အိုဆာကာ မှာ လည်ပတ်ဖို.အကောင်းဆုံး ၁၅ နေရာ

 

အိုဆာကာဟာ  ဂျပန်နိုင်ငံရဲ့ ဒုတိယမြောက်မြို့ဖြစ်ပြီး  ဂျပန်နိုင်ငံအနောက်ပိုင်းရှိ စီးပွားရေးအချက်အချာနေရာဖြစ်သလို ဂျပန်နိုင်ငံ ယဉ်ကျေးမှုနှင့် စီးပွားရေးဖွံ့ဖြိုးတိုးတက်မှု၏ အချက်အချာနေရာမှာ  နှစ်ရာနှင့်ချီရှိနေခဲ့တာပါ ။  မြို့တော်ရဲ့ အတိတ်က  အမွေအနှစ်များ တည်ရှိနေသလို ခောတ်မှိမြို့တော်တစ်ခုဖြစ်တာကြောင့်  အိုဆာကာဟာ ဂျပန်နိုင်ငံရဲ့ သမိုင်းကြောင်းကို ရော လက်ရှိခောတ်အ‌ြေခအနေတွေကိုပါ အမှန်တကယ် ခံစားနိုင်မယ့်  မြို့တစ်မြို့ဖြစ်ပါတယ် ။

  

အိုဆာကာရဲတိုက်ကတော့ အိုဆာကာရောက်သူတိုင်း မဖြစ်မနေ သွားလေ့ရှိကြတဲ့ ၊ သွားသင့်တဲ့နေရာတစ်ခုပါ ။ ၁၅၈၃ မှာ ၂ကီလိုကျော်လေးတဲ့ကျောက်တုံးပေါင်း တစ်သန်းလောက်နဲ့ စတင်တည်ဆောက်ခဲ့တဲ့ ဒီရဲတိုက်ဟာ စုစုပေါင်း ၈ထပ်ရှိပါတယ် ။ ချယ်ရီပန်းကြည့်သူတွေပါ ချိန်းလေ့ရှိတဲ့နေရာတစ်ခုဖြစ်ပြီး ပြတိုက်ထဲက သမိုင်းကြောင်းဆိုင်ရာတင်ဆက်မှု ၊ ပြတိုက်ရှေ့က တိုင်းကက်ပဆူး ၊ ကျုံးရေပြင်ထဲက ဂိုဇဘူနဲဘုတ် ၊ ပန်းခြံထဲက စထရိပါဖောင်မာတွေရဲ့တင်ဆက်မှု ၊ ချယ်ရီပန်းတွေရဲ့အလှစသဖြင့် စိတ်၀င်စားစရာနေရာတစ်ခုပါ ။

 

အိုဆာကာ ကအိယူကန် အကွာရီယန် ဆိုတဲ့ ငါးပြတိုက်ကလည်း ဖွင့်လှစ်ခဲ့ချိန်က ကမ္ဘာပေါ်မှာ အကြီးဆုံးငါးပြတိုက်ဖြစ်ခဲ့ပြီး ၁၉၉၀ မေလ ကဖွင့်ခဲ့တာပါ ။ ပြတိုက်၀င်ခွင့်လက်မှတ်က ယန်း ၂၄၀၀ ကျသင့်ပြီး  ဂျပန်နိုင်ငံမှာ လာရောက်လည်ပတ်သူအများဆုံးငါးပြတိုက်ဟာ  သတ္တ၀ါပေါင်း ၂၉၀၀၀ လောက်ကိုထည့်သွင်းပြသထားတာပါ ။ ကမ္ဘာ့ဒေသအသီးသီးက ရေနေသတ္တ၀ါတွေနဲ့ ကုန်းနေသတ္တဝါအချို့ ကိုပြသထားပြီး ငါးမန်း ၊ ငါးလိပ်ကျောက်စတဲ့သတ္တ၀ါတွေကို အစာကျွေးချိန် ကြည့်ရတဲ့ မြင်ကွင်းကလည်း စိတ်၀င်စားစရာပါ ။

 

နောက်တစ်နေရာကတော့ တန်ပိုဇန်ဖဲရစ်ဝှီးပဲဖြစ်ပါတယ် ။ Tempozan Ferris Wheel ဟာ အချင်း ၃၃၀ ပေ အမြင့် ၃၆၉ ပေ ရှိပြီး ကမ္ဘာ့အကြီးဆုံး ရဟတ်တွေထဲက တစ်ခုပါ ။ သူနဲ.  ကောင်းကင်ပေါ်ကို ၁၅မိနစ် ကနေ ၁၇မိနစ်ကြား တက်လေ့လာခွင့်ရမှာဖြစ်ပြီး အိုဆာကာရဲ့မြင်ကွင်းတွေကို လွတ်လပ်စွာကြည့်နိုင်မှာပါ  ။ ပုံမှန်အားဖြင့်တော့ မနက် ၁၀နာရီကနေ ည ၁၀နာရီ အထိဖွင့်ပါတယ် ။ ၁၉၉၇ ဇူလိုင် ၁၂ ရက်မှာ စတင်ဖွင့်လှစ်ခဲ့ပြီး အဲ့ဒီအချိန်ကတော့ ကမ္ဘာ့အမြင့်ဆုံး Ferris Wheel ပါ ။ အထူးသဖြင့် သူ.ရဲ. မီးအလှဆင်ထားတဲ့ ညမြင်ကွင်းဟာ တကူးတကစောင့်ကြည့်ချင်စရာ ဆွဲဆောင်မှု ရှိလှပါတယ် ။

 

ဒိုတွန်ဘူရီ ။ သူကတော့ အစားတလိုင်းသမားများအတွက်ကတော့ ကောင်းကင်ဘုံပါပဲ ။ ဒါဇင်ပေါင်းများစွာသော စားသောက်ဆိုင်တွေက Dotomborigawa မြစ်ကို တန်းစီထားပြီး နာမည်ကြီး ကြော်ငြာဘုတ်ကြီးတွေက လာရောက်သူများရဲ့အာရုံကို ဆွဲဆောင်လျက်ရှိသည်။ တူးမြောင်းကို လှည့်ပတ်ဖို့ မိနစ် 20 ပဲ ကြာတဲ့ Tonbori River Cruises တွေနဲ့ Glico အပြေးလူသား ဆိုင်းဘုတ်က အဲ့ဒီနေရာရဲ့ သက်ေတတွေပါ ။  သူတို့၏ဖောက်သည်တွေကိုဖျော်ဖြေဖို့  geisha မယ် တွေကို အသုံးပြုတဲ့ မြစ်မြောက်ဘက်ခြမ်းမှာကတော့ အရက်ဆိုင်ငယ်များနှင့်စားသောက်ဆိုင်များသည်တန်းစီပြီးစုပုံနေပါတယ်။ မြစ်၏တောင်ဘက်ခြမ်းက တစ်ချိန်က ပြဇာတ်ခရိုင်လို့  လူသိများတဲ့ Dotombori ဧရိယာရဲ့ အလယ်ဗဟိုဖြစ်ပါတယ် ။  ယနေ့ခေတ်မှာတော့  ရောင်စုံနီယွန်ဆိုင်းဘုတ်များနှင့် ဖလက်ရှ်ဆိုင်းဘုတ်များကအဲ့ဒီ  ဧရိယာကို အသက်ဝင်စေပါတယ် 

 

အာဘဲနို ဟာရူးကပ် ။ အဆောက်အဦးတွေသက်သက်အနေနဲ့ကြည့်ရင် ဂျပန်နိုင်ငံရဲ့ အထပ် ၆၀ ရှိတဲ့အမြင့်ဆုံးအဆောက်အဦးဖြစ်ပါတယ် ။ တာ၀ါတွေပါထည့်တွက်ရင်တော့ ဂျပန်နိုင်ငံရဲ. တိတိယ အမြင့်ဆုံးအဆောက်အဦးဖြစ်ပါတယ် ။ အမှတ်တရ ရိုက်ကူးဖို့နေရာလေးတွေလုပ်ပေးထားသလို  မြေပြင်အထက် မီတာ ၃၀၀ ကနေ အိုဆာကာမြို့ရဲ့  မီးရောင်စုံည ကို ခံစားနိုင်မယ့်နေရာတစ်ခုပါ ။

 

ယူနီဗာဆယ် စတူဒီယို ဂျပန်ဟာ အိုဆာကာမှာတည်ရှိနေတာပါ ။ အာရှမှာ ပထမဆုံး တည်ဆောက်တဲ့ ယူနီဗာဆယ် စတူဒီယို ဟာOsaka Bay Area မှာ 2001 ခုနှစ် မတ်လက ဖွင့်လှစ်ခဲ့ပြီး အပန်းဖြေဥယျာဉ်ဟာ ဧရိယာ 39 ဟက်တာ ကျယ်ဝန်းပြီး Tokyo Disney Resort ပြီးရင် ဂျပန်နိုင်ငံတွင် လာရောက်လည်ပတ်မှု အများဆုံး အပန်းဖြေဥယျာဉ်ဖြစ်ပါတယ် ။ ပန်းခြံဟာ Universal Orlando Resort နှင့် Universal Studios Hollywood တို့က ရွေးချယ်ထားတဲ့ အထင်ကရနေရာတွေ ပါတာကြောင့် Universal Orlando Resort နဲ့ ဆင်တူပါတယ် ။ ဖွင့်တဲ့နှစ်မှာ ဧည့်သည် ၁၁ သန်းကျော် လာရောက်လည်ပတ်ခဲ့ပြီး အဲ့ဒီပန်းခြံဟာ အဲ့ဒီအချိန်က စ်နှစ်အတွင်း လူ ၁၀ သန်းအထိ ရောက်ခဲ့တဲ့  ကမ္ဘာ့အမြန်ဆုံး အပန်းဖြေဥယျာဉ် ဖြစ်လာခဲ့တာပါ ။

 

နမ်းဘ ယာစာကီ ရှရိုင်း ။ ၁၉ ရာစု မေဂျီ ပြန်လည်ထူထောင်ရေးခောတ် အပြီးမှာ ရှင်တိုအယူဝါဒနှင့် ဗုဒ္ဓဘာသာကို ပိုင်းခြားရန် အမိန့်ပေးတဲ့ အစိုးရအမိန့်ကြောင့် ဘုရားကျောင်းကို ဖျက်သိမ်းခဲ့ပြီး 1945 ခုနှစ်မှာ နတ်ကွန်းရဲ့ အဆောက်အဦတွေကို လေကြောင်းမှ စီးနင်းတိုက်ခိုက်ခြင်း ခံခဲ့ရပါတယ် ။ အမြင့် 12 မီတာ၊ အကျယ် 11 မီတာရှိသည့် ခြင်္သေ့ခေါင်းပုံသဏ္ဍာန် ကြီးမားသော အဆောက်အအုံက ၁၉၇၅ မှာဆောက်ခဲ့တာဖြစ်ပြီး   အထူးဆွဲဆောင်မှုရှိပါတယ် ။ လက်ရှိ နတ်ကွန်းအဆောက်အအုံတွေက  စစ်ပြီးခေတ် ပြန်လည်တည်ဆောက်မှုများဖြစ်ပါတယ် ။

 

