မထင်မှတ်သော အမှား
စီစီဝမ်တာပန်စခန်းတွင်မိမိဘဝအတွက်ပထမဆုံးအကြိမ်မယုံတစ်ဝက်ယုံတစ်ဝက်နှင်တွေ့ကြုံရသော
မမြင်ရသောစွမ်းအားရှင်နှင့်ကြုံတွေ့ရသောအတွေ့အကြုံများမှာဤမျှသာမဟုတ်ပါ၊ယခုမှအစရှိပါသေးသည်၊
စခန်းများကိုဗကပသောင်းကျန်းသူများကတိုက်ခိုက်ခြင်းအထိဆက်နွယ်ပါတ်သက်နေပါသေးသည်၊
စီစီဝမ်တာပန်ဘိန်းမုံ့ကုန်းစခန်းသို့မိမိရောက်ရှိပြီးရှေ့တန်းခလရ(၉)စစ်ကြောင်း(၂)စစ်ကြောင်းမှူးအဖြစ်
၁၉၈၄ခုနှစ်နှစ်ဆန်းရက်တာဝန်စတင်ယူရချိန်မှစပြီးမိမိတာဝန်ယူထားရချိန်အတွင်းဗကပတို့နှင့်ပြင်းပြင်း
ထန်ထန်တိုက်ရလိမ့်မည်ဟုမြှော်မှန်းပြီး
စခန်းများ၏ခံစစ်ကြံ့ခိုင်မှုလုပ်ငန်းများကိုနေ့စဉ်ရက်ဆက်
မနားမနေပင်ကြပ်မတ်ဆောင်ရွက်နေခဲ့ပါသည်၊အထူးသဖြင့်ခံစစ်အတားအဆီးလုပ်ငန်းများ(မိုင်းကွင်းများ
ရှင်းလင်းခင်းကျင်းခြင်း၊၆ပေအကျယ်/၆ပေအနက်ညှောင့်ကျင်းများကျားကွက်သဖွယ်ရှေ့နောက်နှစ်
တန်းတူးခြင်း၊စခန်းခြံစည်းရိုးများအသစ်ကာရံခြင်း)ခန်းတွင်းဆက်သွယ်ရေးမြောင်း/ပစ်ကျင်းများ
တူးခြင်း၊ခေါင်ကတုတ်များအသစ်တည်ဆောက်ခြင်း၊လက်နက်ကြီးများကျည်မဲ့လေ့ကျင့်ပစ်ခတ်ခြင်း၊
မှတ်ပုံတင်ပစ်ခတ်လေ့ကျင့်ခြင်း၊နေ့/ညတပ်
လှန့်အသင့်နေရာယူခြင်းများကိုမနားမနေကြပ်မတ်ဆောင်ရွက်နေခဲ့ပါသည်၊တပ်ဖွဲ့ဝင်စစ်သည်များ၏ခံစစ်
လုပ်ငန်းပင်ပမ်းမှုအပေါ်ငြီးငြူကြသံများကိုမသိဟန်မကြားဟန်ဆောင်၍ခံစစ်တိုက်ပွဲဝင်
အသင့်ဖြစ်ရေးသာဦးစားပေးကြပ်မတ်ဆောင်ရွက်နေခဲ့ပါသည်။
နေ့လည်ခင်းတစ်ခုတွင်မိမိအကူရဲဘော်မှ"ဗိုလ်မှူးကျနော်တို့မွေးထားတဲ့ကြက်လေးတွေကိုထိုး
သုတ်သွားလေ့ရှိတဲ့ဂျိုးသိန်းငှက်သစ်ပင်ပေါ်နားနေတယ်ပစ်ပေးပါ"လို့လာသတင်းပို့သဖြင့်လက်
စွဲတော်ပစ်နေကျကာဘိုင်သေနတ်ဖြင့်အပင်ပေါ်နားနေသောဂျိုးသိန်းငှက်ကိုချိန်ပစ်လိုက်ပါသည်၊ယခင်က
စာကလေးငှက်ကိုပင်မလွဲအောင်ပစ်ခဲ့သည့်သေနတ်ဖြင့်(၅)ချက်ပစ်ပြီးသည့်
တိုင်ဂျိုးသိန်းကိုမထိမှန်ပဲ(၆)ချက်မြောက်
ပစ်ချိန်ကျမှအတောင်ကိုရှပ်ထိပြီးဂျိုးသိန်းငှက်နားနေရာမှအခြားသို့ထပျံသွားခဲ့ပါသည်၊
