Friday, December 2, 2016

ကွယ်လွန်သူ ၏ လိပ်ပြာ ပြန်ခေါ်ရာမှ ........ ( ဖြစ်ရပ်မှန် )


ဒီဇာတ်လမ်းလေးက ကျွန်မတို့မိသားစုမှာတကယ်ဖြစ်ခဲ့တာပါ။ ကျွန်မ တို့ခြံ (အခုတော့ ကန်ထရိုက်တိုက်) က တာမွေမြို့နယ် ကျိုက်က္ကဆံဘောလုံးကွင်း နဲ့ကပ်ရပ်မှာရှိပါတယ်။ ကျွန်မတို့ အဖိုးကတော့ ဒီဇာတ်လမ်းလေး ရဲ့ မင်းသားပေါ့ ။

အဖိုးကအလုပ် အရမ်းလုပ်သူပါ… အိမ်မှာလဲ ဆေးပြင်းလိပ်ခုံထောင်ထားသလို ဇတ်ပွဲကန်ထရိုက်လည်း လုပ်ပါတယ်… မိသားစုကို သံယောဇဉ်ကြီးသလို ပျော်ပျော် လည်းနေတတ်သူပေါ့။ ဒါပေမဲ့ ကံကြမ္မာက အဖိုး ကို ကုသမရတဲ့ ကင်ဆာရောဂါကို ပေးခဲ့ပါတယ်။


ဇာတ်လမ်းကတော့အဖိုးအသုဘမြေချတဲ့ရက်မှာစတာပါ။ မြေချတဲ့ရက်မှာမိသားစုဝင်ထဲမှာ ယောက်ျားလေး တွေ ရှိပေ မဲ့ အားလုံးကသောက အပူတွေနဲ့ဆိုတော့ အဖိုးလိပ်ပြာပြန်ခေါ်ဖို့ ကိုသတိ မရကြဘူးပေါ့။


ဒါပေမဲ့ အဖိုးရဲ့ဆေးလိပ်ခုံ အလုပ်သမား အကိုကြီးတစ်ယောက်က လိပ်ပြာပြန်ခေါ်ခဲ့ပါတယ်။ သူက အင်မတန် အစအနောက်သန် တယ်လေ။ လိပ်ပြာခေါ်တော့လည်း သူ့အကျင့် ကဖျောက်မရဘဲ အဖိုးနာမည် နဲ့ လိပ်ပြာ ကိုကောင်းကောင်းမခေါ်ဘဲ……


“ကဲ…လိုက်ချင်တဲ့သူတွေ လိုက်ခဲ့ကြ ငါ့အဘ တစ်ယောက်ထဲပျင်းနေမှာစိုးလို့ ဆိုပြီး “ပြောပြီးခေါ်လာသတဲ့ အဲ့ဒါကိုကျွန်မတို့ မိသားစုတွေ မသ်ိလိုက်ပါဘူး။ အဖိုးက လူချစ်လူခင်ပေါတော့နာရေးမှာ လူစီခဲ့သလို အိမ်မှာလဲ သတင်းလာမေးသူတွေနဲ့ အလွန်ကိုစည်ကားနေပါတယ်… အဲ…. ၇ ရက်ပြည့်တဲ့ရက်လည် ညမှာတော့ အိမ်မှာမိသားစုဝင် တွေနဲ့ အလုပ်သမား ၂ ယောက်လောက်ပဲ အိမ်မှာရှိတော့တယ်။


