIA တပ်ဖွဲ့ဝင်များ၏ လက်ဗွေရာနှင့် DNA များကို လုံးဝအစစ်ဆေးခံမည် မဟုတ်ကြောင်း ပြောကြားခဲ့သည် ။

“ပြစ်မှုကျူးလွန်သူလို့ စွပ်စွဲခံရတဲ့ ဖော်ယူဂွမ်က KIA တပ်ဖွဲ့ဝင် မဟုတ်ဘူး။ KIA ဘက်ကလည်း ဒီပြစ်မှုကို တပ်မတော်ဘက်က ကျူးလွန်တာလို့ မြင်တယ်။ KIA ရဲ့ ရာဇဝင်မှာ ဒီလိုပြစ်မှုမျိုး ကျူးလွန်ခဲ့တာ မရှိဘူး။ ဒါကြောင့် အမှုနဲ့ ပတ်သက်လို့ တပ်ဖွဲ့ဝင်တွေကို စစ်ဆေးခွင့်ပေးပါ ကမ်းလှမ်းခဲ့လည်း KIA ဘက်က လုံးဝ အစစ်မခံနိုင်ဘူး” ဟု ပြည်နယ်အဆင့် ပဋိပက္ခ ညှိနှိုင်းရေး အဖွဲ့ဝင်ဖြစ်သူ ၎င်းက ဆက်လက်ပြောကြားသည်ဟု သိခဲ့ရသည် ။

Ref ; 7 Day Daily , OE , The Voice Weekly , ကျော်စွာ ၊ တကကဖိုးစီ ၊ဇော်လင်းခေါင် ၊ ရဲကျော်သူရ