ဇီးပင်ကြီးစစ်တမ်း ဇီးပင်ကြီးပုံပြင် နဲ. ဇီးပင်ကြီးအမြင်များ - ၂

ကိုဆွေဝင်း ကိုယ်တိုင်ရေးသည် ဆိုတဲ့ ဇီးပင်ကြီးနဲ့ ဖောင်ကြီးမှာ လေထန်နေဆဲ ဝါဒမှိုင်းစစ်ဆင်ရေးများ  ဆိုတဲ့ ဆောင်းပါး မှာတော့ ခုလိုရေးသားထားပါတယ်

  ၂ဝ၁၈ နိုဝင်ဘာလ၏ တနင်္လာညနေခင်းတစ်ခုတွင် ဗဟိုဝန်ထမ်းတက္ကသိုလ် (အထက်မြန်မာပြည်)၏ နိုင်ငံရေးသိပ္ပံ ပါမောက္ခ ဒေါက်တာထွန်းမင်းသည် ဟန်ပန်အမူအရာမျိုးစုံဖြင့် ၎င်း၏ “ပထဝီနိုင်ငံရေး” သင်တန်းကို ပို့ချနေသည်။

အစိုးရဌာနပေါင်းစုံမှ ဝန်ထမ်းများဖြစ်သော ရာနှင့်ချီသည့် သင်တန်းသားများကို ထိုနေ့က ခေတ်မီ ပရိုဂျက်တာ သုံး၍ ပို့ချသော သူ၏ပို့ချချက်တွင် ရခိုင်ပြည်နယ်အရေးနှင့် နိုင်ငံတကာ ဆက်ဆံရေး အကြောင်း ပါဝင်သည်။ ထိုအကြောင်းအရာအား ရှင်းပြရာတွင် ဗြိတိန်နိုင်ငံသည် ဥရောပသမဂ္ဂမှ နုတ်ထွက်ရန် အမေရိကန် ဒေါ်လာ ဘီလီယံ ၆ဝ ခန့် ပေးရမည်ဖြစ်ကြောင်း၊ ထိုသို့ ပေးချေရန်အတွက် ဗြိတိန်သည် ဆော်ဒီအာရေဗျထံမှ အကူအညီများ တစ်စိတ်တစ်ပိုင်း ယူရသည့်အတွက် မြန်မာဘက်မှ ရပ်တည်မည် မဟုတ်ကြောင်း ဒေါက်တာထွန်းမင်းက ပြောဆိုနေသည်။

“ဆော်ဒီဆိုတာ ကျွန်တော်တို့ဘက်မှာ ရှိမလား၊ ARSA (ဘင်္ဂါလီ/ရိုဟင်ဂျာ လက်နက်ကိုင်အဖွဲ့) ဘက်မှာ ရှိမလား ခင်ဗျားတို့ စဉ်းစားကြည့်။ ဒါဆိုရင် ယူကေ (အင်္ဂလိပ်) မီဒီယာတွေက ဒီကိစ္စ (ရခိုင်ကိစ္စ) ကို ဘယ်လိုဘယ်ပုံ လုပ်ပေးပါ ဆိုတာကော ရှိမလာနိုင်ဘူးလား။ …ဒါ သူ့ရဲ့ နိုင်ငံရေးဘောဂဗေဒ အခြေအနေ ကြောင့်ပဲ” ဟု သူက ဆက်လက်ရှင်းပြသည်။

ဝန်ထမ်းများကို ဒေါက်တာထွန်းမင်း ရှင်းပြသော ဗြိတိန်က ဥရောပသမဂ္ဂမှ ထွက်ခွာရာတွင် ပေးဆပ်ရန် ဆော်ဒီအာရေးဗျထံမှ ငွေတစ်စိတ်တစ်ပိုင်းရယူသည် ဆိုသော အချက်မှာ မည်သည့် ကမ္ဘာ့ သတင်း မီဒီယာတွင်မှ မပါဝင်သော အကြောင်းအရာဖြစ်သည်။

၎င်းသင်တန်းပြီးသည့်ချိန်တွင် ထိုပို့ချချက်အကြောင်း Myanmar Now က မေးလိုက်သည့်အခါ ၎င်းက ထိုအချက်ကို မည်သည့်နေရာမှ ကိုးကားရယူသည်ဆိုသည်ကို တိတိကျကျ မပြောနိုင်ဘဲ ပြည်တွင်းထုတ် သတင်းဂျာနယ်များ၊ ဘာသာပြန် နိုင်ငံတကာသတင်းများ ပါရှိသည့် အစိုးရထုတ် “နိုင်ငံတကာ သတင်းဂျာနယ်” များ ဖတ်ရှုပြီး ပထဝီဝင်နိုင်ငံရေး ပို့ချနေကြောင်း ရှင်းပြသည်

ထိုနေ့က သင်တန်း၏အဆုံးပိုင်းရောက်ခါနီးတွင် “မြန်မာ ထေရဝါဒ ဗုဒ္ဓသာသနာ ထာဝရ အဓွန့်ရှည်ရမည်” ဆိုသော စာသား ပါရှိသည့် သာသနာ့အလံပါ ဓာတ်ပုံ၊ “ရုရှားက လူနည်းစုများကို မလိုအပ်ပါဘူး။ လူနည်းစုများကသာ ရုရှားကို လိုအပ်တာပါ” ဟူသော စာသားများ ပါရှိသော ရုရှားသမ္မတပူတင်၏ ဓာတ်ပုံ၊ ၂ဝ၁၅ ခုနှစ်က သန်လျင်မြို့နယ်တွင် တရားခံပြေး လူမိုက်တစ်ဦး၏ တိုက်ခိုက်မှုကြောင့် သွေးအိုင်ထဲ လဲကျသေဆုံးနေသော ရဲတပ်ဖွဲ့ဝင်နှစ်ဦးတို့၏ ဓာတ်ပုံနှင့် အခြားဓာတ်ပုံအချို့အား ပေါင်းစပ်ပြီး ပြုလုပ်ထားသောပုံကို သင်တန်းသားများအား ပရိုဂျက်တာဖြင့် ထိုးပြခဲ့ပြီး သင်တန်း နိဂုံးချုပ်ခဲ့သည်။