၁၂နာရီထိုးတဲ့အထိ နေရမှာဆိုတော့ မိသားစုတွေ ဖဲရိုက်ရင်းစောင့်မယ်ပေါ့။ အဲ…အဲ့မှာစတွေ့တော့တာပဲ… ၀ိုင်းစတည်တုန်းရှိသေးတယ်.. အိမ်တံခါးမကြီးမှာ ချိတ်ထားတဲ့ သော့ခလောက်အကြီးကြီးက သူဘာသာသူ လှုပ်နေတာကို တံခါးကို မျက်နှာမူပြီးထိုင်တဲ့ ကျွန်မတို့ဘကြီးကစမြင်ပါလေရော… အဘ ကအားလုံးကို သတင်းပေး အားလုံးလည်းပူးကပ်ပြီး တံခါးကိုမျက်နှာမူ ထိုင်လိုက်တော့ သော့လှုပ်တာက ပိုကြမ်းလာပြီး တံခါးကိုလည်း တစ်ယောက်ယောက်က ကိုင်လှုပ်နေသလို တ၀ုန်းဝုန်း တဒိုင်းဒိုင်းဖြစ်နေတော့ အမေက နင်တို့ အဖိုးနင်တို့ကို နှုတ်ဆက်နေတာ လို့ ပြောနေတုန်းမှာ ပင် နောက်ဖေးကနေရေချိုးနေသံ ကြားပြန်ရောလေ…


နောက် မီးဖိုချောင်မှာ ခုံဖိနပ်နဲ့လမ်းလျှောက်နေသံ တဒေါက်ဒေါက်ကိုလည်းထပ်ကြားနေပြန်ရော… ကျွန်မ တို့မိသားစုလည်းကြောက်လွန်းလို့ အသားတွေလည်းတုန် ချွေးတွေးလည်းပြန်… ဘုရားစာတွေရွတ် တာလည်း ကပြောင်းကပြန်တွေဖြစ်နေတုန်း မှာအိမ်ရဲ့ဘေးနံရံတွေကို လူအယောက် ၂၀ လောက်ဝိုင်း ထုနေသလို တ၀ုန်းဝုန်းထုကြပါတယ်… ကျွန်မတို့ လည်းကြောက်လိုက်တာမှ လိပ်ပြာလွှင့်မတတ်ပါပဲ။


အဲဒီ ခံစားချက်က ဒီတစ်သက်မေ့နိုင်မှာ မဟုတ်ပါဘူး။ ကျွန်မစိတ်ထဲမှာလည်း မိုးမြန်မြန်လင်းစေချင်နေ ပါတော့တယ်။ အရင်ကဆို ကျောင်းတက် ရမှာပျင်းလို့ မိုးမြန်မြန်မလင်းစေချင်ခဲ့ပါဘူး။ အဲလိုနဲ့ ရသမျှဘုရားစာတွေ ၀ိုင်း၇ွတ်ကြရင်း အသံတွေလည်းကြားရင်းနဲ့ မနက်လင်းသွားပါတယ်… အလင်းရောင် ရတော့ အသံတွေအားလုံးက ညကသူမဟုတ်ခဲ့ သလိုပါပဲ။ တိတ်ဆိတ်ငြိမ်သက်လို့။


အိမ်ကလူကြီးတွေလည်း ကျွန်မတို့မိသားစုကိုးကွယ်တဲ့ ဘုန်းဘုန်းကြီးဆီကိုသွားပါတယ်။ ဘုန်းဘုန်း ကြွလာတော့ အိမ်ဝရောက်ရောက်ချင်း အိမ်ထဲကို မလာသင့်တဲ့ ဧည့်သည်တွေရောက်နေတာပဲလို့… မိန့် တယ်..


ပြီးတော့ မနေ့ကလိပ်ပြာပြန်ခေါ်လာတာ ဘယ်သူလည်း လို့မေးတော့ အလုပ်သမားအကိုကြီးက သူပါ လို့ပြောတယ်… အဲ့တော့ဘုန်းဘုန်းက ဒကာ ဘယ်လိုပြောပြီးပြန်ခေါ် လာတာလည်းလို့မေးတယ်…


အကိုကြီးက ဖြစ်ကြောင်းကုန်စဉ်ပြန်ပြောပြတယ်။ ကျွန်မတို့ မိသားစုလည်းတအံ့တသြပေါ့။ ဘုန်းဘုန်း က မိန့်တယ်… သရဲအကောင် ၂၀ ထက် မနည်းပါလာတယ်တဲ့လေ…