အတောင်မွှေး၂ချောင်းလောက်သာလွင့်ကျလာခဲ့ပါသည်၊မိမိကိုယ်မိမိရောသေနတ်ကိုပါအပြစ်တင်ပြီးအကူ
ရဲဘော်ထံသေနတ်ကိုလွှဲပစ်ပေးလိုက်ပါသည်၊
ထိုဖြစ်စဉ်ဖြစ်ပြီးနောက်ရက်မှစ၍မိမိစစ်ကြောင်း(၂)တွင်အုပ်ချုပ်မှုဖြစ်စဉ်ကြီး(၆)ကြိမ်ဆက်ဖြစ်ပါတော့သည်၊
မိုင်းကွင်းအတွင်းရှင်းလင်းမိုင်းအသစ်ပြန်ထောင်သောစစ်အင်ဂျင်နီယာစစ်သည်လက်အတွင်း
မတော်တစ်ဆမိုင်းကွဲ၍ပြင်းထန်စွာဒဏ်ရာရပြီးရဟတ်ယာဉ်တောင်းခံလားရှိုးဆေးရုံသို့ပို့ဆောင်စဉ်လမ်းမှာ
ပင်ကျဆုံးခဲ့သည်၊ညှောင့်ကျင်းတူးညှောင့်စိုက်နေသောစစ်သည်များထံထမင်းသွားပို့သောစစ်
သည်ခြေချော်ညှောင့်ကျင်းထဲကျဒူးနှစ်ဖက်လက်ဝါးနှစ်ဖက်ညှောင့်စူးထုတ်ချင်းပေါက်ပြင်းပြင်းထန်ထန်
ဒဏ်ရာရ၊ဝါးခြေထောက်ရေဘူးထမ်းရေခပ်ပန်လာသော
စစ်သည်စခန်းအဝင်ဝညှောင့်ကျင်းဖြတ်တံတားပေါ်မှခြေကျော်ကျခြေဖဝါးထုတ်
ချင်းပေါက်ညှောင့်စူး၊မိမိစခန်းငယ်တစ်ခုသွားစစ်ဆေးစဉ်စခန်းအောက်ဆင်းကြိုသောစခန်းမှူးအရာ
ရှိငယ်တစ်ဦးညကထောင်ထားသောတိုက်မိုင်းတိုက်မိပေါက်ကွဲခုန်ရှောင်မှောက်ချလိုက်သဖြင့်
ကံကောင်းလှစွာဒဏ်ရာမရလွတ်သွားခဲ့၊စသည့်ဖြစ်စဉ်များအပါအဝင်မတော်တစ်ဆအုပ်ချုပ်မှုဖြစ်စဉ်(၆)
ကြိမ်ဆက်တိုက်ဖြစ်ပွါးခဲ့ပါသည်၊မိမိသတိပေးအမိန့်ညွှန်ကြားချက်များအကြိမ်ကြိမ်ထုတ်သတိပေးခဲ့ရသည့်ပြင်
ဟိုခဲရွာကျောင်းထိုင်ဆရာတော်ထံသို့လည်းဒုအရာခံဗိုလ်ဆရာကြီးတစ်ဦးကိုစေလွှတ်သတင်းပို့စေခဲ့ပါသည်။
ဟိုခဲဆရာတော်က"တကာကြီးဗိုလ်မှူးတောင်စောင့်နတ်ကြီးတွေနေဘို့သတ်မှတ်ပေးထားတဲ့သစ်ပင်နဲ့
ပတ်သက်ပြီးအမှားလုပ်မိပြီ၊အဲ့ဒီသစ်ပင်မှာဖယောင်းတိုင်ထွန်းပူဇော်ပြီးတောင်းပန်လိုက်ပါ"(မိမိ
ဂျိုးသိန်ငှက်ကိုသေနတ်ဖြင့်၆ချက်ပစ်ခဲ့သောအပင်မှာထိုသစ်ပင်ဖြစ်နေခဲ့မှန်းဆရာတော်သတိပေးချိန်ကျမှမိမိ
သတိထားသိသွားပါသည်)ဟုမှာကြားသည့်ပြင်ခေါင်းဆောင်ဗိုလ်မှူးကကံတွေသိပ်မြင့်နေတယ်၊
ခုချိန်မှာသူ့ကိုအနီးကပ်ရိုက်သတ်လို့တောင်မသေနိုင်ဘူး၊သူမှားသမျှသူမခံရပဲလက်အောက်ငယ်သားတွေ
ခံကြရလိမ့်မယ်၊ဟုပင်မှာကြားလိုက်ပါသည်၊ပို၍အရေးတစ်ကြီးမှာလိုက်သည်မှာ"မကြာခင်