အဆိုပါ ဖြတ်ညှပ်ကပ်ပုံအကြောင်း မေးသည့်အခါ “ပြည်သူများ လုံခြုံရေးသတိ ရှိရမယ်၊ နိုင်ငံတော် တည်ငြိမ်မှု ပျက်ပြားတယ်”လို့ ဆိုလိုချင်တာပါဟု သူက ပြန်လည်ဖြေကြားသည်။

ပါလီမန်ဒီမိုကရေစီအစိုးရကို အာဏာသိမ်း တက်လာသော ဗိုလ်ချုပ်ကြီးနေဝင်းခေတ် မြန်မာ့ဆိုရှယ်လစ် လမ်းစဉ် သဘောတရားများ၊ ၁၉၈၈ ဒီမိုကရေစီ အရေးတော်ပုံအား နှိမ်နှင်းပြီး အာဏာ လွှဲပြောင်း ယူလိုက်သော စစ်ဗိုလ်ချုပ်ကြီးများ၏ ဝါဒ သဘောတရားများကို အထက်မြန်မာပြည် (ဇီးပင်ကြီး) နှင့် အောက်မြန်မာပြည် (ဖောင်ကြီး) ဗဟိုဝန်ထမ်း လေ့ကျင့်ရေး တက္ကသိုလ်များတွင် သင်ကြားပို့ချခဲ့သည်။

၂ဝ၁၅ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ် (NLD) ပါတီ အစိုးရတာဝန်များ လွှဲပြောင်းယူသည့်နောက်တွင် ပြုပြင် ပြောင်းလဲမှုများ ပြုလုပ်နေပါပြီဟု ထိုဝန်ထမ်းတက္ကသိုလ်တို့၏ ထိပ်တန်း အာဏာပိုင်များက ပြောကြားသော်လည်း ၎င်းတို့၏ သင်တန်းများတွင် ခေတ်စနစ်နှင့် မကိုက်ညီသော နိုင်ငံရေးဝါဒမှိုင်းလေများ တသုန်သုန် ဆက်လက် တိုက်ခိုက်နေသည်။

စစ်အုပ်ချုပ်ရေးကာလ ထိုတက္ကသိုလ်များတွင် ဒို့တာဝန်အရေးသုံးပါး၊ ပြည်တွင်း လက်နက်ကိုင် သောင်းကျန်းမှု သမိုင်း၊ အနောက်နိုင်ငံနှင့် မီဒီယာများက မြန်မာပြည်ကို သပ်လျှိုသွေးခွဲနေပုံနှင့် တပ်မတော်၏ သမိုင်းကြောင်းစသည်များကို သင်ကြားပို့ချခဲ့ပြီး ယခုအချိန်တွင်တော့ နိုင်ငံတကာနှင့် ရခိုင်ပြည်နယ်အရေး၊ အနောက်နိုင်ငံများက “သတင်းမီဒီယာများကတစ်ဆင့်” တိုင်းပြည်ကို နှောင့်ယှက်နေပုံနှင့် ရွေးကောက်ပွဲမှတက်လာသည့် NLD ပါတီကို ပါးနပ်စွာ တိုက်ခိုက်ဝေဖန်သည့် ဝါဒမှိုင်းများကို အစိုးရအရာရှိများအား ပို့ချနေသည်။

ပုန်ကန်သူဆရာဝန်များ

မန္တလေး-ပြင်ဦးလွင်ကားလမ်းအတိုင်း တက်သွားလျှင် မိုင်တိုင် ၂၄ ခန့်အရောက် ကြီးမားသည့် ကွန်ကရစ်မုခ်ဦးကြီးပေါ်တွင် အပြာရောင်နောက်ခံဖြင့် ရေးသားထားသော “ဗဟိုဝန်ထမ်းတက္ကသိုလ် (အထက်မြန်မာပြည်)” ဆိုသော ဂိတ်ပေါက်ဝကို တွေ့မြင်ရမည်ဖြစ်သည်။

ပြင်ဦးလွင်မြို့နယ် ဇီးပင်ကြီးကျေးရွာအနီးတွင် တည်ရှိသောကြောင့် ဇီးပင်ကြီးဟုအလွယ်ခေါ်ဆိုသော အထက်မြန်မာပြည် ဗဟိုဝန်ထမ်းတက္ကသိုလ်ကို ၁၉၉၉ ခုနှစ်တွင် စတင် တည်ထောင်ခဲ့သည်။

အကျယ်အဝန်း မြေ ဧက ၉ဝဝ ပေါ်တွင် တစ်ထပ်တိုက် သွပ်မိုးအုတ်ခံ အဆောက်အအုံများ ဆောက်လုပ်ထားသော ထိုတက္ကသိုလ်အတွင်း နိုင်ငံအနှံ့အပြားမှ ထောင်နှင့်ချီသော ဌာနဆိုင်ရာ ဝန်ထမ်းများကို သင်တန်းများ လစဉ် ပို့ချနေသည်။

ဂိတ်ပေါက်မှ ကွန်ကရစ်လမ်းမအတိုင်း အထဲသို့ ကားဖြင့် ဝင်သွားပြီး မိနစ်အနည်းငယ်အတွင်း “ဝန်ထမ်းကောင်းမှ နိုင်ငံကောင်းမည်” ဆိုသည့် စာသားရေးထားသည့် အပြာရောင် ဆိုင်းဘုတ်ကြီးတစ်ခုကို စိမ်းမြမြကျွန်းပင်များ နောက်ခံထားလျက် အနေထားဖြင့် တွေ့မြင်ရသည်။

ထိုဆိုင်းဘုတ်ပါသဘောတရားကို ၂ဝ၁၇ ဒီဇင်ဘာတွင် ဇီးပင်ကြီးသင်တန်းသားတစ်ဦး အဖြစ် ရောက်ရှိ လာသော အရပ် ၅ ပေ၊ ၈ လက်မခန့်ရှိ စူးရှထက်မြက်သည့် လူငယ်ဆရာဝန် ဒေါက်တာစိုးသူရဇော် နှစ်နှစ်ခြိုက်ခြိုက် လက်ခံသည်။