ကူရိုမွန်မားကက် ။ အဲ့ဒီစျေးကတော့ ငါး၊ အသားနှင့်ထွက်ကုန်များကို အဓိကရောင်းချသည့် ဆိုင်ခန်းပေါင်း ၁၅၀ ခန့်ရှိပြီး အခြားဆိုင်များကလည်း ရိုးရာချိုချဉ်နှင့် ဈေးနှုန်းချိုသာသော အဝတ်အထည်များနှင့် အိမ်သုံးပစ္စည်းများကို ရောင်းချကြပါတယ် ။ အဲဒီ စျေးဟာ Edo ခေတ်မှစတင်ခဲ့ပြီး ယနေ့ခေတ်မှာတော့  လမ်းလျှောက်ခြင်း၊ ဈေးဝယ်ခြင်းနှင့် အမျိုးအစားအစုံစုံသော  လမ်းဘေးအစားအစာများကို စားသုံးရန် ကောင်းတဲ့နေရာတစ်ခုပါ ။ အဲ့ဒီစျေးရဲ့ အစားအစာတွေမှာ အများနှစ်ခြိုက်ကြတာက ကဏန်းခြေထောက် နဲံ ကမာကင်များ အပါအဝင် ပင်လယ်စာများ၊ ယာကီတိုရီ၊ ပင်လယ်ငါးဥ၊ ဆူရှီ၊ ငါးရှဉ့်၊ ရာသီအလိုက် အသီးအနှံများနှင့်  takoyaki တို့ဖြစ်ပါတယ် ။

 

ဆူမီရိုရှီတာအိရှ ရှ ရှရိုင်း ။ Sumiyoshi-taisha လို့ လည်းလူသိများတဲ့  Sumiyoshi Grand Shrine ဟာ အိုဆာကာစီရင်စု၊ Sumiyoshi-ku ရှိ Shinto နတ်ကွန်းဖြစ်ပြီး  ဂျပန်နိုင်ငံရှိ Sumiyoshi ဘုရားကျောင်းအားလုံး၏ အဓိက ဘုရားကျောင်းဖြစ်ပါတယ် ။ ဒေသခံတို့က Sumiyoshi-san သို့မဟုတ် Sumiyossan လို့ခေါ်ကြပြီး နှစ်သစ်ကူးနေ့မှာ  hatsumōde အတွက် နတ်ကွန်းသို့ လာရောက်ကြဲ့ လူအုပ်ကြီးကြောင့် နာမည်ကြီးပါတယ် ။ ရှေးဟောင်းတံတားနဲ့ အဆောက်အဦးပုံစံတွေကလည်း စိတ်၀င်စားစရာ ဆွဲဆောင်မှုရှိလှပါတယ် ။

 

CupNoodles Museum Osaka Ikeda ဟာ  အသင့်စားခေါက်ဆွဲခြောက်များနဲ့  Cup Noodles အပြင် သူ.ရဲ့ ဖန်တီးသူနှင့် တည်ထောင်သူ Momofuku Ando အတွက် ရည်စူးထားသည့် ပြတိုက်ဖြစ်ပါတယ် ။ ပြတိုက်မှာ ဧည့်သည်တွေကို သူတို.ရဲ. ကိုယ်ပိုင် "လတ်ဆတ်သော" အသင့်စားခေါက်ဆွဲ   ပြုလုပ်လို့ရမယ့်  ခေါက်ဆွဲထုပ် အလုပ်ရုံတစ်ခုရှိပါတယ် ။ ပြတိုက်မှာ ဒီအခွင့်အရေးရဖို့  ကြိုတင်စာရင်းသွင်းထားရပါတယ် ။  လာရောက်လည်ပတ်သူတွေဟာ  ယန်း ၃၀၀ လောက်နဲ့ ကိုယ်ပိုင်ခွက်ခေါက်ဆွဲများကို ပြုလုပ်နိုင်တဲ့အခွင့်အရေးရမှာပါ ။

 

အမေရိကမူရာ ဆိုတာကတော့ အမေရိကန်ရွာလို့ပြောလို့ရပါမယ် ။ ရှင်ဆာအိဘရှိ ဘူတာအနောက်ခြမ်းမှာရှိတဲ့ နာဂါဟိုရီ လမ်းကနေ ဒိုတွန်ဘူရီ အထိရှိတဲ့ အဲ့ဒီနေရာကို ဒေသခံတွေက အမီမူယာ လို့ခေါ်ပြီး ကြီးမားကျယ်ပြန့်တဲ့ လက်လီဆိုင်တွေနဲ.ဖျော်ဖြေရေးနယ်မြေတစ်ခုဖြစ်ပြီး ဖက်ရှင်ဆိုင်တွေ ၊ နိုက်ကလပ်တွေ ၊ ဘားတွေနဲ့ အနောက်တိုင်းသားတွေ အတွက် အဓိကရည်ရွဘ်တဲံ ၊ လာလေ့ရှိတဲံနေရာတစ်ခုဖြစ်ပါတယ် ။ ရောင်းချသူတွေကတော့ ဂျပန်လူမျိုးအများစုဖြစ်ပါတယ် ။

 

မိနိုး ပန်းခြံထဲမှာရှိတဲ့ မိနိုးရေတံခွန်ဟာ ဆောင်းဦးပေါက်ရာသီမှာ အပန်းဖြေဖို့အကောင်းဆုံးနေရာတစ်ခုပါ ။ အူမီဒါ ဘူတာကနေ နာရီဝက်လောက်လမ်းလျှောက်ရတဲ့နေရာမှာရှိတဲ့ရေတံခွန်ပါ ။ မိနိုးပတ် မှာရှိတဲ့ တကီမိချီ တောင်တက်လမ်းရဲ့အဆုံးမှာရှိတဲ့ လှပတဲ့ရေတံခွန်ဖြစ်ပြီး ဆောင်းဦးရွက်ကြွေတွေကို ကြည့်ရှုခံစားလို့ရမယ့်နေရာလည်းဖြစ်ပါတယ်  ။စိတ်၀င်စားစရာတစ်ခုကတော့ အဲ့ဒီမှာ ချိုမြိန်ပြီး နှမ်းရနံ့လေးမွှေးနေတဲ့ မေပယ်ရွက် တန်ပူရာ ၀ယ်စားလို့ရတဲ့ဆိုင်လေးတွေ လမ်းတစ်လျှေက်ရှိနေပါတယ် ။တစ်ခုသတိပြုရမှာကတော့ ဂျပန်မျောက်၀ံတွေက ခရီးသည်တွေရဲ့ အစားအစာ အိတ်စတာတွေက ယူသွားတတ်ပါတယ်တဲ့ ။

 

မိုဇူတွမ်း တွေကို ၃ရာစုနှောင်းပိုင်းနဲ့၆ရာစုကြားမှာ စတင်တည်ဆောက်ခဲ့ကြ ။ ရှေးဟောင်းသချိုင်းတွေဖြစ်ပြီးတော့ သော့ပေါက်ပုံ ၊ အ၀ိုင်းပုံ ၊ စတုဂံပုံ သချိုင်းကုန်းပေါင်း ၁၀၀ ကျော်ရှိပြီး ဒုတိယကမ်ဘာစစ်အပြီး နေအိမ်တွေတိုးလာတာကြောင့် ထက်၀က်ကျော်ပျက်စီးကုန် ။ အထင်ရှာဆုံး အင်ပါယာ ဂူဇိမ္မာန်တွေက အင်ပါယာနင်တိုကူ  နဲ့ အင်ပါယာ ရီချုး တို့ဖြစ်ပါတယ် ။ မိုဇူ အစုအ‌ေ၀းမှာ သချိုင်းဂူ ၄၄ခုရှိပြီးတစ်စိတ်တစ်ပိုင်းပျက်စီးပြီးတော့၁၉ခုကိုအမျိုးသားသမိုင်း၀င်နေရာအဖြစ်သတ်မှတ်ခံခဲ့ရပါတယ်

 

နေရှင်နယ်မြူစီဃမ်အော့ဖ်အတ်ဟာ အမ်အန်အေအိုလို့ လူသိများတဲ့နေရာဖြစ်ပါတယ် ။ အိုဆာကာမှာပြု လုပ်ခဲ့တဲ့ အိတ်စပို ဆမ်တီး ပြပွဲရဲ့ အကျိုးဆက်တစ်ခုဖြစ်ပြီး ပြပွဲအထိမ်းအမှတ်ပန်းခြံတစ်စိတ်တစ်ပိုင်းကို အမျိုးသားအနုပညာပြတိုက်အဖြစ် ၁၉၇၇ မှာဖွင့်လှစ်ခဲ့တာပါ ။ ၂၀၀၄ ဇန်န၀ါရီမှာတော့ ပြတိုက်ဟောင်းကိုဖြိုချ လက်ရှိတည်နေရာကိုပြောင်းပြီး ၂၀၀၁ နို၀င်ဘာမှာဖွင့်ခဲ့တာပါ ။ ၁၉၄၅ ကစလို့ ခုခောတ်ပြိုင်လက်ရာတွေအထိ  ပြည်တွင်းပြည်ပ ပညာရှင်တို.ရဲ. အနုပညာလက်ရာပေါင်း ၈၀၀၀ ခန့်ကို စုစည်းထားတဲ့ပြတိုက်ပါ ။

 

တန်နိုဂျီ တိရိစ္ဆာန်ရုံ က ၁၉၁၅ မှာဖွင့်ခဲ့ပြီး နိုင်ငံရဲ့ တတိယမြောက် တိရိစ္ဆာန်ရုံဖြစ်လို့ သက်တော်ရှည် တိရိစ္ဆာန်ရုံတစ်ရုံဖြစ်ပါတယ် ။ ခြသ်ေ့ ၊ ပန်ဒါနီ ၊ ပင်ဂွင်း ၊ ကြံ့ စတာတွေပါရှိနေပြီး တိရိစ္ဆာန်အမျိုးအစား ၂၃၀ နဲ့အကောင်ရေ ၁၀၀၀ ကျော်ရှိနေပါတယ် ။ ဧရိယာ ၁၀ဟက်တာသာရှိတာမို. သိပ်မကြီးတဲ့ နေရာဖြစ်ပေမယ့်  နှစ်စဥ်လာရောက်သူတစ်သန်းခွဲရှိတဲ့နေရာပါ ။ ။ တန်နိုဂျီ ပန်းခြံရယ် ၊ အိုဆာကာရဲ့ နာမည်ကျော် Picnic Area ရှိနေတဲ့နေရာရယ်တဲ့ တစ်ဆက်တစ်စပ်တည်းရှိနေတာပါ

 

Trip for Favorites 15 in OSAKA Video File ကို ဒီနေရာမှာကြည့်ပါ ။

ညဘက်လည်ပတ်ခြင်းနဲ.အစားအစာတို.ရဲ့ သုခဘုံ Dotonbori - Osaka

 

ဒိုတွန်ဘူရီ ။ သူကတော့ အစားတလိုင်းသမားများအတွက်ကတော့ ကောင်းကင်ဘုံပါပဲ ။

Kuidaore ကွီးဒေါရက် Culture ရဲ့မွေးရပ်မြေ လို့ဆိုကြပါတယ် ။ Kuidaore Culture ဆိုတာကတော့ သေဆုံးချိန်တိုင်အောင် ဇိမ်ကျကျစားသောက်ခြင်း လို့ဆိုရပါမယ် ။

ဒါဇင်ပေါင်းများစွာသော စားသောက်ဆိုင်တွေက Dotomborigawa မြစ်ကို တန်းစီထားပြီး နာမည်ကြီး ကြော်ငြာဘုတ်ကြီးတွေက လာရောက်သူများရဲ့အာရုံကို ဆွဲဆောင်လျက်ရှိသည်။

Dotombori ရဲ့နောက်ဘက်က ကျောက်ခင်းထားတဲ့ လမ်းတစ်လျှောက်ရှိ စားသောက်ဆိုင်ငယ်တွေဟာ အိုဆာကာမြို့ဟောင်းရဲ့ အရသာကို ပြန်ရစေပါတယ် ။ ကျဉ်းမြောင်းတဲ့ လမ်းတွေနဲ, လမ်းကြားများတစ်လျှောက်မှာ ရှိနေတဲ့  စားသောက်ဆိုင်နဲ့ ဘား တွေကရေတောင်မရေနိုင်ဘူး ။ အိုဆာကာရဲ့ အရသာရှိပြီး  စျေးနှုန်းသင့်တင့်တဲ့ အစားအစာတွေရနိုင်တဲ့နေရာ ဖြစ်ပါတယ် ။ အိုဆာကာဆိုတာ ရာစုနှစ်များစွာကြာအောင်  “လူမျိုးတို့ရဲ့ မီးဖိုချောင်” အဖြစ် လူသိများခဲ့တဲ့နေရာဖြစ်ပါတယ် ။

အဲ့ဒီမှာ ကျင်းပတဲ့ပွဲတော်တွေအနက် "မန်တိုရိုပွဲတော်" ဆိုတာလည်း ရှိပြီး  Dotmbori မြစ်ရဲ့ တစ်ဖက်တစ်ချက်စီမှာ မီးအိမ်တွေထွန်းညှိပြီးတော့ လှေပေါ်ရှိလူများ သီဆိုကခုန်ကြကာ အပူဒဏ်ကို ခံနိုင်ရန် စားသောက်နေကြတာကို   မြစ်ဘေးက အစားအသောက်ဆိုင်တွေက   မြင်တွေ့ရသူတွေက နှစ်သက်ကြပါတယ် ။

တူးမြောင်းကို လှည့်ပတ်ဖို့ မိနစ် 20 ပဲ ကြာတဲ့ Tonbori River Cruises တွေနဲ့ Glico အပြေးလူသား ဆိုင်းဘုတ်က အဲ့ဒီနေရာရဲ့ သက်ေတတွေပါ ။

သူတို့၏ဖောက်သည်တွေကိုဖျော်ဖြေဖို့  geisha မယ် တွေကို အသုံးပြုတဲ့ မြစ်မြောက်ဘက်ခြမ်းမှာကတော့ အရက်ဆိုင်ငယ်များနှင့်စားသောက်ဆိုင်များသည်တန်းစီပြီးစုပုံနေပါတယ်။ မြစ်၏တောင်ဘက်ခြမ်းဟာ တစ်ချိန်က ပြဇာတ်ခရိုင်လို့  လူသိများတဲ့ Dotombori ဧရိယာရဲ့ အလယ်ဗဟိုဖြစ်ပါတယ် ။  ယနေ့ခေတ်မှာတော့  ရောင်စုံနီယွန်ဆိုင်းဘုတ်များနှင့် ဖလက်ရှ်ဆိုင်းဘုတ်များကအဲ့ဒီ  ဧရိယာကို အသက်ဝင်စေပါတယ် ။

ဒီ ဒိုတွန်ဘူရီမှာ ဒေသထွက် အစားအစာများဖြစ်တဲ့ takoyaki နှင့် okonomiyaki အိုကိုနိုမီယာကီ လိုအစားအစာမျိုးကနေ ကနေ အဆင့်အတန်းမြင့်သော kappo ကပ်ပို  ဟင်းလျာများကဲ့သို့သော အရသာရှိသော ဟင်းလျာများအထိ  Osaka ဟာ  အစားအသောက်များစဥ်ဆက်မပြတ် ဖွံဖြိုးတိုးတက်နေသလို စားသုံးသူဝယ်လိုအား အထူးမြင့်မားတဲ့မြို့လည်းဖြစ်ပါတယ် ။ Sōemoncho ဆိုအဲမွန်ချော ဟာ ဘားတွေ ကလပ်တွေ  ကာရာအိုကေ ဆိုင်တွေနဲ.  Dōtonbori ဒေသရဲ့ ညနေခင်း သာယာလှပမှု ဗဟိုချက်ဖြစ်ပါတယ် ။ စားသောက်ဆိုင်အများစုဟာ နံနက်အစောကြီးအထိ ဖွင့်ထားတာကြောင့်  သီဆိုကခုန်ပြီး ဂျပန် ရိုးရာအမြန်အစားအစာများဖြင့် အားပြန်ဖြည့်နိုင်ပါတယ် ။ ၂၄ နာရီပတ်လုံးဖွင့်သည့် Ramen Zundo-Ya Shinsaibashi ဇန်ဒိုယ ရှင်ဆာအိဘရှိ မှာ နံနက်စောစော စာစားပြီးမှပြန်လို့လည်းရပါတယ် ။

 

ဂလိုင်ကိုမန်း ဆိုင်းဘုတ်ဟာဆိုရင် ၁၉၃၅ လောက်မှာ စတင်မွမ်းမံခဲ့ပြီး အရင်က နီယွန် ဗားရှင်းတွေပဲဖြစ်ပြီးတော့ ခုနောက်ဆုံးမှာတော့ 6th generation နှင့် LED နည်းပညာကို ပထမဆုံးအသုံးပြုသည့် အမှတ်တံဆိပ်အဖြစ် အသိအမှတ်ပြုထားကြပါတယ် ။ အပြေးသမားဟာ အာရှရဲ့ အကျော်ကြားဆုံး မုန့်များထုတ်လုပ်တဲ့ ကုမ္ပဏီတစ်ခုဖြစ်တဲ့ Glico ကို ကြော်ငြာတာပါ ။ Glico ၏ လူကြိုက်အများဆုံးထုတ်ကုန်မှာ Pocky ဖြစ်တယ်လို့သိရပါတယ် ။

 

ပြီးတော့ ဂဏန်းစားသောက်ဆိုင်တစ်ခုရှေ.က နာမည်ကျော် ဂဏန်းပုံဟာလည်း ၁၉၆၀ မှာတည်ဆောက်ခဲံပြီးလက်တွေ မျက်လုံးတွေ လှုပ်နေလို့ရအောင်စက်တွေအသုံးပြထားခဲ့တာပါ ။ ၆မီတာခွဲလောက်ရှိတဲ့ ဂဏန်းရုပ်ကလည်းအများစိတ်၀င်စားကြပါတယ် ။

 

ဒိုတွန်ဘူရီမှာအရင်က ရိုးရာဖျော်ဖြေမှုများနဲ.သာ ခရီးသွားတွေကိုဆွဲဆောင်ခဲ့ပြီး နောက်ပိုင်းအများစိတ်၀င်စားမှုအားနည်းလာသလို ကျန်ရှိနေတဲ့ ရုပ်ရှင်ရုံ ၅ရုံကလည်း ဒုကမ္ဘာစစ်မှာ ဗုံးကြဲဖျက်ဆီးခံခဲ့ရပါတယ် ။ ဒါဟာခောတ်သစ်ဖျော်‌ဖြေမှုတွေဘက်ဆီပြောင်းလဲလာမယ့်လမ်းရဲ့အစလို့ပြောလို့ရမယ်ထင်ပါတယ် ။

 

ဒိုတွန်ဘူရီ သို.သွားရောက်လည်ပတ်ခြင်း Video Part 1 ကိုကြည့်ဖို့ ဒီနေရာကိုနှိပ်ပါ ။

ဒိုတွန်ဘူရီ သို.သွားရောက်လည်ပတ်ခြင်း Video Part 2 ကိုကြည့်ဖို့ ဒီနေရာကိုနှိပ်ပါ ။

Osaka Todaiji Temple သို့ သွားရောက် ဖူးမျှော် ခြင်း

 

အိုဆာကာ နှင့် နရာ အကွာအဝေး မှာ ကားလမ်းအားဖြင့် ၃၂ ကီလိုမီတာဝေးကွာ နာရီဝက်ခန့်မောင်းနှင်ရပါသည် ။ ရထားနှင့်ဆိုလျှင် မိနစ် ၅၀ မှ တစ်နာရီနီးပါးအထိစီးရပါသည် ။ ၂၀၂၂ ဧပြီ မှစ၍ အိုဆာကာ ၊ နရာ ၊ ကျိုတို ကို ဖြတ်ပြေးသော ဆိုက်ဆီးထရိန်းများပါ  အသစ်ပေးဆွဲပေးနေသည် ။

Nara သည် ဂျပန်ရိုးရာမြို့တစ်မြို့ကို ခံစားလိုသော ခရီးသွားများအတွက် အသင့်တော်ဆုံးနေရာဖြစ်သည်။ ကမ္ဘာတစ်ဝှမ်းမှ ဧည့်သည်များသည် ၎င်း၏ ကျော်ကြားသော သမိုင်းဝင် အဆောက်အအုံများ၊ ချစ်စရာ သမင်များနှင့် အရသာရှိသော ဒေသအစားအစာများကြောင့် Nara စီရင်စုကို နှစ်သက်ကြသည်။

ဘုရားကျောင်းသို့ လာရောက်လည်ပတ်သူများသည် ယန်း ၂၀၀ ဝန်းကျင်ဖြင့် ရောင်းချသည့် shika senbei ရှီကားဆင်းဘဲ မုန့်တွေကို ဝယ်ပြီး  အနီးနားရှိ Nara Park မှ သမင်များကို ကိုယ်တိုင်ကျွေးနိုင်မည်ဖြစ်သည်။

Todaiji သို.သွားရာ လမ်းတွင် တောင်ဘက်ဝင်ပေါက်ဖြစ်သည့်  Nandaimon Gate တွင် ခက်ထန် ကြမ်းတမ်းသောအစောင့် ရုပ်တုနှစ်ခု ရှိနေသည့် သစ်သားတံခါးကြီးတစ်ခုရှိသည်။ နီယိုဂါးဒီးယန်းဘုရင်များကို ကိုယ်စားပြုသည့် ရုပ်တုများ နှင့် ထို တံခါးတို့ကို  နိုင်ငံတော်အမွေအနှစ် နိုင်ငံ့ဘဏ္ဍာအဖြစ် သတ်မှတ်ပေးထားသည်။

Todaiji (東大寺၊ Tōdaiji၊ "Great Eastern Temple") သည် ဂျပန်နိုင်ငံ၏ အကျော်ကြားဆုံးနှင့် သမိုင်းကြောင်းအရ အရေးပါသော ဘုရားကျောင်းများအနက် တစ်ခုဖြစ်ပြီး  Nara ဒေသ ၏ အထင်ကရနေရာတစ်ခုဖြစ်သည်။   Nara မြို့တွင် တည်ရှိသော တစ်ချိန်က တန်ခိုးကြီးသော ဘုရားကျောင်း ခုနစ်ခုအနက်မှ တစ်ခု  ဖြစ်သည်။ မူလက ခရစ်နှစ် ၇၃၈ တွင် စတင်တည်ထောင်ခဲ့သော်လညf; ခရစ်နှစ် ၇၅၂ ခုနှစ်အထိ ဖွင့်လှစ်ထားခြင်း မရှိပေ။

ဘုရားကျောင်းသည် ထိုအချိန်မှစပြီး ပြန်လည်တည်ဆောက်မှုများစွာပြုလုပ်ခဲ့ပြီး အထူးခြားဆုံးပြန်လည်တည်ဆောက်မှု (မဟာဗုဒ္ဓခန်းမ) ကို 1709 ခုနှစ်တွင်ပြုလုပ်ခဲ့သည်။ ၎င်း၏ Great Buddha Hall (大仏殿 Daibutsuden)  ဂျပန်ဘာသာဖြင့် Daibutsu (大仏) ဟုသိကြသော ကမ္ဘာ့အကြီးဆုံး ကြေးဆင်းတုတော်ဖြစ်သည့် ဗုဒ္ဓ ဆင်းတုတော် တည်ရှိရာနေရာဖြစ်သည်။   ဘုရားကျောင်းသည် နာရာမြို့ရှိ ဘုရားကျောင်းများ၊ နတ်ကွန်းများနှင့် နေရာများ အပါအဝင် အခြားနေရာ ၇ ခုနှင့်အတူ "ရှေးဟောင်း Nara ၏ သမိုင်းဝင် အထိမ်းအမှတ်များ" များထဲမှ တစ်ခုအဖြစ် ယူနက်စကို မှကမ္ဘာ့အမွေအနှစ်စာရင်းဝင် နေရာဟုသတ်မှတ်ထားသည်။

