ကြေးဘုရားကြီး၏ ပွဲတော်သည်ပင်လျှင် ယခုအခါ (၁ဝ၉)ကြိမ် ရှိခဲ့ပြီဖြစ်၍ ဘဲဥထုပွဲမှာလည်း နှစ်ပေါင်း ၁ဝဝ ကျော်ခဲ့ပြီ ဖြစ်သည်။
စစ်ကိုင်းမြို့ ဧမြဝတီရပ်ကွက် တွင်တည်ရှိသည့် ဇိန မာရ်အောင် လောကချမ်းသာကြေး ဘုရားကြီး ၏ ဗုဒ္ဓပူဇနိယပွဲတော်နှင့် ရိုးရာ ဘဲဥထုပွဲတော်ကို ယခုလ ၁၄ရက် မှစတင်၍ စည်ကား သိုက်မြိုက်စွာ ကျင်းပလျက်ရှိသည်။
ယခုနှစ် ဘုရားပွဲတော်တွင် ပိုက်ကျော်ခြင်းပြိုင်ပွဲ၊ အလှခြင်း ခတ်ပွဲ၊ ဘောလုံးဂိုးကျဉ်းပြိုင်ပွဲ များကိုလည်း ထည့်သွင်းကျင်းပပြီး ကြည့်ချင်ပွဲအဖြစ် ပိတ်ကားထောင် ရုပ်ရှင်ဖြင့် ဖျော်ဖြေကြောင်း သိရ သည်။
နှစ်စဉ်တပို့တွဲလပြည့်တွင် ကျင်းပလေ့ရှိသည့် ဇိနမာရ်အောင် လောကချမ်းသာကြေးဘုရားကြီး ၏ ဘုရားပွဲတော်တွင် မြန်မာနိုင်ငံ တွင် တစ်ခုတည်းသာရှိသောဘဲဥ ထုပွဲကိုပါ ထူးထူးခြားခြား ထည့် သွင်း ကျင်းပလေ့ရှိသည်။ လပြည့် နေ့ညမှစတင်ကာ သုံးညတိုင် ကျင်းပလေ့ ရှိကြသည်။ ဘဲဥထုပွဲ ကျင်းပသည့် ကြေးဘုရားကြီးမှာ ဧရာဝတီမြစ်ကမ်းဘေး ဧမြဝတီ ရပ်(ရှေး-အစေခံရပ်)တွင် တည်ရှိ သည်။ ဧရာဝတီမြစ်ကမ်းဘေးရှိ ပဲ့နင်းကြီးဘုရားဝင်းအတွင်းမှာပင် ရှေးယခင်မှ ယခုထက်တိုင်နှစ်စဉ် ကျင်းပခဲ့ကြခြင်းဖြစ်သည်။
ဘဲဥထုပွဲတော်ကို နှစ်စဉ် တပို့တွဲလပြည့်ညပိုင်းတွင် ကြေး ဘုရားကြီး၏အရှေ့ဘက်ရှိ ပဲ့နင်း ဘုရားဝင်းအတွင်း ကျင်းပကြ သည်။ ဘဲဥထုပွဲကျင်းပပုံက တစ် မျိုး စိတ်ဝင်စားဖွယ်ဖြစ်သည်။ ဘဲဥပြုတ်ရောင်းပေးသည့်သူက အောက်ခံတောင်း(ခွဲတောင်း သို့ မဟုတ် ထန်းလျှော်တောင်း)ထဲ တွင်ပြုတ်ပြီး ဘဲဥများထည့်ထား ကာ အပေါ်တွင် ဆန်ကောခင်းပေး ထားသည်။ ဘဲဥထုကြမည့်သူ နှစ်ဦးရှိလာပါက တောင်းအတွင်းမှ ဘဲဥပြုတ်နှစ်လုံးကို ထုတ်ပေးသည်။ မြင်သာထင်သာရှိအောင် ရေနံဆီ မီးခွက်(သို့မဟုတ်)ဖယောင်းတိုင် တို့ကိုထွန်းပေးထားရသည်။ တစ် ယောက်တစ်လုံးစီ ကြိုက်ရာရွေး ယူကာ တစ်ယောက်က အောက်မှ လက်နှင့်ဆုပ်ကိုင်ကာ ဘဲဥကို တည်ပေးထားရသည်။ ကျန်သူက ဘဲဥကိုကိုင်ကာ အပေါ်မှ ထုရိုက် ရသည်။ ဘဲဥထိပ်ချင်းဆိုင်ကာ ထုရိုက်ခြင်းဖြစ်၍ တစ်ခါ တစ်ရံ အောက်မှ အခံဘဲဥ ပိန်သွားတတ် သည်။ တစ်ခါတစ်ရံ အထက်မှ ထုရိုက်သည့်အထုဘဲဥ ပိန်သွား လေ့ရှိသည်။ ပိန်သွားသည့် ဘဲဥ ဘက်က အရှုံးဖြစ်သည်။ မည်သူ ရှုံးမည် နိုင်မည်ကို ပုံသေတွက်၍ မရချေ။ ဘဲဥထုရိုက်ကစားသူ နှစ်ဦးသည် အတည်ဘက်နှင့်အထု ဘက်ကို တစ်လှည့်စီနေကြရသည်။ ပိန်သွားသည့်ဘဲဥကို နိုင်သူက ယူ လိုက်သည်။ အနိုင်ဘက်က ဘဲဥ ကို ဒိုင်(ဘဲဥသည်)က ပြန်သိမ်း ကာ အောက်မှတောင်းထဲသို့ ပြန် သိမ်းသည်။ ရှုံးသူ၏ဘက်မှ နို့ဆီ ဘူးထဲသို့ အရှုံးဘဲဥအရေအတွက် ကို သိရှိနိုင်ရန် ပဲစေ့ (သို့မဟုတ်) မန်ကျည်းစေ့ တစ်စေ့ထည့်လိုက် သည်။ ဤသို့ဖြင့် ဘဲဥထုကစားသူ နှစ်ဦးတို့သည် အထုဘက်နှင့်အခံ ဘက်ကို တစ်လှည့်စီနေကာ မိမိ တို့ သဘောကျကစားနိုင်သည်။ တစ်လှည့်တစ်ပြန်စီ ဘဲဥထုကစား ကြရာတွင် အပိုလောင်းကြေးအနေ ဖြင့်ထုပြီး ဘဲဥအပိန်ငါးလုံးကြေး၊ ခုနစ်လုံးကြေး စသည်ဖြင့် ထပ်မံ လောင်းကြေးထပ်ကြသေးသည်။ ပြိုင်ပွဲအချိန်ကို ကန့်သတ်ချက် မထားဘဲ မိမိတို့သဘောဆန္ဒအ တိုင်း ကြိုက်သည့်အချိန် ရပ်နား နိုင်သည်။ ပွဲရပ်နားပြီဆိုလျှင် ဒိုင် က သူ့ဘက်ကိုယ့်ဘက်ရှိ နို့ဆီဘူး ထဲမှ ပဲစေ့ (သို့မဟုတ်) မန်ကျည်း စေ့ကို ရေတွက်သည်။ ပဲစေ့အရေ အတွက်အတိုင်း ဘဲဥဖိုးကျသင့် ငွေကို ရှင်းပေးရသည်။ နှစ်ဖက်မှ အနိုင်အရှုံးရှိသော်လည်း ဒိုင်လုပ် သူကတော့ နှစ်ဖက်လုံးကို ဘဲဥ ရောင်းလိုက်ရသည်။ နိုင်သူဘက် က ဘဲဥပြုတ်တွေ တစ်ထုပ်တစ်ပိုး ကြီးမြတ်လိုက်သော်လည်း သူ လည်း သူ့ဘက်က ဘဲဥပိန်သမျှ ရှုံးသမျှကို ငွေပေးချေရသည်။
ဘဲဥထုပွဲကျင်းပလာခဲ့သည် မှာ နှစ်ပေါင်းရာချီရှိခဲ့ပြီဖြစ်သည်။ မြန်မာဘုရင်မင်းတုန်းမင်းလက် ထက်က စစ်ကိုင်းအစေခံ ခံတပ် ကြီးတွင် ဘုရင့်လှေတော်သား၊ လှေတပ်သားများ စခန်းချခဲ့ကြ သည်။ ဧရာဝတီမြစ်ကြောင်းရန်ကို ကင်းစောင့်ကာကွယ်ကြရင်း လှေ တပ်သားတို့သည် ပဲ့နင်းကြီး၏ ဘုရားဝင်းအတွင်း တစ်ဦးနှင့် တစ်ဦး ဘဲဥထုတမ်းကစားလေ့ ရှိခဲ့ကြသည်။ မြစ်တစ်ဖက်ကမ်း အင်းဝဘက်တွင် ဆင်ကျုံးခံတပ် ရှိသည်။ အင်းဝဆင်ကျုံးခံတပ်မှ လှေတော်တပ်တော်သားများသည် လည်း စစ်ကိုင်းဘက်သို့ ကူးသန်း လာရောက်လည်ပတ်ကာ ဘုရားပွဲ တော် နွှဲပျော်ကြသည်။ ဘဲဥထုပွဲ ကို ဝင်ရောက်ဆင်နွှဲပျော်ပါးလေ့ ရှိသဖြင့်အလွန်စည်ကားခဲ့သည်။