ဝန်ထမ်းသည် နိုင်ငံ၏ ကျောရိုးဖြစ်သည်၊ ကျန်းမာရေးကဏ္ဍအတွက် အစိုးရယန္တရားထဲ ဝင်ရောက် လုပ်ကိုင်လျှင် တိုင်းပြည်ကို ပိုမိုအကျိုးပြုနိုင်မည်ဟု ယူဆသောကြောင့် ၂ဝ၁၆ ဆေးတက္ကသိုလ်မှ ဘွဲ့ရပြီး တစ်နှစ်အကြာ ကျန်းမာရေးဦးစီးဌာန ဦးစီးအရာရှိ လစ်လပ် ရာထူးတွင် တာဝန်ထမ်းဆောင်ရန် ပြည်ထောင်စု ရာထူးဝန်အဖွဲ့သို့ လျှောက်ထားခဲ့ခြင်းဖြစ်သည်။ လျှောက်ထားမှုအောင်မြင်သဖြင့် ဇီးပင်ကြီးရှိ ရက်သတ္တ ရှစ်ပတ်ကြာ အရာထမ်းလောင်းအခြေခံ (အထူး)သင်တန်းသို့ ရောက်ခဲ့ရသည်။

သူနှင့်အတူ ဆရာဝန် ၆ဝဝ ခန့် တက်ရောက်သော ထိုသင်တန်းတွင် ကျန်းမာရေးဆိုင်ရာ ဘာသာရပ်များ အပြင် နိုင်ငံရေး၊ လူမှုသိပ္ပံ၊ ပြည်သူ့နီတိ၊ ဌာနဆိုင်ရာငွေစာရင်းအင်း ထားသိုနည်းတို့ကို အစိုးရဌာနများမှ ဘာသာရပ်အလိုက်လာရောက်ပို့ချသူများ၊ ဝန်ထမ်းလေ့ကျင့်ရေးတက္ကသိုလ်မှ ဆရာ၊ ဆရာမများက သင်ကြားပို့ချကြသည်။

ကျန်သည့်ဘာသာရပ်များနှင့် ပတ်သက်၍သူအထွေအထူးမခံစားရ။ သို့သော် နိုင်ငံရေးသိပ္ပံ ပို့ချသည့် ဆရာတစ်ဦးက “တပ်မတော်သာအမိ၊ တပ်မတော်သာအဖ” ဟုကြွေးကြော်သကဲ့သို့ ၊ နောက်ထပ် နိုင်ငံရေး သိပ္ပံ ပါမောက္ခဆရာတစ်ဦးက NLD ပါတီ ဖွဲ့ထားသော လက်ရှိအစိုးရက စေတနာ ချို့တဲ့သဖြင့် ပြည်တွင်း ငြိမ်းချမ်းရေး လုပ်ငန်းစဉ်များ မအောင်မြင်ရခြင်း ဖြစ်ကြောင်း ပြောဆိုသည်ကိုလည်းကောင်း၊ တိုင်းရင်းသား လက်နက်ကိုင်အဖွဲ့များအား လက်နက်ကိုင် သောင်းကျန်းသူများဟု ပြောဆိုသည်ကိုလည်းကောင်း တွေ့မြင်ရသောအခါ လွန်စွာ အံအားသင့်ခဲ့သည်ဟု ဒေါက်တာစိုးသူရဇော်က ဆိုသည်။

ထိုကဲ့သို့ ကြားရသည့်အခါတွင် သူက သင်တန်းသားများရှေ့တွင် ရပ်ကာ ပို့ချနေသည့် ဆရာကို မေးခွန်း တရစပ်ထုတ်လိုက်သည်။

“NLD အစိုးရက သူ့ရဲ့ကြွေးကြော်သံသုံးရပ်နဲ့ တက်လာတယ်။ ပြည်တွင်းငြိမ်းချမ်းရေး၊ ဖွဲ့စည်းပုံ အခြေခံ ဥပဒေ ပြင်ဆင်ရေး၊နောက်တစ်ခုကတရားဥပဒေစိုးမိုးရေး။ ပြည်တွင်းငြိမ်းချမ်းရေးကို နံပတ်(၁) နေရာမှာ ထားပြီးတော့မှ နိုင်ငံတော် အတိုင်ပင်ခံပုဂ္ဂိုလ် ကိုယ်တိုင် ဥက္ကဋ္ဌအဖြစ် ထမ်းဆောင်ပြီးတော့ ငြိမ်းချမ်းရေး ကိစ္စကို တစိုက်မတ်မတ် လုပ်ဆောင်နေတဲ့အချိန်မှာ လက်ရှိ NLD အစိုးရက စေတနာမရှိဘူး ဆိုတဲ့ စကားဟာ လက်ရှိအစိုးရသွားနေတဲ့ ပေါ်လစီနဲ့ရော ကိုက်ညီတယ်လို့ ထင်ပါသလား။ နှစ်အချက် (ဆရာရဲ့ ပြောဆို ချက်တွေဟာ) ဘယ်အချက်ကို အခြေခံပြီး ပြောသလဲ၊ လက်ရှိအစိုးရပေါ်လစီနဲ့ ကိုက်ညီတယ်လို့ ထင်ပါရဲ့လား” ဟု သူက မေးလိုက်သည်။

ထို့ပြင် အစိုးရကမည်မျှပင် တိုက်တွန်းနှိုးဆော်နေစေကာမူ လက်နက်ကိုင်ထားသူ ကာယကံရှင်များက ငြိမ်းချမ်းရေးအတွက် စိတ်ကောင်းစေတနာ မရှိလျှင် ငြိမ်းချမ်းရေးက ဝေးနေဦးမည်ဟု သူ၏ အယူအဆကိုပါ ပြောလိုက်သည်။

ဆရာက သူ့အား မည်သို့မျှ မတုံ့ပြန်ဘဲ ထိုနေ့က ပထဝီနိုင်ငံရေးပို့ချချက်မှာ အချိန်တိုအတွင်း ပြီးဆုံးသွား ခဲ့သည်။

“တပ်မတော်ကတော့ ငြိမ်းချမ်းရေးကို လိုလားတယ်ဆိုတာ (သူ့ရဲ့) လက်မောင်းသွေးကိုဖောက်ပြီးတော့မှ သစ္စာဆိုရဲပါတယ် ဆိုပြီး ပြောပြီးတော့မှ သင်တန်းကို တန်းဖြုတ်လိုက်တယ်”ဟု ဒေါက်တာစိုးသူရဇော်က ပြောပြသည်။