အမြင့် 15 မီတာရှိသော ထိုင်တော်မူဆင်းတုတော်သည် Vairocana ကိုကိုယ်စားပြုပြီး နံဘေးတွင် ဘုရားလောင်းနှစ်ပါး ပုံကိုပါထုလုပ်ပူဇော်ထားသည်ဟု သိရပါသည် ။

743 ခုနှစ်တွင် ဧကရာဇ် Shomu ဆေးမု သည် ဂျပန်နိုင်ငံတစ်ဝှမ်းရှိ ဗုဒ္ဓဘာသာဘုရားကျောင်းသစ်များ တည်ထောင်ရာတွင် လူများ တိုက်ရိုက်ပါဝင်သင့်သည်ဟု ပြဋ္ဌာန်းခဲ့သည်။ ဧကရာဇ်မင်းသည် ထိုကဲ့သို့ ရိုသေလေးစားမှုသည် မိမိနိုင်ငံကို နောက်ထပ်ကပ်ဘေးမှ ကာကွယ် ပေးမည်ဟု ယုံကြည်သည်။ Gyōki ဂျိုးကီ သည် တပည့်များနှင့်အတူ အလှူငွေတောင်းခံရာ ပြည်နယ်များသို့ ခရီးထွက်ခဲ့သည်။ Tōdai-ji မှ သိမ်းဆည်းထားသည့် မှတ်တမ်းများ အရ စုစုပေါင်း လူပေါင်း 2,600,000 ကျော်သည် မဟာဗုဒ္ဓ နှင့် ၎င်း၏ ခန်းမကို ဆောက်လုပ် ပေးခဲ့ကြသည်။ ဆန်၊ သစ်၊ သတ္တု၊ အထည်၊ သို့မဟုတ် လုပ်အား လှူဒါန်းခြင်း၊ ရုပ်တုတည်ဆောက်မှုတွင် တိုက်ရိုက်လုပ်ကိုင်သူ 350,000 ရှိသည်။

အမြင့် 16 မီတာ (52 ပေ)  ရုပ်တုကို သုံးနှစ်တာကာလအတွင်း သွန်းလုပ်မှု ရှစ်ခုဖြင့် တည်ဆောက်ခဲ့ပြီး ဦးခေါင်းနှင့် လည်ပင်းကို သီးခြား ပေါင်းစပ်ထားသည်။ ရုပ်တုကို Shigaraki တွင် ပထမဆုံး စတင်ပြုလုပ်ခဲ့သည်။ မီးဘေးနှင့် ငလျင်ဒဏ်ကို ကြံ့ကြံ့ခံပြီး ၇၄၅ ခုနှစ်တွင် နရာမြို့၌ ပြန်လည်တည်ဆောက်ခဲ့ပြီး နောက်ဆုံးတွင် ၇၅၁ ခုနှစ်တွင် မြတ်စွာဘုရားအား ပြီးစီးခဲ့သည်။ တစ်နှစ်အကြာ ၇၅၂ ခုနှစ်တွင် ပင့်သံဃာ ၁၀၀၀၀ ပင့်ဆောင်ကာ ပင့်ဆောင်ခဲ့သည်။   ရုပ်တုသည် ဂျပန်နိုင်ငံ၏ ကြေးဝါအများစုကို အသုံးပြုပြီး တင်သွင်းလာသော ရွှေများကို လုံးလုံးလျားလျား မှီခိုအားထားသောကြောင့် အဆိုပါ ပရောဂျက်သည် ဂျပန်နိုင်ငံအတွက် များစွာ ကုန်ကျခဲ့သည်။ အချင်း 1.5 မီတာ နှင့် 30 မီတာ ရှည်သော ယွန်းဆေး တိုင် ၄၈ တိုင်သည် Daibutsu-den ၏ အပြာရောင် ကြွေပြားအမိုးကို ထောက်မထားသည်။

ထူးခြားမှုတစ်ခုအနေဖြင့် Daibutsu ၏နှာခေါင်းပေါက်နှင့်အရွယ်အစားတူသော  အပေါက်တစ်ခုပါသည့်တိုင်တစ်ခုရှိသည်။ ဤဝင်ပေါက်ကို ဖြတ်ကျော်နိုင်သူများသည် နောင်ဘဝတွင် ဉာဏ်အလင်းရလိမ့်မည်ဟု ယုံကြည်ကြခြင်းဖြစ်သည်။

Daibutsuden Hall တွင်လည်း ယခင်နှင့် လက်ရှိ အဆောက်အဦများ၏ နမူနာပုံစံများ ၊ သေးငယ်သော ဗုဒ္ဓရုပ်ပွားတော်များကို ပြသထားသည်။

Todaiji ၏မြေနေရာသည် ကျယ်ဝန်းပြီး Daibutsuden Hall အနီးတစ်ဝိုက်တွင် သေးငယ်သော ဘုရားကျောင်းခန်းမများနှင့် စိတ်ဝင်စားဖွယ်နေရာများအပါအဝင် Nara Park ၏ မြောက်ပိုင်းနေရာအများစုကို လွှမ်းခြုံထားသည်။

 ဝင်ကြေး မှာ ယန်း ၆၀၀ ဖြစ်ပြီး ကလေးငယ်များအတွက် ယန်း ၃၀၀ ဖြစ်သည်  ။

Tōdai-ji ကို ဂျပန်ရုပ်ရှင်များနှင့် ရုပ်မြင်သံကြားဒရာမာများ ရိုက်ကူး ရာနေရာတစ်ခုအဖြစ်လည်း အသုံးပြုခဲ့သည်။ 1950s John Wayne ၏  The Barbarian and the Geisha တွင်လည်းကောင်း ၊ 2007 ခုနှစ် ကာတွန်းစီးရီး Mononoke ၊ 2006 ထိတ်လန့်ဖွယ်ဝတ္ထုစီးရီး Ayakashi: Samurai Horror Tales ၊ Age of Empires II စသည်တို.တွင်ပါဝင်သကဲ့သို့ ၁၉၉၄ ခုနှစ် မေလ 20 ရက်နေ့တွင် ယူနက်စကို၏ ပံ့ပိုးမှုဖြင့် The Great Music Experience ကို ဗြိတိန်ထုတ်လုပ်သူ Tony Hollingsworth မှ စီစဉ်ပြီး  ဤပွဲကို မေလ 22 နှင့် 23 ရက်   နိုင်ငံပေါင်း 55 နိုင်ငံတွင် တစ်ပြိုင်နက်ထုတ်လွှင့်ခဲ့သည် ။

Osaka Todaiji Temple သို့ သွားရောက် ဖူးမျှော် ခြင်း ကို ဒီမှာ နှိပ် ပြီး ကြည့်ပါ

အိုဆာကာ က တန်နိုဂျီပန်းခြံ - Tennoji Park Osaka

 

၁၉၀၉ ခုနှစ်တည်းကတည်ဆောက်ခဲ့တဲ့ပန်းခြံဖြစ်ပါတယ် ။

အကျယ်အဝန်း ၂၈.၈ ဟက်တာ ရှိပြီး ၀င်ကြေးမရှိပဲ နေ.တိုင်းဖွင့် တဲ့ပန်းခြံပါ ။

၁၉၀၃ ခုနှစ်မှာ ပြည်တွင်းစီးပွားရေး ဖွံ့ဖြိုးဖို. ပဥ္စမအကြိမ်မြောက် အမျိုးသားစက်မှုပြပွဲတစ်ခုကို ခုနေရာမှာပြုလုပ်ခဲ့ပါတယ် ။ ပြည်ပနိုင်ငံတွေကပါ လာရောက်ပြသခဲ့ကြပြီး ဓါတ်လှေကားပါတဲ့တာ၀ါ ၊ မီးရောင်စုံထွန်းညှိထားတဲ့ပြဇာတ်ရုံ တွေပါခဲ့သလို အဲ့ဒီပြပွဲမှာ အမေရိကန်ကားတွေအပါအ၀င် နောက်ဆုံးပေါ်သိပ္ပံနည်းပညာတွေ ပြသခဲ့ကြပါတယ် ။ အဲ့ဒီ ပြပွဲပြီးသွားတဲ့အခါမှာ အဆောက်အဦးတွေကိုဖြိုဖျက်ပြီး ဒီပန်းခြံကိုတည်ဆောက်ခဲ့တာပါ ။ သူ.နားမှာရှိတဲ့ တန်နိုဂျီ တိရိစ္ဆာန်ရုံက ၁၉၁၅ မှာဖွင့်ခဲ့ပြီး နိုင်ငံရဲ့ တတိယမြောက် တိရိစ္ဆာန်ရုံဖြစ်ပါတယ် ။

အိုဆာကာရဲ့ နာမည်ကျော် Picnic Area ရှိနေတဲ့နေရာဖြစ်သလို အငြင်းပွားဖွယ်ရာ ရှေးဟောင်းသချိုင်းတစ်ခု ၊ ပန်းချီဆန်လွန်းတဲ့ တံတားတစ်စင်းနဲ.ရေကန် ၊ ဂျပန်နိုင်ငံရဲ. တတိယမြောက် တိရိစ္ဆာန်ရုံ တို.နဲ့ဆက်စပ်နေတဲ့နေရာ လည်းဖြစ်ပြီး  အိုဆာကာရဲ. အထပ်မြင့်မြင်ကွင်းအချို. ကိုလှမ်းမြင်နေရတဲ့ နေရာ ဖြစ်ပါတယ် ။

တန်နိုဂျီပန်းခြံကိုသွားရောက်လည်ပတ်တဲ့ Video ကြည့်ဖို့ ဒီနေရာကို နှိပ်ပါ ။

Anime , Manga နဲ့ Japan Used Electronic ပစ္စည်းတွေ စုံတဲ့နေရာသို့

 

အီဒိုခေတ်တွင်၊ ဤခရိုင်ကို နာဂါမချီ   လို့နာမည်ကျော် ။ 1792 နှင့် 1872 တွင် Osaka မြူနီစပယ်အစိုးရက ခရိုင်ကို Nagamachi မှ Nipponbashi သို့ အမည်ပြောင်းခဲ့သည်။ Meiji မဲအိဂျီနှင့် Taisho တအိရှို ကာလများအတွင်း တစ်ပတ်ရစ် စာအုပ်ဆိုင်များစွာ ဖွင့်လှစ်ခဲ့သည်။ ဒုတိယကမ္ဘာစစ်အပြီးတွင် လူသုံး အီလက်ထရွန်းနစ်ပစ္စည်းဆိုင်များ အများအပြားဖွင့်လှစ်ခဲ့ပြီး Den Den Town အဖြစ် လူသိများလာခဲ့သည်။

 

"Nipponbashi" သည် Dotonbori တူးမြောင်းကိုဖြတ်၍ တံတား၏  နာမည်နှင့် အတူတူဟု သိရပါသည် ။  ညှိနှိုင်းစျေးဖြင့်‌ရောင်း သောနေရာတွင် နာမည်ကျော် သည် ။

Den Den Town သည်  ဆာကအိစုကျီ မြေအောက်ရထားလိုင်းတစ်လျှောက် Nipponbashi ဘူတာနှင့် Ebisucho အဲဘိစုချို ဘူတာကြားနေရာများကို  သိမ်းပိုက်ထားသည်။ Sakaisuji Avenue ၏ အဓိကလမ်းမကြီးတစ်လျှောက်တွင် Joshin၊ Sofmap နှင့် Bic Camera ကဲ့သို့သော အီလက်ထရွန်နစ်ပစ္စည်းဆိုင်များစွာရှိသည် ။