ဗကပ တွေကစီစီဝမ်တာပန်စခန်းများကိုတိုက်သိမ်းဘို့စီစဉ်နေကြတယ်၊မတိုက်ဖြစ်အောင်တော့ဘုန်ကြီးလည်း
ကိုယ့်နည်းကိုယ့်
ဟန်နဲ့တားနေတယ်၊တားလို့ရမရတော့မသိသေးဘူး၊တောင်စောင့်နတ်ကြီးများကလည်းတပ်စခန်းများလုံခြုံရေး
အတွက်သင့်သလိုကူညီပေးပါလိမ့်မည်၊ဒီညောင်ရေအိုးနဲ့ဒီဇော်စိမ်းပန်းခက်ကိုယူသွား၊စခန်းပေါ်ကဘုရားစင်
မှာကပ်လှူထား၊နေ့တိုင်ရေလဲပေး၊ပန်းမခြောက်သွားစေနဲ့၊ဇော်စိမ်းပန်းအရွက်တွေမကြွေကျစေနဲ့၊တား
မရလို့ပန်း
ရွက်တွေကြွေကုန်ရင်နောက်ဆုံးပန်းရွက်ကြွေပြီးနောက်ရက်မှာရန်သူမလွဲမသွေတိုက်ပါလိမ့်မယ်သတိတော့
ကြီးကြီးထားပါ၊ညောင်ရေအိုးထဲကရေကိုပွါးပြီးတပ်စခန်းခြံစည်းရိုးတစ်လျှောက်ဖြန်းပေးလောင်းပေးထားပါ၊
ရန်သူဝင်မလာနိုင်အောင်ပေါ့"ဟုမှာကြားပြီးကြွေညောင်ရေအိုးနှင့်အရွက်(၁၀)ရွက်ပါသောဇော်
စိမ်းပန်းခက်ကိုပါဆရာတော်ကပြန်ထည့်ပေးလိုက်ပါသည်
ဇော်စိမ်းပန်း နောက်ဆုံးရွက်ကြွေချိန်
ဒုအရာခံဗိုလ်ဆရာကြီးပြန်လည်ရောက်ရှိသတင်းပို့သိရပြီးသည်နှင့်နတ်သစ်ပင်တွင်ဖယောင်းတိုက်ထွန်းပူဇော်
၍မိမိဘဝတွင်ပထမဆုံးအကြိမ်အဖြစ်မမြင်ရသောစွမ်းအားရှင်တောင်စောင့်နတ်များကိုတောင်းပန်
လိုက်ပါသည်၊မိမိအပြစ်လုပ်မိပါကမိမိကိုသာအပြစ်ပေးပါရန်နှင့်တပည့်စစ်သည်များကိုအပြစ်ပေးသည့်သဘော
ထိခိုက်အောင်မလုပ်ပါရန်လည်းဖြည့်စွက်တောင်းပန်ပြောခဲ့ပါသည်။ဆရာတော်ပေးလိုက်သောညောင်ရေ
အိုးနှင့်ဇော်စိမ်းပန်းကိုလည်းမိမိကိုယ်တိုင်ပင်စခန်းတောင်ကုန်းထိပ်ဘုရားစင်သို့ပို့ဆောင်
ကပ်လှူပူဇော်ထားလိုက်ပါသည်၊
ထိုနေ့မှစပြီးနေ့စဉ်ဘုရားညောင်ရေအိုးရေလဲကပ်လှူခြင်းကိုမိမိကိုယ်တိုင်ပင်ဆောင်ရွက်သကဲ့သို့စခန်း
များ၏လုံခြုံရေးတိုက်ပွဲဝင်အသင့်ဖြစ်ရေးကိုလည်းအထူးသတိထားကြပ်မတ်စီစဉ်ဆောင်ရွက်နေခဲ့ပါသည်
၊မြေပြင်ရန်သူ့သတင်းထောက်လှမ်းဖေါ်ထုတ်ချက်များအရလည်းဗကပတို့၏မုန်းပေါ်မန်ကျန်းသို့ဘီးပါသော
အကူပစ်လက်နက်ကြီး(၁၂၀မမစိန်ပြောင်းကြီး)ယခုရက်ပိုင်းအတွင်းရောက်ရှိလာကြောင်းသိနေရပါသည်။