ဒေါက်တာစိုးသူရဇော်က ထိုအဖြစ်အပျက်ကို သင်တန်းပြီးပြီးချင်း ထုတ်ဖော်ပြောဆိုမည်ဟု ကြံရွယ်ခဲ့သော် လည်း ထုတ်ဖော်မပြောဖြစ်ခဲ့။ ၂ဝ၁၈ နိုဝင်ဘာလဆန်းတွင်မှ ၎င်းကဲ့သို့ ထိုတက္ကသိုလ်တွင် သင်ကြားနေပုံများ ကို မနှစ်မြို့သည့် သင်တန်းသားတစ်ဦးက လူမှုကွန်ရက်ဖေ့စ်ဘွတ်တွင် ဝေဖန်နေသည်ကိုတွေ့မြင်ပြီးနောက် သူ၏ဇီးပင်ကြီးအတွေ့အကြုံများကို အပိုင်း သုံးပိုင်းခွဲကာ ဖေ့စ်ဘွတ်တွင် ရေးတင်ခဲ့သည်။

ထိုရေးသားချက်များတွင် ဘာသာခြားများနှင့် လက်မထပ်ရန်၊ ဘာသာခြားဈေးဆိုင်များတွင် ဈေးမဝယ်ရန် သင်ကြားပို့ချသည်များလည်း ကြားနာခဲ့ရကြောင်း၊ နိုင်ငံရေးသိပ္ပံ ပို့ချချက်သည် “မဘသတရားပွဲကဲ့သို့” ဖြစ်နေကြောင်းလည်း ၎င်းက ဝေဖန်ထောက်ပြထားသည်။

ထိုကဲ့သို့ရေးသားချက်များသည် နိုင်ငံ့ဝန်ထမ်း စည်းမျဉ်းစည်းကမ်းများကို ကျော်လွန်လုပ်ဆောင်ခဲ့သည် ဟူသော စွပ်စွဲချက်ဖြင့် ၎င်းကို သက်ဆိုင်ရာ ကျန်းမာရေးဝန်ကြီးဌာနမျာမှ တာဝန်ရှိသူများက လွန်ခဲ့သည့် ရက်ပိုင်းအတွင်းက မန္တလေးမြို့တွင် ဌာနတွင်း စစ်ဆေးမေးမြန်းခဲ့သည်။

“ကျွန်တော်ရေးခဲ့တာတွေဟာ လီဆယ်ပြီးရေးခဲ့တာ မဟုတ်ဘူး။ တကယ့်အဖြစ်အပျက်အမှန်ကို ရေးခဲ့တာပဲ ဖြစ်တယ်။ မြေပြင်မှာ တကယ် ဖြစ်ပျက်နေတာတွေကို သိစေချင်လို့ရေးခဲ့တာ။ ဒီသင်တန်းတွေဟာ နိုင်ငံတော် ဘဏ္ဍာတွေကို ဖြုန်းနေတာသက်သက်ပဲ” ဟု မိုးကုတ်မြို့နယ် ပြည်သူ့ဆေးရုံတွင် တာဝန်ထမ်းဆောင်နေသော သွားနှင့်ခံတွင်း ကျန်းမာရေးဦးစီးအရာရှိဖြစ်သူ ဒေါက်တာစိုးသူရဇော်က ဆိုသည်။

နိုင်ငံရေးသိပ္ပံပါမောက္ခ၏ ဝန်ခံချက်

ဒေါက်တာထွန်းမင်း (ဓာတ်ပုံ - Myanmar Now)

NLD ကြောင့် ငြိမ်းချမ်းရေးလုပ်ငန်းများကြန့်ကြာသည်ဟု ပြောခဲ့သောဆရာသည် မည်သူမည်ဝါဖြစ်သည်ဟု ဒေါက်တာစိုးရသူဇော်က ထုတ်ဖော်ရေးသားခြင်း မရှိသော်လည်း ၎င်းသည် ဇီးပင်ကြီး နိုင်ငံရေးသိပ္ပံဌာန၏ အဆင့်အမြင့်ဆုံးဌာနမှူး ဒေါက်တာထွန်းမင်းဖြစ်ကြောင်း Myanmar Now က စုံစမ်းသိရှိရသည်။

ထိုကိစ္စနှင့်ပတ်သက်၍ လွန်ခဲ့သည့် နိုဝင်ဘာလက ဇီးပင်ကြီးသို့ သွားရောက်ပြီး ဒေါက်တာထွန်းမင်းကို တွေ့ဆုံမေးမြန်းခဲ့ရာ ၎င်းက သင်တန်းပို့ချချိန်များတွင် NLD ပါတီနှင့် ဒေါ်အောင်ဆန်းစုကြည်ကို အပုပ်ချ တိုက်ခိုက်ခဲ့သည်များ မပြုလုပ်ခဲ့ကြောင်း၊ သို့သော် သမိုင်းအချက်အလက် အနေဖြင့် ဒေါ်အောင်ဆန်းစုကြည် သည် အာဏာ မရခင်က တစ်နိုင်ငံလုံး ဆိုင်ရာ အပစ်အခတ် ရပ်စဲရေးစာချုပ်ကို တိုင်းရင်းသား လက်နက်ကိုင်များ ချင့်ချိန်စဉ်းစားပြီးမှ လက်မှတ်ထိုးရန် ပြောဆိုသည့် အချက်ကိုမူ ထည့်သွင်း သင်ကြားခဲ့ကြောင်း ဝန်ခံသည်။

“တစ်ချိန်တုန်းကတော့ ဘာပဲပြောပြော အလျင်စလို လုပ်လိုက်လို့ရှိရင် အဆင်မပြေစရာတွေ ရှိနိုင်တယ်။ ပြဿနာတွေ ရှိလာနိုင်လို့ အလျင်စလို လက်မှတ်မထိုးကြဖို့၊ ဒါ အတိုင်ပင်ခံပုဂ္ဂိုလ်ကိုယ်တိုင် ပြောဖူးတယ်ဆိုတာကိုပဲ ပြောတာပါ” ဟု ဒေါက်တာထွန်းမင်းက ဆိုသည်။