ဒီဧရိယာနဲ့ ပတ်သက်ပြီး  စိတ်ဝင်စားစရာက တိုကျိုလို နေရာမျိုးတွေထက် အပြိုင်အဆိုင် ဈေးပိုရတဲ့ အီလက်ထရွန်းနစ် စတိုးဆိုင် အတော်များများ ရှိနေတာပဲဖြစ်ပါတယ်။ လမ်းတစ်လျှောက်တွင် စုဆောင်းနိုင်သော ရုပ်ပွားတော်များ၊ ဒီဗီဒီများ ပေါ့ပ်ယဉ်ကျေးမှုဆိုင်ရာ စတိုးဆိုင်များစွာလည်း ရှိပါတယ်။ မကြာသေးမီနှစ်များအတွင်း နိုင်ငံခြားခရီးသွားများ ဝင်ရောက်လာစေရန်အတွက် အခွန်ကင်းလွတ်စတိုးဆိုင်အချို့ကိုလည်း ဖွင့်လှစ်ပေးခဲ့ပါတယ် ။

 

Sakaisuji Avenue နှင့်အပြိုင် ပြေးနေသည့် လမ်းသည် Ota Road (“Otaku Road” အတိုကောက်ဖြစ်ပြီး ) ထိုဒေသရှိ anime နှင့် manga ဆိုင်ရာ စတိုးဆိုင်အများစု၏ အဓိကနေရာဖြစ်သည်။ Yellow Submarine နှင့် Animate ကဲ့သို့သော စတိုးဆိုင်များ ဂိမ်းနှင့် anime/manga များကို အသီးသီးရွေးချယ်ခြင်းဖြင့် အမာခံဂျပန်ပေါ့ပ်ယဉ်ကျေးမှုအမာခံပရိတ်သတ်အများစုကိုပင် ကျေနပ်စေနိုင်ပါတယ် ။  စုဆောင်းနိုင်သောရုပ်တုများအပြင် ခေတ်ဟောင်းဗီဒီယိုဂိမ်းများရောင်းချသည့် စတိုးဆိုင်ငယ်များစွာရှိသည်။ အသုံးပြုပြီးသား Nintendo 64 ဂိမ်းတွေအပြင် SNES နဲ့ Sega Mega Drive အပါအဝင် ဂိမ်းစက်အဟောင်းတွေတောင် ရွေးချယ်နိုင်တဲ့ စတိုးဆိုင်တွေများစွာရှိပါ တယ်။

Anime , Manga နဲ့ Japan Used Electronic ပစ္စည်းတွေ စုံတဲ့နေရာသို့ လည်ပတ်ခြင်းVideo ကြည့်ရန် နှိပ်ပါ

Anime Paradise သို.အလည်တစ်ခေါက် သွားရောက်ခြင်း Video ကြည့်ရန်နှိပ်ပါ

ကိုဘေးတရုတ်တန်း နဲ့ နာမည်ကျော် ကိုဘေးအမဲသားကင်

 

ဒီစျေးတန်းရှိတဲ့နေရာဟာ ၁၈၆၈ ကစခဲ့တာဖြစ်ပြီး အဓိက နန်ကင်မြို့ကတရုတ်တွေ လာအခြေချတဲ့နေရာမို. နန်ကင်းမာချီဆိုတဲ့အမည်ပေးခဲ့တာပါ ။ ဒါပေမယ့် ဒုတိယ ကမ္ဘာစစ် မှာ မဟာမိတ်တွေ ဗုံးကြဲခဲ့တာကြောင့် စားသောက်ဆိုင်တွေအိမ်တွေပျက်စီးသွားခဲ့ပြီး စစ်အပြီးမှာ ကျန်နေတဲ့တရုတ်အသိုက်အဝိုင်းတွေက ပြန်တည်ဆောက်ခဲ့ကြရတာပါ ။ တစ်ခါ  ၁၉၉၅ ငလျင်ကြောင့်ကြီးကြီးမားမားပျက်စီးခဲ့ရပြန်ပါတယ် ။ ခုတော့ ကိုဘေးတရုတ်တန်းဟာ နိုင်ငံခြားသားတွေကို အဓိကဆွဲဆောင်မှု တွေထဲကတစ်ခုဖြစ်ပြီး တရုတ်ဘုရားကျောင်း နဲ. အမှတ်တရပစ္စည်းဆိုင် ၊ ကလပ်အချို့ နဲ့တရုတ်စားသောက်ဆိုင် တစ်ရာခန့် စည်ကားနေတဲ့နေရာပါ ။ တရုတ်ထုံးစံဖြစ်တဲ့ ဒင်းဆမ်း ၊ ဖက်ထုပ် ၊ ပေါင်မုန့် ၊ ခေါက်ဆွဲ နဲ. အသားကင်ဆိုင်ကအများစုပါ ။

ကိုဘေးအမဲသားဟာ ဂျပန်နိုင်ငံ ဟိုင်ဂိုခရိုင် မှာမွေးမြူထားတဲ့ တာဂျီမာ မျိုးကွဲ မှ အမဲသားဖြစ် ။ နူးညံ့ခြင်း နဲ့ ထူးကဲတဲ့အရသာဟာ နာမည်ကျော်ရခြင်းရဲ့ အဓိကအချက်ဖြစ်ပါတယ် ။

ဒုတိယ အေဒီရာစုခောတ်မှာ တရုတ်နိုင်ငံကနေ ဂျပန်ကိုကျွဲနွားတွေပို.ဆောင်ခဲ့ ပါတယ်။ ၁၈၆၈ မေဂျီ ပြန်လည်ထူထောင်ရေးကာလမှာတော့  ကျွဲ နွားတွေကို မြန်မာလိုပဲစိုက်ပျိုးရေး ၊ သယ်ယူပို့ဆောင်ရေး ၊ သတ္တူတူးဖော်ရေး နဲ့မြေသြဇာရင်းမြစ်အဖြစ်ပါအသုံးပြုခဲ့တာပါ  ။ နွားနို.ကိုလည်းသောက်ရကောင်းမှန်းမသိသလို အသားကိုလည်း ဘာသာရေး ၊ ယဥ်ကျေးမှု  ဆိုင်ရာတို.ကြောင့်မစားခဲ့ကြပါဘူး ။ ဒုတိယကမ္ဘာစစ်ပြီးချိန်ထိ အမဲသားစားသုံးမှု နည်းပါးခဲ့ပြီး ၁၉၈၀ နဲ. ၁၉၉၀ ကြားမှာမှ ကိုဘေးအမဲသားဟာနာမည်ကျော်လာတာပါ ။ ၂၀၀၉ မှာရောဂါအခြေအနေကြောင့် အမေရိကန်ကို အမဲသားပို့ခွင့် တားမြစ်ခံခဲ့ရပြီး ၂၀၁၂ သြဂုတ်နောက်ပိုင်းကစ အိတ်စပို.ကောင်းကောင်းပြန်လုပ်ခဲ့ပါတယ် ။ ၂၀၁၂ ကစလို့ အမေရိကန် ၊ စက်ာပူ ၊ ထိုင်း ၊ ယူကေ ၊ ကနေဒါတို.ကို တင်ပို့ခဲ့ ။ တစ်ပွဲကိုတော့ ယန်း ၃၅၀၀ - ၅၀၀၀ နီးပါးကျ သင့်ပါတယ် ။

  နာမည်ကျော် ကိုဘေးအမဲသားကင်သွားရောက်စားသုံးခြင်းVideo ကြည့်ရန် နှိပ်ပါ

နဂိုယာငါးပြတိုက် - Port of Nagoya Public Aquarium

 

ဒီနေရာဟာ အကွာရီယမ်အပြင် အခြားသောပြတိုက်တွေ ခန်းမတွေလည်းရှိနေပါတယ် ။

‌လင်းပိုင် လေးတွေရဲ့ဖျော်ဖြေမှု ဟာ မိနစ်၂၀ခန့်ကြာပြီးတော့  North Building အဆောက်အဦးရဲ့ ၃လွှာ မှာတင်ဆက်တာဖြစ်ပါတယ် ။ အဲ့ဒီတင်ဆက်တဲ့ရေကန်ဟာ ဂျပန်နိုင်ငံရှိ အကြီးဆုံးရေကူးကန်ဖြစ်ပြီး (မီတာ 60 အရှည်၊ အကျယ် 30 မီတာနှင့် အနက် 12 မီတာ) ရှိပါတယ် ။

အော်ကာဆိုတဲ့ သမုဒ္ဒရာရဲ. ဘုရင် ဝေလငါးတစ်မျိုးရဲ့ တင်ဆက်မှုကိုလည်း အဲ့ဒီနေရာမှာပဲ ၁၅မိနစ်လောက်ကြည့်ရှုရမှာပါ ။

ဘီလူဂါဆိုတဲ့ ဆိုတဲ့အဖြူရောင်ဝေလငါးရဲ့ တင်ဆက်မှုကိုလည်း ၁၅မိနစ်စာ ကြည့်ရှုူ ကြရမှာဖြစ်ပါတယ် ။

North Building ရဲ့ ဒုတိယထပ်မှာတော့ ဘီလူဂါ တွေ က သူတို.ရဲ့သားကောင်တွေကိုဘယ်လိုဖမ်းတယ်ဆိုတာကို ၁၀မိနစ်ခန့်ကြည့်ရှုရမှာဖြစ်ပြီး ဒီအစီအစဥ်ကတော့ စနေ ၊ တနဂ်နွေ ၊ Golden Week နဲ့ Summer Holiday တွေမှာသာ တင်ဆက်တယ်လို့သိရပါတယ် ။

Tornado of Sardine ဆိုတဲ့အစီအစဥ်ကိုတော့ အဆောက်အဦးရဲ့ ဒုတိယထပ်မှာရှိတဲ့ The Large Kuroshio Tank မှာကြည့်ကြရမှာပါ ။ ဆာဒင်းငါး  35,000 ရဲ့ သွက်လက်စွာ ကခုန်ခြင်းကို  အံ့ဩဘွယ်ရာ ကြည့်ကြရမှာပါ ။

Diver Communication ဆိုတဲ့အစီအစဥ်ကတော့ ပထမထပ်မှာရှိတဲ့ သန္တာကျောက်တန်းတွေပါရှိတဲ့ ရေကန်အတွင်းမှာ ရေငုပ်သမားတွေက ရေအောက်ကင်မရာနဲ. ရိုက်ကူးတင်ဆက်တာကို မော်နီတာကနေတစ်ဆင့်ကြည့်ရှူကြရမယ့်အစီအစဥ်ပါ ။

ဒါ့အပြင် ပင်ဂွင်းတွေရဲ့ တင်ဆက်မှု ၊ သူတို.အစာစားချိန် နဲ့ ပင်လယ်လိပ်တွေအစာကျွေးချိန် ၊  Kuroshio Tank ထဲမှာရှိတဲ့အခြားသော ရေနေသတ္တဝါတွေရဲ့ အစာစားတာတွေကို ပြသတာလည်းရှိပါတယ် ။

ဒုတိယလွှာ နဲ့ တတိယလွှာ မှာ ရုပ်ရှင်ရုံ လေးတွေရှိပြီး တိရိစ္ဆာန်များနှင့် သဘာဝပတ်ဝန်းကျင်ဆိုင်ရာ အံ့မခန်းရုပ်ရှင်များကို နာရီ၀က်ခန့်စီတင်ဆက်ပေးနေတယ်လို့လည်းဆိုပါတယ် ။

ပုံမှန်အချိန်မှာတော့ ၀င်ကြေးက တစ်ဦး ကို ယန်း ၂၀၃၀ ကျသင့်ပြီး ကလေးငယ်တွေအတွက်က ယန်း ၅၀၀ ပါ ။