စခန်းထိပ်ဘုရားစင်ရှိညောင်ရေအိုးရေကိုကိုယ်တိုင်မည်သို့ပင်လဲပေးစေကာမူဇော်စိမ်းပန်းပင်၏အရွက်များ
တစ်ရက်လျှင်တစ်ရွက်နှုန်းကြွေကျနေသည်ကိုတားမရနိုင်ပါ၊နောက်ဆုံးပန်းရွက်ကြွေကျပြီးနောက်ရက်
၁၉၈၄ခုနှစ်ဖေဖဝါရီလ(၁၁)
ရက်နေ့နံက်(၀၄၀၀)နာရီမှစတင်ပြီးစီစီဝမ်တာပန်ဒေသမိမိတို့ရှေ့တန်းခလရ(၉)စစ်ကြောင်း(၂)တပ်ခွဲနှစ်ခွဲ
၏စခန်း(၁၄)ခုစလုံးရာနှုန်းပြည့်တပ်လှန့်အသင့်နေရာယူထားချိန် နံက်(၀၅၃၀)နာရီအချိန်တွင်ရန်သူဗကပတို့၏စခန်းများဘက်မှစပစ်လိုက်သော(၈၂)မမစိန်ပြောင်းဗုံးသီး
တစ်လုံးမိမိရင်ဆိုင်ကုန်းစခန်းနှင့်ဇော်
ဝင်းကုန်းတပ်စခန်းအကြားကျရောက်ပေါက်ကွဲခဲ့ပြီးစီစီဝမ်တာပန်ဒေသခံစစ်တိုက်ပွဲကြီးစတင်ခဲ့ပါသည်
၊၎င်းတိုက်ပွဲကြီးတစ်နေကုန်အပြင်းအထန်ဖြစ်ပွါးခဲ့သော်လည်းမိမိစခန်းများကိုမသိမ်းနိုင်ပဲရန်သူ
ဗကပတို့ထိခိုက်ဆုံးရှုံးမှုများစွာဖြင့်မုန်းပေါ်မန်ကျန်းဒေသသို့ပြန်လည်ဆုတ်ခွာသွားခဲ့ကြရပါသည်၊ခံစစ်ကြံခိုင်မှု
အတွက်အပင်ပန်းခံပြင်ဆင်ထားခဲ့မှုစစ်ရေးအကျိုးအမြတ်များကိုမိမိတို့စစ်ကြောင်းလက်တွေ့
ရရှိခံစားခဲ့ရပါသည်၊ထို့အတူမိမိတို့အနီးတွင်မမြင်ရသောစွမ်းအားရှင်များရှိနေပြီးနိုင်ငံတော်ကာကွယ်ရေးအ
တွက်သူ့နည်းသူ့ဟန်ဖြင့်ကူညီပေးနေကြကြောင်းလည်းမိမိဘဝတွင်ပထမဆုံးအကြိမ်သိခွင့်ရှိခဲ့ပါသည်။
ဤစီစီဝမ်တာပန်စခန်းကိုများဗကပလက်ထဲရှိစဉ်ကမိမိဦးစီးရှေ့တန်းခလရ(၃)စစ်ကြောင်း(၂)ဖြင့်ဘိန်းမုံ့ကုန်း
စခန်းကိုတိုက်သိမ်းခဲ့ဘူးသလို၎င်းစခန်းများမိမိဦးစီးရှေ့တန်ခလရ(၉)စစ်ကြောင်း(၂)က
တာဝန်ယူထိန်းထားချိန်တွင်သာလွန်သောလူလက်နက်အင်အားဖြင့်လာရောက်တိုက်ခိုက်သော
ဗကပတို့ကိုအထိနာအောင်ခံစစ်ဆင်တိုက်ထုတ်နိုင်ခဲ့ပါသည်၊မမေ့နိုင်စရာစစ်ဆင်ရေးအတွေ့အကြုံကိုလည်း
ရရှိနိုင်ခဲ့ပါသည်။
Post တွင်ထည့်သွင်းအသုံးပြုထားသော ပုံများမှာ ယခုဖြစ်ရပ်များနှင့် သက်ဆိုင်ခြင်း မရှိပဲ သင့်တော်ရာ ပုံများသုံးထားခြင်းသာဖြစ်ပါသည် ။
မူရင်းရေးသားသူ နှင့် ဇနီး
ဆက်စပ်ဖတ်ရှုရန်
No comments:
Post a Comment