ထိုသို့ရှင်းပြသော်လည်း ဒေါက်တာထွန်းမင်း၏ နိုင်ငံရေး အရောင်အသွေးမှာမူ ၎င်းသုံးစွဲသော ဖေ့စ်ဘွတ်စာမျက်နှာတွင်တော့ သိသာထင်ရှားလှသည်။

၎င်းအသုံးပြုသော Tun Min ဖေ့စ်ဘွတ်အကောင့်ပေါ်တွင် ကမ္ဘာ့ကုလသမဂ္ဂ၊ အမေရိကန်ပြည်ထောင်စုနှင့် ဒေါ်အောင်ဆန်းစုကြည်တို့က မြန်မာနိုင်ငံကို ဖျက်ဆီးနေသည့် သဘော သက်ရောက်သည့် ကာတွန်း တစ်ခုကို တင်ထားရာ အစိုးရခန့်အပ်ထားသည့် ပါမောက္ခဖြစ်ပါလျက် အဘယ့်ကြောင့် ထိုကာတွန်းကို ဖေ့စ်ဘွတ်တွင် ဖော်ပြခြင်း ဖြစ်ကြောင်း မေးသည့်အခါ ဒေါက်တာထွန်းမင်းက ပြန်လည်ဖြေကြားရှင်း မရှိပေ။

၎င်း၏ ဖေ့စ်ဘွတ်တွင်ပင် “တပ်မတော် ကာကွယ်ရေးဦးစီးချုပ်က တိုင်းရင်းသားခေါင်းဆောင်များနှင့် တိုင်ပင်ပြီး ပြည်ပစစ်ကို ပြင်နေပြီ၊ လောက်ကောင် သစ္စာဖောက်ကောင်များ ဘယ်ပေါင်ပြေးကပ်မလဲ စောင့်ကြည့်နေကြပါ” ဟု စက်တင်ဘာ ၂၆ က ရေးသားခဲ့ဖူးသည်။

ဒေါက်တာထွန်းမင်းကသူသည် မကွေးတက္ကသိုလ်တွင် ပထဝီဘာသာရပ်ဖြင့် ဘွဲ့ရပြီး တက္ကသိုလ် ပထဝီဆရာ ဖြစ်လာကာ နောင်တွင် မန္တလေးတက္ကသိုလ်မှ ရေအရင်းအမြစ်ဘာသာရပ်ဖြင့် ပထဝီပါရဂူဘွဲ့ ရခဲ့ကြောင်း၊ ဇီးပင်ကြီးသို့ နိုင်ငံရေးသိပ္ပံ ပါမောက္ခအဖြစ် မရောက်ရှိမီ တောင်ကြီးတက္ကသိုလ်တွင် ပထဝီတွဲဖက်ပါမောက္ခဖြစ်ခဲ့ကြောင်း ပြောပြသည်။

ဇီးပင်ကြီးတက္ကသိုလ်၏ ပါမောက္ခချုပ် ဦးညီညီစံကလည်း ဒေါက်တာထွန်းမင်းသည် ပညာရှင် ရှုထောင့်မှ သင်ကြားပို့ချခဲ့ခြင်း သက်သက်ဖြစ်ပြီး မည်သည့်ဝါဒမှိုင်းမှ တိုက်ခဲ့ခြင်းမဟုတ်ကြောင်း ကာကွယ်ပြောဆိုသည်။

“ခံယူတဲ့အမြင်က အရေးကြီးတယ်။ ကျွန်တော့်မှာ ဖြူစင်တဲ့အမြင်လေးနဲ့မြင်မှသာလျှင် ပကတိအရောင်ကို မြင်ရမှာ။ ဒီဝန်ထမ်းတက္ကသိုလ်သည် ဝန်ထမ်းတွေရဲ့ သိသင့်သိထိုက်တဲ့ ပညာရပ်ကို သင်ပေးတာ။ ကျွန်တော်တို့ဘာမှိုင်းမှလည်း မရှိဘူး။ ဘာအရောင်မှလည်း သွတ်သွင်းလို့မရဘူး” ဟု အငြိမ်းစား ဒုတိယဗိုလ်မှူးကြီးတစ်ဦးလည်းဖြစ်သော ဦးညီညီစံက ဆိုသည်။

ဒေါက်တာစိုးသူရဇော် ဇီးပင်ကြီးသင်တန်းအကြောင်း ရေးသားမှုကြောင့် ဌာနတွင်း အစစ်အဆေး ခံရသည့်သတင်း ထွက်ပေါ်လာပြီးနောက် ဇီးပင်ကြီးတွင် တက်ရောက်ခဲ့သော ကျန်းမာရေး ဆရာဝန်များစွာတို့က ၎င်းတို့သည်လည်း ဒေါက်တာစိုးသူရဇော် ကဲ့သို့ပင် အခြေအမြစ်မရှိသော အကြောင်းအရာများကို သင်ကြားခဲ့ရကြောင်း အင်တာနက် လူမှုကွန်ရက်တွင် ထုတ်ဖော် ပြောဆိုနေကြသည်။

ထိုကဲ့သို့ထုတ်ဖော်သူများထဲတွင် မုံရွာပြည်သူ့ဆေးရုံကြီးတွင် မေ့ဆေးဆရာဝန်အဖြစ် တာဝန်ထမ်းဆောင်နေသူ အသက် ၄၂ နှစ် အရွယ် ဒေါက်တာနိုင်ထူးအောင်လည်း ပါဝင်သည်။ ၂ဝ၁၅ ရွေးကောက်ပွဲမတိုင်မီ ဇီးပင်ကြီးတွင် သုံးလသင်တန်းတက်ရောက်ခဲ့ရာ နိုင်ငံရေးသိပ္ပံသင်တန်းတွင် ထိုအချိန်က အတိုက်အခံ ခေါင်းဆောင် ဒေါ်အောင်ဆန်းစုကြည်ကိုလည်း သင်တန်းဆရာမက ပုဂ္ဂိုလ်ရေး မသိမသာ တိုက်ခိုက်ခဲ့ကြောင်း ၎င်းက ပြန်ပြောင်းပြောပြသည်။