နဂိုယာငါးပြတိုက်သို့ သွားရောက် ခြင်း Video ကြည့်ရန် နှိပ်ပါ

အိုဆာကာ ငါးပြတိုက် - Osaka Aquarium Kaiyukan

 

အိုဆာကာပင်လယ်အော် အိုဆာကာစီရင်စု Minato  မှာရှိတဲ့ Osaka Kaiyauan Aquarium  ဟာ အိုဆာကာပင်လယ်အော်ဒေသ ပြန်လည်ဖွံ့ဖြိုးရေး အစီအစဥ်ထဲက တစ်ခုဖြစ်ပါတယ် ။  အဲ့ဒီ ပြတိုက်ဟာ ၁၉၈၈ မှာစတင်တည်ဆောက်ပြီး ၁၉၉၀ မေလ ကဖွင့်ခဲ့တာပါ ။ ဖွင့်ပြီးပြီးချင်း ရက် ၄၀ မှာ လေ့လာသူပေါင်း တစ်သန်းကျော် ၊ ၁၀၁ရက်အထိမှာ ၂သန်း ၊ တစ်နှစ်လုံးမှာ ၅.၆သန်း ၊ ၂၀၁၇ မှာ လေ့လာသူပေါင်း ၇၅သန်းအထိရှိခဲ့ပါတယ်။ ဂျပန်နိုင်ငံမှာ လာရောက်လည်ပတ်သူအများဆုံးငါးပြတိုက်ဖြစ်ပြီး  သတ္တ၀ါပေါင်း ၂၉၀၀၀ လောက်ကိုထည့်သွင်းပြသထားတာပါ ။ သူဖွင့်လှစ်ခဲ့ချိန်ကတော့ ကမ္ဘာပေါ်မှာ အကြီးဆုံးငါးပြတိုက်ဖြစ်ပြီး ခုအခါမှာတော့ တရုတ်နိုင်ငံက China Chimelong Ocean Kingdom ကအကြီးဆုံးဖြစ်သွားပါပြီ ။

ပြတိုက်၀င်ခွင့်လက်မှတ်က ယန်း ၂၄၀၀ ပါ ။ ပြတိုက်မှာ အထပ်လိုက်ပြခန်းလမ်းညွှန်တွေထားရှိပေးပါတယ်  ။ လက်ကမ်းစာစောင်မှာ အဂ်လိပ် ၊ တရုတ် ၊ ကိုရီးယားဘာသာအပြင် ထိုင်းဘာသာနဲ့ပါ ကြည့်လို.ရပါတယ် ။ Audio Guide Service လည်းငှားလို့ရပြီးတော့  ဂျပန် ၊ အဂ်လိပ် ၊ တရုတ် ၊ ကိုရီးယားဘာသာတွေနားဆင်နိုင်ပြီး တိရိစ္ဆာန်လေးတွေရဲ့အံ့သြဘွယ်ကောင်းတဲ့ ပုံပြင်တွေ ၊ အမူအကျင့်တွေကအစသိရနိုင်ပြီး ငှားရမ်းခက ယန်း ၆၀၀ ပါ ။

၀င်ဝင်ချင်းမှာတော့ ရေအောက်ဥမင်ထဲကဖြတ်လျှောက်သွားရသလို အရသာမျိုး ကြုံရမှာဖြစ်ပြီး ၈လွှာအထိကို စက်လှေကားနဲ့တက်ရပါတယ် ။ အပေါ်ကနေပြခန်းတစ်ခုစီကြည့်ရင်း အောက်ကိုပြန်ဆင်းလာရတာပါ ။ အဲ့ဒီ ၈လွှာမှာ ဆိုတဲ့ပြခန်းတစ်ခုရှိပြီး အဲ့ဒီပြခန်းက အများမြင်နေရတဲ့ ပြခန်းတွေကိုရှေ.ကကြည့်ရတာမျိုးမဟုတ်ပဲမြင်ရတာမျိုးဖြစ်ပြီး အထဲမှာတော့ ဓါတ်ပုံရိုက်ခွင့်မပြုပါဘူး ။ အဲ့ဒီထဲကို၀င်ရင် နောက်ထပ် ယန်း တစ်ထောင် တန်လက်မှတ်ဝယ်ရတာပါ ။

 

အိုဆာကာ ငါးပြတိုက်မှာ ဘာတွေပြထားလည်းဆိုတော့

 

အိုဆာကာငါးပြတိုက်မှာက ဒေသအလိုက်ပြခန်းတွေ ပြသထားတာဖြစ်ပြီး ၀င်၀င်ချင်းမှာ Aqua Gate ဆိုပြီးမြင်ရမှာပါ ။ ပြီးရင် ၈ လွှာက စပြီး Japan Forest , Aleutian Island , Monterey Bay , Gulf of Panama , Ecuador Rain Forest , Antarctica , Tasman Sea , Great Barrier Reef , Pacific Ocean , Seto Inland Sea ,Seasonal Exhibits , Costs of Chile , Cook Strait , Japan Deep & Jellyfish ဆိုပြီးသူ.ပြကွက်နဲ့သူ စီစဥ်ထားတာပါ ။

ဒါ့ကြောင့်လည်းအချို့ပြခန်းတွေမှာက ကုန်းနေသတ္တ၀ါ နဲ. ရေနေသတ္တ၀ါတွေ ရောပြထားတာမျိုးတွေ့ရတာပါ ။ ဥပမာ Japan Forest မှာဆိုရင် ‌အာရှဖျံငယ်တွေ ၊ မြစ်ဂဏန်းတွေ ၊ ဂျပန်ရေပုတ်သင်ကြီးမျိုးတွေ နဲ. ရေတံခွန်တွေ ၊တောအုပ်တွေ ၊ စမ်းချောင်းလေးတွေ ၊ ကျောက်တောင်တွေစသည်ဖြင့်တွေ့ရမှာပါ ။ စပက်တီကယ် အိုင်းဒါးဒတ် လို ၀မ်းဘဲအမျိုးအစားတစ်မျိုးလည်းတွေရပါတယ် ပါပဲ ။ သူတို.နဲ့အတူ ငါးလေးတွေလည်းတွဲမြင်ရမှာဖြစ်ပြီး သူတို.ကရေပေါ္မှာကူးနေသလို ငါးလေးတွေကလည်းရေအောက်မှာ ကူးနေကြပြီး  သက်ရှိတွေပူးတွဲနေထိုင်တဲ့ကမ္ဘာကြီးရဲ. သဘာ၀ဂေဟဗေဒ စနစ်ကိုလေ့လာနိုင်အောင်တင်ဆက်ထားပုံရပါတယ် ။

Aleutian Island ဆိုရင် ဦးစွန်းမွေးပါတဲ့ မြောက်အတ္တလန္တတိတ် ပင်လယ်ပျော်ငှက်တွေ ၊ Monterey Bay မှာဆို ကယ်လီဖိုးနီးယားပင်လယ်ဖျံ တွေရဲ့ ချစ်စရာကောင်းတဲ့ အပြုအမူလေးတွေကိုတွေ့နိုင်ပါတယ် ။  Gulf of Panama မှာဆိုရင် တောင်အမေရိက မျိုးရင်းဖြစ်တဲ့ Ringtailed Coati ဆိုတဲ့ချစ်ဖို့ကောင်းတဲ့အကောင်လေးတွေမြင်ရမှာပါ ။

ပြတိုက်မှာ ပြထားတဲ့ သတ္တ၀ါတွေထဲမှာ Capybara လို့ခေါ်တဲ့အကောင်လေးလည်းရှိပါတယ် ။တောင်အမေရိကမျိုးရင်းပါ ၊ သာမာန်ခွေးတစ်ကောင်စာနီးပါးလောက်ရှိပြီး ကြွက်မျိုးရင်းလို.သိရပါတယ် ။ တိုကျို မှာ Capy Neko Cafe  ဆိုတဲ့ဆိုင်တစ်ဆိုင်ရှိပြီး ကြောင်တွေမွေးထားတဲ့ အဲ့ဒီဆိုင်မှာ   လာရောက်စားသောက်သူတွေက ကြောင်တွေနဲ့အတူ  ဓါတ်ပုံရိုက်လေ့ရှိပြီး ဒီအကောင်လေးတစ်ကောင်မွေးထားတယ် ။ ဓါတ်ပုံလည်းရိုက်လို.ရတယ်လို.သိရပါတယ် ။

အမြဲတမ်းချစ်စရာကောင်းတဲ့ ပင်ဂွင်းလေးတွေကိုလည်း ပျော်ပျော်ပါးပါးတွေ့ရမှာဖြစ်ပြီး ငါးပူတင်းမျိုးငါး အချို့ကိုလည်းတွေ့ရပါတယ် ။ မြစ်ချောင်းတွေထဲမှာနေတဲ့ ငါးပူတင်းထက်ကြီးပြီး ပင်လယ်ငါးပူတင်းတွေလောက်ရှိပါတယ် ။ ဒါပေမယ့် မြန်မာပြည်မှာမြင်နေကျ အ၀ါရောင်သမ်းသော အပြောက်အကွက်များပါသော ပုံစံမဟုတ်ပဲ အဆူးတွေပါပြီးရောင်စုံအကွက်တွေနဲ. ပါ ။ သူ.ကိုတော့ ကျောရိုးရှည်ဖြူးငါး ( Long – Spine Porcupine Fish ) လို့ခေါ်ပါတယ် ။

ဒါ့အပြင် ကြည်လင်နေတဲ့ရေပြင်ကျယ်အောက်က ရောင်စုံငါးလေးတွေ အများကြီး အပူအပင်မဲ့ ကူးလူးသွားလာနေကြတာလေးတွေက အရာအားလုံးကိုမေ့ စိတ်ကိုနှစ်ပြီးကြည့်နေရင်းက ကိုယ်တိုင်ပါ အေးချမ်းသွားသလို ခံစားရစေတယ့် မြင်ကွင်းမျိုးတွေလည်း ရှိနေပါတယ် ။  

အိုဆာကာငါး ပြတိုက်မှာပြထားတဲ့ပြကွက်တွေအနက်က Pacific Ocean ပြကွက် မှာတော့ ငါးလိပ်ကျောက်နဲ.ငါးမန်းနဲ့တွဲ ပြီး ပြသထားတာပါ ။ ဒါ့အပြင် အုပ်ဖွဲ့လိုက်နေတတ်တဲ့ ငါးငယ်တွေနဲ. သီးခြားစီနေတတ်တဲ့ ငါးတွေလည်း  အတူတူ ပြသထားပါတယ် ။

သမုဒ္ဒရေ ရေနက်ပိုင်းပြကွက်မို့ အလင်းရောင်ကအစ ရေနက်ပိုင်းအနေအထားဖန်တီးထားပါတယ်  ။ ငါးလိပ်ကျောက် ( ဘဲလိပ် ) မှာ လိပ်ကျောက်တံခွန် ၊ လိပ်ကျောက်စွန် ၊ လိပ်ကျောက်နှာမောင်း ၊ လိပ်ကျောက်ထမနဲ ၊  လိပ်ကျောက်စွန်မောင်ရှင် ၊ လိပ်ကျောက်စွန်မီးသောက် စသည်ဖြင့် အမျိုးအစားတွေအများကြီးရှိပါတယ် ။ 

လိပ်ကျောက်တံခွန်ဆိုရင် သူ.အမြီးမှာ လိပ်ကျောက်ဆူးရိုး တစ်ချောင်းကနေ သုံးချောင်းအထိပါပြီး တစ်ချောင်းဆို တစ်ပင်တိုင် ၊ နှစ်ချောင်းဆို ၂ပင်တိုင် လို့ခေါ်ပါတယ် ။ သုံးပင်တိုင် ငါးလိပ်ကျောက်ဆိုရင် အဆိပ်အပြင်းဆုံးဖြစ်ပြီး  ဆူးမိရင်အကြောတွေသေသွားတဲ့အထိခံစားရနိုင်ပါတယ် ။