နှစ်ချို့ သရဲကြီးတွေလည်း ပါတယ်လေ။ အဲဒါကြောင့် ကျွန်မတို့ဘုရားစာရွတ်လည်း မရခဲ့တာပေါ့…။ ဘုန်းဘုန်း ကထပ်မိန့်တယ်… သူတို့က ခြံထဲက သရက်ပင် ကို အမှီပြုတော့မှာတဲ့… အမေလည်း အဲဒါဆို တပည့်တော်တို့ ဘယ်လိုလုပ်ရမလဲ လျှောက်တော့ ဘုန်းဘုန်းက ညနေခြံထဲမှာ ပရိတ်ရွတ် ဖို့ပြင်ဆင်ထားရန် မိန့်ပြီးတော့ ပြန်ကြွသွားပါတယ်။ ညနေ ၄ နာရီလောက်ကျတော့ သူတို့လည်း ဇာတ်လမ်းပြန် စပြီး အသံပလံတွေ စပေးပါတော့တယ်…


ကျွန်မတို့မိသားစုလည်းရှိ ရှိသမျှ အမျိုးတွေခေါ် ပရိတ်ရွတ်ဖို့ပြင်ဆင်ကြနဲ့ အလုပ်ရှုတ်နေတာ သူတို့ကိုတောင် အချိန်ပေးပြီး မကြောက်နိုင်တော့ပါဘူး။ အဲဒါနဲ့ ညနေ ၅ နာရီလောက်ကျတော့ ဘုန်းဘုန်း အပါအ၀င် နောက်ဘုန်းဘုန်း ၃ ပါးကြွလာပါတယ် ။ ပရိတ်စရွတ်တော့ အိမ်ထဲမှာလေမုန်တိုင်း ကျသလို အသံတွေ ဆူညံပွက်လောရိုက်နေ ပါတော့တယ်။ အစမှာ အဲလိုဆူညံပေမဲ့ နောက်တဖြည်းဖြည်းတိုးသွားပြီး အမျှခေါ်တဲ့ အချိန်မှာတော့ လုံးဝငြိမ်သက်တိတ်ဆိတ်သွားပါတယ်။


ဘုန်းဘုန်းကြီး က ပရိတ်ရေတွေကို သရက်ပင်ကိုသွားလောင်းပါတယ်။ နောက်တော့ ဒါကာ ဒါကာမ တို့ မစိုးရိမ် ပါနဲ့ အားလုံးသူနေရာသူပြန်သွားပါပီ ။ ဒီညအေးအေးချမ်းချမ်း အိပ်လို့ရပါပြီ လို့မိန့် ပြီးပြန်ကြွသွားပါတယ်။ ဒါပေမဲ့လည်း ကျွန်မတို့အကြောက် အရှိန်မသေပဲ တစ်ညလုံး မအိပ်နိုင်ကြပါဘူး ။ သို့သော် ဘာမှထူးခြားမှုမရှိပါ… အေးအေးချမ်းချမ်းပါပဲ။


အလုပ်သမား အကိုကြီးကလည်း အဖေ အမေတို့ ကိုတောင်းပန်ပါတယ်… သူ အဲလို မရည်ရွယ်ကြောင်း နောက်ပြောင်ရုံ သက်သက်ပြောခဲ့တာဖြစ်ကြောင်း.. တောင်းပန်ခဲ့ သလို ကျွန်မမိဘတွေ ကလည်း လူငယ်မို့ဖြစ်တာပဲလေ ဆိုပြီး ဗွေမယူခဲ့ပါဘူး။ ထူးဆန်းတာက မနက်ကျတော့ ပရိတ်ရေလောင်းခဲ့တဲ့သရက်ပင်ကြီးက မနေ့ကပဲ အရွက်အလက်တွေနဲ့ ဝေေ၀ဆာဆာရှိရာကနေ ညတွင်းချင်းမှာ ပဲ မီးရှို့ထား သလို တစ်ပင်လုံး မဲခြောက်လို့နေပါတော့တယ်……….။ ။ ။


ဖိုးသူတော် (www.phothutaw.com)
Credit:Myanmar Online news

No comments:

Post a Comment