“ပရိုဂျက်တာနဲ့ ‘ပြည်ထောင်စုစိတ်ဓာတ်’ဆိုတာ ရေးထားရာမှာ ‘စု’ ဆိုတဲ့စကားလုံးကို အရောင်မှိန် ထားတယ်။ နောက်ဝါကျတစ်ခုမှာ ရေးထားတဲ့ ‘အမျိုးသားအချင်းချင်း ချစ်ကြည်ရင်းနှီးရေး’ ဆိုတဲ့ စာသားမှာ ‘ကြည်’ စကားလုံးကို အရောင် တမင်မှိန်ထားတယ်။ အဲဒီလိုတွေချည်းပဲဗျ” ဟု ၎င်းက ဆိုသည်။

ယင်းကဲ့သို့ သင်ကြားပို့ချနေမှုများသည် ဗဟိုဝန်ထမ်းတက္ကသိုလ် မူဝါဒလား၊ ဆရာမ၏ ပုဂ္ဂလိက ပြောဆိုချက်များလားဟု မတ်တပ်ရပ်၍ ဒေါက်တာနိုင်ထူးအောင်ကလည်း မေးခွန်းထုတ်ခဲ့သည်။

“စိုးသူရဇော်ရေးတဲ့ဟာတွေဖတ်ပြီး ကျွန်တော် တော်တော် အံ့ဩသွားတာ။ NLD အစိုးရလက်ထက် ခေတ်ပြောင်းပေမယ့် သင်ကြားပို့ချတာတွေက တလွဲတွေ သင်တုန်းလားလို့။ ကောင်းတာ တစ်ခုကတော့ အပေါင်းအသင်း ကျယ်ပြန့်လာတယ်၊ နောက် လူတွေနဲ့ ပေါင်းတတ် သင်းတတ်လာတယ်၊ ဒါတစ်ခုပဲ ကောင်းတာပါဗျာ။ နောက်ဟာတွေက ဘာမှ ဘာမှ အကျိုးမရှိလိုက်ဘူး” ဟု ဒေါက်တာနိုင်ထူးက ဆိုသည်။

ပါမောက္ခချုပ်ဦးညီညီစံကမူ ၎င်း၏သင်တန်းသားများထဲတွင် ဆရာဝန်အများစုသည် စည်းကမ်းပိုင်းတွင် ထိန်းသိမ်းရ အင်မတန်ခက်ခဲသူများဖြစ်သည်ဟု ဆိုသည်။

နိုင်ငံတော်တွင် ကျန်းမာရေးဆရာဝန်များ လိုအပ်နေသည့်အတွက် နိုင်ငံ့ဝန်ထမ်း ရွေးချယ်ရေးအဖွဲ့က စာမေးပွဲ မအောင်မြင်သူများကိုပင် လက်ခံနေရပြီး ဝန်ထမ်း လေ့ကျင့်ရေးတက္ကသိုလ်များသို့ ပေးပို့နေခြင်းသည်လည်း ထိန်းသိမ်းရခက်ခဲခြင်း၏ အကြောင်းအရင်းတစ်ခုဖြစ်ကြောင်း ၎င်းကဆိုသည်။

“စိုးရသူဇော်က ဝန်ထမ်းရွေးချယ်ရေး စာမေးပွဲ စိတ်ပိုင်းဆိုင်ရာ အမေးအဖြေ (psycho test) မှာ ကျရှုံးတဲ့ စာရင်းထဲမှာ ပါတယ်” ဟု စိုးသူရဇော်အမည်ပါ စာရွက်တစ်ရွက်ကိုပြပြီး ဦးညီညီစံက Myanmar Now ကို ဇီးပင်ကြီး ဧည့်ခန်းမထဲရှိ ကျွန်းသား ဆိုဖာထိုင်ခုံပေါ်တွင် ထိုင်လျက်ပြောပြသည်။

Thant Nay Soe ဆိုတဲ့ အကောင့်ပိုင်ရှင်ကတော့ ခုဖြစ်ပေါ်လာတဲ့ ကိစ္စရပ်တွေနဲ. ပတ်သက်လို. သူ.အမြင် ကို ခုလိုရေးသားဖော်ပြထားပါတယ်

ဇီးပင်ကြီးကိစ္စ.. သွေးတိုးစမ်းမှုလို့ပဲမြင်တယ်။ နိုင်ငံရေးသမားသာဆိုရင်တော့ Popularity တော်တော်ရမှာပါ။ ဒါပေမဲ့ ဝန်ထမ်းလုပ်မယ်ဆိုရင်တော့ ဒီလိုစိတ်ဓာတ်က စိတ်ပျက်စရာကောင်းတယ်ဆိုရမယ်။

ဝန်ထမ်းတက္ကသိုလ်မှာပို့ချတာကို သူ့တစ်ယောက် အမြင်မကြည်တာနဲ့ပဲ ဒီလောက်သရုပ်ပျက်စရာမှ မလိုတာ။ ပွင့်ပွင့်လင်းလင်းပြောရရင် မြန်မာနိုင်ငံက အလယ်အလတ်တန်းစား မိသားစုတွေက ပညာတတ်လူငယ်တွေက ဝန်ထမ်းလုပ်ဖို့ စိတ်အားထက်သန်တဲ့လူတွေရှိကြတယ်။ ဝန်ထမ်းလုပ်ရင် မစားလောက်ဘူး သိတယ်။ ဒါပေမဲ့ ကျွန်တော်တို့ မိဘတွေက (ပေါဝတ္ထုတွေထဲကလို) ဘွဲ့ရတာနဲ့ တိုက်တစ်လုံး၊ ကားတစ်စီးနဲ့ ကုမ္ပဏီတစ်ခုလွှဲပေးရလောက်အောင် မချမ်းသာကြတဲ့အခါ ကျွန်တော်တို့မှာ ကိုယ့်ဘဝရပ်တည်ရေးအတွက် ဝန်ထမ်းလုပ်ကြရတယ်။ နောက်တော့သာ ဘာလုပ်လုပ်၊ ဘွဲ့ရပြီးစတော့ ဒီလိုပဲရပ်တည်ကြရတာပဲ။ ဝန်ထမ်းလုပ်မှတော့ ဝန်ထမ်းတွေ တက်ရမယ့် သင်တန်းကျောင်းတွေကိုလည်း တက်ကြရတာပဲ။ စည်းမျဉ်းတွေကို ဆင့်ကဲသင်ယူရတာပဲ။ ပို့ချတာတွေကိုလည်း လိုတာယူ၊ မလိုတာပယ်ပေါ့။ အမြင်မတူတာနဲ့ပဲ သောက်ကျိုးနည်း ဗဟိုဝန်ထမ်းတက္ကသိုလ်က ဝါဒမှိုင်းတိုက်တဲ့နေရာဖြစ်ရရောလား။ သင်တန်းသားတွေကို ဝါဒမှိုင်းတိုက်ရအောင် အဆင့်ဆင့် စာမေးပွဲတွေဖြေလာရတဲ့လူတွေက လွှတ်တော်ထဲကလို ပညာမတတ်တဲ့ ချိုကျိုးနားရွက်ပဲ့တွေမှ မဟုတ်တာ။