ထိုဓလေ့သည် အစေခံခံတပ် အနီးဝန်းကျင်တွင် ယနေ့ထက်တိုင် အလေ့အထဖြစ်လာကာ ကြေး ဘုရားကြီးပွဲတော်ရောက်လျှင် ဖိတ်ခေါ်စရာမလိုဘဲ မြို့ပေါ်ရပ် ကွက်နှင့်အနီးဝန်းကျင်ကျေးရွာ များမှ တပျော်တပါး လာရောက် ဆင်နွှဲလေ့ရှိကြခြင်းဖြစ်သည်။
ကြေးဘုရားကြီး၏ပွဲတော်သည် ပင်လျှင် ယခုအခါ (၁ဝ၉)ကြိမ် ရှိခဲ့ပြီဖြစ်၍ ဘဲဥထုပွဲမှာလည်း နှစ်ပေါင်း ၁ဝဝ ကျော်ခဲ့ပြီ ဖြစ် သည်။ ထူးခြားသည့် ဘဲဥထုပွဲရိုး ရာဓလေ့လေးမှာ ပျောက်ပျက်မ သွားဘဲ နှစ်စဉ်တပို့တွဲလပြည့်ည ရောက်တိုင်း စည်ကား ရှင်သန် နေဆဲဖြစ်ကြောင်း သိရသည်။
ယခုနှစ်တွင် ဘဲဥရောင်းချသူ ၃ဝ ကျော်ခန့်ရှိသည်။ တစ်ညလျှင် ဘဲဥအလုံးရေ တစ်ဦးလျှင် ၄ဝဝ ဝန်းကျင်ရောင်းချကြရသည်ဟုဆို ပါသည်။ ဘဲဥဈေးက တစ်လုံး လျှင် ကျပ် ၁၅ဝ ဖြင့် ရောင်းချကြ သည်။ ဘဲဥထုပွဲကို လာရောက် ဆင်နွှဲသူတွေကလည်း ပဲ့နင်းကြီး ဘုရားပရိဝုဏ်အတွင်းတွင် တိုး တိုးဝှေ့ဝှေ့စည်စည်ကားကား ဖြစ် သည်။ ပျော်စရာကောင်းသလို စိတ်ဝင်စားစရာလည်း ကောင်းလှ ကြောင်း၊ ကြေးဘုရားကြီး၏ဆွမ်း တော်ပွဲတွင် ဘဲဥပြုတ်လေးများကို ပစ်တိုင်းထောင်အရုပ်ကလေးများ လုပ်ကာ ကပ်လှူထားသည်မှာ လည်း သဘောကျစရာ၊ ချစ်စရာ ကောင်းလှကြောင်း ပွဲတော်လာ ရောက် ဆင်နွှဲသူတစ်ဦးက ပြော ပြသည်။
ဘဲဥထုပွဲကျင်းပသည့်ဘုရား မှာ စာဆိုတော်ကြီးညောင်ပင်သာ ဦးပုည၏ ဖခင်လှေတော်ပဲ့နင်းကြီး ဦးရွှေလှော် တည်ထားခဲ့သည့်စေတီ ဖြစ်သည်။ ဘုရားပွဲတော်ကျင်းပ သည့် ဇိနမာရ်အောင်လောက ချမ်းသာကြေးဘုရားကြီးကို မင်း ကျောင်းဆရာတော် အရှင်သီရိက ဦးဆောင်ကြီးမှူးကာ သက္ကရာဇ် ၁၂၆၆ ခုနှစ် ဒုတိယဝါဆိုလပြည့် ကျော် ၉ ရက်တွင် စတင်ပုံတော် သွန်းလုပ်ခဲ့ပြီး ၁၂၆၇ခုနှစ် ကဆုန် လပြည့်နေ့တွင် အနေကဇာတင် လှူတော်မူခဲ့သည်။ ကြည်ညို သပ္ပာယ်ဖွယ်ရာ ကောင်းလှပြီး သုံးဖက်မြင် သုံးပန်လှဘုရားကြီး ဟု ထင်ရှားကြောင်း သိရသည်။
နန္ဒာမင်းလွင် @ Myawady News
No comments:
Post a Comment