လိပ်ကျောက်မြီးကိုတိုင်းရင်းဆေးဖော်တဲ့နေရာမှာလည်းသုံးပါတယ် ။ လျှပ်စစ်လိပ်ကျောက်ဆိုတာသီးခြားတစ်မျိုးရှိပြီး သူ.ဆီကထုတ်လွှတ်တဲ့ဓါတ်အားဟာ လူတစ်ယောက်သေစေနိုင်ပါတယ် ။ လိပ်ကျောက်မြီးကို ကြာပွတ်အဖြစ်လည်းသုံးကြပါတယ် ။ သူတို.ကူးနေတာအတော်လေးလှပြီး ငါးတွေရေကူးနေတာထက် ငှက်တွေပျံနေတာနဲ. တူပြီး အချို့ ငါးလိပ်ကျောက် ၊ ငါးလိပ်စွန်တွေ ကူးခတ်နေတာက Stealth ဗုံးကြဲလေယာဥ်တွေနဲ.တောင်တူနေပါသေးတယ် ။

အဲ့ဒီ Pacific Ocean ပြကွက် မှာ ငါးလိပ်ကျောက်တွေနဲ.အတူ တွဲပြသထားတာက ငါးမန်းတွေဖြစ်ပြီး အဓိက ကငါးမန်းတွေထဲမှာအကြီးဆုံးမျိုးဖြစ်တဲ့ ဝေလငါးမန်းပါ ။ ပြီးတော့ ကျွဲငါးမန်းအကောင်ငယ်လေးတွေလည်းတွေ့ရပါတယ် ။ ငါးမန်းတွေက ၂ပေလောက်ကနေ ပေ၄၀ ကနေ ၆၀ လောက်အထိရှည်ပါတယ် ။ ငါးမန်းကလည်းမျိုးကွဲပေါင်းအများအပြားရှိပါတယ် ။ ငါးမန်းခေါင်း၀ိုင်း ၊ ငါးမန်းတောင်မဲ ၊ ငါးမန်းငှက်ပျံ ၊ ငါးမန်းနီ ၊ ကျွဲငါးမန်း ၊ လွှငါးမန်း ၊ တိုက်ငါးမန်း ၊ ငါးမန်းပြောက် ဆိုပြီးအများကြီးရှိပါတယ် ။ ငါးမန်း နဲ. ငါးလိပ်ကျောက်ဟာ မူလမျိုးရင်းတူကြပြီး မြန်မာနိုင်ငံမှာတော့ ငါးမန်း နဲ့ ငါးလိပ်ကျောက် မျိုးကွဲ ၂၇ မျိုးလောက်ကို ထိမ်းသိမ်းစောင့်ရှောက်တဲ့စာရင်းထဲထည့်ထားတယ်လို့သိရပါတယ် ။

 

အုပ်လိုက်စု‌ဝေးသွားလာနေတဲ့ ငါးတွေနဲ့ သူတို.အုပ်စုလိုက်ရွေ့လျားကူးခတ် နေကြတာလေးတွေကိုကြည့်ရတာကလည်း စိတ်အပန်းပြေစေပါတယ် ။ သူတို.တွေရဲ. အပြင်ဘက်ခြမ်းမှာတော့ တစ်ကောင်စီ နေထိုင်လေ့ရှိတဲ့ ငါးတွေက ဘေးမှာ ပတ်ပြီးသွားလာနေကြတာတွေလည်းတွေ့ရပါတယ် ။

 

ဒါ့အပြင်ကျောက်ငါးတွေလည်းတွေ့ရပါတယ် ။ ကျောက်ငါး မျိုးရင်းတွေအများအပြားအနက်က ငါး၀က်မလည်း အဲ့ဒီမှာရှိနေပါတယ် ။

အဲ့ဒီ ငါးပြတိုက်မှာ ငါးတွေအစားကျွေးချိန်ကို ဇယားလေးနဲ့ဖော်ပြပေးထားပါတယ် ။ အစာကျွေးတာကိုပါကြည့်ချင်ရင် အဲ့ဒီအချိန် ရွေးသွားလို့ရပါတယ် ။ အစာကြွေးချိန် ကြည့်ရတော့လည်း ထူးထူးဆန်းဆန်းလေးမြင်ရတာပေါ့ ။ အချို့ ငါးလိပ်ကျောက်ဆို အစာကျွေးတဲ့သူကခွံကျွေးနေသလို အခြားငါးတွေကလည်း သူ.ဆီအစာလိုက်တောင်းနေတာမျိုးမြင်ရပါတယ် ။

ငါးကြင်းမျိုးနွယ်စုထဲက ရေငန်နေငါးကြင်းနီမျိုးကိုလည်း တွေ့ရပြီးအကောင်တော်တော်ကြီးပါတယ် ။

 Seto Inland Sea ပြကွက်မှာတော့ ကျောက်ပုဇွန် တွေ ၊ Japan Spider Crab တွေမြင်ရပါတယ် ။

ဒါကတော့ ရေခူလို့လည်းခေါ် ၊ ရေထီးလို့လည်းခေါ်တဲ့ သတ္တ၀ါတွေပြထားတဲ့ပြကွက်ကတော့ တကယ့်ကို ပန်းချီဆန်လွန်းပါတယ်  ။ မြင်ရတာ လှပေမယ့် သူတို.ရဲ.အမြီးကတော့ ထိလိုက်ရင် အတော်ခံရခက်အောင်ကို အဆိပ်ပြင်းပါတယ် ။ ထိလိုက်ရင် ကြာပွတ်နဲ့ရိုက်ခံရသလို အစင်းကြောင်းတွေပါ ပေါ်လာတတ်တာပါ ။ ပြည်ကြီးငါးတွေလည်း မြင်နိုင်ပါတယ် ။ ဒါ့အပြင်    Ringed Seal ဆိုတဲ့ ရေခဲပြင်ဖျံမျိုးကိုလည်းတွေ့ရပါတယ် ။  သူတို့လည်း ခြေချင်းချိတ်ပြီး ဇိမ်ခံတတ်ပါတယ် ။ 

အိုဆာကာ ငါးပြတိုက် သို့ သွားရောက် လေ့လာခြင်း - ၁ Video ကြည့်ရန် နှိပ်ပါ

အိုဆာကာ ငါးပြတိုက် သို့ သွားရောက် လေ့လာခြင်း - ၂ Video ကြည့်ရန် နှိပ်ပါ

မွေတော်ကက္ကူ စေတီတော် သို.တစ်ခေါက်

 

မွေတော်ကက္ကူ ဟာကျောက်တစ်လုံးကြီး မြို့နယ်ခွဲ ၊ နောင်ခိုင်ကျေးရွာအုပ်စု ၊  မွေတော်ကျေးရွာအနီးမှာ တည်ရှိနေတာပါ ။

တောင်ကြီးကနေ မွေတော်ကက္ကူ အထိကို ၄၄ ကီလို မိုင်အားဖြင့် ၂၈မိုင်ကျော်ကျော်လေးဝေးပါတယ် ။

ရန်ကုန်ကနေဆိုရင်တော့ မိုင်ပေါင်း ၃၆၀ ခန့်အကွာမှာတည်ရှိနေပါတယ် ။

တောင်ကြီးကနေသွားတဲ့ လမ်းတစ်လျှောက်မှာတော့ ပအို့ဝ်ရွာလေးတွေ ဖြတ်သန်း ၊ တောတောင်ရှုခင်းလေးတွေကြည့်ရင်းသွားရမှာပါ ။

စတင်တည်ထားချိန်ကနေ နှစ်ပေါင်း ၂၀၀၀ ကျော်ရှိနေပြီဖြစ်တဲ့ရှေးဟောင်းသာသနာ့နယ်မြေတစ်ခုပါ ။

မြန်မာမှာတော့ လှည်းဝင်ရိုးသံတစ်ညံညံ ပုဂံဘုရားပေါင်း လို့ အမှတ်အသားပြုခဲ့ကြသလို

သဇင်ပန်းခိုင် တစ်မြိုင်မြိုင် ရခိုင်ဘုရားပေါင်းဆိုပြီးတော့လည်း ရခိုင်တိုင်းရင်းသားတွေဟာ မြောက်ဦးက ပုထိုးတော် စေတီတော်တွေကို အမှတ်အသားထားကြပါတယ် ။

အဲ့ဒီလိုပဲ ရှမ်း ပအိုဝ်အပါအဝင်တိုင်းရင်းသားတွေကလည်း တောင်သူကွမ်းညှပ် တဖျတ်ဖျတ် ကက္ကူဘုရားပေါင်းလို့ မှတ်သားထားကြောင်းသိရပါတယ် ။

ရှေးတည်းက အကွက်အကွင်းချတည်ထားခဲ့တာကို ခုလို အံ့သြဘွယ်ရာ တွေ့မြင်ရပါတယ် ။

ရှေးဟောင်းယဥ်ကျေးမှုအမွေ အနှစ်တစ်ခုအနေနဲ့ တန်ဘိုးထားရမယ့် အရာတစ်ခုဖြစ်သလို ဘာသာရေးဆိုင်ရာ အဘိုးမဖြတ်နိုင်တဲ့ ဘာသာရေးအမွေအနှစ်တစ်ခုလည်းဖြစ်ပါတယ် ။

 

ဒီမှာ သီရိဓမ္မာ အသောက မင်းကြီးတည်ထားခဲ့တဲ့ ဆုတောင်းပြည့်စေတီတော်ကိုလည်း ရှေးမူမပျက် ဖူးတွေ့ရမှာဖြစ်ပါတယ် ။

အလောင်းစည်သူမင်း ( နရပတိစည်သူမင်း ) တည်ထားခဲ့တဲ့ဖောင်တော်ဆိုက်စေတီတော် နဲ.ရှေးဟောင်းဘုရားဆင်းတုတော်များကိုလည်း ဖူးမျှော်ရမှာပါ ။

 

စေတီအရေအတွက်ကိုတော့ တောင်သူကွန်းညှပ်ဆိုတဲ့ အဆိုအရ ၇၆၂၃ ဆူ လို့ဆိုရပါတယ် ။ နောင်ခဲဘုန်းတော်ကြီး ဦးသောဏ ရဲ့ မှတ်တမ်းတွေအရတော့ ၁၉၁၀ ပြည့်မှာ ၂၄၀၂ ဆူပဲရှိတော့တယ်လို့သိရပြီး ၁၉၂၈ မှာတော့ ၂၅၄၈ ဆူဖြစ်လာတယ်လို့ဆိုကာ နောက်ဆုံး အရတော့ ၂၄၇၈ ဆူလို့သိရပါတယ် ။ အရံစတေီတွေထဲမှာ အင်းဝခောတ် ၊ ညောင်ရမ်းခောတ် ၊ ကုန်းဘောင်ခောတ် ၊ ရတနာပုံခောတ် ၊ ကိုလိုနီခောတ် ၊ လွတ်လပ်ရေးရပြီးခောတ် ခောတ်အဆက်ဆက် ပန်းတော့ ၊ ပန်းရံ လက်ရာစုံကို တွေ့မြင်နိုင်ပါတယ် ။

 