စစ်ပုံစံလေ့ကျင့်ရတာကို မကျေနပ်ဘူးလား။ တကယ်က စစ်မှုမထမ်း မနေရဥပဒေတောင် လိုအပ်နေသေးတာ။ ဒါက စည်းကမ်းကောင်းဖို့ လေ့ကျင့်တာပဲလေ။ ဝန်ထမ်းလုပ်ရင် အရပ်သားတွေလို စည်းကမ်းမပါဘဲ အလုပ်လုပ်လို့မှ မရတာ။ ဒါထက် ဝန်ထမ်းဆိုတာ နိုင်ငံတစ်နံတစ်လျား နယ်စုံသွားရတာ။ မငြိမ်းချမ်းတဲ့ဒေသတွေမှာ တာဝန်ကျရင်တော့ စစ်သင်တန်းတက်မထားရင် သေပေါ့။ အခုတော့ အလကားနေရင်း စစ်ဖိုးဘီးယားဝင်ရာက ပေါ်ပြူလာဖြစ်ချင်စိတ်လွန်ကဲပြီး ထကြောင်တာ လို့ပဲ မြင်တယ်။ ဝန်ထမ်းလိုမနေနိုင်ရင် ဝန်ထမ်းမလုပ်နဲ့။ အရပ်သားပဲလုပ်။ ဘယ်သူမှ အတင်းမလုပ်ခိုင်းဘူး။

ဇီးပင်ကြီးဂယက်လည်း ဘာမှမဟုတ်ဘူး။ ထွေအုပ်ကို ပြည်ထဲရေးအောက်ကနေဖယ်တာနဲ့ မရှေးမနှောင်းမှာ ကပ်လျက်ပါလာတဲ့ ဆိုက်ကိုဖောက်ခြင်းတစ်ခုပဲ။ ဇီးပင်ကြီးဆိုတာ မလိုအပ်တဲ့အရာတစ်ခုလို့ ပုံဖော်ပြီး ဖယ်ရှားပစ်ချင်တာလည်း ဖြစ်ချင်ဖြစ်မှာပေါ့။ စစ်အာဏာရှင်တွေရဲ့ဝါဒဖြန့်ရာနေရာတစ်ခုအဖြစ် စွပ်စွဲပြီး အဆုံးသတ်ချင်တာကနောက်.. သူဒီလိုလုပ်တော့ ဝန်ထမ်းတွေဆိုတာ စစ်တပ်ဝါဒမှိုင်းမိနေတဲ့လူတွေလို့ မဆီမဆိုင် ဆွဲစေ့စော်ကားလို့ ရတာပေါ့။ အစိုးရမအောင်မြင်တာက ဝန်ထမ်းတွေကြောင့်လို့ ဖြစ်တော့တာပေါ့။

လက်ရှိအခြေအနေကတော့ 1 vs. An Institution ပဲ။ ပြောနိုင်တာကတော့ အခုလို ပညာမတတ်တဲ့ အစိုးရလက်အောက်မှာ အစိုးရရဲ့စီမံခန့်ခွဲမှု ညံ့ဖျင်းတာတွေကို ဝန်ထမ်းတွေက စိတ်ကုန်နေခိုက် အခုလိုလုပ်ရပ်တွေလုပ်တော့ ဝန်ထမ်းနဲ့အစိုးရ ပိုဝေးဖို့ပဲရှိတာပေါ့။ အရေးထဲ ရာထူးဝန်ကိစ္စကလည်း အရှုပ်အထွေးရှိသေးတယ်။ ဂုဏ်ထူးဆောင် ဒေါက်တာဘွဲ့နဲ့ ခပ်တည်တည် ဒေါက်တာလုပ်နေတဲ့ကိစ္စ။ ဒါပေမဲ့ ဒါကလည်း ဒီအစိုးရလက်ထက်ကျမှ ခန့်ထားခဲ့တဲ့လူပဲ။

လုပ်ကြပေါ့။

Mass Hysteria ဆိုတဲ့ အစုလိုက်အပြုံလိုက် စိတ်ဖောက်ကြတဲ့ ရောဂါဆိုတာ အနီကြောင်တွေကြားမှာ တွေ့ရများတဲ့ စိတ်ရောဂါတစ်မျိုးပဲမဟုတ်လား။ အစိုးရတစ်ရပ်ဆိုတာ ငါးနှစ်ပဲခံတယ်။ အလွန်ဆုံးစိတ်ဖောက်ခွင့်ရကြ နှစ်နှစ်ပေါ့။

ဒီဇီးပင်ကြီး နဲ.ပတ်သက်လို. ဘူးဘက်လှဆွေ လို. နာမည်ကျော်တဲ့ ဦးလှဆွေကတော့ သူ. PAGE မှာ ခုလိုရေးသားထားပါတယ်

ဘာရယ်လို့မဟုတ်ပါဘူး ၊ ဒါပေမဲ့ခံယူချက်ခြင်းမတူတဲ့သဘောကိုပြောတာပါ ၊ နှစ်ပဲတစ်ပြားကိစ္စလောက်ကို ရေးကြီးခွင်ကျယ်လုပ်နေလို့ပါ / ဖေါင်ကြီး ဇီးပင်ကြီးသင်တန်းတွေမှာ အစိုးရဝန်ထမ်းတွေကို လေ့ကျင့်သင်ကြားပေးတာကြာပါပြီ ၊ ကမ္ဘာ့မည်သည့်တိုင်းပြည်မဆို အစိုးရ ရာထူး တစ်ဆင့်တိုးတိုင်း တစ်ကြိမ် သင်တန်းတက်ရလေ့ရှိပါတယ် ( သင်တန်းမတက်ရဘဲ ရာထူးရတဲ့ ရာထူးတက်တဲ့ အစိုးရဌာနရှိတဲ့တိုင်းပြည် အမည် ရှိရင်ပြောပါ ) ။

