နှာခေါင်း သွေးလျှံခြင်း ပြဿနာ အဖြေရှာ

နှာခေါင်းသွေးယိုခြင်းကို ''နှာခေါင်းသွေးလျှံတယ်''လို့ ပြောလေ့ရှိကြပြီး နှာရောင်တစ်လျှောက်မှ သွေးတွေစီးကျလာ တာပါ။ အမျိုးသားတွေမှာ ပို၍အဖြစ်များပါတယ်။

ယေဘုယျအားဖြင့် ကလေးသူငယ်များ၊ ဆယ်ကျော်သက်များနဲ့ သက်ကြီးပိုင်းတွေမှာ နှာခေါင်းသွေးလျှံတတ်ကြပြီး သက်လတ်ပိုင်းမှာတော့ မတော်တဆ ထိခိုက်ဒဏ်ရာရချိန်မှ လွဲ၍ ထိုရောဂါပြဿနာမျိုး ဖြစ်ခဲပါတယ်။ နှာခေါင်း အရှေ့သွေးလျှံခြင်းနဲ့ အနောက်သွေးလျှံခြင်း နှစ်မျိုးရှိပြီး အရှေ့ဘက်သွေး လျှံခြင်းက အဖြစ်များပါတယ်။ နှာခေါင်း အနောက်ဘက် သွေးလျှံခြင်းက ကြာတတ်ပြီး ကုသရလည်း ခက်ပါတယ်။ အချို့သူတွေမှာ ဆိုးဆိုးရွားရွားသွေးများဟာ နှာခေါင်းအတွင်း မျက်ရည်လမ်းကြောင်းမှတစ်ဆင့် မျက်စိထဲကနေ သွေးစိမ့်ထွက်လာတတ်ပါတယ်။ နှာခေါင်း သွေးလျှံခြင်းကြောင့် သေဆုံးမှု ရာခိုင်နှုန်း ရှားပါးသော်လည်း ထိုရှားပါး လူဦးရေစာရင်းမှာ မိမိမပါဖို့ လိုပါတယ်။ ပေါ့ပေါ့ ဆဆသဘော မထားသင့်ပါဘူး။ နှာခေါင်းသွေးလျှံရသည့် အကြောင်းများမှာ အောက်ပါအတိုင်း ဖြစ်ပါတယ်။

ရာသီဥတု ပယောဂ။
 အထူးသဖြင့် ရာသီဥတုပြင်းထန်သော အေးမြလွန်းတဲ့ ဆောင်းရာသီ သို့မဟုတ် ပူလွန်းတဲ့နွေရာ သီတွေမှာ အဖြစ်များပါတယ်။ တစ်ခါတစ်ရံမှာတော့ အပြင်ဘက်အေးတဲ့ နေရာကနေ ပူနွေးခြောက်သွေ့တဲ့ အိမ်အတွင်းဘက် ပတ်ဝန်းကျင်ကို ဝင်လာတဲ့အခါ အအေးအပူရုတ်ခြည်း ပြောင်းလဲမှုကြောင့် နှာခေါင်းသွေးလျှံခြင်း ဖြစ်ပွား လာရပါတယ်။

နှာခေါင်းအတွင်းသို့ လက်နှိုက် ကလိခြင်း။
 ကလေးသူငယ်များနဲ့ ဆယ်ကျော်သက်များ ဖြစ်လေ့ရှိပါတယ်။ သဘာဝ အားဖြင့်နှာခေါင်း နှစ်ပေါက်ကြားရှိ နံရံ၏ အရှေ့ဘက်အပိုင်းခေါ် Little Area နေရာတွင် အချွဲများ ခြောက်နေပြီး အ မြှေးဖတ်လေးရှိပါတယ်။ထို Little Area အရှေ့နားမှာ သွေးပြန်ေ ကြာငယ် တစ်ခုရှိပြီး ၎င်းနဲ့ကပ်လျက်မှာ သွေးလွှတ် ကြောရှိပါတယ်။ နှာခေါင်းထဲ လက်နှိုက်ကလိ၍ ၎င်းအမြှေးဖတ်ကို ခွာမိတဲ့အခါ အခန့်မသင့်ဘဲ သွေးကြောတွေမှ သွေးယိုစိမ့်ကျလာပါတော့တယ်။(မကြာခဏ လက်နှိုက်ကလိခြင်းကြောင့်လည်း အသက်ရှူလမ်းကြောင်းမှာ ပိုးဝင်၍ ရောဂါရလာပြီး နှာခေါင်းသွေး ယိုနိုင်ပါတယ်။)