ခရစ်တော်မပေါ်မီ ဘီစီ(၃၀၇)ခုနှစ်တွင် အိန္ဒိယပြည်၊ မဇ္ဈိမဒေသ၊ မဂဓတိုင်း၊ ပါဋလိပုတ်ပြည်၌ သီရိဓမ္မာ သောကမင်းကြီးကို အမှီပြု၍ ရှင်မဟာမောဂ္ဂလိ ပုတ္တတိဿ မထေရ်ကြီးမှူးသော ရဟန်းတစ်ထောင်တို့က တတိယအကြိမ် သင်္ဂါယနာတင်ပွဲကို ပြုလုပ်ကျင်းပကြလေသည်။ သင်္ဂါယနာတင်ပွဲ ပြီးဆုံးအောင်မြင်ခြင်း အထိမ်းအမှတ်အဖြစ် ကိုးတိုင်းကိုးဌာနသို့ သာသနာပြုအဖွဲ့များ စေလွှတ်ခြင်းနှင့် စေတီပေါင်း (၈၄၀ဝ၀) တည်ထားကိုးကွယ်ခြင်းတို့ ပါဝင်သည်။

 

ကိုးတိုင်းကိုးဌာနသို့ သာသနာပြုအဖွဲ့များ စေလွှတ်ရာတွင် သုဝဏ္ဏဘူမိတိုင်း (မြန်မာနိုင်ငံ) သည်လည်း ပါဝင်ခဲ့သည်။ သာသနာပြုအဖွဲ့မှာ ရှင်သောနနှင့် ရှင်ဥတ္တရတို့ ဦးဆောင်သော အဖွဲ့ဖြစ်သည်။ သုဝဏ္ဏဘူမိ သာသနာပြုအဖွဲ့က အိန္ဒိယပြည်၊ မဇ္ဈိမဒေသမှ ဓာတ်တော်များကို ပင့်ဆောင်၍ စေတီဘုရားများကို တည်ထားကိုးကွယ်ကြသည့်အခါ ကက္ကူဒေသသို့ ဓာတ်တော်များ ပင့်ဆောင်ပူဇော်ပြီး မွေတော်ကက္ကူ ဆုတောင်းပြည့် အသောကစေတီကို တည်ထားကိုးကွယ်ခဲ့သည်။  

 

မွေတော်ကက္ကူသည် စေတီပေါင်းများစွာ တစ်နေရာတည်းတွင် စု၍ တည်ထားခြင်း ဖြစ်သည်။ အသောကမင်းကြီးရဲ့ ဆုတောင်းပြည့်စေတီ နဲ. အလောင်းစည်သူမင်းရဲ့ ဖောင်တော်ဆိုက်စေတီ ၂ဆူကို အရံစေတီပေါင်း ၂၄၇၈ က ဝန်းရံနေတာကို ဖူးတွေ့ရမှာပါ ။   မြန်မာပြည်ရှိ စေတီများနှင့် အချိုးအစား ပုံသဏ္ဌာန် အနည်းငယ် ကွဲပြားသည်။ စေတီတွေက ဉာဏ်တော်အမြင့် ၁၅ ပေ ဝန်းကျင်ပဲရှိတယ်။ ဘုရားတွေမှာ နတ်ရုပ်တွေပါတော့ အရုပ်အနေအထားကို ကြည့်ပြီး ဒီလက်ရာတွေဟာ ၁၈၀ဝ ဝန်းကျင်ကပဲ ဖြစ်ဖို့များတယ်လို့ တွက်ဆကြပါတယ်။  ဘုရားမှာ မြန်မာသက္ကရာဇ် ၁၁၅၅ ၊ ခရစ်နှစ် ၁၇၉၃ မှာ ညောင်ရွှေစော်ဘွား လှုဒါန်းခဲ့တဲ့ ရှေးဟောင်းခေါင်းလောင်းကြီးတစ်လုံးလည်း ရှိပါတယ် ။ ဒါ့အပြင် ကက္ကူဘုရားတွေက ထီးတွေက ခေါင်းလောင်းစာ ၊  ရှမ်းဘာသာနဲ့စာတွေကို ၂၀၀၃ မတ်လ ၁၂ ရက်မှာ စိုင်းအောင်ထွန်း နဲ့ ဖိလစ်စောတောက်တို့ ဘာသာပြန်ကြရာမှာ ဘုန်းကြီးလူထွက် ဦးနွိုက်သွန်းလောင်းထားသည် ၊ လူထွက်ဦးစိုင်းက သွန်းလုပ်ပူဇော်ပြီးစီးပါကြောင်း စတာတွေတွေ့ရသလို  ဆင်ခံဘုရားတဆူမှာ - တြိသုခအလို့ငှာ ခင်ကြီးအရိယဝန်သ ကောင်းမှု ဆိုတဲ့အရေးအသားမျိုးတွေ့ရပြီး ၁၁၅၈ တပေါင်းလဆန်း ၂ရက်သွန်းသည်။ (ခရစ်ရက် ၂၇ ဖေဖော်ဝါရီ ၁၇၉၇) ဆိုတဲ့တိကျတဲ့ရက်စွဲမျိုးပါတွေ့ကြရတယ်လို့ဆိုပါတယ် ။ ဒါဟာ ဒီစေတီတွေရဲ့ သက်တမ်းအတွက်ခိုင်မာတဲ့ သက်သေတွေပါပဲ ။

(   )

ဘွဲ့တော်အမည်နဲ့ပတ်သက်လို့ ပအိုဝ်ဘာသာ နဲ. ကက္ကူဆိုတာ နယ်ခြားလို့ အဓိပ္ပါယ်ရကြောင်း သိရပါတယ် ။ အဲ့ဒီနေရာဟာ ဆီဆိုင် စော်ဘွား နဲ့ ညောင်ရွှေစော်ဘွားတို.ရဲ့ ပိုင်နက်နယ်ခြားမျဥ်းလို့ ဆိုကြတာကြောင့် ဘုရားရဲ့ ဘွဲ့တော်ဟာ အဲ့ဒီကနေ လာတာလို့အချို့ကဆိုကြပါတယ် ။

 

နောက်တစ်ခုက ဂေါတမ မြတ်စွာဘုရားနဲ့ ဓါတ်တော်မွေတော်တွေကို ဌာပနာထားပေမယ့်လည်း ဘဒ္ဒကမ္ဘာမှာ ပထမဆုံးပွင့်တော်မူတဲ့ နောင်တော် ကကုသန်ဘုရားရှင်ကို ဂုဏ်ပြုပူဇော်တဲ့အနေနဲ့ ကက္ကူဘုရားလို့ မှည့်ခေါ်ခဲ့ကြတယ်လို့လည်းဆိုပါတယ် ။

ဒါ့ပြင် ပုဂံခေတ်၊ (အေဒီ၁၁၇၄-၁၂၁၁) အတွင်းနန်းတက်ခဲ့တဲ့ အလောင်းစည်သူမင်း ( နရပတိစည်သူမင်း ) သည် ဖောင်စကြာဖြင့် ခရီးလှည့်လည်ကာ စေတီဘုရားများစွာကို တည်ထားကိုးကွယ်ခဲ့ပါတယ် ။ ကက္ကူဒေသတွင် ဓာတ်တော်များနှင့် ရတနာမျိုးစုံတို့ကို ဌာပနာပြီး ဖောင်တော်ဆိုက်စေတီကို တည်ထား ကိုးကွယ်ခဲ့ပါတယ် ။ အဲ့ဒီလို တည်ထားတဲ့နေရာမှာ ဌာပနာတိုက်အတွက် ၄၅တောင်အနက် တူးဖော် ပြီး ဘုရားရှင် ရဲ့ ဓါတ်တော် ၊ မွေတော် တွေနဲ့အတူ ရတနာမျိုးစုံ ၃၆ ပြည် ကိုပါ ထည့်သွင်း ၊ အပေါ်က ၁၂တောင်အမြင့်ရှိတဲ့ ကျောက်ဖျာချပ်ကိုပိတ် ပြီးတော့ မှ ဥာဏ်တော် ၆တောင် တမိုက် ၂သစ် ရှိတဲ့စေတီတော်ကို တည်ထားခဲ့တာလို့ဆိုပါတယ် ။  အလောင်းစည်သူမင်း လက်ထက်မှာ ဓာတ်တော် ပင့်ဆောင်ပူဇော်ပွဲ ကျင်းပပြုလုပ်ခဲ့ဘူးတယ်လို့လည်းသိရပါတယ် ။ အဲ့ဒီလိုတည်ထားပြီး  ၁၇ နှစ်အကြာမှာ ရောင်ခြည်တော်တွေ ကွန့်မြူးတာကြောင့် အနားပတ်ဝန်းကျင်က တိုင်းရင်းသားတွေ လာရောက်ဖူးမျှော်ရာက  အလောင်းစည်သူမင်းကြီးပါ ထပ်မံလာရောက်ဖူးမျှော်ပြီးစေတီတော်တွေ ထပ်တည်ခဲ့တယ်လို့လည်းဆိုပါတယ် ။ သူ.ရဲ့ အသက်နဲ့ထပ်တူ ရိုကျိုးပူဇော်ကြဖို. ထပ်တူစေတီလို့ စေတီစတည်စဥ်ကပင်မိန့်တယ်လို့ဆိုပါတယ် ။ ဒီလိုနဲ့ ကုန်းဘောင်ခောတ်ဦး ဘိုးတော်ဘုရားလက်ထက်မှာ ညောင်ရွှေ ၊ မိုင်းပွန် ၊  ၊ ဆီဆိုင် ၊ မိုးဗြဲ က ရှမ်း ၊ ဗမာ ၊ ပအိုဝ် ၊ တောင်ရိုး ၊ ကယန်း ၊ အင်းသား စတဲ့တိုင်းရင်းသားတွေက ကက္ကူမွေတော်ဓါတ်မြတ်ကျော် လို့ ဘွဲ့တော်အသစ် မှည့်ခေါ်ခဲ့ကြတယ်လို့ဆိုပါတယ် ။

 

ဒီစေတီတွေဟာ နှစ်ကာလကြာလို့ မြေအောက်မှာနစ်မြုပ်နေချိန် ဒီဘုရားရဲ့  မနီးမဝေးမှာနေထိုင်ကြတဲ့ တောဝက်အုပ်ထဲက ရွှေရောင်အဆင်းရှိတဲံတောဝက်တစ်ကောင်ဟာ စေတီတွေပေါ်က ခြတောင်ပို့တွေ ၊ မြေကြီးတွေကို ထိုးကော်ပက်ထုတ်ရင်းက စေတီတော်တွေ ပြန်လည်ဖော်ထုတ်နိုင်ခဲ့ကြတယ်လို့ဆိုပါတယ် ။ ဒါ့ကြောင့် ကက္ကူမွေတော် ရဲ. အမည်နာမဟာ ရွှေဂူကြီးဘုရား ၊ သက်တူဘုရား ၊ ရွှေဝက်ဂူဘုရား ၊ ရွှေဝက်ကူးဘုရား ၊ ကက္ကူမွေတော်ဘုရားရယ်လို့အမည်ငါးမျိုးတွင်ခဲ့တာလို့လည်း ဆိုပါတယ် ။

 

ဘုရားဝင်းအပြင်တွင် ညောင်ပင်ကြီးများ ရှိသည်။ ဘုရားများ၏ နောက်တွင် နောင်မွန်အင်း ရှိသည်။ နောင်မွန်အင်းသည် အမြဲတမ်း ရေမရှိပေ။ ဒေသခံများက ကုန်းခြောက်လ ရေခြောက်လ ဟုဆိုသည်။မဲနယ်တောင်တန်း ၊ လွယ်မောတောင်တန်း တွေရှိပါတယ် ။

ဘုရားပွဲတော်ကို တော်သလင်းလမှာတစ်ကြိမ် ၊  တန်ဆောင်မုန်းလပြည့်မှာတစ်ကြိမ် ၊ တပေါင်းလပြည့်မှာ တစ်ကြိမ် ၊ ကျင်းပတယ်ိလု့ သိရပါတယ် ။

မွေတော်ကက္ကူ စေတီတော် သို.သွားရောက်ဖူးမျှော် ခြင်း Video ကြည့်ရန် နှိပ်ပါ