သင်တန်းဆိုတာ အထက်အကြီးအကဲတွေ သဘောတူညီမှု့နဲ့ သင်ရိုးညွှန်းတန်းတွေ ဆေးလဗါတ် တွေ ကြိုတင်ပြုစု တင်ပြ ပြီးမှ ပို့ချသင်ကြားတာနားထောင်ရတာပါ ။ ဆိုရှယ်လစ်ခေတ်မှာ မြန်မာ့ဆိုရှယ်လစ်လမ်းစဉ်ပါတီ ( အောင်ရမည် ) ၃ ကြိမ်အော်ကြရပါတယ် ။ ဘယ်လိုပင်အော် အော် စိတ်ထဲရှိတာလုပ်ကြတာပါဘဲ ။ ဥပမာ ဒေါ်ခင်ဝိုင်းကြည် ဆိုတာ ပထမအကြိမ်လွှတ်တော်ရဲ့ ထင်ရှားတဲ့အမတ်ပါ။

သူဟာ ဆိုရှယ်လစ်ခေတ် စက်မှု့ဝန်ကြီးဌာနဝန်ထမ်းဘဝနဲ့ ဖေါင်ကြီးသင်တန်းတက်ခဲ့ရာမှာ အကောင်းဆုံးသင်တန်းသူဆု ရခဲ့သူပါ ။ သူဟာ ဆိုရှယ်လစ်ပါတီပြုတ်ကျစေခဲ့သော ဒီမိုကရေစီဆန္ဒပြပွဲ ရှစ်လေးလုံးမှာဦးဆောင်ခဲ့သူတစ်ယောက်ဖြစ်ပြီး ဒေါ်စုနဲ့အတူ NLD ပါတီအမာခံတယောက်လည်းဖြစ်ပါတယ် ။ ၂၀၁၀ မှာ ခြေဥ မပြင်ရင်မဝင်ဘူး ဆိုပြီး ဒေါ်စုနဲ့အဖွဲ့တင်းခံနေတဲ့အချိန်မှာ ပြည်သူတွေနစ်နာမှု့ကိုတတ်စွမ်းသလောက်ပူးပေါင်းဆောင်ရွက်မယ်ဆိုတဲ့ NDF ပါတီနဲ့အတူ လွှတ်တော်ထဲရောက်လာပါတယ် ။ ဒေါ်ခင်ဝိုင်းကြည်ရဲ့ လွှတ်တော်ထဲမှာထင်ရှားတဲ့အဆိုကတော့ မျိုးစောင့်ဥပဒေ ၄ ရပ်ဘဲဖြစ်ပါတယ် ။

ဇီးပင်ကြီး ဖေါင်ကြီး မှာ ဘယ်လိုသင်သင် ကိုယ့်စိတ်နေစိတ်ထားကအဓိကပါ ။

ဇီးပင်ကြီးရောက်မှ တန်းစီရ ပီတီ ပြေးရ အိပ်ယာခင်းခေါက်ရ လုပ်ရတာတွေကို ဖရီးသမားတွေက မကြေမနပ်ဖြစ်ပြီး ငါက လူတော် ဆရာဝန် ဒါတွေလုပ်စရာမလိုဘူး ဘာညာကွိ ဖင်ခေါင်းကျယ်တတ်တဲ့လူတွေတစ်ပုံကြီးပါ ။ ဒါတောင် အချို့ ဆယ်တန်းအောင်အမှတ်မကောင်းလို့ သွားကု တိကု ဖြစ်နေတာတောင် ဖင်ခေါင်းက အကျယ်ကြီး ။ တကယ်တော့ ငါဘာအဆင့်လည်း ဆိုတာ သင်တန်းကျောင်းအပေါက်ဝ ဆိုင်းပုဒ်မှာ ချိတ်ထားခဲ့ရမှာပါ ။

တပ်မတော်စစ်ဆေးရုံတစ်ခုရဲ့ နွေမိုးဆောင်း မနက် ၇:၃၀ တိုင်း တန်းစီပြီး နိုင်ငံတော်အလံအလေးပြု သစ္စာဆို တာလေးကိုတင်ပြပါရစေ ။ အဲ့ဒီတန်းစီတဲ့ ဦးဆောင်သူဟာ ကာနယ်အဆင့် အမျိုးသမီးတပ်မှုးပါ ။ သူကိုယ်တိုင်က ပါရဂူ တစ်ယောက်ဖြစ်သလို သူလက်အောက်က တန်းစီနေသူတွေထဲမှာ ခလေးအထူးကု မေ့ဆေး ဆာဂျင် အိုဂျီ အကုန်ပါတဲ့အပြင် ဘရာသာတွေ စစ္စတာတွေ ဘရာစစ် တွေ သာမက ထမီအနီဝတ် နာပ်စ် တွေရော ထမိန် ခရမ်းရောင်ဝတ် သန့်ရှင်းရေးဝန်ထမ်းတွေပါ အဆင့်မခွဲအတူတကွ နေ့စဉ် တန်းစီ သစ္စာဆိုနေတာ အပြင် အပိုအလုပ်အဖြစ် တပ်နယ်အစီအစဉ်နဲ့ ထ္မင်းတစ်ပွဲ ၅၀၀ နဲ့ ဈေးမှာထွက်ရောင်းနေတာမြင်ရရင်ဖြင့် ဒီငပိန်းတွေ ဘယ်လိုနေမလဲလို့ တွေးမိပါတယ် ဗျာတို့ရေ့ ။

ဆက်စပ်ဖတ်ရှုရန်

  

ဇီးပင်ကြီးစစ်တမ်း ဇီးပင်ကြီးပုံပြင် နဲ. ဇီးပင်ကြီးအမြင်များ