အသက်အရွယ် အိုမင်းလာခြင်း။
သက်ကြီးပိုင်း နှာခေါင်းသွေးလျှံရခြင်းကို ဆေးသိပ္ပံနည်းဖြင့် ပြောရမည်ဆိုပါက နှာခေါင်းအတွင်းရှိ သွေးကြောနံရံ ကြွက်သားတွေပေါ်မှာ အရွတ်များနဲ့ ထုံးကျောက်များ ဖြစ်ပေါ်လာခြင်းပါပဲ။ ယင်းပြ ဿနာကြောင့် နှာခေါင်းသွေးလျှံတတ်ပါတယ်။

နှာခေါင်းအတွင်းနံရံ အတက်ကလေးမှ သွေးထွက်ခြင်း။
 နှာခေါင်းနှစ်ပေါက်ကြားရှိ နံရံအရှေ့ဘက်အပိုင်းမှာ အသား ပိုတက်ကလေးဖြစ်လာပြီး ထိုအတက်ကလေးကို ခပ်ကြမ်းကြမ်း ကလိမိပါက သွေးထွက်တတ်ပါတယ်။ (သွေးကြော မျှင်များဖြင့် ဖွဲ့စည်းထားသော ထိုအသားပိုအဖု အတက်ကလေး ကို ဖြတ်တောက်ပစ်ခြင်းဖြင့် ကုသနိုင်ပါတယ်)

အကျိတ်အဖုများ။ အကျိတ်အဖုတွေကို ပုံစံသုံးမျိုးဖြင့် မြင်တွေ့ရပါတယ်။

(၁) နှာခေါင်းထဲမှာဖြစ်စေ၊ နှာခေါင်းနဲ့ ဆက်စပ်နေသည့် အရိုးအတွင်းခေါင်း ခေါ် Sinus မှာဖြစ်စေ ကင်ဆာရောဂါအဖု ဖြစ်တဲ့အခါ နှာခေါင်းသွေးလျှံ တတ်ပါ တယ်။ထိုရောဂါက သွေးစိမ်းရှင်ရှင် မထွက်သော်လည်း သွေးနဲ့အတူ အချွဲတွေရော၍ ထွက်ကျလာတတ်ပါတယ်။
(၂) နှာခေါင်းရဲ့နောက်ဘက်ရှိ အာခေါင်ပိုင်းမှာဖြစ်တဲ့ အဖုအကျိတ် ကင်ဆာကလည်း နှာခေါင်းသွေးလျှံသည့် လက္ခဏာ တစ်မျိုးပါပဲ။
(၃) လူပျိုဖော်ဝင်စ အရွယ်မှာ ဖြစ်တတ်တဲ့ ရှားရှားပါးပါး အဖုအကျိတ်ကလည်း ကင်ဆာမဟုတ်သော်ငြား မကြာခဏ ဆိုသ လို နှာခေါင်းသွေးများ လျှံကျလေ့ရှိပါတယ်။

မျက်နှာအပေါ် ထိခိုက်ဒဏ်ရာ ရခြင်း။ မျက်နှာပေါ် ထိခိုက်ဒဏ်ရာရခြင်းကြောင့် အရိုးကျိုးဒဏ်ရာမှ နှာခေါင်းသွေးတွေ ဆက်တိုက် လျှံထွက်တတ်ပါတယ်။ ၎င်းဒဏ်ရာ သက်သာလာတာနဲ့အမျှ နှာခေါင်းသွေးလျှံတာပါ သက်သာသွားပါ လိမ့်မယ်။
အခြားရောဂါများ။ အခြားရောဂါများကြောင့်လည်း နှာခေါင်းသွေးလျှံခြင်း ဖြစ်တတ်ပါတယ်။

(၁) သွေးတိုးရောဂါနဲ့ နှာခေါင်းသွေးလျှံခြင်းဟာ ပတ်သက်ဆက်စပ်မှု မရှိသော်လည်း အကယ်၍ သွေးတိုးနေချိန်မှာ နှာခေါင်းသွေးလျှံတဲ့ အခါ သွေးထွက်မှုပမာဏများတတ်၍ အသက်အန္တရာယ်ကို စိုးရိမ်ရပါ တယ်။

(၂) Familial Hereditary Telangiect –asia ခေါ်မျိုးရိုးလိုက်သည့် သွေးကြောရောဂါ တစ်မျိုးကတော့ သွေးကြောနံရံများ၏ အတွင်းဘက် အကျဆုံးအလွှာက ကြံ့ခိုင်မှု အားနည်းလာ၍ အသက်ရှူလမ်းကြောင်းတစ်လျှောက် နေရာအနှံ့အပြားမှာ သွေးယိုလာတတ်ပါတယ်။ ထိုပြ ဿနာအတွက် အရေပြားအစားထိုး ကုသခြင်း သို့မဟုတ် အီစထရိုဂျင်ဟော်မုန်းပေး၍ ကုသနိုင်မှသာ သက်သာ ပျောက်ကင်းမှာပါ။

(၃) Platelets ခေါ် သွေးပန်းကန်ပြားလို့ အမည်ရတဲ့ ပြန့်ကျဲနေတဲ့ သွေးဆဲလ် အရေအတွက်နည်းခြင်း၊ လူကီးမီးယား ခေါ်သွေးဖြူဥကင်ဆာ၊ Aplastic Anaemia ခေါ် ရိုးတွင်းခြင်ဆီ အလုပ်မလုပ်သည့် သွေးအားနည်းရောဂါ ...စတဲ့ သွေး ရောဂါအမျိုးမျိုးတို့ကြောင့် ခန္ဓာကိုယ်နေရာ အနှံ့အပြားမှာ သွေး ယိုစီးကာ အနီအစက်ပြောက်များ ဖြစ်ခြင်းနဲ့အတူ နှာခေါင်းသွေးလျှံ ကျလာတတ်ပါတယ်။ (၄) ရောဂါတစ်ခုခုကြောင့် Anti-coagulants ခေါ် သွေးခဲခြင်းကို ကာကွယ်တဲ့ ပဋိဇီဝဆေးများ၊ သွေးကျဲဆေးများဖြစ်တဲ့ Warfarin သို့မဟုတ် Aspirin နှင့် အခြားအရောင်ကျ ဆေးတွေကို မှီဝဲသောက်သုံးခြင်းရဲ့ ဘေးထွက်ဆိုးကျိုးအဖြစ် နှာခေါင်းသွေးလျှံ ကျတတ်ပါတယ်။ (၅) တိုက်ဖွိုက်၊ နမိုးနီးယား၊ ဌက်ဖျား၊ သွေးလွန်တုပ်ကွေး၊ ဝက်သက်၊ နှာခေါင်းဆုံဆို့နာ၊ အအေးမိရောဂါ၊ ဗီတာမင်စီနဲ့ ဗီတာမင်ကေ အားနည်းသော ရောဂါ စတဲ့ရောဂါတို့အပြင်ကို တိန်းကဲ့သို့သော မူးယစ်ဆေး တစ်မျိုးကြောင့်လည်း နှာခေါင်းသွေးလျှံ တတ်ပါတယ်။

နှာခေါင်းသွေးလျှံခြင်းအတွက် ကာကွယ်ကုသနည်းများ

(၁) နှာခေါင်းသွေးယိုတဲ့အခါ စိုးရွံ့ထိတ်လန့်ခြင်း မဖြစ်မိပါစေနဲ့။ ဦးစွာငြိမ်ငြိမ်လေး ထိုင်ချလိုက်ပါ။ ပြီးရင်ခန္ဓာကိုယ်ကို အရှေ့ဘက်သို့ အနည်းငယ် ယိုင်ပေးပါ။ အဲဒီလိုအရှေ့ဘက်ကို ယိုင်လိုက်ခြင်းက နှာခေါင်းထဲမှ သွေးများဟာ လည် ချောင်းထဲမဝင်မိတော့ဘဲ နှာခေါင်းပေါက်ထဲက ထွက်ကျသွားစေ မှာ ဖြစ်ပါတယ်၊။ ဒီနည်းက သွေးတွေကို မျိုမချဖြစ် တော့တာမို့ ပျို့အန်ခြင်းတွေ မဖြစ်စေတော့ပါဘူး။
(၂) ထို့နောက်နှာခေါင်းထိပ်ဘက် မာကျောတဲ့ အရိုးပုံစံ နေရာကြားမှာ လက်မနဲ့လက်ညှိုးကို မပျော့လွန်း မပြင်းလွန်းဖိ၍ သွေးများကို ဖြည်းညင်းစွာ ညှစ်ထုတ်ပါ။ (၃) ပြီးရင်လက်မ၊ လက်ညှိုးတို့နဲ့ နှာခေါင်းပေါက်တွေကို ညှစ်ကာ ပိတ်ထားခြင်းအားဖြင့် နှာခေါင်းပေါက် နှစ်ပေါက်အကြား နံရံ၏ သွေးေ ကြာကို ဖိထားသကဲ့သို့ဖြစ်ပြီး သွေးတိတ်သွား စေနိုင်ပါတယ်။
(၄) သွေးတိတ်သွားတဲ့အထိ အနည်းဆုံး ၈ မိနစ်ခန့်ကြာအောင် လက်ဖြင့်ဆက်၍ ဖိပိတ်ထားဖို့လိုပါတယ်။ ဖိလိုက် လျှော့လိုက်မလုပ်ပါနဲ့။
(၅) ဤကဲ့သို့ လက်ဖြင့်ပိတ်ညှစ်ထားစဉ် ပါးစပ်နဲ့သာ အသက်ရှူပါ။
(၆) ရေအေးရှူပါ သို့မဟုတ် နှာခေါင်းကို ရေခဲအုံပေးပါ သို့မဟုတ် ရေစိုအဝတ်နဲ့ အုပ်ပါ။
(၇) သွေးတိတ်သွားပြီဆိုပါက ဦးခေါင်းကို ၃ဝ မှ ၄၅ ဒီဂရီသို့မြှင့်ထားပြီး အနားယူပါ။ အကယ်၍ နှာချေချင်တယ်ဆိုပါ ကပါးစပ်ကို ဟထားပါ။
(၈) အကယ်၍ သွေးပြန်ယိုလာခဲ့လျှင် နှာခေါင်းထဲက သွေးခဲတွေကို အမှတ်စဉ်(၂)တွင် ဖော်ပြထားတဲ့အတိုင်း လက်မ၊ လက်ညှိုးနဲ့ ညှစ်ထုတ်ပါ။
(၉) ခေါင်းနဲ့နှာခေါင်းကို နှလုံးသားနေရာ ထက်မြင့်နေတဲ့ အနေအထားမျိုးနဲ့ အနားယူပါ။
(၁ဝ) ၂၄ နာရီအတွင်း ပူလွန်းတဲ့အရည်တွေ မသောက်ရ။ အေးသော၊ ပျော့သော အစာများကိုသာ စားပေးပါ။
(၁၁) အလေးအပင်မခြင်း မပြုရ (အပင်ပန်းခံလွန်းခြင်းမှ ရှောင်ကြဉ်ပါ)
(၁၂) ဆေးလိပ်မသောက်ပါနဲ့။
(၁၃) ဝမ်းမချုပ်ပါစေနဲ့။
(၁၄) ယာယီအားဖြင့် Afrin သို့မဟုတ် Neo-Synephrine တို့လို စပရေး(ဖျန်းဆေး)တွေကို သုံးနိုင်ပါတယ်။ (သို့သော် သွေးတိုး၍ နှာခေါင်းသွေးလျှံခြင်းကိုတော့ စပရေး မသုံးသင့်ပေ)
(၁၅) အကယ်၍ သွေးမရပ်သေးပါက ဆရာဝန်နဲ့ ကုသမှုခံယူပါ။
(၁၆) သွေးထွက်နေတဲ့ သွေးကြောကို Silver Nitrate သို့မဟုတ် လျှပ်စစ်ဓာတ်ကို အသုံးပြုကာ အပူပေး၍ပိတ်ခြင်း၊ သွေးတိတ်စေသော ဆေးရည်ဆွတ်ထားတဲ့ အဝတ်စကို နှာခေါင်းပေါက်တွင်း ဖိသိပ်၍ ထည့်ပေးခြင်း၊ နှာခေါင်းအ တွင်းဘောလုံး ငယ်ထည့်၍ ဖိအားပေးထားခြင်း စသည့်ဆေးသိပ္ပံ နည်းများဖြင့် ကုသပေးလေ့ရှိပါတယ်။
(၁၇) နှာခေါင်းသွေးယိုလေ့ ရှိသူများအဖို့ ငှက်ပျောပင်ကို ဓားနဲ့ပိုင်းခုတ်၍ ပင်စည်မှ ထွက်လာသော သတ္တုရည်ကို ရှူပေးပါ၊ မင်းကွတ်သီးစားပါ။ မြင်းခွာရွက်များများစားပါ။ ကြက်သွန်မြိတ်ကို ကြိတ်ခြေပြီး ရရှိလာသော သတ္တုရည်ကို ချည်သားအဝတ်ဖြင့် တို့ယူပြီးနောက် နှာခေါင်းဝတွင်အုပ်ပေးပါ။ ပင်စိမ်းရွက်ခြောက်မှုန့်ကို ရှူပေးပါ။ ။


ပေါက်ပေါက်
 MWD Health